रामेछापमा मास्क नलगाई घरबाहिर निस्किनेलाइ कार्बाही,

असार २३,

रामेछाप । जिल्ला प्रशासन कार्यालय रामेछापले घरबाहिर निस्किदा अनिवार्य मास्को प्रयोग गर्न आग्रह गरेको छ । मंगलबार एक सुचना जारी गर्दै प्रशासनले यस्तो जानकारी गराएको हो । सोमबार गृह मन्त्रालयले मास्क नलगाई घरबाहिर निस्कनेलाई पक्राउ गर्न प्रहरी र ७७ वटै जिल्ला प्रशासनलाई परिपत्र गरेको थियो । सोही निर्णय अनुसार प्रशासनले मंगलबार एक सुचना जारी गर्दै घरबाहिर निस्किदा अनिवार्य मस्को प्रयोग गर्न सचेत गराएको हो । मास्को प्रयोग नगर्नेलाई कानुन बमोजिमको कार्बाही गरिने प्रशासनले जनाएको छ ।  

दिनदिनै कोरोना संक्रमित बढीरहेको अवस्था स्मरण गराउदै प्रशासनले सुरक्षित भएर बैंक, सरकारी तथा गैरसरकारी संस्था, सहकारी संस्था, ब्यापार ब्यवासाय, कृषिलगाएतका काम गर्न आह्वन गरेको हो ।

विश्वभर महामारीको रुपमा फैलिएको कोरोना भाइरसको नियन्त्रण तथा प्रतिकार्यका लागि नेपाल सरकारले बन्दाबन्दीलाई आगामी साउन सात गते सम्मको लागि सरेको सरकारले जनाएको छ । 

प्रशासनद्वारा जारी सूचनामा लेखिएको छ-कोरोना संक्रमण दर बढदै जानु र अर्का तर्फ न्युनतम सामाजिक दुरी कायम नगर्ने, विना मास्क घर बाहिर हिड्डुल गर्ने, अनावश्यक भिडभाड गर्ने, सेवा प्रदायक र ब्यवसायीलाई न्युनतम सुरक्षा मापदण्ड पालना गर्न/गराउनु वेवास्था गर्ने प्रवृति बढदै गएको पाइएकाले नेपाल सरकारबाट जारी जनस्वास्थ्य र सुरक्षाका मापदण्ड, निर्णय र आदेश कडाई पूर्वक पालना गर्नु/गराउनु हुन, घर बाहिर निस्कादा मास्कको प्रयोग अनिवार्य गर्न/गराउने सम्बन्धित सबैमा जानकारी गराइन्छ । आदेशको अवज्ञा गर्ने क्रम नरोकिएमा, अटेरी गर्ने उपर प्रचलित कानुन बमोजिम कारबारी गरिने ब्यहोरा सूचित गरिन्छ ।

प्रमुख जिल्ला अधिकारी रुद्रादेवी शर्माका अनुसार प्रचलित नियम अनुसारको कार्बाही गरिने छ । जसमा अभद्र ब्यवाहार, कानुन तोडेको लगाएत छन् ।

सूचना हेर्नुहोस्