जनप्रतिनीधिकै ट्याक्टर नदिजन्य पदार्थ चोरीमा

बुलिङटार , भदौ ९ ।
कालिगण्डकी नदिबाट अबैध रुपमा नदिजन्य पदार्थ चोरी निकास गर्ने चार वटा ट्याक्टर प्रहरीले नियन्त्रणमा लिएको छ । बुलिङटार गाउँपालिका स्थित नदिबाट अबैध रुपमा बालुवा निकाल्दै गरेका ४ वटा ट्याक्टर प्रहरीले नियन्त्रणमा लिएको हो ।
बालुवा चोरी निकासी गर्दै गर्दा गाउँपालिकाको सदस्य देखी नेपाली कांगे्रस बुलिङटार गाउँपालिका सभापतीको ट्याक्टर समेत प्रहरीले नियन्त्रणमा लिएको छ । बुलिटङटार गाउँपालिका वडा नम्बर तीनका वडा सदस्य विष्णुविर जर्गामगर र नेपाली कांगे्रसका बुलिङटार गाउँपालिका सभापती चन्द्र बहादुर लम्कान मगरको ट्याक्टर समेत नदिजन्य पदार्थ चोरी निकासीको क्रममा प्रहरीले नियन्त्रणमा लिएको छ । प्रहरीले लु ३ त ६२ ३५ , लु ३ त ९२०१, लु ३ त ६०२४ र लु ४ त २३१३ नम्बरका ट्याक्टरलाई अवैध रुपमा खोलाबाट नदिजन्य पदार्थ चोरी निकासी गर्दै गर्दा नियन्त्रणमा लिएको बुलिङटार प्रहरी चौकीका प्रहरी सहायक निरीक्षक सुबोध सापकोटाले बताउनुभयो । नियन्त्रणमा लिईएको लु ४ त २३१३ नम्बरको ट्याक्टर वडा सदस्य विष्णुविर जर्गामगर को र लु ३ त ९२ ०१ र लु ३ त ६२ ३५ नेपाली कांगे्रसका गाउँपालिका सभापती चन्द्र बहादुर लम्कान मगरको ट्याक्र रहेको प्रहरीले जनाएको छ ।
बुलिङटार प्रहरीले थप कार्वाहीका लागि गाउँपालिकामा बिवरण पठाईसकेको सहायक निरीक्षक सापकोटाले बताउनुभयो । ट्याक्टर भने बुलिङटार प्रहरीको नियन्त्रणमा रहेको छ । गाउँपालिकाले नदिजन्य पदार्थ चोरी निकासीमा प्रयोग हुने ट्याक्टरलाई पन्ध्र हजार र संलग्न चालकलाई दश हजार गरि २५ हजार जरिवाना गर्ने नियम यस अघिनै बनाएको जनाएको छ । पहाडी क्षेत्रमा पर्ने यस क्षेत्रमा प्रहरीको उपस्थिति कम हुदा र जनप्रतिनीधिले बेवास्था गर्दा कालिगण्डकी नदिबाट अवैध दोहन बढेको स्थानीयले बताएका छन् ।
स्रोत:रेडियो कावासोती