विद्यालयको लापरबाहीका कारण गोकुलगंगामा २५ घरधुरी पहिरोको उच्च जोखिममा, पूरै गाउँ बग्ने,आधा बग्यो

असार २२,

रामेछाप । रामेछाप जिल्लाको गोकुलगंगा गाउँपालिकाका वडा नं ४ का २५ घरधुरी सोही ठाउँको विद्यालयको लापरबाहीका कारण पहिरोको उच्च जोखिममा परेका छन् । गएराती परेको पानीले डेढ रोपनी खेत, ५-७ रपनी मकैबाली नष्ट भएको छ ।  विद्यालयले, विद्यालय निर्माणको लागि गैरिगाउँ र रमिते गाउँको बिच भएर बग्ने काभ्रे खोलाको कच्चा पदार्थहरु ढुंगा, बालु, स्थानियको अबरोधरोको बाबजूत पनि निकालेको र खोलामा काठका मुडा, कच्चा सामाग्री राखेर खोलाको पानी थुनेको र वर्षासंगै आएको बाढी र भल्ले थुनिएको खोलाले बाटो फेर्दा बाडीको समस्या भएको स्थानीय पीडित राजकुमार बिकले जनता भ्वाइसलाई जानकारी दिए । उनका अनुसार सो ठाउँमा २५ घरधुरी मानिसहरुको बसोबास छ । त्याहाँ कार्की र विश्कर्माहरुले बसोबास गर्छन् ।

एक वर्ष अघि जनजागृती माध्यमीक विद्यालय भवन निर्माणको लागि प्रधानध्यापक गोविन्दबहादुर खत्रीले जबर्जस्ती खोलाको कच्चा पदार्थ निकाल्दा बाढीको समस्या भएको आर्का पीडित सविन बिकले जनता भ्वाइसलाई बताए । उनका अनुसार प्रधानध्यापकले भविष्यमा बाढी पहिरोको जोखिम भए आफूसंग भएको आफ्नो नामको सोही खोलाको छेउको धौलेखेत स्थानीयहरुलाई पास गर्दीने शर्तमा सामाग्री प्रयोग गरेका थिए । तर अहिले वर्षासंगै आएको बाढीले पूरै गाउँ डबान्मा परेको हो ।

हाल धान, कोदो, किवी, भुईस्याउ, तरकारीबाली, मकैलगाएको सो जग्गामा पहिरोको खतरा बडेको स्थानीय तथा वडा सदस्या सिताराम कार्कीले बताए । गएको केहीदिन यता परेको अबिरल वर्षका कारण स्थानीयहरुको घरको माथिबाट पहिरो बगेको छ । कसैको घरमा पानीको भलपसेको छ । कसैको घरको वरपर चारैतिरबाट पहिरो बगेको छ । स्थानीहरु रातभरी सुत्न नसकेको सबिन बिकले भने । धारा, शौचलय, भासिएका छन् । बारीको कान्लाहरु प्रत्येक भत्किएका छन् ।

उनीहरुले वडा कार्यालय र प्रहरीलाई पनि खबर गरेका छन् । वडाले समस्याको हल गर्ने आश्वसन दिएको छ । प्रहरी, स्थानीहरुले सो ठाउँको अवलोकन गरेको छ । ठाउँ-ठाउँमा जमिन चिरा-चीरा परेकाले निरन्तरको वर्षाले ठूलो क्षेती पुग्ने देखिएकाले स्थानीयहरु पीडामा परेका हुन् । मनसुन सुरुभएकाले पानी निरन्तर परिहरेकाले पनि पहिरोको जोखिम उच्च छ ।

यता आफूले खोलाको कुनै पनि सामाग्री प्रयोग नगरेको र आफ्नो कारणले सो जोखिम नभएको प्रधानध्यापक खत्रीको भनाई छ । उनी पूरै गाउँ डुबानमा भएको बताउदै त्यो आफ्नो विद्यलयको लापरबाहीले भएको भन्ने हल्ला निराधर भएको उनको दाबी छ । उनले जनता भ्वाइससंग भने मैले विद्यालय बनाउले बेला एक मुठी माटो र ढुंगा त्याहाँको चलाएको छैन् । त्यो झुटो आरोप लगाएका हुन् । सोही विषयलाई लिएर आज (सोमबार) सबै मिलेर मलाई कुट्पिट् गर्ने सम्मको अवस्था आएको छ । तर त्यो मेरो कारणले भएको हैन ।

उनी स्थानीयहरु पीडामा परेको र उनीहरुको तत्काल सो ठाउँबाट उद्ध गर्नु पर्ने अवस्था रहेको भने स्वकार गर्छन् । उनले भने हिजो रातीको जस्तै पानी आज वा जहिले पनि परेमा गाउँमा ठूलो क्षेती हुने निस्चित छ । पुरै गाउँ बग्न सक्छ ।

फोटोहेर्नुहोस्