जिल्ला अदालत सिन्धुलीमा ७ महिनामा ३३६ वटा मुद्धा दर्ता, सम्वन्ध विच्छेदको मात्र १०३

सम्झना श्रेष्ठ, फाल्गुन ८ सिन्धुली ।

सिन्धुली जिल्ला अदालतमा आलु आर्थिक वर्षमा ३३६ वटा मुद्धा दर्ता भएका छन् । चालु आर्थिक वर्ष साउन देखि माघ मसान्त सम्ममा ३३६ मुद्धा दर्ता भएका हुन् । यसैगरि अघिल्लो आर्थिक वर्षको २४७ मुद्धा जीम्मेवारी सरिआएको बताइएको छ । अघिल्लो आर्थिक वर्षको र चालु आर्थिक वर्षको गरि जम्मा ५८३ मुद्धामा २६३ मुद्धा फच्र्याेट भएको अदालत स्रोतले जनाएको छ । चालु आर्थिक वर्षको यस अवधी (साउन देखि माघ मसान्त सम्म) मा अंश मुद्धा ३२ वटा दर्ता भएको छन् । यसैगरि नाताकायम १ वटा, जवर्जस्ति करणी १३ वटा मुद्धा, जसमा हाडनाता करणी २ वटा मुद्धा दर्ता भएको अदालतका नायव सुव्वा झवीन्द्र गैरेले जानकारी दिनुभयो । यसैगरि यस अवधिमा जवर्जस्ति करणी उद्योगमा ६ वटा, वालयौन दुराचार १, बालविबाह १ वटा मुद्धा दर्ता भएका छन् । सम्बन्ध विच्छेदका मुद्धा चालु आर्थिक वर्षको माघ मसान्त सम्ममा सम्बन्ध–विच्छेदका १०३ वटा मुद्धा दर्ता भएका छन् । जसमा महिलाले ६५ तथा पुरुषले ३८ वटा मुद्धा दर्ता गरेको पाइएको छ । यस अवधिमा अघिल्लो आर्थिक वर्षको जीम्मेवारी सरि आएको ४४ वटा र यस आर्थिक वर्षको १०३ वटा सम्वन्ध विच्छेदको मुद्धा दर्ता भएकोमा ७५ वटा मुद्धा फच्र्याेट भएको बताइएको छ । यसैगरि आर्थिक वर्ष ०७५÷०७६ मा सम्वन्ध विच्छेदका लागी ८० जना महिलाले मुद्र्धा दर्ता गरेका थिए भने चालु आर्थिक वर्षको माघ मसान्त सम्ममा ६५ वटा मुद्धा गरि १४५ मुद्धा दर्ता भएका छन् । विशेष गरि अधिकांश सम्वन्ध विच्छेदका मुद्धामा मिलापत्र गराइएको पाइएको छ । यो संख्या अघिल्लो आर्थिक वर्षमा ४८ रहेको थियो । नयाँ मूलुकी संहिता लागु भएसंगै पुरुषद्धारा सम्वन्ध विच्छेदका मुद्धा ०७५ साल भदौ १ गतेबाट नयाँ मूलुकी संहिता लागु भएसंगै जिल्ला अदालत सिन्धुलीमा पनि पुरुषहरुको सम्वन्ध विच्छेदको संख्या वढेको छ । विगतमा पुरुषहरु सिधै सम्वन्ध विच्छेदका लागि अदालत पुग्न सक्ने व्यवस्था नभएपनि नयां व्यवस्थामा त्यसलाई राखिएपछि पुरुषहरुको निवेदन वढेको हो । ०७५ साल भदौ १ गतेबाट नयाँ मूलुकी संहिता लागु भएकोमा अहिले सम्म १७ महिनामा ७७ मुद्धा दर्ता भएका छन् ।