भैसेश्वरको हेल्थ डेस्कमा १५ सयले गरे परिक्षण

चैत,१०,

रामेछाप । कोरोना भाइरस (कोडिभ–१९) को संक्रमण नियन्त्रणको लागि रामेछापको सदरमुकाम मन्थलीमा हेल्थ डेस्क स्थापना गरिएको छ । काठमाडौं र तराईबाट रामेछाप प्रवेश गर्ने मुख्य स्थान मन्थलीको भैंसेश्वरमा सोमबारबाट सो डेस्कको स्थापना गरिएको हो ।


देशका विभिन्न ठाउँ काठमाडौं, काँकडभित्ता, नारायणघाट, वीरगञ्ज लगाएतकाबाट जिल्ला सदरमुकाम मन्थली प्रवेश गर्ने मानिसहरुमा कुनै पनि मानिसमा केही लक्ष्यणहरु देखिएमा जाँच गर्न डेक्स स्थापना गरिएको हो । विशेषगरी जिल्ला बाहिरबाट आउने सम्पूर्णमा ज्वरो जाँच गर्न हेल्थ डेस्क स्थापना गरिएको मन्थली नगरपालिका स्वास्थ्य शाखा प्रमुख केशवराज फुँयालले जनता भ्वाईसलाइ जानकारी दिनुभयो ।


हेल्थ डेस्कमा चेकजाँच गर्दा शंकास्पद बिरामी भेटिए उनीहरूलाई थप उपचारका लागि जिल्लास्थित मन्थली प्राथमिक स्वास्थ्य केन्द्र, तामाकोशी अस्पताल र रामेछाप सामुदायिक अस्पतालमा रहेको आइसोलेसन वार्डमा पठाइने व्यवस्था मिलाइएको फुँयालले बताउनुभयो । सोमबार नै १५ सय भन्दा बढीको परिक्षण गरिएको छ । परिक्षण्का लागि डेस्कमा ४ जना स्वास्थ्यकर्मी खटाई इन्फारेड थर्मोमिटर मार्फत परिक्षण गरिएको छ ।

यसैगरी सो हेल्थ डेक्समा सङकालागेकाहरुको पनि परिक्षण गरिने छ । साथै जिल्लामा ट्राफिक प्रहरी, विभिन्न संघसंस्थाले विभिन्न सार्वजनिक स्थानमा साबुन पानीले हात धुने र सेनेटाइजरको पनि व्यवस्था गरेका छन् । साथै २५ जना भन्दा बढी मानिसको भिड नगर्न जिल्ला प्रशासनले निर्देशन जारी गरेको छ ।