आदिवासी जनजाती पत्रकारलाई फोनिजद्धारा निशुल्क प्रेस टिसर्ट र माक्स हस्तान्तण

जेठ १,

रामेछाप । नेपाल आदिवासी जनजाति पत्रकार महासंघ फोनिज जिल्ला शाखा रामेछापले आफ्ना सदस्य पत्रकारहरुलाई निशुल्क प्रेस टिसर्ट र माक्स प्रदान गरेको छ ।

विश्वभर महामारीका रुपमा फैलिएको नोभल कोरोना भाइरस कोभिड-१९ महामारीका बेला समाचार संकलन गर्न सहजताका लागि पहिचान होस् भनेर टिसर्ट प्रदान गरेको हो ।

शाखाले विहिबार जिल्लामा क्रियासिल आदिवासी जनजाति मुलका २० जना पत्रकारलाई एक–एक थान प्रेस टिसर्ट र माक्स उपलब्ध दिएको हो । लकडाउनका कारण पत्रकारहरुले विभिन्न खालका झन्झट ब्यहोर्नु परेकाले उनीहरुको पहिचान संगै कामलाई सहज बनाउन जिल्लामा संचालित रेडियो, अनलाइन र राष्ट्रिय स्तरका टेलिभजन तथा पत्रिकामा काम गरिरहेका आदिवासी जनजाति पत्रकारहरुलाई टिसर्ट र माक्स उपलब्ध गराईएको नेपाल आदिवासी जनजाति पत्रकार महासंघ फोनिज रामेछापका अध्यक्ष नवराज श्रेष्ठले जानकारी दिनुभयो ।

फोनिज बागमती प्रदेशका उपाध्यक्ष युवराज श्रेष्ठ , फोनिज रामेछापका पुर्व अध्यक्ष सुमित श्रेष्ठ , वर्तमान कोषाध्यक्ष कुमार श्रेष्ठको विभिन्न सहयोग र सिङगो फोनिज रामेछापको पहलमा यो संकटको घडिमा पत्रकारहरुलाई प्रेस टिसर्ट र माक्स वितरण गर्न संस्था सफल भएको उहाँको भनाई छ ।
पत्रकारहरुलाई प्रदान गरिएको माक्स महिला पत्रकारहरुको संगठन क्रियाशिल महिला पत्रकार डब्लुडब्लुजे उपलब्ध गराएको उहाँले बताउनुभयो ।
प्रेस टिसर्ट र माक्स वितरण गर्दै फोनिज रामेछापले आफना् स्वास्थ्यको ख्याल गरी सजकता र सम्बेदनशिल भएर फिल्ड रिपोर्टिङ्ग गर्न पनि पत्रकारहरुलाई आग्रह गरेको छ । फोटो : Nawraj Shrestha Nayan