आज साँझ ७ बजे सबै नेपालीको घर घरमा दिप प्रज्वलन

वैशाख २५,

रामेछाप । सरकारले आज (बिहिबार) साँझा ७ बजे दीप प्रज्वलन गर्न सबैमा नेपालीमा आवह्ववान गरेको छ । कोरोना भाइरस महामारी संग जुधिरहेको बेला कोरोना विरुद्धको संघर्षमा ऐक्यवद्धता जनाउन २५६४ बुद्ध जयन्तिको अवसर पारेर यस्तो आवह्ववान गरेको हो ।

विश्व शान्तिका अग्रदूत सिद्धार्थ गौतमको जन्मजयन्तिको अवसर पारेर सारा नेपालीको घर घरमा दियो बाल्न सरकारले आग्रह गरेको हो ।
कोरोनाको महामारी विरुद्ध स्वास्थ्यकर्मी, चिकित्सक, सुरक्षकर्मी, स्वयंसेवक, संक्रिमित ब्यक्तिहरुको कामना सहित दियो बाल्न लागिएको छ । मृत्यु भएकाहरुको आत्माको शान्तिको कामना गरिने छ । आज सरकाले सार्वजनीक विदा पनि दिएको छ ।


कोरोना भाइरस संक्रमितको संख्या बुधबार मात्रै एकै परिवारका १७ जनामा पुष्टि भएर ९९ जना पुगेको छ । उनीहरुको स्वास्थ्य अवस्था सामान्य रहेको स्वास्थ्य मन्त्रालयको भनाइ छ ।

यसैबिच राष्ट्रपति विद्यादेवी भण्डारीले २५६४ औँ बुद्धजयन्तीका उपलक्ष्यमा विश्वभरका बौद्धमार्गी एवं स्वदेश तथा विदेशमा रहेकाशान्ति र अहिंसाप्रेमी प्रति शुभकामना व्यक्त गर्नुभएको छ । आजको यस दिनले विविधताबीच एकताको खोजी गर्दै आपसी मेलमिलापका साथ शान्ति र प्रगतिका पथमा अघि बढ्न हामी सबैलाई उत्साह, उमङ्ग र प्रेरणा प्रदान गर्ने अपेक्षा उहाँले बुद्धजयन्तीको शुभकामना सन्देशमा व्यक्त गर्नुभएको छ ।


बौद्धदर्शनका प्रवत्र्तक तथा शान्तिदूत बुद्धका प्रेरणादायी उपदेश र मार्गदर्शनको परिपालन गर्न सकेमा धार्मिक, सामाजिक तथा सांस्कृतिक विविधताबीच सहिष्णुता र आपसी सद्भाव कायम गर्दै राष्ट्रिय एकतालाई थप सुदृढ एवं सबल बनाउन सकिने विश्वास पनि उहाँले व्यक्त गर्नुभयो ।

यसैबिअ प्रधानमन्त्री केपी शर्मा ओलीले लुम्बिनीनै बुद्धको जन्मस्थल रहेको बताउनुुभएको छ । २५६४ ओं बद्ध जयन्तीको अवसरमा शुभकामना सन्देश जारी गदै प्रधानमन्त्री ओलीले बुद्ध दर्शनले विश्व शान्तिमा पुर्‍याएको योगदानको पनि प्रशंसा गर्नुभयो । ओलीले बुद्ध लुम्बिनीमा जन्मिएको अनेक प्रमाण रहेको बताउनुभयो । फाइल फोटो