सिन्धुलीमा तीन वर्षमा ५ जना बेचीए

सम्झना श्रेष्ठ, भाद्र २० सिन्धुली ।

सिन्धुलीमा तीन वर्षको अवधीमा ५ जना बेचविखनमा परेका छन् । आ.व ०७३/७४ मा २ जना, आ.व ७४/७५ मा १ र आ.व ७५/७६ मा २ जना गरि ५ जना बेचविखनमा परेको भनी मुद्धा दर्ता भएको जील्ला प्रहरी कार्यालय सिन्धुलीको तथ्याङकले देखाएको छ । प्रहरी कार्यालय सिन्धुलीले मानव बेचविखन तथा ओसारपसार विरुद्धको १३ औं राष्ट्रिय दिवसको अवसरमा सिन्धुलीमा अन्तक्र्रिया कार्यक्रम गरि सो जानकारी गराएको हो । कार्यक्रममा सिन्धुलीका प्रमुख जिल्ला अधिकारी जनार्दन गौतमले मानव बेचविखनको समस्या पुरानो समस्या भएको बताउनुभएको छ । उहाँले राष्टिय राजमार्गसँग जोडीएकाले सिन्धुली पनी मानव बेचविखनको सम्भावना बोकेको जिल्ला रहेको उल्लेख गर्नुभयो । प्रजीअ गौतमले विशेषगरि बेचविखनका कार्य आफन्त वा चीनजानका व्यक्ति बाटै हुने गरेको बताउँदै व्यक्ती आफैँ सजक र सचेत हुनुपर्नेमा जोड दिनुभयो । प्रजिअ गौतमले वेरोजगारी, लोभलालच, अशिक्षा तथा गरिवीले पनि यस्ता समस्या आइपर्ने गरेको बताउँदै राज्यले रोजगार तथा सचेतनाका कार्यक्रम ल्याउनुपर्ने बताउनुभयो । यस्तै जील्ला प्रहरी कार्यालय सिन्धुलीका प्रहरी प्रमुख चक्र बहादुर सिंहले मानव बेचविखन जस्तो जघन्य आपराधिक क्रियाकलाप रोक्न सबैको साथ सहयोग आवश्यक पर्ने बताउनुभयो । प्रहरी प्रमुख सिंहले समाजमा हुने हिंसात्मक कार्य रोक्न व्यक्ति स्वयम्, परिवार, समाज र सिंगो राष्ट नै लाग्नुपर्नेमा जोड दिनुभयो । उहाँले कोही व्यक्ती बेचवखिनमा पर्दै गरेको वा पर्न लागेको कुरा जो कोहीले पनी प्रहरी प्रशासनमा जानकारी गराउन सबैमा आग्रह समेत गर्नुभयो । यसैगरि कार्यक्रममा सहभागीहरुले मानव बेचविखनको कारण खोजी गरि समस्या न्युनिकरण गर्न आवश्यक रहेको बताएका छन् । उनीहरुले आ–आफ्नो क्षेत्रबाट सबैले सहयोग गरेमा मानव बेचविखन लगाएतका घटनामा न्युनीकरण गर्न सकीने बताएका छन् । सविंधानमा उल्लेख भएका कानुन अक्षरस पालना हुने र विना अवरोध कानुन कार्यान्वयन गर्न सके मात्र दोषीले सजाए पाउने हो भने समाजमा हुने गरेका यस्ता अवैधानिक कार्य न्युनीकरण गर्न सकिने बताएका छन् ।