रिलायबल लाइफ इन्स्योरेन्सद्धारा मृत्युदाबी भुक्तानी

मंसिर १६,

रामेछापको मन्थलीस्थित रिलायबल नेपाल लाइफ इन्स्योरेन्स लिमिटेड शाखाले मृत्युदाबी भुक्तानी गरेको छ । कम्पनीले जिल्लाको रामेछाप नगरपालिका वडा नं ६ ओख्रेनीकी फुलमाया योञ्जनको मृत्युदाबी भुक्तानी गरेको हो ।
इन्स्योरेन्सले सदरमुकाम मन्थलीमा सोमबार एक कार्यक्रमको आयोजना गरी मृतका श्रीमान प्रेम बहादुर योञ्जनलाई २ लाख १० हजार रुपौयाको चेक हस्तान्तरण गरेको हो । मृतक फुलमाया योञ्जनले मन्थली बचत तथा ऋण सहकारी संस्था लिमिटेड मार्फत २०७५ पुस २ गते रिलायबल नेपाल लाइफ इन्स्योरेन्स लिमिटेड मन्थली शाखामा रिलायबल म्यादी जीवन बिमा गरेको कम्पनिले जानकारी दिएको छ ।
इन्स्योरेन्स कम्पनी र सो सहकारीबिच भएको सहकारीका ऋणि सदस्यहरुको रिलायबल म्यादी जीवन बिमा सम्झौता अनुसार उक्त रकम प्रदान गरीएको हो ।
बिमित योञ्जनको गत असोज १४ गते मृत्यु भएको थियो । उनले मन्थली बचत तथा ऋण सहकारीबाट १ लाख ५० हजार ऋण लग्दा ९ सय ६० रुपैया बिमा कम्पनीलाई बुझाएकी थिइन् । कम्पनीले सदस्यको सामान्य मृत्युमा प्रदान गर्ने ऋणको १ सय ४० प्रतिशत हुनआउने २ लाख १० हजार रुपैया प्रदान गरेको रिलायबल नेपाल लाइफ इन्स्योरेन्स लिमिटेड मन्थली शाखा प्रवन्धक सन्तोष श्रष्ठले जानकारी दिनुुभयो ।
उक्त रकमको चेक मन्थली बचत तथा ऋण सहकारी संस्थाका सचिव गोबिन्द प्रसाद घिमिरेको राहेवरमा रिलायबल नेपाल लाइफ इन्स्योरेन्स लिमिटेड केन्द्रिय कार्यालयका कर्पोरेट मार्केटिङका मोहन खत्रीले प्रदान गर्नुभएको हो ।
कार्यक्रमा दिएको जानकारी अनुसार यसअघि पनि कम्पनीले रिलायबल म्यादी जीवन बिमा योजना अन्तरगत श्री अम्बर आदर्श बचत तथा ऋण सहकारी संस्था लिमिटेड मन्थलीलाई मृत्यु दाबी भुक्तानी गरेको थियो ।
२ अर्ब २० करोड अधिकृत पुजी रहेको रिलायबल नेपाल लाइफ इन्स्योरेन्स लिमिटेडले बिमा सेवा घरदैलौ मा पुर्याउने उद्देश्यले हालसम्म १७ वटा बिमा योजना सञ्चालनमा ल्याइ देश भर ८२ वटा भन्दा बढि शाखा तथा उपशाखा विस्तार गरीसकेको छ ।