अप्डेट : निरन्तर परेको पानी र हिउँले रामेछापकोे उत्तरी क्षेत्रको नजजिवन, जिल्लाको अवस्था,( फोटो)

मंसिर, २८,

शुक्रबार बिहानैदेखि मौसममा भएको बदली र वर्षापछि रामेछापको उच्च पहाडी क्षेत्रमा बाक्लो हिमपात भएको छ । हिमपात र वर्षाले कतिपय क्षेत्रमा यातायात समेत प्रभावित भएको छ । उमाकुण्ड गाउँपालिका वडा नं १ गुम्देलमा अत्याधिक चिसो बढेको, सिमसिमे पानी निरन्तर परिरहेको स्थानीय भिम बहादुर बि।कले जानकारी दिनुभयो । बाम्तीण्डारमा रातिदेखै नै वर्षाभैरहेको र चिसो अत्याधिक भएको ब्यवसायि जीवन घतानेले जानकारी दिनुभयो । त्यस्तै कुभुकास्थली, प्रिती र गुप्तेश्वर क्षेत्रको माथिल्लो भागमा बाक्लो हिमपात भएको छ । गाउँपालिकाको देउराली, गुम्देलको सेर्दिङ, गुप्तेश्वरको तामेडाडाँमा बाक्लो हिमपात भएको छ ।
यसैगरी गोकुलगंगा गाउँपालिकाको चुचुरे, ठोसे, रस्नालु र बेतालीको माथिल्लो भेगमा बाक्लो हिउँ झरेको छ। दोरम्बा गाउँपालिकामा पर्ने शैलुङमा ३ फिटसम्म हिउँ जमेको स्थानीय दावाशङ्बु शेर्पाले जानकारी दिनुभयो ।
त्यस्तै डडुवा र गौश्वारामा बाक्लो हिउँले जनजिवन कष्टकर बनेको छ । शैलुङ र वाम्तीतर्फका सडकहरुमा यातायात साधन अवरुद्ध भएका छन। तर ठोसे,शिवलय, नामाडी, बेतालीलगाएतका सदरमुकाम नजीका बस्तिका सवारी साधान भने संचालन भैरहेको रामेछाप प्रहरीले जानकारी दिएको छ ।
पानी परेसंगै बालिसप्रनी भएकाले कृषकहरु खुसीभएका छन् ।
पानी अझै आज दिनभरी पर्ने स्थानीयहरुले अनुमान गरेका छन् ।
शनिबार दिनैभरी पानी परे उमाकुण्ड र गोकुल गंगाको विभिन्न वडाको तल तल हिउँझर्ने आशंका स्थानीयले गरेका छन् ।
सदरमुकाम मन्थलीमा हिजो सांझदेखी निरन्तर मसिनो पानी परिरहेको छ । शनिबार पनि यो क्रम जारी छ । धेरै जसो गर्मी हुने मन्थलीमा पानी परेका कारण जाडो सुरुभएको छ ।
निरन्तर पानी परेकाले रामेछाप नगरपालिकाले गर्न लागेको वडा नं ३ को सार्वजनिक सुनुुवाइ भने स्थगित गरिएको सुनुवाइका सहजिकरण उमंग मैलालिले जानकारी दिनुुभयो।

देउराली

हिजो शुक्रबार देशभर नै पानी र हिउँ पारेको पश्चिमी न्यूनचापीय प्रणाली कमजोर बन्दै गएकाले आज लगातार पानी नपर्ने मौसमविद् समिर श्रेष्ठले जानकारी दिनुभयो ।

मध्य र पूर्वका एकरदुई ठाउँमा आज हल्का पानी र उच्च हिमाली तथा पहाडी भेगमा भोलि आइतबारसम्म नै हिउँ पर्ने उहाँले बताउनुभयो । आज मध्य र पश्चिमी क्षेत्रको मौसम एकैछिन खुल्दै बादल लाग्ने हुने भएकाले पूर्वको मौसम भने खुल्ने सम्भावना नरहेको उहाँले बताउनुभयो ।

चन्द्रगिरी

गएको २४ घण्टामा देशका सबैजसो ठाउँमा पानी परेको छ । सबैभन्दा धेरै धनगढीमा ६४ दशमलव ९ मिलिमिटर पानी परेको मौसम पुर्वानुमान महाशाखाले जनाएको छ । पानी र हिउँसँगै चिसो बढ्दा जनजीवन प्रभावित भएको छ ।

बाम्ति

फोटो सामाजिक सजाल