सरकारको नीति तथा कार्यक्रम जेठ २ गते

  बैशाख २५

काठमाण्डौ । आगामी आर्थिक वर्षको लागि सरकारको नीति तथा कार्यक्रम जेठ २ गते आउने भएको छ । राष्ट्रिय सभाले बनाएको कार्यतालिका अनुसार जेठ २ गते राष्ट्रपति विद्यादेवी भण्डारीले नीति तथा कार्यक्रम संसदमा वाचन गर्नुहुने छ ।

नीति तथा कार्यक्रममा बजेटका प्राथमिकता र सिद्धान्त समावेश हुन्छन् । नीति तथा कार्यक्रमको बारेमा संसदमा छलफल भइसकेपछि जेठ पाँच गते प्रधानमन्त्रीले जवाफ दिने र नीति तथा कार्यक्रम पारित हुने तालिका रहेको छ । 

नीति तथा कार्यक्रमपछि प्रिबजेट छलफल गर्नु उपयुक्त हुने भएपनि बजेट जेठ १५ मा पेश गर्नैपर्ने चापका कारण वैशाख २८ गतेबाटै प्रि बजेट छलफल हुने नेम्वाङले जानकारी दिनुभयो।

यस्तै शुक्रबारदेखि बजेट अधिवेशन सुरु हुँदैछ । यही अधिवेशनमा प्रि-बजेट छलफल हुने, ३ दिन प्रतिनिधिसभामा  र २ दिन राष्ट्रियसभामा बजेटबारे छलफल हुनेछ । संघीय सरकारको बजेट जेठ १५ गते प्रस्तुत हुनेछ ।

संविधानमै १५ जेष्ठमा बजेट ल्याउनुपर्ने व्यवस्था छ । बजेट आउनु १५ दिनअघि नै प्रीबजेट छलफल सकिसक्नुपर्ने व्यवस्था छ । १३ वैशाखमा आर्थिक सर्वेक्षण प्रस्तुत हुने तय भएको संघीय संसदको सहप्रवक्ता दशरथ धमलाले जानकारी दिनुभयो। file-photo