विपदमा परेकाहरुलाई उद्दार गर्न रामेछापका युवा एक जुट

चैत्र,३०,

रामेछाप । रामेछापको सदरमुकाम मन्थलीका युवाहरु विपदको मारमा परेकाहरुलाई उद्दार गर्न एक जुट भएका छन् । समुहमा १३ जना रहेको बताएको छ ।

जिल्लामा विभिन्न स्थानबाट आएर स्थायी तथा अस्थाईरुपमा बासोबास गरेका विभिन्न क्षेत्रमा आवद्ध युवाहरु कोरोना भाइरसले पारेको विपतिका कारण जिल्लाका जुनसुकै स्थानमा विविध कारणले समस्यामा परेकाहरुको उद्दार गर्न एक जुट भएका हुन ।

उनीहरुले ब्यत्तिगत रुपमै आर्थिक संकलन गरेर अप्ठ्यारोमा परेकाहरुलाई उद्दार गरि विभिन्न सामाग्री हस्तान्तरण गर्ने समुहका एक अभियानताले बताउनुभयो ।

उहाँले भन्नुभयो – हामी कुनै पनि मिडियामा आउदैनौं हामीले नाम कमाउनको लागि नभै समस्यामा परेकाहरुलाई उद्दार गर्नको लागि पहल मात्रै गर्ने छौं, हामी आफैले आर्थिक रुपमा सकेनौ भने, कुनै दाता खोजेर सम्बन्धीत मानिसहरुलाई पहलको लागि कदम चाल्ने छौं ।

उहाँका अनुसार लकडाउनका कारण जिल्लामा कसैलाइ खाद्यान्न वा अरुकुनै सहयोगको समस्या परेमा एकले अर्कोलाइ सहयोग गरौ भन्ने भावनाको विकास गर्न र सकेको आफै र अरुसङ सहयोग मग्ने वा सहयोग गर्न चाहनेको लिन्क गराउने हाम्रो सोच हो ।

आइतबार मात्रै जिल्लाको तामाकोशी अस्पतालमा नियमित मृर्गौलाको डाइलसिस गर्ने बिरामीलाई सहयोग गरि सहेको छ । लकडाउनको कारण खानाको समस्या भएका ३ जनालाई युवाहरुले  चामल, दाल,  नुन, तेल, अण्डा हस्तान्तरण गरेका छन् । सम्बन्धित अस्पतालकी नर्सको सहयोगमा उनीहरुले उक्त सामाग्री हस्तान्तरण गरेका हुन ।

युवाहरुले सोमबार २ जना र मंगलबार ३ जनालाई सहयोगको लागि तयारी गरेका छन् । उनीहरुले दुखमा परेकाहरुलाइ सहयोग गर्न अपिल पनि गरेका छन् ।