बाग्मती प्रदेशका प्रत्येक जिल्लामा खेल मैदान, कभर्डहल सहितको रङ्गसाल निर्माण गरिने,उमाकुण्डमा २ वटा सुविधा सम्पन्न अस्पताल

फागुन, ११,

बाग्मती प्रदेशका सामाजिक विकास मन्त्रि युवाराज दुलालले रामेछापको खेलकुद क्षेत्रको विकास गर्ने प्रतिवद्धता जनाउनुभएको छ । शनिबार रामेछापको उमा कुण्ड गाउँपालिकामा चार दिने दोस्रो राष्ट्रपति रनिङ शिला प्रतियोगिताको उद्घाटन गर्दै उहाँले यस्तो प्रतिबद्धता जनाउनुभएको छ । जिल्लाको उत्तरीक्षेत्रको खेल क्षेत्रमा बालबालिकाले देखाएको रुचिलाई मनन् गर्दै मन्त्रि दुलालले आगामी दिनमा प्रदेशले खेल र खेलाडीको विकासको लागि भुमिका खेल्ने आश्वसन दिनुभएको हो । दुलालले प्रदेश अन्य प्रदेशको तुलनामा अघि बढेको बताउदै प्रदेशका सबै जिल्लामा रहेका खेल र खेलाडीको प्रदेशले संरक्षण गर्ने आश्वसन दिनुभयो । प्रदेश सरकार दिगो बिकासमा अगाडि बढिरहेको बताउँदै उहाँले प्रदेशको प्रत्येक जिल्लाहरुमा खेलमैदान कभर्डहल सहितको रङ्गसाल निर्माण गरिने आश्वसन दिनुभयो । साथै उहाँले उमाकुण्ड गाउँपालिका भित्र दुइ वटा सुबिधा सम्पन्न अस्पताल , गाउँपालिका भित्रका ४५ वटै बिद्यालयमा शून्य दरबन्दि भएका बिद्यालयमा पनि दरबन्दि कायम गरिने आश्वसन दिनुभएको हो ।


त्यस्तै कार्यक्रममा बोल्दै बाग्मती प्रदेशका संसद शान्ति प्रसाद पौडेलले ७ सय ५३ वटै स्थानिय तहहरुमा राष्टपति रनिङ सिल्ड प्रतियोगिता चलिरहेको बताउँदै खेल क्षेत्रलाई प्रदेश सरकारले उच्च प्राथामिकतमा राखेको बताउनु भयो । उहाँले भौगोलिक बिगटता रहेको उमाकुण्ड गाउँपालिकामा गुम्देल देखि भुजि सम्मको सड्कलाइ भरपर्दो बनाउन प्रदेश सरकार लागि परेको आश्वसन पनि दिनुभयो ।

बाग्मती प्रदेशकै सदस्य मिना ज्ञवलीले आगमी दिनमा पनि प्रदेश सरकारले खेलकुदको माध्यमबाट थुप्रै बिकास निर्माणका कामहरु अगाडि बढ्ने जानकारी दिनुभयो ।


गाउँपालिकाका प्रमुख अध्यक्ष शेरबहादुर सुनुवारले गाउँपालिकाले खेलकुद क्षेत्रको विकासको लागि पालिकाले चालु आव बाटनै बजेको विनियोजन गरेको जानकारी दिदै खेलकुद राष्टको पहिचान भएको धारणा राख्नुभयो । उहाँले खेलाडी र खेल क्षेत्रबाट राष्टको पहिचान बनाउन खेलाडीहरुलाई आग्रह गर्नुभयो । उमाकुण्ड गाउँपालिकाको समग्र बस्तु स्थितीको बारेमा लिखित रुपमा उहाँले जानकारी सुनाउनुभएको थियो ।

पालिकाकी उप प्रमुख उर्मीला कार्कीले खेल खेल्दा खेलाडीहरुले नियम कानुन भित्र बसेर खेल्नु पर्ने भन्दै नियम कानुन, नियमको पालनमा उच्च जोड्दिनुभयो । कार्कीले नागारिकको अमुल्य मत पाएर बिजय भएका जनप्रतिनिधिले बिकासको काम गर्दा एकै ढिक्का भएर लागिपर्नु पर्नेमा जोड्दिनुभयो् ।

स्वस्थ्यको लागि खेलकुद राष्ट्रको लागि खेलकुद भन्ने नारा सहित सुरुभएको प्रतियोगितामा गाउँपालिकाका सातै वडाका विद्यालयकाहरुको सहभागिता रहेको छ । सो प्रतियोगितामा भलिबल ,कबडी र एथलेटिक्स् गरि तीन प्रकारको खेल समावेश गरिएको आयोजकले जनाएको छ । साथै शिक्षक कर्मचारी बीच पनि प्रतिस्पर्धा हुने भएको छ ।

फेस्बुकबाट साभार गरिएको