कपिलवस्तुमा राष्ट्रिय च्याउ जागरण अभियानको

भगवती न्यौपाने , सुनिता बेल्बासे पुष २०,

समृद्ध नेपाल सुखि नेपाली बनाउन सरकारले कृषि क्षेत्रमा लगानी गर्न आवश्यक रहेको प्रदेश सांसद विष्णु पन्थीले बताउनु भएको छ । च्याउ उत्पादक बितरण सघ नेपालले आयोजना गरेको राष्ट्रिय च्याउ जागरण अभियानको कार्यक्रमलाई शुक्रबार कपिलवस्तुमा सम्बोधन गदै उहाँले देशको सबै भन्दा ठूलो विकास कृषि बाट हुने बताउनुभयो । कार्यक्रममा निर्वाहमुखी कृषि भन्दा पनि व्यवसायिक कृषि क्षेत्रमा लाग्न सांसद पन्र्थीले किसानलाई आग्रह गर्नु भएको छ । देशभरिका च्याउ किसानहरु एक हौ भन्ने मुल नाराका साथ पौष ९ गतेबाट सुरु भएको राष्ट्रिय च्याउ जागरण अभियानको टोलि शुक्रवार कपिलवस्तु वाणगगामा आएको हो । पौष ५ गतेबाट पुर्वको मेची काँकडभिट्टाबाट बाट सुरुभएको अभियान पौष २९ गते पश्चिम महाकाली हुँदै पुनः काठमाडौ गएर सम्पन्न हुने छ । शुक्रबार सम्म अभियानले १८ वटा स्थानिय तहमा कार्यक्रम गरिसेको संघका अध्यक्ष प्रेमनारायण अधिकारीले बताउनुभयो । यात्रामा मेचीदेखि महाकालीसम्मका २९ वटा स्थानमा च्याउ किसान, व्यवसायी, स्थानीय तहहरूसँग अन्तरक्रिया गर्दै जाने अध्यक्ष अधिकारीले बताउनुभयो । यात्रामा नेपाल सरकार कीट विकास केन्द्र हरिहरभवन ललितपुर, कृषक समूह महासंघ नेपाल, अष्टअभियान नेपाल र नेपाल कृषि उत्पादन तथा बजारीकरण सञ्जालको सहकार्य तथा एक्यबद्धता जनाएका छन् । जागरण अभियानमा कपिलवस्तु जिल्लाभरिका च्याउ कृषकको उपस्थिति रहेको थियो । स्वदेशमा उत्पादन भएको च्याउले बजार नपाएको च्याउ कृषकको गुनासो रहेको छ । बिदेशबाट आयातित च्याउलाई प्राथमिकतामा राखेको भन्दै सरकारले बजार प्रवद्दन गर्नु पर्ने किसानले माग गरेका छन् । च्याउ मानव स्वास्थका लागी आवश्य रहेको छ , कच्चा पद्धाथ पराल काठ खेर गैरहेको छ , सुखी नेपाली सवृद्ध नेपाल नारालाइ सार्थकता तुल्याउन कृषकका गुनासा सम्वोधन हुनुपर्ने किसानको भनाई रहेको छ । कार्यक्रममा वाणगंगा नगरपालिका नगर उपप्रमुख चक्रपाणि अर्याल, च्याउ उत्पादन किसान नगर शिक्षा शाखा प्रमुख बाबुराम भटराई, स्वास्थ्य शाखा प्रमुख ठकराज पौडेल लगायतले च्याउको महत्वको बारेमा बोल्नु भएको थियो । च्याउ व्यवसाय सघं प्रदेश नं ५ का कोषाध्यक्ष रमेश के सि को अध्यक्षता महेन्द्र ज्ञवालीको स्वागत मन्तव्यमा भएको कार्यक्रमको सन्चालन प्रदेश सदस्य राजन पौडेलले गर्नुभएको थियो ।
जागरण अभियानका क्रममा कपिलवस्तुमा च्याउ उत्पादन किसान संघ गठन भएको छ । महेन्द्र ज्ञवालीको अध्यक्षतामा ११ सदस्यी समिति गठन गरिएको हो । जसको उपाध्यक्ष गोपाल वस्नेत, सचिवमा सुदिप न्यौपाने, कोषाध्यक्षमा गीता पोख्रेल रहनुभएको छ । अन्यमा सदस्यहरु रहनु भएको छ ।