विरगंजबाट रातारात रामेछाप भित्रियो सवारी साधन, यात्रुलाई राखियो मन्थली स्थित क्वारेन्टाइन्मा

चैत, १३,

रामेछाप ।  बुधबार राती ११ बजे विरगंजबाट एक सवारी साधन मन्थली भित्रिएको छ ।सवारी साधनमा ५ जना यात्रु रहेको बताईएको छ । त्यो सवारी साधनमा मन्थली भित्रिएका ५ जनामा कुनै संक्रमण नभएको रामेछापकी प्रमुख जिल्ला अधिकारी रुद्रा देवी शर्माले जानकारी दिनु भयो । साथै उनीहरुलाई क्वारेन्टटाईनमा राखिएको र सुरक्षित स्थानमा राख्ने तयारी भैरहेको जानकारी दिनुभयो । शर्माले जिल्लाको तत्कालिन अवस्था चिन्ताजनक नभएको जानकारी दिनुभएको छ ।

बिहिबार जनता भ्वाईससंग कुरा गर्दै उहाँले लकडाउनको दोस्रो र तेस्रो दिनको तुलनामा पहिलो दिन केही समस्या भएको बताउनुभयो । बिहिबार लकडाउनको तेस्रो दिन हो । उहाँले अत्वाश्यक काम बाहेक नागरिकहरु घरबाहिर ननिस्केको जानकारी दिनुभयो । जिल्लामा खाद्यान्न,औषधी लगायतका अत्यावश्यक सामाग्रीको अभाव नभएको समेत जानकारी गराउनु भयो ।

बुधबार विरगंजबाट लिखु तामाकोसी गाउँपालिकाका ५ जना अलपत्र परेकाहरलाई ११ बजे राती छिमेकी जिल्लाहरुसंगको समन्वयमा जिल्लामा ल्याईएको थियो । उनीहरुलाई हाल मन्थली नगरपालिकाका वडा नं १ को प्रथामिक स्वास्थ्य केन्द्रको क्वारेन्टाईन्मा राखिएको छ ।

त्यस्तै मन्थली नगरपालिकाका नगरप्रमुख रमेश कुमार बस्नेतले जिल्लामा ल्याईएकाहरुमा कुनै सङ्क्रमण नभेटिएको तर उनीहरुलाई खाना बस्न भने समस्या भएको जानकारी दिनुभयो । उनीहरुलाई तत्काल सुरक्षित स्थानमा पु¥याउने पहल गरि रहेको समेत जानकारी दिनुभयो ।

यता रामेछाप प्रहरी प्रमुख बसन्त पाठकले लकडाउनको नियम उल्लङ्घन नभएको जानकारी दिनुभएको छ । उहाँले अलपत्रमा परेकाहरुलाई समन्वय गरेर जिल्ला ल्याईएको बताउदै उनीहरुलाई सुरक्षित स्थानतर्फ राख्न लागिएको बतानुभयो । लकडाउनमा हालसम्म जिल्लामा सामान्य अवस्था रहेको उहाँको भनाई छ ।