उमाकुण्डमा भैरहेको मतदानमा ७ सय मत खस्यो, मतदान जारी,,

१४, मंसिर,

रामेछापको उमाकुण्ड गाउँपालिका वडा नं –५ प्रितिमा वडा अध्यक्ष पदको लागि भैरहेको मतदान मध्ययन्नको १२ बजेसम्म आइपुग्दा सात सय मत खसेको छ । बिहान सात बजेबाट सुरु भएको मतदानमा मध्ययन्न १२ बजे सम्म ४२ प्रतिशत मत खसेको त्याहाँस्थित हाम्रा पत्रकारले जानकारी दिनुभयो । स्वतन्त्रपूर्वक मतदान भैरहेको उहाँले जानकारी दिनुभयो ।

निर्वाचनको लागि नेपाली प्रहरी, शसस्त्र प्रहरी बल र नेपाली सेना परिचालन गरिएको छ । उहाँले दिएको जानकारी अनुसार सुरक्षा व्यवस्था कडा बनाइएकोले निधक्क भएर मतदान गर्ने वातावरण रहेको र मतदान भैरहको छ । निर्वाचनको लागि रामेछापका प्रमुख जिल्ला अधिकारी लिला कुमार पाण्डे केसी, जिल्लाका प्रहरी प्रमुख भट्टराई, निर्वाचन आयोग रामेछापका प्रतिनिधिहरुले निर्वाचनको अनुगमन गरिरेका छन् ।


१२ बजे हामीलाई दिएको जानकारी अनुसार ७ सय भन्दा माथी मत खसेको, त्याहाँ निष्पक्ष, स्वतन्त्रता तरिकाले मतदान भैरहको छ । महिला बृद्धबृद्धाहरुलाई विषेश मतदान गर्ने ब्यवस्था गरिएको छ । मतदाता र अनुगमन कर्ता बिच पनि कुनै छलफल गर्न, निर्वाचन क्षेत्र वरिपरी हुल बाँधेर बस्न दिएको छैन् ।


१७ सय ४९ मतदाता रहेको प्रितिमा करिब १३ सय मत खस्ने अनुमान गरिएको छ ।
यस अघि भएको स्थानीय तहको निर्वाचनमा तत्कालिन नेकपाका कुवेर खत्री वडा अध्यक्षमा निर्वा्चित हुनुभएको थियो । तर डेढ बर्ष अघि खत्रीको निधन भएपछि रिक्त वडा अध्यक्षको लागि आज निर्वाचन भएको हो । हाम्रा पत्रकारले दिएको जानकारी अनुसार आज साँझ ५ बजे मतदान सकिए लगत्तै मतगणना प्रक्रिया अगाडि बढाइने छ ।


निर्वाचनमा नेकपाका उम्मेदवार कुलबहादुर बस्नेत र कांग्रेसका उम्मेदवार सावित्री सुनुवार उठ्नुभएको छ । उपनिर्वाचन ३७ जिल्लाका ५२ पदका लागि मतदान आज भैहरको छ