देशका विभिन्न ठाउँमा भएको उपचुनापमा काहाँ को को विजयी भए,,रामेछापको प्रितीमा नेकपाका उम्मेदवार : पछिल्लो अप्डेट सम्पुर्ण जिल्लाको

१५, मंसिर

रामेछापको उमाकुण्ड गाउँपालिका–५ प्रितिमा भएको वडा अध्यक्षको उपनिर्वाचनमा नेकपाका उम्मेदवार कुल बहादुर बस्नेत दोब्बर मतले विजयी हुनुभएको छ । उहाँले कांग्रेसका उम्मेदवार सावित्री सुनुवारलाई पराजित गर्दै निर्वाचित हुनुभएको हो । ११ सय ७३ मत मध्ये बस्नेतले ७ सय ६९ मतले विजयी हुनुभएको हो । उहाँको निकटतम प्रतिद्धन्द्धी साबित्री सुनुवारले ३ सय ८० मत प्राप्त गर्नुभएको छ । तत्कालिन वडा अध्यक्ष कुविर खत्रीको ढेड बर्ष अघि निधन भएपछि वस्नेतले १८ महिना कार्यवहाक अध्यक्षको रुपमा जिम्मेवारी सम्हाल्नुभएको थियो ।
यसैबिच नवनिर्वाचित वडा अध्यक्ष कुल बहादुर बस्नेतले निर्वाचनमा गरेको प्रतिबद्धता अनुसार काम गर्ने प्रतिबद्धता व्यक्त गर्नुभएको छ । विजयी भएपछि जनता भ्वास्संग कुरा गर्दै वस्नेतले जनताको आवश्यकतालाई पहिचान गरेर प्राथमिकताको आधारमा काम गर्ने बताउनुभयो । निर्वाचनमा अमुल्य मत दिएर निर्वाचित गराउने मतदालाई विशेष धन्यवाद दिदै निर्वाचनमा विजयी गराउनको लागि खेलेको भूमिकाको उच्च सम्मान गर्ने बताउदै जनताको जनचाहना अनुसार नै काम गर्ने बताउनुभयो ।


उता अर्घाखाँचीको मालारानी गाउँपालिका ३ मा नेपाली कांग्रेसका उम्मेदवार शोभाखर खनाल ११ सय ५९ मत प्राप्त गरेर विजयी हुनु भएको छ । निकटतम प्रतिद्वन्द्वी नेकपाका यमलाल खनालले भन्दा १सय ६ भोट बढी ल्याएर शोभाखर खनाल विजयी हनु भएको हो । नेकपाका यमलालले १ हजार ५३ मत प्राप्त गर्नुभयो । कुल २२ सय २५ मत खसेकोमा ९ मत बदर भए । राप्रपाका रणबहादुर खनालले ४ भोट प्राप्त गर्नु भएको छ ।


उता बाँकेको कोहलपुर नगरपालिका वडा नम्बर ६ को अध्यक्षमा नेकपाका उम्मेदवार रामशरण थारु विजयी हुनुभएको छ । कुल दुई हजार २६ मतदाता ध्ये एक हजार ६३४ मत खसेकोमा थारु ८०० मत प्राप्त गरी विजयी हुनुभएको हो । नेपाली कांग्रेसका श्रीकृष्ण थारुले ७ सय ३६ मत पाउनुभयो । राप्रपाका श्रीधर सुवेदीले ६१,नेमकिपाका दिपा लक्ष्मी हमालले १३ र समाजवादीका शुभाखर पोख्रेलले १० मत पाउनुभयो । नेपाली कांग्रेसबाट निर्वाचित वडाध्यक्ष रामसोहन थारुको निधन भएपछि शनिबार कोहलपुर ६ मा उपचुनाव भएको हो । खसेको मतमध्ये १४ मत बदर भएको थियो ।


यता नवलपरासी पूर्व नवलपुरको बौँदीकाली गाउँपालिका वडा नम्बर ५ मा वडा अध्यक्ष पदका लागि भएको उपचुनावमा नेकपाका उम्मेदवार खिमबहादुर थापा खरु मगर विजयी हुनुभएको हो । उहाँले ३ सय ६७ मत प्राप्त गर्नुभएको छ । उहाँका निकटतम प्रतिद्वन्द्वी नेपाली कांग्रेसका उम्मेदवार तुलबहादुर रानाले २ सय ११ मत प्राप्त गर्नुभएको मुख्य निर्वाचन अधिकृत अर्जुन अधिकारीले बताउनुभयो ।


उता पाँचथरमा फिदिम नगरपालिका–१, मा सतारुढ दल नेपाल कम्युनिष्ट पार्टी नेकपा का उम्मेदवार गजाधर भट्टराई भारी मत अन्तरले विजयी हुनुभएको छ । कुल ३ हजार ६ सय ७६ मतदातामध्ये २ हजार ६ सय ८२ मत खसेकोमा भट्टराईले १ हजार ४ सय ४६ मत प्राप्त गरी विजयी हुनुभएको हो । नेपाली कांग्रेसका उम्मेदवार सुबराज थापाले ९ सय ७२ मत पाउनुभयो । भट्टराई ४ सय ७४ मत अन्तरले विजयी हुनुभएको हो । यो वडामा नेपाली कांग्रेसबाट निर्वाचित हर्कबहादुर मोत्तानको निधनपछि उपचुनाव भएको हो ।

उता प्युठान नगरपालिका वडा नं। २ को वडाध्यक्षमा नेकपाका उम्मेदवार विजयी भएका छन् । नेकपाका उम्मेदवार मुक्ति पोख्रेल ११२७ मत ल्याएर वडाध्यक्षमा विजयी हुनुभएको निर्वाचन आयोगले जनाएको छ । उहाँका प्रतिष्पर्धी कांग्रेसका मोहनसिंह विष्टले ८४३ मत ल्याउनुभयो ।

यता सर्लाहीको हरिपूर्वा नगरपालिका(१ मा वडाध्यक्षको लागि भएको उपचुनावमा समाजवादी पार्टीका उम्मेदवार श्यामबाबु राय ३ सय ४७ मत ल्याएर विजयी हुनुभएको छ । त्यस्तै उहाँको निकटतम प्रतिद्वन्द्वी राजपा नेपालका राम विश्वास रायले ३२८ मत ल्याउनुभएको छ भने नेकपाका उम्मेदवार दोस महम्मद अन्सारी पनि ३२८ मत ल्याएर पराजित हुनुभएको छ ।

उता बैतडीको दोगडाकेदार गाउँपालिका ४ को वडाध्यक्षमा कांग्रेसका उम्मेदवार विजयी भएका छन् । कांग्रेसका सुरेन्द्रप्रसाद भट्टले ५८४ मत ल्याएर विजयी हुनुभएको निर्वाचन आयोगले जनाएको छ । उहाँका प्रतिष्पर्धी नेकपाका नरेन्द्रप्रसाद भट्टले ४८४ मत ल्याउनुभयो ।

यता सिरहाको कल्याणपुर नगरपालिका–१२ को वडाध्यक्षमा नेकपाका उम्मेदवार दिलिपकुमार यादव विजयी हुनुभएको छ । जम्मा ३ हजार ४ सय ५० मतदाता रहेको यो ठाउँमा २ हजार ४ सय ८१ मत खसेको थियो । नेकपाका दिलिपकुमार यादवले ८ सय २५ मत प्राप्त गरी विजयी हुनुभएको हो । राजपा नेपालका उम्मेदवार प्रदिप महतोले ६ सय ५४ मत र नेपाली कांग्रेसका राजकुमार मुखियाले ६ सय १५ मत प्राप्त गर्नुभएको थियो ।

यता भोजपुरको पौवादुङ्मा गाउँपालिका वडा नम्बर १ को अध्यक्षमा नेपाल कम्युनिष्ट पार्टी९नेकपा० का उम्मेदवार जितेन्द्र राई विजयी हुनु भएको छ । हिजो भएको उपचुनावमा राई ६ सय ९१ मत ल्याएर विजयी हुनु भएको हो । उहाँका निकटतम प्रतिद्वन्द्वी नेपाली कांग्रेसका उम्मेदवार समरबहादुर कार्की २ सय ५४ मत प्राप्त गर्नुभयो । मंगोल नेसनल अर्गजनाईजेसनको तर्फबाट कला राईले ३ मत प्राप्त गर्नुभयो ।

यता धुलिखेल नगरपालिका वडा नम्बर २ को अध्यक्षमा नेपाल कम्युनिष्ट पार्टीनेकपा का उम्मेदवार देवप्रसाद कोइराला विजयी हुनु भएको छ । नेकपा उम्मेदवार कोइराला ८६७ मतसहित विजयी हुनु भएको हो । उहाँका निकटतम प्रतिद्वन्द्वी नेपाली कांग्रेसका उम्मेदवार दर्णबहादुर खत्रीले ५८२ मत प्राप्त गर्नुभयो ।
उता दाङ ( घोराही उपमहानगरपालिका १६ मा नेपाली कांग्रेस विजयी भएको छ । नेपाली कांग्रेसका उम्मेदवार ताराबहादुर डाँगीले नेपाल कम्युनिष्ट पार्टी नेकपाका उम्मेदवार सुरेशबहादुर केसीलाई पराजित गर्दै वडा अध्यक्षमा विजयी हुनुभएको हो । कांग्रेसका उम्मेदवार डाँगीले १२१८ र केसीले १११७ मत ल्याउनुभयो । यहाँ ४ हजार ४ सय ५३ मतदातामध्ये ३ हजार दुई सय २६ जनाले मतदान गरेका थिए । ६८ मत बदर भएको थियो । गएको चुनावमा यो वडामा नेकपा एमालेबाट लछिनप्रसाद बुढा विजयी हुनुभएको थियो । बुढाको निधन भएपछि उपचुनाव भएको हो ।


यसैबिच निर्वाचन आयोगले हिजो सम्पन्न उपनिर्वाचनमा ६५.४३ प्रतिशत मत खसेको प्रारम्भिक विवरण सार्वजनिक गरेको छ । उपनिर्वाचनमा चार लाख ५४ हजार ११४ जना मतदाता रहेकामा दुई लाख ९७ हजार १३७ जनाले मतदान गरेको आयोगले जनाएको छ । हिजो साँझ आयोगको केन्द्रीय कार्यालय काठमाडौंमा आयोजित पत्रकार सम्मेलनमा प्रमुख निर्वाचन आयुक्त दिनेशकुमार थपलियाले निर्वाचन शान्तिपूर्णरुपमा सम्पन्न भएको जानकारी दिनुभयो

उपनिर्वाचनमा सबैभन्दा धेरै हुम्ला र रौतहटमा र सबैभन्दा कम रोल्पाको थवाङ गाउँपालिमा मतदान भएको जनाइएको छ । उपनिर्वाचनमा विभिन्न चारओटा राष्ट्रिय पर्यवेक्षण संस्था, कूटनीतिक नियोगका प्रमुख तथा प्रतिनिधिलगायत ४ सय १९ जनाबाट पर्यवेक्षण र अवलोकन भएको थियो । मतगणना सुरु भएको १२ घन्टाभित्र झन्डै ५० प्रतिशत स्थानको मतगणना सम्पन्न गरिसक्ने अयोगको तयारी गरेको पत्रकार सम्मेलनमा जनाएको छ ।

साभार ःविभिन्न अन्लाईन