रामेछाप भित्रिनेको लर्को : दैनिक २ हजार भन्दाबढी यात्रु प्रवेश, चार दिनमा ११ हजार यात्रुु भित्रीए,

चैत्र, ०९,

रामेछाप । रामेछाप जिल्लामा पछिल्लो केहि दिन यता २ हजार भन्दा बढी दैनिक मानिसहरु जिल्ला भित्रीएका छन् । गत बुधबार देखी आइतबार बिहान सम्म करिब ११ हजार मानिस रामेछाप भित्रिएको रामेछाप जिल्ला ट्राफिक प्रहरी प्रमुख रामेश्वर पाण्डेले जनता भ्वाईसलाई जानकारी दिनुभएको छ ।

दैनिक २ हजार भन्दा बढी यात्रु भित्रीएका हुन । विश्वभरी आतङ्कको रुपमा फैलिएको कोरोना भाइरसको महामारीका कारण राजधानी लगायतका ठाउँमा मानिसको भिड हुने भएकाले मानिसहरु गाउँ पस्न थालेका हुन ।


आइतबार बिहान मात्रै करिब साना ठुला गरेर ५० भन्दा बढी सवारी प्रवेश गरेका छन् । जिल्लामा नेपाल यातायातले पनि यात्रु बोकेर आउन थालेको छ । पाण्डेका अनुसार पछिल्लो समय यात्रुको चाप बढेपनि सवारीमा लार्पबाही भने भएको छैन । अन्य जिल्लामा टिकट लगायतमा कालोबजारी भैरहेको अवस्थामा रामेछापमा त्यो नपाएको पाण्डेले बताउनुभयो ।

बिगतको तुलनामा मोटरसाइकलमा यात्रा गर्ने यात्रुको संख्या भने घटेको छ । यात्रु भित्रिएसंगै सदरमुकाम मन्थली बजारमा अन्य समयको तुलनामा मानिसको चाँप केही बढेको छ । राजधानी लगायतका ठाउँबाट जिल्ला प्रवेश गर्ने कसैमा पनि कुनै बिरामीको सामान्यता लक्ष्यण नदेखिएको बताईएको छ । हाल सम्म जिल्लाको सवारी क्षेत्रमा कुनै कालो बजारी नभएको ट्राफिक प्रमुख पाण्डे बताउनुहुन्छ ।

जिल्ला ट्राफिक प्रहरीले अनुगमन तिवृ पारेको छ साथै कोरोना भाइरस नियन्त्रण गर्न सुरक्षाको लागि माक्स वितरण कार्य पनि दैनिक गर्दै आएको छ । जिल्ला ट्राफिकले सार्वजनीक स्थलहरुमा हात धुने ब्यवस्था पनि लागु गरेको छ ।