रामेछापमा पनि नेकपा कार्यकर्ताद्धारा परित्याग,देउवाले गराए पार्टी प्रवेश

माघ, २५

रामेछाप । नेपाली कांग्रेसका सभापति देउवाले अख्तियार दुरुपयोग अनुसन्धान आयोगले सरकारबाट प्रभावित भएर आफ्नो पार्टीका नेतामाथी ललिता निवास जग्गा प्रकरणको आरोप लगाएको दावी गर्नुभएको छ ।

सम्बन्धीत फोटो देउवा

शनिबार रामेछापको सदरमुकाम मन्थलीमा कान्छाराम तामाङ प्रतिष्ठानले आयोजना गरेको एम्बुलेन्स हस्तान्तरण कार्यक्रममा देउवाले भ्रष्टचारीलाई कारवाही गर्नुपर्ने सरकार आफै भ्रष्टचार गर्न तल्लीन भएको आरोप पनि लागाउनुभयो ।
यस्तै उहाँले कार्मचारी कसैको निर्देशन र धम्किमा नभई विधिको शासनमा चल्नु पर्नेमा जोड दिनुभयो । कुनैपनि कर्मचारी राज्यबाट तलब भत्ता खाएर संचालन हुने बताउदै उहाँले राज्यकै नागरिकको सेवामा लाग्न अनुरोध पनि गर्नुभयो । विधिको शासनमा नचल्ने कुनै पनि सरकारी कर्मचारीहरुलाई कडा कारवाहि हुने चेतावनी दिनुभयो ।

प्रवक्ता ले के भने ।

सम्बन्धीत फोटो जिल्ला नेतासंग प्रवक्ता शर्मा

कांग्रेस प्रवक्ता विश्व प्रकाश शर्माले मिडिया काउन्सिल विधेयक र्फिता लिन माग गर्नुभयो । शर्माले अहिलेको सरकार नागरिकको बोल्न पाउने अधिकार कुण्ठित पार्ने खेलमा लागेकाले सो विधेयक र्फिता गराउन आम जनताहरुलाइ एक हुन आग्रह पनि गर्नुभयो । नेता शर्माले समय सधै एकै किसिमको नरहने भन्दै अहिले कांग्रेस सत्तामा छैन् भनेर नआतिन कार्यकर्तालाई आग्रह गर्नुभयो । राम्रो काम गर्नको दिन आउने भन्दै सबैजना मिलेर राम्रो काम गर्न सुझाव दिनुभयो । नेता शर्माले सबै नागरिक आफै सचेत हुने समय आएको दाबी समेत गर्नुभयो ।
नेता शर्माले रामेछापको विभिन्न गाउँपालिकाको विभिन्न समयको स्थलगत अवलोकन तथा भ्रमण गरेको स्मरण गर्दै आगामी दिनमा रामेछापको विकास र समृद्धि गर्न रामेछापका नेपाली कांग्रेसका नेता तथा कार्यकर्तालाई निर्देशन दिनुभयो । नेता शर्माले राष्ट्रिय राजनीतिमा रहेको सरकार अहिले भ्रष्टचारमा लिप्त रहेकाले कांग्रेसका सबै एक भएर त्यसको विरुद्धमा लाग्न आग्रह गर्नुभयो ।
त्यस्तै नेपाली कांग्रेसका रामेछाप जिल्ला सभापती लव श्रीन्यौपालीले रामेछापका डिएसपी बसन्त पाठकले जिल्लामा शान्ति सुरुक्षामा खल्लल पु¥याएको आरोप लगाउनुभयो ।

एम्बुलेन्स हस्तान्तरण

त्यस्तै जिल्लाका विभिन्न गाउँपालिकालाई एम्बुलेन्स हस्तान्तरण गरिएको छ । कार्यक्रममा रामेछाप जिल्लाको मन्थली नगरपालिका, दोरम्बा गाउँपालिका, खाँडादेवी गाउँपालिका र गोकुलगंगा गाउँपालिकालाई चार वटा एम्बुलेन्स र एक शव बहान वितरण गरिएको छ । नेपाली कांग्रेसका महाधिवेशन प्रतिनीधि कान्छाराम तामाङले ब्यक्तिगत लगानीमा खरिद गरि जिल्लाका विभिन्न गाउँपालिकामा रहेको नागरिकको सेवामा विस्तार र सहयोग पुगोस भनि एम्बुलेन्स हस्तान्तरण गर्नुभएको हो । तामाङले गत निर्वाचनमा रामेछापबाट प्रतिनिधिसभा निर्वाचमा पराजित भएपनि निर्वाचन उठ्दा गरेको प्रतिबद्धता अनुसार एम्बुलेन्स र शव बहान वितरण गर्नुभएको हो ।

पार्टी प्रवेश

कार्यक्रमा जिल्लाका विभिन्न गाउँपालिकामा विगतमा सत्तारूढ नेपाल कम्युनिस्ट पार्टी (नेकपा) मा आवद्ध रहेका र नेकपा परित्याग गरि कांग्रेसमा केहि नेकपाका कार्यकर्ता प्रवेश गरेका थिए । जसमा ईश्वर कार्की, विर बहादुर थोकर र विष्णु कार्की रहेका छन् । उनीहरुलाई पार्टी सभापती देउवाले कांग्रेसमा उज्वाल भविष्यको कामना गर्दै पार्टी प्रवेश गराउनुुभएको हो ।