भलवाडबासी सास्ती खेप्न बाध्य

भगवती न्यौपाने कपिलवस्तु भाद्र ३

वर्षायामा आउने बाढीले गर्दा भलवाडबासी सास्ती खेप्न बाध्य भएका छन । कपिलवस्तुको वाणगंगा नगरपालिकाको वडा नम्बर ७ र ९ को सिमा क्षेत्रको कजवे पुलको दुरावस्थाले अहिले सामान्य वर्षामा पनि दुवै वडाका नागरिकले जोखिमको यात्रा गर्न बाध्य भएका छन् । आइतबार आएको अविरल वर्षाले ल्याएको बाढीले गर्दा मंगलबार बिहान त्यहाका स्थानिय मात्र होईन विद्यालय हिडेका विद्यार्थी र पढाउन हिडेका शिक्षक समेत समस्यामा परेका छन् ।
अर्घाखाँचीसंग जोडिएको भलवाड वाणगंगा नगरपालिकाको महत्वपूर्ण वडा हो । तर, भलवाड जाने मुख्य बाटोमै पूल नहुँदा बर्खायाममा भलवाडवासी समस्यामा परेका त्यहाँका स्थानियहरुले बताएका छन् ।
उता बाढीले गर्दा पढाईमा पनि समस्या भएको विद्यार्थीहरुको पनि गुनासो रहेको छ । नदीमा आएको बाढी हेरेर वारी र पारी बसिरहेका सयौँ नगरिकहरु पानीको बाहव घटेपछि यात्रारत गन्तव्यमा पुग्ने आशमा बसिरहेका हुन्छन् । नदीको सतह पूल सँगै जोडिन पुगेको हुर्दा हाल सामान्य वर्षाको समयमा पनि पानीको बहाब सडक भन्दा माथि पुग्ने गरेको छ ।
सो सडक वाणगंगा नगरपालिका वडा नम्बर ७ महेन्द्र राजमार्ग बनगाई देखि वडा नम्बर ९ भलवाड जिनुवा हुँदै अर्घाखाँची जिल्लाको सितगंगा नगरपालिका डोहोटे जोड्ने जिल्लाको सबैभन्दा पुरानो सडक हो । भलवाडदेखि सदरमुकाम तौलिहवा, बुटवल, अर्घाखाँचीका लागि साना तथा ठूला सवारी साधन आवतजावत गर्ने गर्दछन् ।