रामेछापमा रातारात मानिस आउनेको संख्या बढदै, १ सय ६७ क्वारेनटाईन बने, ५१ जना क्वारेन्टाईनमा (कुराकानीसहित)

चैत,१६,

रामेछाप । रामेछापको खाँडादेवी गाउँपालिकामा लकडाउनको उलङगन भएको छ । नेपाल सरकार र जिल्ला प्रशासनले लकडाउनको घोषणा गरेका छन् । जनता भ्वाईससंग कुरागर्दै गाउँपालिकाका प्रमुख प्रेम बहादुर तामाङले पालिकामा लकडाउन लगाएको पछिल्ला दिनहरुमा ३÷४ गाडी मानिस भित्रीएको जानकारी दिनुभयो । भित्रीएकाहरुमा कुनै संकास्पद बिरामी नभेटिएको उहाँको भनाई छ ।

कुराकानीसुनुस्

उहाँका अनुसार विगतमा भक्तपुर इट्टा भट्टामा काम गर्नेहरुलाई त्याहाँको प्रशासनले फिर्ता पठाइदिएकाले लकडाउनको समयमा उनीहरु घर फर्किन बाँध्य भएका हुन । पालिकामा ६० को हाराहारीमा क्वारेन्टाईनहरु स्थापना गरिएको छ । त्यसैगरि पालिकामा स्थानीयहरुलाई पालिकाको गाडीबाट सुचनाबजाएर पनि घर बाहिर ननिस्कन आह्न गरेको जानकारी  दिनुभयो ।

पालिका प्रमुखले अन्य मुलुकहरुमा बजार धेरै भएको र उनीहरुले कोरोना भाईरसलाई हेल्चेक्राई गर्दा सो रोग महामारीको रुपमा दाबी गर्दै आफ्ना जाता सचेत भएका कारण रोग फैलिन नसक्ने दाबी गर्नुभयो ।

दोरम्बा गाउँपालिकामा पनि हाल उस्तै

कुराकानीसुनुस्

दोरम्बा गाउँपालिकाका प्रमुख कमानसिङ मोक्तानले पनि पालिकामा कुनै प्रकारको बिरामी नभएको जानकारी दिनुभएको छ । पालिकामा १० भन्दाबढी क्वारेनटाईन बनाएको छ । पालिकामा रातारात मानिसहरु राजधानीलगायतका ठाउँबाट प्रवेश गरेका छन् । वैदेशीक रोजगारीबाट घर फेकेका र राजधानीबाट गाउँ प्रवेश गर्नेहरु बढदै गएको प्रमुख मोक्तानले जनता भ्वाईसलाई जानकारी दिनुभयो । लकडाउनको समयमा मात्रै ९०÷१०० जना मानिसहरु प्रवेश गरेको जानकारी दिनुभयो । ज्वारो जाँच गर्ने बाहेकका कुनै कोरोना भाईरस नियन्त्रण साधन नभएको कुराकानीमा बुझिएको छ । दोरम्बा गाउँपालिकाका सबै वडाहरुमा क्वारेन्टाईन बनाई सुरक्षित रहनको लागि सुरक्षाका उपायहरु अप्नाएको उहाँले बताउनुभयो ।

यसो भन्नुहुन्छ प्रमुख जिल्ला अधिरकारी

कुराकानीसुनुस्

यता रामेछापकी प्रमुख जिल्ला अधिरकारी रुद्रा देवी शर्माले जिल्लाको अवस्था सामान्य रहेको जनता भ्वाईसलाई जानकारी दिनुभएको छ । उहाँले विभिन्न नाकाबाट जिल्ला प्रवेश गर्नहरुको सवालमा जिल्लामा नियम कडाई गरेको दाबी गर्दै नागरिकहरु आफै सचेत हुनपर्ने तर्क गर्नुभयो । शर्माले सबै नागरिहरु सचेत हुनु जरुरीरहेको सुझाव दिनुभयो । स्थानीयह तहहरुका प्रमुखहरुलाई पनि नागरिहरुमा सचेतना जगाउने कामलाइ पहिलो प्रथामिकतामा दिन सुझाव दिएको सुनाउनुभयो ।

उहाका अनुसार हाल जिल्लामा १ सय ६७ वटा क्वारेन्टाईन बनाएको छ । ५१ जना क्वारेन्टाईनमा राखिएको छ, तिमध्ये ४१ जना होम क्वारेन्टाईनमा बसेका छन् भने १० जना क्वारेन्टाईनमा राखिएको छ ।

जिल्लाबाट हालसम्म कुनै बिरामी बाहिरी जिल्ला रेफर गरिएको छैन् । २४ वटा एम्बुलेन्स तयारी अवस्थामा राखिएको छ । उपचारमा खटिने स्वास्थ्यकर्मी र सुरक्षाकर्मीहरुलाई आवश्यक उपकरणहरु केही मात्र दिएको र अन्य सामाग्री ल्याउने तयारी भैरहेको जानकारी दिनुभयो ।