बोहोरा अंकल

यो ज्यान कृषि सामाग्री केन्द्रमा पुगेको थियो । सिन्धुली स्थित २ नम्बर बजारमा रहेको कृषि सामाग्री केन्द्र । जहाँ बाट नेपाल सरकारले अनुदान स्वरुप कृषकलाई युरिया मल बितरण गर्छ । रामेछापमा मल चाहिए पनि सिन्धुली पुग्नुपर्छ । रामेछापले मल, बीउको नाममा सहकारीलाई सिफारिसको कागज थम्याउछ।

घरमा पुग्दा मकै हुर्किदै रहेछ्न। घरमा बुढा बाबा-आमा हुनुहुन्छ। मकैले युरिया मल खोज्यो, थाहा पाए जति ठाउँमा अनुनय बिनय गरे मल छैन ।मल ल्याउने प्रक्रिया खोज्न सुरु गरेँ । गाँउको आफैले हातेमालो गरेको सहकारी मार्फत मल ल्याउने छलफल भयो। मैले कृषकलाई मल ल्याउने खुशी के सुनाएको थिए, भर्खर पानी परेर रहदा जस्तो हरियाली देखिन्छ त्यो भन्दा ज्यादा कृषक खुशी भए ।

 सहकारीका साथीहरू सहित मल लिन ट्र्क लिएर लागियो सिन्धुली । अब मल ल्याउने कृषक खुशी हुन्छ्न र केही अनुपात अन्न बढी फल्छ यस्तै एक बोरा, बोरा मात्र दिने अहिलेलाई भनेर सल्लाह गर्दै ठूलो सपना बोकेर कृषि सामाग्री केन्द्र सिन्धुली भित्र पसियो । ३ थान कर्मचारी, हाकिमको खाना खाने  समय, एक जना बाहिर एक जना अफिसमा आफ्नै तालमा को गयो, को आयो केही जानकार छैन, हाम्रो सबै कुरा सुनाउदा हाकिम आएपछि मात्र भन्नू कर्मचारी तन्त्र देखियो।

हाकिमसाबको सवारी भयो, अनि हाम्रो कुरा सुनेर ५४ डिग्री कुर्सी बनाएर भर्खर खाएको खानाको आनन्द लिदै अहिले मल छैन भन्ने जवाफ दिबक्स्यो । हामी छागां बाट खसे जस्तै भयौं । हामीले ट्रक लिएर आएका छौँ । कृपया मल लिएर जान्छौं, मल छैन, अहिले आउदैन आइतबार आउनु । कुरा बिहिवारको हो । बन्द छ, ट्रकको भाडा थेग्न सक्ने अवस्था छैन, छैन, खाने ठाउँ छैन, बस्ने ठाउँ छैन, पैसा ठिक पुग्ने मात्र लगेको छ, नखाउ भने दिनभरको सिकार खाउ भने खै के खै के भयो।

हामीले ट्रकलाई पैसा तिर्यौ, र जान अनुमति दियौं, हामी काठमाडौ आयौं, कृषक मल आउँछ हाल्छु अनि मकै सप्रीन्छ भनेर आशामा छन, अहिले हामीले फोन उठाउन सकेका छैनौं। अब ट्रकको भाडामा सहकारी बाट कति ठूलो बिवाद आउँछ, अबजस आउँछ, काममा अपरिपक्व जस्तो आरोप आउँछ, सहनुपर्छ किनकी म सामाजिक काम गर्छु भन्य अठोट लिएको छु। उता स्थानीय सरकार यस्ता कुरामा अन्जान छ। किनकी सिफारिसको कागज थम्याइ सकेको छ। गर्ब गर्न सकिन्छ म कृषि प्रधान देशको नागरिक, म कृषिलाई प्रबर्द्धन गर्छु भनेर? कृषकलाई मल चाहियो सरकार ।

समाजसेवी तथा नेपाली काङ्ग्रेस रामेछापका युवा नेता पराग खड्काले पत्रकार महासंघ रामेछापले स्थापना गरेको पत्रकार संकट ब्यबस्थापन कोषमा १० हजार १ सय ५१रुपैया आर्थिक सहयोग गरेका छन् ।

युवा नेता खड्काले केहि समय अघि डाँफे फाउन्डेशन मार्फत तामाकोसी अस्पताललाई ३ वटा अक्सिजन कन्सन्टेटर्स समेत  सहयोग गरेका थिए। तिब्बत एअरलाईन्समा कार्यरत लिखूतामाकोशी गाउँपालिका वडा नं ५ निबासी खड्का संकटका बेला सेवामा अहोरात्र खटिने गर्छन् ।

खड्काले लिखूतामाकोशी गाउँपालिकाका लागि समेत अक्सिजन कन्सन्टेटर्स हस्तान्तरण गरिसकेका छन् ।

सन्तोष ढुङ्गेल
रामेछाप । रामेछाप जिल्लाको ऐतिहासिक दोरम्बा शैलुङ्ग गाउँपालिका आलुको लागि पकेट क्षेत्र बन्ने भएको छ । धार्मिक एवं ऐतिहासिक क्षेत्र भनेर चिनिने दोरम्बा शैलुङ्ग गाउँपालिका अब आलु जोनको रुपमा पनि चिनिने भएको छ । आन्तरिक तथा बाह्य पर्यटकको आकर्षक केन्द्र रहेको शैलुङ्गलाई अब आलु जोनले पनि छुट्टै पहिचान दिने छ । नेपालको धेरै ठाँउमा अत्यधिक माग रहेको दोरम्बाको आलुले बजारमा आफ्नो पहिचान बनाए पनि दोरम्बा आलु भन्दै अन्यत्रको आलु बेच्ने गरेकाले आफुहरुले ब्राण्डिङ गर्न लागिएको दोरम्बा शैलुङ्ग गाउँपालिका अध्यक्ष कमानसिंह मोक्तानले जानकारी दिएका छन् ।

दोरम्बाका अधिकांश कृषकको मुख्य खेती आलु नै भएकाले किसानलाई आलुमा निर्भर बनाउन लागिएको अध्यक्ष मोक्तानले बताएका छन् । गत वर्ष नै यसलाई लागू गर्ने भनिएपनी कोभिड -१९ का कारण पूरा गर्न नसकिएको पनि अध्यक्ष मोक्तानले बताए । चुनावमा आफुले नागरिक संग गरेको प्रतिबद्धता र घोषणापत्र अनुसार निति तथा कार्यक्रम बनाएएर काम गरिरहेको पनि मोक्तानले बताए । दोरम्बा शैलुङ्ग गाउँपालिकाको छुट्टै पहिचान बनाएउन आफू लागि परेको उनको भनाइ रहेको छ । पालिकाको गत वर्ष किसानलाई प्रीन्ट गरेर ५० प्रतिशत अनुदानमा बोरा उपलब्ध गराउने योजना रहेको थियो । किसानले ५० प्रतिशत मात्र तिर्दा पनि किसानलाई ठुलो भार पर्ने हुँदा आगामी श्रावण देखि नै लागू हुने गरि पुर्ण अनुदानमा प्रीन्टेट बोरा उपलब्ध गराउने गाउँपालिकाले जनाएको छ । यसका लागि आगामी निति तथा कार्यक्रममा यो योजना समावेश गरिएको दोरम्बा शैलुङ्ग गाउपालिकाका प्रमुख प्रसाशकिय अधिकृत धिरज मरासिनीले जनाकारी दिएका छन् । ५० प्रतिशत मात्र अनुदानबाट किसान मर्कामा पर्ने भएकाले १ सय प्रतिशत नै अनुदान उपलब्ध गराउन लागिएको पनि मरासिनीले बताए । आलु जोनको योजना आएपछि किसानहरु खुशी भएका र आलु उत्पादनमा अझ अग्रसर हुन थालेका छन् । यो कार्यक्रम लागू भएपछि किसानहरूले उत्पादन गरेको आलुले बजारमा छुट्टै पहिचान बनाउने र किसानहरूको जीवनस्तर माथी पुग्ने पालिकाले जनाएको छ ।

जेठ ३१ रामेछाप।

सेवा ईन्टरनेशनल नेपाल र हिन्दु स्वयम सेवक संघले रामेछापमा विभिन्न औषधि वितरण गरेको छ । सो दुबै संस्थाहरू मिलेर फोर्टिप्लेक्स, जुलिड,स्कर्भिट, सिटाफोन, डेट्रिज लगायतका औषधिहरू वितरण गरेको हो ।

संस्थाले खाँडादेवी ४ को वडा कार्यालयमा ५० प्याकेट, मन्थली नगरपालिका ७ भटौलीको स्वास्थ्य चौकीलाई ४० प्याकेट, मन्थली प्राथामिक स्वास्थ्य केन्द्रलाई ५० प्याकेट र रामेछाप नगरपालिका वडा नं. ८ लाई ५० प्याकेट गरि १ सय नब्बे प्याकेट औषधि वितरण गरेको हिन्दु स्वयमसेवक मन्थली नगर संबाहक संतोष मैनालीले बताए । यो संस्थाले यस्तै औषधिहरू रामेछापका धेरै ठाउँमा वितरण गर्ने पनि मैनालीले बताए ।

जेठ ३१, काठमाडौं । काठमाडौं उपत्यकामा करिब एक दर्जन क्षेत्र सर्तसहित खुला रहने गरी निषेधाज्ञा एक साता लम्ब्याइएको छ । जिल्ला प्रशासन कार्यालय काठमाडौं, भक्तपुर र ललितपुरको संयुक्त सुरक्षा समितिले आइतबार असार ७ गतेसम्म निषेधाज्ञा थपेको हो ।

तर तोकिएका र अनुमतिबाहेकका सार्वजनिक तथा निजी सवारीसाधन, शैक्षिक संस्था, सभा÷सम्मेलन, जुलुस, सिनेमा हल, मठमन्दिर (नित्यपूजाबाहेक) लगायतमा निषेधाज्ञा यथावत् रहनेछ ।

पछिल्लो आदेश आजबाट लागू हुनेछ । भक्तपुरका प्रमुख जिल्ला अधिकारी प्रेमप्रसाद भट्टराईले असार १ गतेबाट आर्थिक क्षेत्रलाई क्रमशः चलायमान गर्दै लैजाने नीतिअनुसार केही क्षेत्रलाई सर्त राखेर सञ्चालन गर्न दिइने बताउनु भयो । अब दैनिक उपभोग्य वस्तु किनबेच बिहान ११ बजेसम्म खुला हुनेछ ।

वाणिज्य/विकास बैंक, वित्त संस्था निर्वाध तथा सहकारी र रेमिट कम्पनी आइतबार र बिहीबार खुला गर्न सकिने आदेशमा उल्लेख छ । पुस्तक पसल र प्रिन्टिङ प्रेसल बिहान ११ बजेसम्म खुल्नेछन् । अत्यावश्यक सेवा (औषधि तथा स्वास्थ्य उपकरण, अक्सिजन सिलिन्डर) कृषि/मलखाद/बीउ तथा खाद्यान्न सामग्री ढुवानीका कार्यालय (ढुवानी गर्दा मात्रै) खुला रहनेछन् । अनलाइन तथा टेक–अवे सेवा, होम डेलिभरी साँझ ७ बजेसम्म खोल्न पाइनेछ । हाल उपत्यकासहित ७५ जिल्लामा निषेधाज्ञा छ ।नेपालीनेटवर्क

रामेछाप । सरकारले ६२ वर्षदेखि ६४ उमेर समुहका जेष्ठ नागरीकहरूका लागि रामेछाप पठाएको कोरोना विरूद्ध खोप चरम दुरूपयोग भएको छ । कोरोना खोप दुरूपयोग गर्नेहरूमा रामेछाप नगरपालिका, मन्थली नगरपालिका, सुनापति गाउँपालिका लगाएत प्राय सवैजसो गाउँपालिका रहेको छ । जेठ २६ र २७ गतेका लागि स्वास्थ्य मन्त्रालयले उपत्यका वाहिर ६२ वर्षदेखी ६४ उमेर समुहका जेष्ठ नागरिकहरूका लागि लक्षित गरी पठाएको भ्याक्सीन रामेछापमा नगरपालिका र पालिकाका स्वास्थ्य प्रमुखहरूकै निर्देशनमा दुरूपयोग भएको श्रोतको दावी छ ।
श्रोतका अनुसार रामेछाप नगर स्वास्थ्य शाखा र मन्थली नगर स्वास्थ्य शाखाले ६२–६४ वर्ष उमेर समुहका नाममा स्वास्थ्यकर्मी निकट र आफन्त तथा रामेछाप नगरपालिका वडा नं ६ मा रहेका शिक्षकहरूले कोभिड विरूद्धको भेरोशेल खोप लगाएको प्रमाण बाहिर आइसकेपछि अनियमितता प्रकरण बाहिर आएको हो ।
सो वडामा वडा अध्यक्षकै निर्देशनमा शिक्षक तथा त्यस वडाका पहुँचवालाहरूले खोपको दुरूपयोग गरेका छन् । सरकारी निर्देशन र मापदण्ड विपरित संस्थागत समन्वय नै नगरि शिक्षक र पहुँचवालाहरूले खोप लगाएर खोपको दुरूपयोग गराएको भन्ने सम्वन्धमा रामेछाप नगर शिक्षक महासंघका अध्यक्ष नारायणप्रसाद घिमिरेले ठाडै प्रतिवाद गरे । उनले भने– पालिकाले गरेको यस खालको अनियमितता प्रति महासंघको गम्भिर आपत्ति रहेको छ । हैन भने शिक्षकका नाममा राज्यले विभेद गरेर कसैलाई काखा कसैलाई पाखा गर्नु ठिक हैन ।
रामेछाप नगरपालिका स्वास्थ्य प्रमुख विष्णु कार्कीले भने खोपको दुरूपयोग नभएको दावी गरेका छन् । कतिपय वडाहरूमा निर्धारित उमेर समुहका मानिसहरू उपस्थित नभएकाले खोप नष्ट हुनसक्ने भन्दै आफुहरूले अन्य उमेर समुहका मानिसहरूलाई खोप लगाएको कार्कीले बताए । यसवारेमा नगरले सम्वन्धित वडा अध्यक्ष र त्यहाँको वडा स्वास्थ्य प्रमुखहरूकै रोहवरमा खोप बुझाएकाले यसमा नगरको कुनै पनि दोष नरहेको उनको दावी छ ।
सरकारले निश्चित उमेर समुह किटान गरि जेष्ठ नागरिकहरूको लागि किटान गरेको खोप सम्वन्धीत पक्षवाटै दुरूपयोग भएको आरोप सरोकारवालाहरूले लगाएका छन् । रामेछाप स्वास्थ्य केन्द्रवाट खोप लगाउनेहरूमा रामेछाप उद्योग वाणिज्य संघका पदाधिकारीहरू, नेकपा एमाले र अन्य पार्टीका समेत नगरस्तरीय नेताहरू र नगर शिक्षक महासंघका पदाधिकारीहरू रहेका छन् ।
यता मन्थली नगरपालिकामा सरकारी सूचनाका आधारमा खोप लगाउन पुगेका मन्थली नगरपालिका वडा नं ३ का ६४ वर्षिय मोहन वहादुर थापा दिनभरी प्राथमिक स्वास्थ्य केन्द्र मन्थलीमा खोपको प्रतिक्षामा बसेर खोप नलगाई फर्किन परेको गुनासो गर्छन् । आफुसँगै लाइनमा बसेका आफु भन्दा कान्छा र जेठो उमेरका दुवै थरीका जेष्ठ नागरिहरूले पहुँचको आधारमा खोप लगाए तर आफ्नो भने कुनै पनि आधार नभएकाले दिउँसभरी मन्थलीको तातो घाम कुरेर खोप नै नलगाई फर्कनु परेको पनि थापाको बताए ।
यसरी खोप लगाउनेहरूमा स्वास्थ्यकर्मीका आफन्त, नागरिक समाजका अगुवा, राजनितिक कार्यकर्ता, पहुँचवालाहरू र कोरोना संक्रमण भएको चार हप्ता पुरा नभएका व्यक्तिहरू समेत रहेको मन्थली प्राथमिक स्वास्थ्य केन्द्र श्रोतले बताएको छ ।
दुई नगरपालिका वाहेक अन्य गाउँपालिकामा पठाएको खोप पनि मापदण्ड भित्रका नागरिकहरू उपस्थित नभएको भन्दै त्यहाँका स्वास्थ्यकर्मी,जनप्रतिनिधिहरुको नजिक र आसपासका नागरिकहरूलाई खोप लगाएको बताइएको छ । यसपटक सरकारी मापदण्ड भित्र नपरेका नेपाल प्रहरी, शसस्त्र प्रहरी र राष्ट्रिय अनुसन्धान कार्यालयका कर्मचारीहरूले समेत खोप लगाएका छन् ।
तर प्रहरी श्रोतले भने– नेपाल प्रहरीले ७९, शसस्त्र प्रहरीले २६ र राष्ट्रिय अनुसन्धान कार्यालयका कर्मचारी ८ जनाले मात्र खोप लगाएको दावी गरेको छ ।नेपाल प्रहरीका लागि १ सय ६४, शसस्त्र प्रहरीको लागि ४० र जिल्लाका संचारकर्मीहरूका लागि २० गरि २ सय २४ भ्याक्सिन मन्थलीका लागि आएको थियो । जसमा प्रहरी फोर्सले १ सय १५ ले मात्र लगाएको थियो भने सञ्चारकर्मीले कसैले पनि खोप लगाउन पाएनन् ।
तर मन्थली नगर स्वास्थ्य कार्यालयले भने सबै खोप ६२–६४ वर्षका जेष्ठ नागरिकहरूले लगाउनु पर्नेमा नेपाल प्रहरी र शसस्त्र प्रहरीले जर्वजस्ती लगाएको दावी गरेको छ । सम्वन्धीत पालिकालाई सरकारी मापदण्ड अनुसार खोप लगाउन निर्देशन जारी गरेको जिल्ला स्वास्थ्य कार्यालय रामेछापका जनस्वास्थ्य अधिकृत भुवन थापाले बताए । सोही आधारमा कार्यालयले रामेछाप नगरपालिकालाई पहिलो पटक ३ सय र दोश्रो पटक ४ सय ५० भायल खोप पठाएको थापाले बताए ।त्यसैगरी गोकुलगंगा गाउँपालिकालाई २ सय, उमाकुण्ड गाउँपालिकालाई २ सय, सुनापति गाउँपालिकलाई १ सय ५०, दोरम्वा गाउँपालिकालाई १ सय २५, खाँडादेवी गाउँपालिकालाई १ सय ३०, लिखु तामाकोशी गाउँपालिकालाई १ सय ३० र मन्थली नगरपालिकालाई पहिलो पटक ३ सय र दोश्रो पटक १ सय ५० भायल पठाएको भए पनि कतीपय पालिका र वडाहरूमा खोपको दुरूपयोग भएको सूचना कार्यालयलाई प्राप्त भएको थापाले वताए । जिल्ला स्वास्थ्य कार्यालयले मध्यस्तकर्ता मात्र भएको र सबै खोप केन्द्रवाट खोपको विवरण प्राप्त नभएकाले आधिकारीक रूपमा यसै भन्न नसक्ने अवस्था भएको थापा बताउँछन् । यदी खोपको दुरूपयोग भएको हो भने सम्वन्धीत पालिकाको स्वास्थ्य शाखाका पदाधिकारीकै जिम्मामा हुने बताए । यसवाहेक कार्यालयलाई राजनितिक रूपमा पनि खोपको लागि व्यापक दवाव आएको गुनासो पनि थापाले गरे ।
खोप अनियमितता र प्रहरीले पनि खोप प्रयोग गरेको सम्वन्धमा रामेछापका प्रमुख जिल्ला अधिकारी गौलोचन सैंजुले ६२–६४ उमेर समुहका जिल्लामा करिव २ हजार ६ सय मात्रै जेष्ठ नागरिक भएको र बाँकी रहेको खोप सुरक्षाकर्मीहरूलाई र संञ्चारकर्मीहरूलाई क्रमशः दिने निर्णय जिल्ला स्तरीय कोभिड–१९ संकट व्यवस्थापन केन्द्रले निर्णय गरेको बताए ।
उनले आफुले अनियमितता भएको भन्ने सूचना पाएपछि प्राप्त खोपको विवरण खपत खोप र उमेर समुहका नागरिकहरूको संख्याको वारेमा आजै जिल्ला प्रशासन कार्यालयमा विबरण पेश गर्न जिल्ला स्वास्थ्य कार्यालयलाई निर्देशन दिएको बताए ।

रामेछाप । यसबर्ष पनि रामेछापमा रासायनिक मल अभाव भएको छ । रामेछापका किसानहरुले बिगतका बर्षमा बेहोर्नु परेको सास्ती यो बर्षपनि बेहोर्नु पर्ने देखिन्छ । समयमै मल नपाउँदा किसानहरु चिन्तित हुन थालेका छन । गाई भैंसीको मल प्रयाप्त नहुने हुँदा किसानहरु रासायनिक मलमा भर पर्नु पर्ने बाध्यता रामेछापका किसानको रहेको छ । किसानको आवस्यकता अनुसारको रासायनिक मलको लागि कृषि सामाग्री केन्द्रलाई जानकारी गराइएको भए पनि हाल सम्म पनि उपलब्ध गराउन नसकेको पालिकाहरुले जनाएका छन् ।

किसानको समस्या चाँडै समाधान गर्न पालिका लागिरहेको र रासायनिक मलको समस्या हुन नदिने लिखु तामाकोसी गाँउपलिकाले जनाएको छ । जसरी हुन्छ किसानले खेती लगाउने बेला सम्म आफुले रासायनिक मल उपलब्ध गराउने लिखु तामाकोसी गाउँपालिकाका अध्यक्ष गोबिन्दबहादुर खड्काले जानकारी दिएका छन् । सुनापती र दोरम्बा गाँपालिकामा पनि समस्य उस्तै रहेको पलिकाहरुले जानकारी दिएका छन् । मल लिनको लागि पटक पटक गाडी पठाउँदा पनि बनेपाको साल्ट ट्रेडिङले खाली पठाएको सुनापती गाउँपालिकाका अध्यक्ष धावा लामाले बताए । किसानको बिगतमा किसानले भोगेको समस्या यो बर्ष नहोस् भनेर लाग्दा पनि सम्बन्धित निकायले रासायनिक मल उपलब्ध गराउन नसकेको लामाको भनाई छ ।
विभिन्न कृषि सहकारीलाई रासायनिक मल आपूर्ति गरेर किसानलाई सहज बनाउन स्वीकृति दिएको भए पनि किसानको माग अनुसार आपूर्ति हुन नसकेको दोरम्बा गाँउपालिकाका कृषी शाखा प्रमुख राजकुमार श्रेष्ठले ले जानकारी दिएका छन् । किसानले जति बेला आवश्यक पर्छ त्यति बेला मात्र माग गरेकाले यस्तो समस्या आएको उनको भनाई रहेको छ ।
किसानलाई रासायनिक मल अभाव नहोस् भनेर उमाकुण्ड गाँउपालिका उपाध्यक्ष उर्मिला कार्की संयोजकत्वमा समिति बनाएर आपूर्ति सहज गराउने प्रयत्न गरेको थियो । तर पालिकामा किसानलाई आवश्यक पर्ने रासायनिक मल प्राप्त गर्न नसकेको उमाकुण्ड गाउँपालिकाकी उपाध्यक्ष उर्मिला कार्की बताउछिन् । आफुहरुले सक्दो प्रयास गरिरहेको र सम्बन्धि निकाय संग कुरा गरिरहेको पनि कार्कीले बताइन् । रामेछापको बिकट गाउँ गुम्देल रहेको गाउँपालिका हो उमाकुण्ड गाउँपालिका ।
मन्थली नगरपालिकाको वडा नं १ बाहेक बाकी सबै वडामा रासायनिक मल हाहाकार भएको छ । आपूर्ति सहज बनाउन विभिन्न कृषि सहकारीलाई अनुमति दिएको भए पनि रासायनिक मल पाउन नसकेको मन्थली नगरपालिका वडा नं २ का अध्यक्ष तरणी शंकर अधिकारीले बताएका छन् ।
यता मन्थली नगरपालिकाले भने माग गर्न आउने सबैलाई सिफारिस दिएर पठाएको बताएको छ । नगरपालिका भित्रका १४ वटै वडामा एक एक वटा सप्लायर्स छनोट गरि आपूर्तिको लागि सिफारिस गरिएको नगरपालिकाका कृषि शाखा प्रमुख योवन राज सुनुवारले जानकारी दिएका छन् । सरकारले समयमै रासायनिक मल उपलब्ध गराउन नसक्दा किसानले मार खेप्नु परेको पनि सुनुवारको भनाइ छ । रामेछाप नगरपालिकामा भने आंशिक रुपमा रासायनिक मल ल्याएको भएपनी पुर्ण रुपमा नपुगेको नगरपालिकाले जनाएको छ । दुईवटा नगरपालिका र छ वटा गाँउपलिका रहेको रामेछापमा केही पालिकाले भने समयमै आफ्ना किसानलाई रासायनिक मल उपलब्ध गराएको जनाएका छन् ।

यस्तै खाँडादेवी गाँउपालिकाले भने समयमै किसानलाई आवश्यक मात्रामा रासायनिक मल उपलब्ध गराइसकेको जनाएको छ । बिगतका बर्षमा धेरै झमेला भएकाले यो बर्ष समयमै किसानको माग अनुसारको रासायनिक मल उपलब्ध गराएको खाँडादेवी गाँउपलिकाका अध्यक्ष प्रेमबहादुर तामाङले जानकारी दिएका छन् । गोकुलगंगा गाउँपालिकाले भने सधैं रासायनिक मल अभाव भइरहने समस्या नआओस् भनेर किसानहरुलाई प्राङ्ग्रारिक मल उत्पादनमा जोड दिएको छ । अभियान नै संचालन गरेर किसानहरूलाई प्राङ्ग्रारिक मल उत्पादन गर्न आह्वान गरेको गाँउपालिकाका अध्यक्ष खड्गबहादुर सुनुवारले जानकारी दिएका छन् । रामेछापमा वार्षिक युरियामल ३ हजार ७ सय ५२ टन , डिएपी मल १ हजार ९ सय ५७ टन र पोटास मल १ हजार ३९ टन आवस्यक पर्ने कृषि ज्ञान केन्द्रले जनाएको छ ।

मनोहर ढुंगेल

रामेछाप २९ जेष्ठ
रामेछाप ( रामेछाप जिल्लाको गाउँ गाउँमा कोरोनाको संक्रमण फैलने क्रम रोकिएको छैन । जिल्लाका अधिकांश ग्रामिण भेगमा अहिले संक्रमितहरुको संख्या बढ्दै जान थालेको छ । गाउँमा सक्रमितको संख्या अस्वभाविक रुपमा बढ्दै गएको भएपनि कोरोना परिक्षण भने घटाउँदै लगिएको छ । जिल्लाका धेरै जस्तो गाउँहरुमा अहिले कोरोनाको जस्तै लक्षण मिल्ने विरामीहरु प्रत्येक घरमा रहेका छन् ।
गाउँहरुमा संक्रमितको संख्या अस्वभाविक रुपमा बढ्दै गएको जिल्ला स्वास्थ्य कार्यालय रामेछापका अधिकृत भुवन थापाले बताए । स्वास्थ्य मापदण्डका विषयमा गाउँमा सर्तकता नहुँदा यस्तो अबस्था श्रृजना भएको पनि थापा बताउ छन् । जिल्लामा अहिले होम आइसोलेसनमा बस्नेहरुको पनि घरमा नै मृत्यु हुन थालेको छ ।

गाउँमा परिक्षण गरिएकाहरु मध्ये कतिपय गाउँमा ८० प्रतिशत सम्ममा पोजेटिभ देखिने गरेको स्वास्थ्य कार्यालयको तथ्याकंमा उल्लेख गरिएको छ । चार दिन अगाडि जिल्लाको सुनापति गाउँ पालिकाको १ सय १५ जनामा परिक्षण गर्दा ९८ जनामा पोजेटिभ देखिएको जिल्ला स्वास्थ्य कार्यालय रामेछापका प्रमुख जितेन्द्र कर्ण बताए । गाउँमा हुने विवाह, ब्रतवन्ध तथा अन्य सामाजिक काममा हुने जमघटहरुले संक्रमितहरुको संख्या ह्वात्तै बढेको दोरम्बा शैलुङ्ग गाउँपालिकाका अध्यक्ष कमान सिंह मोक्तानले जानकारी दिएका छन् । उहाँले अहिले गाउँका अधिकांश घरहरुमा कोरोनासंग मिल्दो जुल्दो लक्षण भएका विरामीहरु रहेको जानकारी दिएका छन् । पछिल्लो समय आफ्नो गाउँपालिका पनि कोरोनाको उच्च जोखिममा रहेको सुनापति गाउँपालिकाका उपाध्यक्ष गिता विष्टले बताइन् । तर खाँडादेवी गाउँपालिकामा भने कोरोना सन्क्रिमित घट्दो क्रममा रहेको छ । गाउँ गाउँमा सचेतना फैलाउदै अभियान नै चलाइएको खांडदेवी गाँउपालिकाका अध्यक्ष प्रेमबहादुर तमाङले जनकारी दिएका छन् । पालिका भित्रका नागरिकलाई समस्या पर्दा तत्काल निशुल्क एम्बुलेन्स सेवा उपलब्ध गराइेको पनि अध्यक्ष तमाङले बताए । खांदादेवी गाँउपलिकामा हाल सम्म ५ जनाको मृत्यु भईसकेको छ ।

यस अगाडि शहरी क्षेत्रमा बढी फैलिएको कोरोना संक्रमण अहिले गाउँ गाउँमा पुगेको छ । समुदाय स्तरसम्म कोरोेना फैलिएपछि स्थानीय सरकारलाई समेत कोरोना संक्रमण न्यूनिकरणका लागि हम्मे हम्मे परेको छ । संक्रमण रोक्नका लागि जिल्लामा विभिन्न सचेतना मुलक कार्यक्रम देखी निषेधाज्ञा सम्मको काम गरिएको रामेछापका प्रमुख जिल्ला अधिकारी गौलोचन सैंजुले बताए ।

रामेछाप जिल्लामा बैशाख ३ गतेपछि १ हजार ७ सय ८३ जना संक्रमित भएको मध्ये १ हजार ३ सय ८८ जना निको भएर घर गइसकेको जिल्ला स्वास्थ्य कार्यालय रामेछापले जनाएको छ । अहिले अस्पताल र घरमा गरी ३ सय ७९ जना र ८ जना आसियुमा सक्रिय संक्रमित रहेको जिल्ला स्वास्थ्य कार्यालयका अधिकृत भुवन थापाले जानकारी दिएका छन् । जिल्लामा अघिल्लो बर्ष जम्मा २ सय २४ जना मात्र संक्रमित भएका थिए । हाल सम्म रामेछापमा कोरोना संक्रमणबाट १६ जनाको ज्यान गैसकेको छ ।

काठमाडौं । नेपाली कांग्रेसका सभापति शेरबहादुर देउवाको आह्वानमा आज (शनिवार) पदाधिकारी बैठक बस्दैछ । शनिबार दिउँसो २ बजे बूढानीलकण्ठस्थित आफ्नै निवासमा देउवाले बैठक बोलाउनुभएको हो ।

बैठकमा पार्टीको महाधिवेशन र समसामयिक राजनीतिक बिषयमा छलफल हुने सभापति देउवाका सहयोगी भानु देउवाले जानकारी दिनुभयो ।

कांग्रेसले आगामी भदौमा गर्ने गरी पार्टीको महाधिवेशन तय गरेको भए पनि कार्यतालिका भने प्रभावित भएको छ। कोरोना महामारीका कारण पार्टी महाधिवेशनको कार्यतालिका प्रभावित भएपछि सभापति देउवाले यस बिषयमा छलफल गर्न बैठक बोलाउनुभएको हो ।

पार्टीको महाधिवेशन समयमै गर्न सभापति देउवालाई नेताहरुले दबाब दिईरहेका छन् भने, संविधानतः आगामी भदौमा महाधिवेशन नभए कांग्रेसको वैधानिकतामा पनि प्रश्न उठ्ने देखिन्छ।

यसअघि कांग्रेसका आधा दर्जन बढी केन्द्रिय सदस्यहरुले बैकल्पिक माध्यामबाट भएपनि भदौमा महाधिवेशन गर्नका लागि पहल कदमी लिन सुझाव दिएका थिए । देउवाले यसअघि आफू पार्टीको महाधिवेशन गर्न प्रतिवद्ध रहेको समेत दाबी गरेका थिए।नेपालीनेटवर्क

काठमाडौं । गण्डकी प्रदेशमा नयाँ सरकार बनाउन दलहरूलाई दिएको समयसीमा आज (शनिवार) दिउँसो ३ बजे सकिँदैछ ।

हिजो प्रदेशप्रमुख सीता पौडेलले २४ घण्टाभित्र नयाँ सरकार गठनको दाबी पेश गर्न आह्वान गर्नुभएको थियो ।

काँग्रेस लगायतका विपक्षी चारदलले नयाँ सरकार बनाउन बहुमत सदस्य रहेको प्रदेशमा आज नयाँ सरकार गठनको सम्भावना रहेको छ ।

प्रदेश प्रमुखको आह्वान अनुसार नेपाली कांग्रेस, माओवादी केन्द्र, जनमोर्चा, जनता समाजवादी पार्टी र स्वतन्त्र सदस्य राजीव गुरुङ(दीपक मनाङे)सहित ३१ जना प्रदेश सभा सदस्यले हिजो नै दाबी प्रस्तुत गरिसकेका छन् ।

प्रदेश प्रमुख सीताकुमारी पौडेलले आज दिउँसो तीन बजेसम्म बहुमतसहित मुख्यमन्त्रीमा दाबी गर्न समय दिएकोमा विपक्षी गठबन्धनले हिजो नै ३१ जना प्रदेश सभा सदस्य आफैँ उपस्थित भएर दाबी पेस गरेका छन् ।

नियमअनुसार प्रदेशप्रमुख पौडेलले आज तीन बजेअघि नै नयाँ मुख्यमन्त्रीमा नेपाली कांग्रेस संसदीय दलका नेता कृष्णचन्द्र नेपाली पोखरेललाई मुख्यमन्त्रीमा नियुक्त गर्नुहुनेछ ।

गण्डकीका मुख्यमन्त्री पृथ्वीसुब्बा गुरुङले अस्ति बिहीवार विश्वासको मत पाउन नसकेपछि प्रदेशप्रमुखले नयाँ मुख्यमन्त्रीको लागि बहुमतसहित दाबी गर्न समय दिनुभएको हो ।

राष्ट्रिय जनमोर्चाका कृष्ण थापाले साथ नदिए पनि स्वतन्त्र प्रदेश सभा सदस्य दीपक मनाङेले विपक्षीलाई साथ दिएपछि कांग्रेस नेतृत्वमा सरकार बनाउन बहुमत पुगेको हो ।

कांग्रेसका १५, नेकपा माओवादी केन्द्रका ११, राष्ट्रिय जनमोर्चाका २, जनता समाजवादी पार्टीका २ र स्वतन्त्र सांसद दीपक मनाङेले कांग्रेस संसदीय दलका नेता कृष्णचन्द्र नेपाली पोखरेललाई समर्थन गरेका छन् ।नेपालीनेटवर्क

रामेछाप – रामेछापको मन्थलीमा रहेको राष्ट्रिय वाणिज्य बैंक शाखामा धेरै भिडभाड देखिन थालेको छ । हप्तामा तीन दिन मात्र खोल्ने उक्त शाखामा सेवाग्राही बिहानै देखि लाइन बसिरहेका हुन्छन् ।

बैंक बाहिर लाइमा बसेका सेवाग्राहीले माक्स लगाएपनि भौतिक दुरी कायम गरेको देखिदैन । कोरोना भाइसको बढ्दो संक्रमण संगै स्वास्थ्य सुरक्षा सावधानी नअपनाउँदा यसको जोखिम बढ्ने देखिन्छ ।

यस्तो भिडभाड देख्दा पनि प्रशासन भने देखेको नदेखै जस्तो गरिरहेको छ । ड्युटीमा रहेका प्रहरी पनि त्यही भिड नजिकैबाट हिड्दा बैंक अगाडिको भिड देखे नदेखे जसरी हिडेको प्रस्टै देखिन्छ । बैंकमा देखिएको भिडले गर्दा सर्ब साधारणमा त्रास पैदा गरेको छ ।

बजार पसल तोकिएकै समयमा बन्द गर्न लगाउने प्रशासनले बैंक अगाडिको भिड किन नदेखेको होला एक ब्यापारीले प्रश्न गरे । बैंक तथा वित्तीय संस्था संचालन गर्नु राम्रो हो तर भिडभाड गरेर गर्नु नहुने उनको भनाइ रहेको छ ।

शुक्रवार, जेठ २८

काठमाडौं । नेपालमा अब केही दिनमा पूर्वबाट मनसुन भित्रिने जल तथा मौसम विज्ञान विभागले जनाएको छ । बङ्गालको खाडीबाट मनसुन विकसित भइसकेको र त्यो नेपाल आउने क्रममा रहेको वरिष्ठ मौसमविद् वरुण पौडेलले जानकारी दिनुभयो ।

उहाँले केही वर्षा बढ्न थालेको र आगामी हप्ताबाट भने ठाउँठाउँमा भारी वर्षासमेत हुने जानकारी दिनुभयो । मौसमविद् गङ्गा नगरकोटीका अनुसार हाल देशमा पश्चिमी वायु, पूर्वीय वायु र स्थानीय वायुको मिश्रित प्रभाव कायम रहेको छ ।

त्यसले बागमती, गण्डकी, लुम्बिनी र प्रदेश नं १ का केही भेगमा वर्षा भइरहेको छ । काठमाडौँ उपत्यकाका विभिन्न स्थानमा पनि वर्षा भएको छ । आज राति देशभर सामान्यदेखि पूर्ण बदली रहनेछ ।

देशका धेरै स्थानमा मेघगर्जन÷चट्याङसहित हल्कादेखि मध्यम वर्षाको सम्भावना रहेको छ । आज पनि देशभर सामान्यदेखि पूर्ण बदली रहने र धेरै स्थानमा मेघगर्जन–चट्याङसहित मध्यमसम्मको वर्षाको हुनेछ । मौसमविद्हरूका अनुसार सामान्य रूपमा विगत १० वर्षयता जुन १० मा मनसुन भित्रिएर सेप्टेम्बर २३ मा बाहिरिन्थ्यो ।

यस वर्षदेखि मनसुन भित्रिने दिन जुन १३ अर्थात् आगामी आइतबार हो । अक्टोबर २ मा बाहिरिनेछ । सरदर वर्षाको आँकडा विश्लेषण गरेर मनसुनको मिति तय गरिने भए पनि कहिले कार्हीँ केही दिन ढिला र केही दिन चाँडो पनि मनसुन भित्रिने हुनसक्छ ।

प्राप्त विवरणअनुसार आज २१४ वटा वर्षा मापन केन्द्र (मानव सञ्चालित ८५ र स्वचालित १२९) मा मापन गरिएको गत २४ घण्टाको वर्षाको विवरणअनुसार १०८ केन्द्रमा वर्षा भएको छ । उक्त केन्द्रमध्ये सबैभन्दा बढी वर्षा डडेलधुरा केन्द्रमा ११२ मिलीमिटर भएको छ । नेपालीनेटवर्क

शुक्रवार, जेठ २८

काठमाडौं । प्रधानमन्त्री केपी ओलीले रातो पासपोर्ट बिक्री काण्डमा सर्वोच्चमा मुद्दा खेपिरहेका नारदमुनि रानालाई वनमन्त्री नियुक्त गरेका छन्  । रानाको पासपोर्टमा अस्ट्रेलिया गएका व्यक्ति ११ वर्षदेखि उतै छन् ।

पहिलो संविधानसभामा निर्वाचित भएर सभासद् भएपछि पाएको रातो पासपोर्ट बिक्री गरेको अभियोगमा रानाविरुद्ध अख्तियार दुरुपयोग अनुसन्धान आयोगले विशेष अदालत र प्रहरीको केन्द्रीय अनुसन्धान ब्युरो (सिआइबी)ले जिल्ला अदालत काठमाडौंमा छुट्टाछुट्टै मुद्दा दायर गरेका थिए । सिआइबीले ०६८ सालमा रानालाई पक्राउ गरी केही दिन हिरासतमा राखेर मुद्दा दायर गरेको थियो । जिल्ला अदालतले उनलाई सफाइ दिएपछि मुद्दा सर्वोच्चमा पुगेको छ ।

रातो पासपोर्टमा सजिलै भिसा लाग्ने भएकाले सभासद्को पासपोर्टमा अन्य व्यक्तिको फोटो टाँसेर मानव तस्करी गर्ने गिरोह पहिलेदेखि नै नेपालमा सक्रिय छ । यसरी विदेश पठाउँदा व्यक्तिबाट १४ लाखसम्मको लेनदेन भएको सिआइबीको अनुसन्धानमा खुलेको थियो ।

सर्लाहीका सन्तोष उप्रेती नेतृत्वको गिरोहले सभासद्को रातो पासपोर्टमा मानव तस्करी गरेको थियो । त्यसका लागि करिब चार लाख रुपैयाँ पासपोर्ट दिने सभासद्लाई उपलब्ध गराइएको थियो ।

यो गिरोहले ‘नेप्लिज फोरम फर ह्युमन राइट्स एन्ड पिपुल्स डेमोक्रेसी’ नामक संस्थाले सभासद्हरूलाई विदेशमा हुने गोष्ठीमा बोलाएको भनेर नक्कली निमन्त्रणापत्र पेस गरी अस्ट्रेलिया, क्यानाडालगायतका देशबाट भिसा लिने गरेको थियो । कूटनीतिक पासपोर्ट भएका व्यक्तिलाई दूतावासले पनि सहजै भिसा दिने भएकाले दुरुपयोग गरिएको थियो ।

अनुसन्धानपछि सिआइबीले तत्कालीन सभासद्द्वय गायत्री साह र बिपी यादवलाई ६ वैशाख ०६८ मा पक्राउ गरेको थियो । अनुसन्धानको क्रममा थप दुई सभासद् शिवपुजन राय र नारदमुनि रानाले समेत रातो पासपोर्ट बिक्री गरेको पुष्टि भएको थियो ।

अख्तियारको अनुसन्धानअनुसार रानाको पासपोर्टमा म्याग्दीका निर्मल बानियाँ र शिवपुजनको पासपोर्टमा म्याग्दीकै केदार पौडेल नक्कली सभासद् बनेर विदेश उडेका थिए । उनीहरू अहिले पनि अस्ट्रेलियामै छन् ।

बानियाँ र पौडेल ११ डिसेम्बर २०१० मा अस्ट्रेलिया उडेका थिए । सिआइबीले अस्ट्रेलियन प्रहरीसँग सहकार्य गरे पनि उनीहरू पक्राउ परेका छैनन् । उनीहरूसँगै सांसद नारदमुनि सत्तारुढ दलको नेता भएकाले पनि प्रहरीले यसमा चासो दिएको छैन ।नयाँ पत्रिका

काठमाडौं । संसद विघटनपछि उत्पन्न राजनीतिक परिस्थिति बारे छलफल गर्न आज (शुक्रबार) सर्वदलीय बैठक बस्ने भएको छ ।

सभामुख अग्नि प्रसाद सापकोटाको आह्वानमा बस्ने बैठक दिउँसो २ बजे संसद भवन नयाँ बानेश्वरमा बस्दै छ ।

बैठकमा प्रधानमन्त्री तथा नेकपा एमालेका अध्यक्ष केपी शर्मा ओलीलाई समेत निमन्त्रणा पठाइएको सभामुखका प्रेस सल्लाहकार श्रीधर न्यौपानेले जानकारी दिनुभयो ।

न्यौपानेका अनुसार यो बैठकमा सबै दलका शीर्ष नेता र पूर्वप्रधानमन्त्रीलाई बोलाइएको छ । नेतालाई पठाइएको निमन्त्रणा पत्रमा समसामयिक राजनीतिक विषयमा छलफल गर्ने भनिए पनि यो बैठकमा संसद विघटनपछि अब के कसरी अघि बढ्ने बारेमा छलफल हुने बताइएको छ ।

सरकारले संसद विघटन गर्दै चुनाव घोषणा गरेपछि सभामुख सापकोटा असन्तुष्ट हुनुहुन्छ । त्यसैले उहाँले बोलाएको यो बैठकलाई अर्थपूर्ण रुपमा हेरिएको छ ।

यता प्रधानमन्त्री केपी शर्मा ओली भने नजाने हुनुभएको छ । बैठकमा प्रधानमन्त्री ओलीलाई बोलाइएको भए पनि उहाँ नजाने प्रेस सल्लाहकार सूर्य थापाले जानकारी दिनुभयो ।

‘प्रधानमन्त्रीको नाममा पार्टी कार्यालयमा पत्र पुगेको रहेछ । प्रधानमन्त्रीको कार्यालय सिंहदरबार हो’ सल्लाहकार थापा भन्नुभयो ‘प्रधानमन्त्रीलाई पत्र पठाउने त्यसरी होइन। भेटेर छलफल गर्ने हो। यसरी बोलाएको बैठकमा उहाँ सहभागी हुनुहुन्न ।’

यता, एमालेका असन्तुष्ट खेमाको नेतृत्व गरिरहेका माधवकुमार नेपाल भने बैठकमा सहभागी हुने भएका छन् ।

प्रधानमन्त्री ओलीले विपक्षी गठबन्धनमा बहुमत हुँदाहुँदै प्रक्रिया–पद्धति मिचेर संसद् विघटन गरेको भन्दै विपक्षी गठबन्धन १४६ सांसदको हस्ताक्षर लिएर अदालत पुगेको छ ।

मुद्दामाथि सुनुवाइ सुरु भएको छ । सभामुख जारी संवैधानिक र राजनीतिक संकटको समाधान के हुन्छ भनेर छलफलमा जुटिरहेका छन् ।नेपाली नेटवर्कले लेखेको छ ।

रामेछाप। रामेछाप जिल्लाको मन्थली नगरपालिकामा रहेको प्राथमिक स्वास्थ्य केन्द्रमा कार्यरत स्वस्थ्यकर्मीले सरकारले घोषणा गरेको कोरोना जोखिम बापतको भत्ता नपाएको गुनासो गरेका छन् । सरकारले तोकेको जोखिम बापतको भत्ता एक बर्ष अघि देखिकै नपाएको स्वास्थ्यकर्मीहरुले बताएका छन् ।

रामेछाप जिल्लाको मन्थली नगरपालिका वडा नं १ मा रहेको प्राथमिक स्वास्थ्य केन्द्रमा कार्यरत स्वास्थ्यकर्मीले आफुहरुले पाउनु पर्ने जोखिम बापतको सुबिधा एक बर्ष अघि देखि कै नपाएको बताएका छन ।कोभिड १९ सुरु भए देखी आफुहरुले सामान्य बिरामीका साथै कोरोनका बिरामीहरुको पनि सेवा गरिरहेको तर जोखिम बापतको सुबिधा नपाएको प्राथमिक स्वास्थ्य केन्द्र मन्थली निमित्त कार्यालय प्रमुख डाक्टर नबराज श्रेष्ठ बताउछन् ।

रामेछाप जिल्लाका अन्य पालिकाले पालिका भित्र कार्यरत स्वास्थ्यकर्मीहरुलाई सरकारले तोकेको सुबिधा भन्दा पनि थप गरेर दिएको तर मन्थली नगरपालिकाले सरकारले तोकेको जति पनि नदिनेको स्वास्थकर्मी बताउछन् । घरपरिवार र आफ्नो ज्यानको प्रबाह नगरी बिरामीको सेवा गर्दा पनि सुबिधा नपाउदा काम गर्ने जोश जागर हराएको श्रेष्ठ बताउँछन् ।

यस्तै अस्पताल ब्यबस्थापन समितिले पनि नगरपालिकाले प्राथमिक स्वास्थ्य केन्द्रमा कार्यरत कर्मचारीलाई प्रोत्साहन गर्न नसकेको र बेवास्ता गरेको आरोप लगाएका छन् ।नगरपालिकालाई पटक पटक आग्रह गर्दा पनि आश्वासन मात्र दिएको तर वास्ता नगरेकोप्राथमिक स्वास्थ केन्द्र मन्थलीब्यबस्थापन समितिका उपाध्यक्षबिरेन्द्र श्रेष्ठलेबताए ।

मन्थली नगरपालिकाले भने स्वास्थ्यकर्मीले बाह्रै महिनाको जोखिम भत्ता दाबी गरेकाले त्यो दिन नसकिने बताएको छ । माहामारी अवधिको सुबिधा उपलब्ध गराएको पनि मन्थली नगरपालिकाले जनाएको छ । जोखिमको समयमा स्वास्थ्यकर्मीले विभिन्न बाहाना बनाउँदै बखेडा झिकेर नागरिकको स्वास्थ्य सगं खेलबाड गरेको मन्थली नगरपालिकाका नगर प्रमुख रमेशकुमार बस्नेतले बताएका छन् ।

मन्थली नगरपालिका भित्र एउटा आयुर्वेदिक कार्यालय सहित २४ वटा स्वस्थ्य संस्था रहेका छन् भने तीन जना विद्यालय नर्स सहित १ सय २७ जना स्वस्थ्यकर्मी कार्यरत रहेकाछन् ।

छ घण्टामा आउनु पर्ने रिपोर्ट तीन दिन सम्ममा पनि आउँदैन

रामेछाप २४ जेठ ।
परिक्षण शुरु गरेको छ घण्टा भित्रमा आउने पिसिआर रिर्पोट रामेछापका नागरीकले भने तिन दिनमा पनि पाउन सकेका छैनन् । पिसिआर रिर्पोट समयमा नै नआउँदा एकातर्फ संक्रमण फैलने डर हुन्छ भने अर्कातर्फ पिसिआरका लागि स्वाब दिएका व्यक्ति र परिवारका लागि तनाव त्यत्तिनै हुने गरेको छ । समान्यतया स्वाब दिएको ६ घण्टामा यसको रिर्पोट आउने जिल्ला स्वास्थ्य कार्यालय रामेछापका प्रमुख जितेन्द्र कर्ण बताउछन्, तर रामेछापबाट पिसिआरका लागि स्वाब पठाएको ३ दिनमा पनि रिर्पोट आउने गरेको छैन ।

पिसिआरका लागि आफुले स्वाब पठाएको तिन दिन वितिसक्दा पनि रिर्पोट नआउँदा आफुलाइ मानसिक तनाव भएको नेपाल पत्रकार महासंघ रामेछापका कोषाध्यक्ष युवराज श्रेष्ठ बताए । उनले आफुलाइ मात्र नभएर परिवारका सदस्यलाई पनि त्यतिकै तनाव हुने गरेको बताए ।
छिमेकी जिल्लाहरुमा पिसिआर परिक्षणका लागि मेसिन प्रयोगमा आइसक्दा पनि रामेछाप जिल्लामा भने मेसिन ल्याउने कुराको अत्तो पत्तो छैन । मेसिन खरिदका बिषयमा सरकारका जिम्मेवार निकायहरु प्रयास भइरहेको सतही जवाफ दिएर पन्छने गरेका छन् ।

पिसिआर मेसिन खरिद वा अन्य कुनै बिकल्पका बिषयमा आफुले प्रयास गरिरहेको बागमती प्रदेश सरकारका आर्थिक मामिला तथा योजना मन्त्री कैलाश ढुंगेलले बताए । यता जिल्ला स्वास्थ्य कार्यालयका प्रमुख जितेन्द्र कर्ण भने लामो समयदेखीको आफ्नो प्रयास सफल हुन नसकेको बताउछन् । मेसिन खरिदका लागि केहि स्थानीय तहका प्रमुखहरुले ५ देखी १० लाख सम्म सहयोगको आश्वासन दिएको भएपनि अधिकांश स्थानीय तहहरुले पैसा नभएको भन्दै टार्ने गरेको जनस्वास्थ्य प्रमुख कर्ण बताए । संक्रमणको दर दैनिक रुपमा बढ्दै जाँदा नागरीकहरुले स्वाब परिक्षणका लागि आवश्यक पर्ने पिसिआर मेसिन खरिदका लागि कुरा उठाउँदा पनि आफ्नो आवाज कमजोर भएको नागरीक अगुवाहरु बताउँछन् ।

काठमाडौं– गीतकार सुदन डोटेलले अहिलेको महामारी लक्षित गर्दै एउटा नयाँ पुकार गीत ‘कृष्ण अब तिमी आउ…’ बजारमा ल्याएका छन् ।उक्त गीतमा गायक कृष्ण काफ्लेको स्वर सुन्न सकिन्छ ।यो गीतलाई सरोज प्याकुरेलले संगीतबद्ध गरेका छन्।

गायक काफ्लेलाई दर्शक तथा स्रोताले देखन चम्पा, पर्ख पर्ख मायालु, मैले ढाँटेको छैन, चाखुम चाखुम जस्ता गीतमा दर्शक तथा स्रोताले मन पराइसकेका छन् । ‘कृष्ण अब तिमी आउ…’ गीतको पुकार गीतको म्युजिक भिडियो युट्युबमार्फत सार्वजनिक भएको छ।

मानिसले आफूलाई अजंम्बरी र अहंकारी सोचेर कुकर्म गरेको कारणले विभिन्न खालका विपत्ती आएका छन्। हामी सबैले गल्ती गरेका छौं ।त्यसकारण गीतकार डोटेलले कृष्ण अब तिमी आउ र यो हाहाकारको स्थितिबाट विश्वका मानिसहरुलाई मुक्त गराउ भन्ने आशय यो गीतमार्फत व्यक्त गरेका छन्।

गीतलाई मनोहर सुनामले संगीत संयोजन गरेका छन् ।पुकार गीतको भिडियोमा कुवेर केसीको अभिनय छ। सुरेन्द्र श्रेष्ठको छायांकन तथा सम्पादन रहेको यो भिडियोलाई सरोज प्याकुरेलले निर्देशन गरेका हुन्।

लन्डन । एकपल्ट कोरोना संक्रमण निको भएपछि कति समयसम्म फेरि कोरोना संक्रमण हुँदैन ? कारोना संक्रमणले विश्व नै आजित भइरहेका बेला धेरैले सोध्ने प्रश्न हो यो । हुन पनि कोरोना संक्रमणबाट पार पाएको केही समयपछि पुनः संक्रमणले छुन थालेको छ । कोरोना संक्रमणबाट अनेकौं हन्डर खाएर मृत्युको मुखबाट जोगिएकाहरू फेरि यो संक्रमणले नछोओस् भनेर कामना नै गर्छन् । संक्रमणबाट बच्न अनेकौं सावधानी पनि अपनाउँछन् । तर, त्यस्तो हुँदैन । पुनः संक्रमणले सताउँछ ।

पहिलोपटक भएको संक्रमण निको भएका कतिपय मानिस दोस्रोपटक पनि संक्रमित भएको पाइएकोबारे बेलायतका वैज्ञानिकले अनुसन्धान गरेका छन् । बेलायतस्थित युनिभर्सिटी कलेज लन्डन (यूसीएल)का अनुसन्धानकर्ताले गरेको अनुसन्धानबारे जर्नल लान्सेट हेल्दी लंगेभिटीमा प्रकाशित भएको छ । अनुसन्धानका क्रममा गत वर्षको अक्टोबर र यस वर्षको फेब्रुअरीसम्म इंग्ल्यान्डस्थित हेरचाह केन्द्र (केयर होम) मा रहेका २ हजारभन्दा बढी व्यक्तिलाई समावेश गरिएको थियो । अनुसन्धानको निष्कर्ष यो छ कि एकपल्ट कोरोना संक्रमण निको भएपछि १० महिनासम्म यो भाइरसले आक्रमण गर्न सक्दैन ।

एन्टिबडी जाँचबाट पहिले संक्रमण भएर निको भएको पुष्टि भएका व्यक्ति १० महिनासम्म कोरोनाबाट सुरक्षित रहेको अनुसन्धानमा पाइएको जनाएको छ ।

अध्ययन क्रममा पछिल्ला चार महिनायता कोरोना संक्रमण भएका व्यक्तिमध्ये पहिले कोरोना भइसकेका व्यक्ति ८५ प्रतिशत कम पाइएको पनि खुलेको छ ।

यूसीएलकी स्वास्थ्य सूचना विज्ञान संस्थान अध्ययनकी मुख्य लेखिका मारिया क्रुतिकोभ यसलाई निकै राम्रो खबरका रूपमा आफूले लिएको बताउँछिन् । उनले कोरोनाबाट एकपल्ट संक्रमित भइसकेका व्यक्तिमा देखिएको उच्चस्तरको प्रतिरक्षा क्षमता ढुक्क गराउने खालको पाइएको पनि बताएकी छन् । तर, उमेर अलि बढी भएका व्यक्तिमा यस्तो शक्ति कम हुन सक्ने अनुसन्धानको निष्कर्ष रहेको पनि उनले बताएकी छन् ।

रामेछाप । प्रगतिशिल युवा समाज दोरम्बाले सुनापती गाउँपालिका–१ गुन्सी स्वास्थ्य चौकीलाई स्वास्थ्य सामाग्री शुक्रबार हस्तान्तरण गरेको छ । कोरोनाको दोश्रो भेरियन्ट आए सगैं गाउँ गाउँमा पनि महामारी फैलिएको छ र विभिन्न स्थानमा आइसुलेसनहरु निर्माण गरि नियन्त्रण र रोकथामका प्रयास भैरहेका छन् । यस्तै सुनापती वडा नं १ गुन्सी स्वास्थ चौकीमा पनि आइसुलेसन निर्माण गरिएको थियो । समाजले उक्त आइसोलेसनलाई अत्यावश्यक स्वास्थ्य सामाग्री सहयोग गरेको हो ।
स्वास्थ्य चौकीलाई अक्सिजन सिलिण्डर ५ थान, पीपीई सेट १० थान, अक्सिमिटर २ थान, थर्मलगन १ थान, डिजिटल थर्मोमिटर ५ थान, ब्लड प्रेसर नाप्ने डिजिटल मेसिन २ थान, सेनिटाइजर १५ लिटर, फेस सिल्ड १० थान, एक हजार थान सर्जिकल मास्क र ग्लोब्स २०० पिस लगायतका स्वास्थ्या सामाग्री सहयोग गरेको संस्थाका सदस्य सुशिल चौलागाईँले जानकारी दिएका छन् ।
हस्तान्तरण गरेको स्वस्थ्य सामाग्रीहरु मध्य केही आविष्कार केन्द्रले प्रगतिशील युवा समाजलाई सहयोग गरेको हो । उक्त स्वास्थ्य सामाग्रीमध्ये ५ थान अक्सिजन सिलिन्डर, पीपीई सेट १० थान, फेस सिल्ड १० थान भने केन्द्रले सहयोग स्वरुप प्रदान गरेको पनिबचौलागाईँले जानकारी दिएका छन ।
समाजले आफ्नो स्थापना कालदेखि नै संकटको बेला विभिन्न सामाजिक कार्य गर्दै आइरहेको र आगामी दिनमा पनि निरंतरता दिने समाजले जनाएको छ । स्वस्थ्य सामाग्री हस्तान्तरण कार्यक्रममा सुनापती गाउँपालिका अध्यक्ष धावा लामा, प्रमुख प्रशासकीय अधिकृत कमलराज श्रेष्ठ, स्वास्थ्य प्रमुख अर्जुन श्रेष्ठलगायतको उपस्थिति रहेको थियो ।

संसारकै सर्बश्रेष्ठ प्राणी भनेको मानिस हो । जो सधै बुद्धि विवेक र चेतनाले अब्बल हुन्छ अनि उसले सबै प्राणी र तत्वलाई मिलाएर राख्न सक्छ । वातावरणिय सन्तुलन कामय गर्न पनि मानिसको अहम भुमिका हुन्छ । मानवले चाह्यो भने प्राकृतिक सौर्न्दर्यताले भरिपूर्ण वातावरण निर्माण गर्न सक्छ । किनकि मानिस पनि त प्रकृतिको एक अभिन्न अंग हो । प्रकृतिले वातावरण संरक्षणको दायित्व मानिसलाई सुम्पेको छ । जब मानिसमा गलत मनोभावना सिर्जना हुन्छ अनि उसको पनि मति भ्रष्ट हुन्छ ।

प्राकृतिक सौर्न्दर्यले भरिपूर्ण भएको वातावरणलाई मानवले गर्ने एक पछि अर्को बिनाशले विश्वमा रोग भोक र शोक निम्त्याएको छ । जब मानव क्रूर भएर प्रकृतिको दोहन गर्छ अनि त्यसको परिणाम प्रकृतिले देखाउँछ । जब विश्वमा तिब्र जनसंख्या वृद्धि हुन्छ अनि त्यसले वातावरण र प्रकृतिलाई बिनाश गर्छ । त्यो बिनाश रोक्न प्रकृतिले जनसंख्या नियन्त्रण गर्छ त्यो ज्यादै कारुणिक र दर्दनाक हुने गर्द छ । अहिलेको महामारी पनि त्यसैको एउटा उदाहरण हो भन्दा दुई मत नहोला । आज मानवलाई चाहिने अक्सिजन अभाव भइरहेको छ कृत्रिम अक्सिजन लिनु पर्ने अवस्था आएको छ । कारण यहि हो मानिसले प्राकृतिलाई बिनाश ग¥यो । पछिल्लो अवस्था हेर्ने हो भने हजारौं हेक्टर वन जङ्गल आगलागीको सिकार भए । त्यसको प्रत्यक्ष असर जङ्गलमा बस्ने जंगली जनावर देखि सिङ्गो मानव समाजलाई परेको छ ।

सयौं जंगली जनावर जलेका छन भने लाखौं बोटबिरुवा पनि नष्ट भएका छन् । जब मानिसले आफ्नो धर्म बिर्सन्छ अनि उसले गर्ने कर्म अप्राकृतिक हुने गर्द छ । त्यसको परिणाम अनि त्यही मानवले भोग्नु पर्छ । प्रकृति र वातावरण एक अर्काका परिपूरक हुन् । नेपाल एउटा प्राकृतिक सौन्दर्यले सिंगारिएको सुन्दर फुलबारी हो । यहि सौर्न्दर्यताले धेरै बिदेशी पाहुनाको आकर्षणको बिन्दु बनाएको छ । साच्चै भन्ने हो भने देशको अर्थतन्त्रमा ठूलो टेवा पु¥याएको छ । त्यसैले नेपाललाई पर्यटनको केन्द्र कायम राख्न वातावरण संरक्षण गर्दै हराभरा प्रकृति बनाउनु जरुरी छ । वातावरण संरक्षण गर्दै प्राकृतिक सम्पदाको रक्षा गर्नु आजको पहिलो प्राथमिकता हो ।

आज नगरे कहिले गर्ने, मैले नगरे कसले गर्छ , भन्ने सोचले वातावरण संरक्षण गरौं । रुख काट्ने मात्र हैन रुख रोप्न पनि सिकौं । मैले रोपेको रुख मेरो पुस्तौं सम्मका सन्ततिलाई हो , मैले सफा गरेको वातावरण मेरो स्वस्थ्यको लागि हो भन्ने सोचको बिकास गरौ । आफू बाचौं र अरुलाई पनि बचाउँ ।

रामेछाप । गाउँपालिकामा निमार्ण हुन लागेको अस्पतालको बिषयमा विभिन्न सामाजिक सञ्जालमा अतिरन्जीत किसिमले कुप्रचार गरेको भन्दै गाउँपालिकाको केन्द्रमा नै अस्पताल निमार्ण हुने लिखु तामाकोशी गाउँपालिकाका अध्यक्ष गोबिन्द बहादुर खड्काले बताएका छन् ।
लिखु तामाकोशी गाउँपालिकाको केन्द्र विन्दु मानिएको सोही पालिकाको वडा नं ४ बिजुलीकोटको नागीमा १५ शैयाको अस्पताल निमार्ण गर्ने गरी २०७७ मंरि ७ गते शिलान्यास समेत भइसकेको छ । शिलान्यास भइसकेको अस्पतालको कामलाई तिव्रता दिनुको साटो उक्त अस्पतालको काम रोकी त्यस अस्पतालको वजेट सोही गाउँपालिकाको वडा नं ६ खिम्ती प्राथमिक स्वास्थ्य केन्द्रमा विनियोजन भएपछि अस्पतालको बिषयलाई लिएर पालिकामा विवाद शुरु भएको हो ।
सबै नागरिकहरुको पायक पर्ने ठाउँ विजुलीकोट वडा नं ४ नागी नै पर्ने भएकाले यसअघि त्यहीँ अस्पताल निमार्णको लागि गाउँपालिकाले निर्णय गरी नेपाल सरकारलाई आवश्यक वजेटको व्यवस्थापनको लागि पत्राचार गरेको थियो । पालिकाको केन्द्र विन्दुमा निमार्ण हुन लागेको अस्पतालको शिलान्यास पछि आवश्यक वजेटको लागि पालिकाले प्रदेश सरकारसँग माग गरेको थियो । अस्पतालमा केही व्यक्तिको स्वार्थ जोडिएपछि शिलान्यास भएको अस्पतालको नाममा आउने वजेट खिम्तीको प्राथमिक स्वास्थ्य केन्द्रमा विनियोजन भएपछि अस्पताल कहाँ बन्ने भन्ने बिषयमा पालिका भित्र दुविधा उत्पन्न भएको हो ।
लिखुका स्थानियहरुले पालिकाले छनौट गरेको स्थानमा नै अस्पताल निमार्ण हुनुपर्ने माग राखेका छन् । यता गाउँपालिकाका प्रमुख गोबिन्द बहादुर खड्काले कुनै पनि हालतमा अस्पताल नागीमा नै निमार्ण गर्ने र यसको लागि आफुले जस्तोसुकै मूल्य चुकाउनु परे तयार हुने बताएका छन् । उनले भने– पालिकाले निर्णय गरेकै स्थानमा अस्पताल निमार्ण हुनुपर्छ भन्ने हो । यदी कोही कसैले अस्पताल माथि खेलवाड गर्छ भने त्यो सह्य हुँदैन । अस्पतालको बिषयमा पालिका प्रमुखको तर्फवाट जस्तो सुकै कदम चाल्न आफु पछि नपर्ने अध्यक्ष खड्काले बताए ।
पालिकाको केन्द्र विन्दु मानिएको विजुलीकोटको नागीमा निमार्णाधिन अस्पतालको नाममा आउनु पर्ने वजेट वडा नं ६ खिम्तीमा रहेको प्राथमिक स्वास्थ्य केन्द्रको नाममा आएपछि उक्त वजेट रोकी शिलान्यास भएको अस्पताल नागीमा रकममान्तर गर्न गाउँपालिकाको वैठक वसी निर्णय गरेर सम्वन्धीत मन्त्रालयमा पठाइसकिएको लिखु तामाकोशी गाउँपालिकाका अध्यक्ष गोबिन्द बहादुर खड्काले जानकारी दिए ।
उनले अहिले पालिकाको केन्द्रमा शिलान्यास भएको अस्पताल निमार्ण नहुने भन्दै केही व्यक्तिले गलत हल्ला विभिन्न संचारमाध्यम र सामाजिक सञ्जाल मार्फत फैलाएको भन्दै यसको विश्वास नगर्न पालिका प्रमुख खड्काले सबै लिखु तामाकोशी नागरिकहरुलाई आग्रह गरेका छन् । उनले चाडै वजेट संशोधन भई आउने र अस्पतालको निमार्णको कामले गति लिने बताएका छन् ।

खाँडादेवी प्रगतिशील युवा समजले पकरबास स्वस्थ्य चौकीलाई विभिन्न स्वस्थ्य सामाग्री वितरण गरेको छ ।
खाँडादेवी प्रगतिशील बिपद कोषबाट कोरोना माहामारि नियन्त्रण तथा रोकथाम को लागि उक्त सामाग्री वितरण गरेको समाजले जनाएको छ । समाजले पकरबास स्वास्थ्य चौकीमा अक्सिजन कन्सनटेटर २ थान इलोक्ट्रनिक औजार सफा गर्ने अटोकेल्भ १ थान सेनिटाइजर सहित स्वास्थ सामाग्री हस्तान्तरण गरेको समाजका अध्यक्ष राकेश श्रेष्ठले जानकारी दिएका छन् । अक्सिजन बिना अकालमा ज्यान गुमाउनु नपरोस् भन्दै समाजले उक्त अक्सिजन कन्सनटेटर वितरण गरेको पनि श्रेष्ठले जानकारी दिए । कोरोना भाइरसको दोश्रो भेरियन्ट आएसगैं रामेछापका गाउँ बस्ती पनि संक्रमणको सिकार भएका छन् । कोरोना संक्रमणबाट कोहि कसैले पनि ज्यान गुमाउनु नपरोस् भन्दै समाजले बिगतको बर्ष कोष नै स्थापना गरेको थियो ।
हस्तान्तरण कार्यक्रममा खाँडादेवी गाँउपलिकाकी उपाध्यक्ष मखमली श्रेष्ठ , वडा नं -५ का वडा अध्यक्ष तुलसीदाश श्रेष्ठ लगायत जनप्रतिनिधिहरु , समाजका पदाधिकारी लगायत सदस्यहरु र स्थानीय बुद्धिजिवीको समेत उपस्तिथि रहेको थियो

रामेछाप । नेपाली कांग्रेस गाउ इकाइ कमिटी राकाथुले गाउमा रहेको स्वास्थ्य चौकीलाई स्वास्थ्य सामग्री सहयोग गरेको छ । गाउ इकाइ र शुभेच्छुक संस्थाहरुको संयुक्त अगुवाइमा स्वास्थ्य चौकी राकाथुमलाई विरामी राख्ने बेड, अक्सिजन सिलिन्डर लगायतका स्वास्थ्य सामग्री हस्ताण्तरण गरेको हो ।
गाउ इकाइले विरामी सुताउने बेड ३ वटा, ६० लिटरको अक्सिजन सहितको सिलिन्डर ३ वटा, अक्सिजन मास्क १० वटा र अक्सिजन सिलिन्डर खोल्ने लगायतका अन्य सामग्रीहरु स्वास्थ्य चौकी राकाथुमका इन्चार्ज पुरण शाहलाई एक कार्यक्रमका बीच मंगलबार हस्ताण्तरण गरेको हो । पछिल्लो समय कोरोना संक्रमणको जोखिम बढी रहेका बेला वडाबासीहरुलाई पनि उपचार गर्न केही सहज होस भन्ने उदेश्यका साथ सामग्री सहयोग गरेको नेपाली कांग्रेस गाउ इकाइका समितिका सभापति एक बहादुर श्रेष्ठले बताए ।

     
रामेछाप १६ । रामेछाप नगरपालीका वडा नं ३ साँघुटारमा वडाध्यक्ष सहितका जनप्रतिनिधिहरुको समेत  मिलेमतोमा बढि मुल्यमा डोजर लगाउने काम हुदै आएको  छ । उक्त वडामा विगत ३ वर्ष देखि सडक लगायत निर्माणका कामहरु विना प्रतिस्पर्धा वडाध्यक्ष लगायत वडा समितिका  पदाधिकारीहरुको स्वार्थ अनुकुल उनिहरुको पहुँच भित्र रहेको एउटै स्काईभेटरले  जनप्रतिनिधिहरु संगको सांठगाठका आधारमा काम गर्दा विना प्रतिस्पर्धा बढि मुल्यमा काम गरेको  आरोप नेपाली काँग्रेसले लगाएको हो  । 

अहिले पनि त्यसैलाई निरन्तरता दिंदै लिखु करिडोर अन्र्तगत साँघुटार सिरिसे सडक खण्डका लागि प्रदेश सांसद विकास कोषबाट प्राप्त वजेट २० लाख रुपैयाँको काम पनि विना प्रतिस्पर्धा यस अघि वडा कार्यालयले प्रयोग गर्दे आएको स्काईभेटरलाईनै दिने तय भएपछि आफुहरुले प्रतिस्पर्धाका आधारमा कम मुल्यमा काम गर्ने स्काईभेटरलाई काम दिनका लागि लिखित रुपमा वडा कार्यालयमा निबेदन दिएको नेपाली काँग्रेस साँघुटारका ईकाई सभापति मनोज खड्काले बताए ।
यस अघि वडा कार्यालय बाट हुने हरेक निर्माणका काममा सोहि स्काईभेटरबाट काम हुने गरेको भएपनि त्यतिबेला प्रतिस्पर्धाका लागि अन्य मेसिन नआएकोले आफुहरुले यसबारेमा केहि नभनेको पनि खड्काले बताए। अहिले फेरी सडकको लागि आएको २० लाख रुपैयाका लागि पनि वडा अध्यक्ष भुपाल श्रेष्ठ संगकै मिलेमतोमा उपभोक्ता समितिले प्रति घण्टा ४ हजार ५ सय रुपैयाँमा काम गर्ने स्काईभेटर तयार हुँदा हुँदै प्रति घण्टा ५ हजार रुपैयाँमा काम गर्ने गरि पुरानै स्काईभेटरले काम गर्न तयारी गरेपछि आफनो पार्टि उक्त बद्मासिका विरुद्ध उत्रन बाध्य भएको पनि सभापति खड्काले बताए।

खड्काका अनुसार – वडा अध्यक्षले आफुहरुको लिखित गुनासोको सम्बोधन गर्नुको साटो तपाईहरुले जे सक्नु हुन्छ गर्नाेस कहाँ जानु पर्छ जानुस,यहाँका जनतालाई मैले राम्ररी चिनेको छु । काम भनेको पुरानै मेसिनले गर्नै भन्दै धम्किको भाषा प्रयोग गर्नु भयो । उक्त निबेदन उपर अध्यक्षले आईतबार सम्म पनि कुनै चासो नदिएर वे वास्ता गरेको आरोप पनि खड्काले लगाए। उक्त मेसिनले स्थानिय हिमगंगा माविको जमिन सम्मयाउँदा प्रति घण्टा ४ हजार ५ सय रुपयाँमा काम गरेको नजिर हुँदा हुँदै वडाले नगर र वडाको बजेटको काम भने प्रति घंण्टा ५ हजारका दरलेनै गर्दे आएको खड्काको भनाई रहेको छ ।

यस बारेमा वडाध्यक्ष भुपाल श्रेष्ठ संग सम्पर्क गर्दा उहाँले वडा कार्यालयमा निबेदन आएको स्वीकार गर्दै आफु ब्यस्त भएकोले त्यसबारेमा आफुले आईतबार वडा कार्यालयमा छलफल गराउने जिम्मा वडा सदस्यलाई दिएको बताए । घटेर काम गर्ने भन्ने कुरा जानकारीमा आएको भएपनि रामेछाप नगरपालीकाका अरु वडाको तुलनामा आफुले कम रेटमा काम गरेको उदाहरण उनले दिए । अन्य वडाले प्रति घंटा ६ हजार देखि ६ हजार ५ सय सम्ममा डोजर लगाएका छन् । तर अहिले सम्म प्रति घंण्टा ५ हजारमा नै काम गरेर नगर भरिमा आफुहरुले सस्तो मुल्यमा उदाहरणिय काम गरेको उनले दावि गरे ।

काठमाडौं । आगामी आर्थिक वर्ष २०७८/७९ को लागि सरकारले १६ खर्ब ४७ अर्ब ५७ करोडको बजेट प्रस्तुत गरेको छ ।
जसमध्ये चालु खर्चतर्फ संघले खर्च गर्न ६ खर्ब ७८ अर्ब ६१ करोड अर्थात ४१.२ प्रतिशत , पुँजीगततर्फ ३ खर्ब ४७ अर्ब अर्थात २२.७ प्रतिशत र वित्तीय व्यवस्थातर्फ २ खर्ब ७ अर्ब ९७ करोड अर्थात १२.६ प्रतिशत विनियोजन गरिएको छ ।

त्यस्तै वित्तीय हस्तातरणतर्फ ३ खर्ब ८६ अर्ब अर्थात २३.५ प्रतिशत रहेको छ । उक्त स्रोत व्यवस्थापनका लागि राजस्वबाट १० खर्ब २४ अर्ब ९० करोड रुपैयाँ र वैदेशिक अनुदानतर्फ ६३ अर्ब ३७ र राजस्वबाट अपुग हुने रकममध्ये आन्तरिक ऋणबाट २ खर्ब ५० अर्ब र बाह्य ऋणबाट ३ खर्ब ९ अर्ब रूपैयाँ संकलन गर्ने लक्ष्य राखिएको छ ।

बजेटको पूर्णपाठ हेर्नुस्ः

काठमाडौँ । जनता समाजवादी पार्टीको दुवै पक्षले एकले अर्कालाई २४ घण्टे स्पष्टीकरण पठाएका छन् । यसबाट जसपाको विवाद उत्कर्षमा पुगेको छ । दुवै पक्षले एकले अर्कालाई स्पष्टीकरण सोधेको यो दोस्रो पटक हो ।

यसअघि जेठ ११ गते दुवै पक्षले तीन तीन दिनको स्पष्टीकरण सोधेका थिए । पहिलो पटक सोधिएको स्पष्टीकरणमा पनि दुवै पक्षका नेताले जवाफ पठाएनन् । दोस्रो पटक सोधिएको स्पष्टीकरणमा पनि दुवै पक्षका नेताले स्पष्टीकरणको जवाफ नदिने भएका छन् ।

यो समाचार आजको नागरिक दैनिकमा छ ।

अप्रिल अधिकारी
रामेछाप । नेकपा एमाले रामेछापले गत मंगलबार जिल्ला स्तरीय कोभिड संकट व्यवस्थापन केन्द्र मार्पmत विभिन्न पालिका र स्वास्थय संस्थामा जाने गरी सहयोगका नाममा हस्तान्तरण गरिएका १ हजार थान एन्टेजिन किट मान्यता प्राप्त नभएको पाइको छ । उक्त किट विश्व स्वास्थ्य संगठन सहित नेपाल सरकारले मान्यता दिएको २० वटा किटको लिष्टमा नरहेको पाइएको छ ।

जिल्लामा कोरोना परिक्षणका लागि किट अभाव हुन थालेपछि ंसहयोग भन्दै आएका किट जिल्ला स्तरीय कोभिड संकट व्यवस्थापन केन्द्रले तत्कालै सम्बन्धित निकायमा पठाएको थियो । गाउमा किट अभाब भएको बेला किट आएपछि धमाधम परिक्षण थालिए पछि त्यसमा संलग्न स्वास्थ्यकर्मीहरुले गुणस्तरमा शंका व्यक्त गरेपछि घटना बाहिरिएको हो । गुणस्तरमा शंका उब्जिए पछि सो किटमाथि जिल्ला स्वास्थ्य कार्यलय अनुसन्धान गरेपछि सो किट मान्यता प्राप्त नभएको पाइएको जिल्ला स्वास्थ्य कार्यालय रामेछापले जनाएको छ । किटका विषयमा आवाज उठेपछि तत्काल प्रयोग नगर्न भन्नका लागि जिल्ला स्वास्थय कार्यालयलाई निर्देृशन दिइ सकिएको र उक्त किट प्रयोगमा रोक लगाइ सकिएको प्रमुख जिल्ला अधिकारी गौलचन शैजुले जानकारी दिए । उनले किटका विषयमा अनुसन्धान गर्ने काम भइरहेको जानकारी दिए । किटको गुणस्तरका विषयमा जानकारी आउना साथ किट प्रयोगमा रोक लगाएर अनुसन्धान थालिएको जिल्ला स्वास्थ्य कार्यालय रामेछापका प्रमुख जितेन्द्र कर्णले बताए ।

२०७७ कार्तिक महिनामा इमरजेन्सिमा आपतकालिन अवस्थामा प्रयोगमा ल्याउन अनुमति दिएको भएता पनि पछिल्लो समयमा उक्त किटले अनुमति पाएको अवस्था नरहेको जिल्ला स्वास्थ्य कार्यालय रामेछापले जनाएको छ । अनुमति नै नलिइ औषधि किन चलाएको भनेर बुझ्दा गुणस्तरका लागि प्रक्रियामा रहेको बताएको जिल्ला स्वास्थ्य कार्यालयका प्रमुख कर्णले बताए । प्रत्येक १ देखि २ महिनामा राष्ट्रिय जनस्वास्थ्य प्रयोगशालामा परिक्षण गराइ अनुमति लिएर विक्री वितरण गर्नुपर्ने कानुनी व्यवस्था रहेको छ र प्रयोगशालालले अनुमति दिएको २० वटा किटको लिष्टमा जिल्लामा बाडिएको किटन नपाइएको स्वास्थ्य कार्यालयले जानकारी दिएको छ । मान्यता प्राप्त किट नभएकाले प्रयोगमा पुर्ण रुपमा रोक लगाइ सकिएको स्वास्थ्य कार्यालयले जनाएको छ । प्रयोग अनुमति नै नपाएको सामग्री सहयोगका नाममा सस्तोमा ल्याएर जनस्वास्थ्य माथि नै खेलबाड गरिएको नागरिक गुनासो आउन थालेको छ ।

यता नेकपा एमाले रामेछापका अध्यक्ष आनन्द श्रेष्ठले ३ महिना अघि अनुमति पाएको भएता पनि पछिल्लो अवस्थामा अनुमति नपाएको भए पनि खराब नै भइ सकेको अवस्था नरहेको बताए । उनले त्यो कुरा आफूहरुलाई जानकारी नभएको र व्यावसायीकै दोष रहेको बताए । उनले तत्काले नयाँ मान्यता प्राप्त किट मगाइ सकिएको पनि बताए । उक्त किट नेकपा एमालेका नेता तथा निर्माण व्यवसायि रत्न प्रसाद गौतमको सहयोगमा नेकपा एमाले रामेछापले जिल्ला स्तरीय कोभिड संकट व्यवस्थापन केन्द्रलाई हस्तान्तरण गरेको थियो ।

नेपाल प्रेस युनियन रामेछापल आफ्नो ३० औँ स्थापना दिवसको अवसरमा नेपाल पत्रकार महासंघ रामेछापले स्थापना गरेको पत्रकार संकट कोषमा आर्थिक सहयोग गरेको छ ।
युनियनले रामेछाप प्रेस युनियनमा आवद्ध सदस्यहरूबाट स्वतःस्फुर्त रुपमा संकलन गरेको ६५ हजार १ सय ७० रुपैया महासंघको कोषमा जम्मा हुने गरि संस्थागत रुपमा नै हस्तान्तरण गरिएको नेपाल प्रेस युनियनका रामेछापका अध्यक्ष अप्रिल अधिकारीले बताए । रकम हस्तान्तरण गर्दै अध्यक्ष अधिकारीले छोटो समयको सुचनामा केही रकम आएको भएता पनि पछि अन्य साथीहरुबाट पनि आएको रकम पुन महासंघलाई उपलब्ध गराउने समेत बताए ।
महासंघका अध्यक्ष बद्री नयाँघरे र कोषाध्यक्ष युवराज श्रेष्ठलाई युनियनका अध्यक्ष अप्रिल अधिकारी र कोषाध्यक्ष कुमार श्रेष्ठले एक अनौपचारिक भेटघाटमा उक्त रकम हस्तान्तरण गरेका हुन । रकम हस्तान्तरण कार्यक्रमा नेपाल प्रेस युनियन बागमति विशेष समितिका सचिव हिमाल ढुङ्गेल, नेपाल पत्रकार महासंघ बागमति प्रदेश सदस्य ज्ञानु श्रेष्ठ, नेपाल प्रेस युनियन केन्द्रिय पार्षद सन्तोष ढूङ्गेल लगायतको सहभागिता रहेको थियो ।
उक्त रकम बुझ्दै महासंघका अध्यक्ष नयाँघरेले पत्रकार संकट कोषमा साथीहरुबाट संकलन गरेर संस्थागत सहयोग गर्ने प्रेस युनियन रामेछापका सबै सदस्यहरूलाई धन्यबाद दिँदै यस कोषमा पत्रकारहरु स्वयं, स्थानीय सरकार, समाजिक अभियान्ता, निर्माण व्यवसायी, उद्योगी व्यवसायी, राष्ट्रसेवक कर्मचारी र ईच्छुक समाजका लव्धप्रतिष्ठित व्यक्तीहरुले सहयोग गरिरहेको र आगामी दिनहरुमा पनि सहयोगको अपेक्षा रहेको बताए ।

नेपाल पत्रकार महासंघ रामेछापले पत्रकार संकट व्यवस्थापन कोष निर्माणका लागि सहयोगको अपिल गरेको छ । पत्रकार महासंघ रामेछापले एक अपिल पत्र जारि गर्दै सो कोष निर्माणका लागि सहयोग गर्न अनुरोध गरेको हो ।

पत्रकारहरु आफ्नो जिउ ज्यान र परिवारको पर्वाह नगरी रातोदिन नागरिकलाई सूचना दिने कार्यमा तल्लिन छन् । चाहे संक्रमण रोक्नका लागि चाल्नुपर्ने कदमको बारेमा कुरा उठाउदा होस या अक्सिजन नभएको कुरा होस । चाहे प्रशासनले लकडाउनलाई प्रभाकारी वनाउन नसकेको कुरा हुन या  संक्रमितलाई वेवास्ता गरेका कुरा हुन संचार माध्यममा दिनु पर्ने वाध्यता पत्रकारहरुलाई छ । यहि बाध्यताका विच रामेछापमा क्रियासिल पत्रकारहरु १० जनालाई दोश्रो लहरको कोरोना संक्रमण भएको र महासंघमै आईसुलेसनमा राखि निको भएर घर फर्कनु भएको छ । तसर्थ अब भाबी दिनहरूमा पत्रकारलाई पर्ने संकट व्यवस्थापनका लागि यो कोष आवश्यक रहेको महासंघ रामेछापका अध्यक्ष बद्रि नयाँघरे बताउँछन् ।

कोरोना फैलने, गम्भिर विरामी पार्ने र निधन हुने क्रम रोकिएको छैन । अझै सम्म कोरोना विरुद्ध खोपको ग्यारेण्टी छैन् । पत्रकारहरुले पेशा व्यवसाय गर्नुनै छ । सुरक्षा सावधानि अपनाउदा अपनाउदै संक्रमित हुन सक्ने कुरालाई मध्यनजर गर्दै  पत्रकारहरुलाई आइसुलेसन, औषधि उपचार र गम्भिर विरामी परेको अवस्थामा सुविधा सम्पन्न अस्पताल सम्म लगेर उपचार गर्नुपर्ने अवस्था आउदा केहि सहयोग पुगोस भन्ने हेतुले नेपाल पत्रकार महासंघ रामेछापले संकट व्यवस्थापन तथा उद्धार कोष ( पत्रकार ) २०७८ स्थापना गर्ने निर्णय गरेको अध्यक्ष नयाँघरेले बताए ।

अपील पत्रमा  भनिएको छ – उक्त कोषमा पत्रकारहरु स्वयं, स्थानीय सरकार, समाजिक अभियान्ता, निर्माण व्यवसायी, उद्योगी व्यवसायी, राष्ट्रसेवक कर्मचारी र ईच्छुक समाजका लव्धप्रतिष्ठित महानुभावहरुलाई आफुले सकेको सहयोग गरीदिनु हुन अनुरोध छ ।

महासंघले राष्ट्रिय बाणिज्य बैंक मन्थलीमा रहेको Nepal Patrakar Mahasangh को खाता नम्बर १६८०१००००४६७०००१ मा रकम जम्मा गरेर सहयोग गर्न सकिने अपिल पत्रमा लेखेको छ ।

जेठ ४ रामेछाप

रामेछाप । समाजसेवी पूर्णवहादुर तामाङ्ग (कान्छाराम) ले तीनवेड आइसियु र उपकरण मगंलवार तामाकोशी अस्पतालाई हस्तान्तरण गरेका छन् ।
समाजसेवी कान्छारामले २५ लाख व्यक्तिगत लगानीमा तीनवेड आइसियु, मनिटर लगाएतका उपकरणहरु र चिकित्सक र कर्मचारीहरुलाई पिपिइसेट, सेनिटाइजर लगाएतका सामाग्रहीहरु तामाकोशी सेवा समितिका अध्यक्ष गोबिन्दप्रसाद घिमिरेलाई हस्तान्तरण गरेका हुन् ।

समाजसेवी एवं नेपाली काँग्रेसका नेता पूर्णवहादुर तामाङ (कान्छाराम)ले जिल्लामा आइसियु बेड नहुँदा यसअघि धेरै नागरिकहरुको मृत्यु भएको र हाल पनि कोरोना भाइरसका कारण दुईजना नागरिकहरुले ज्यान गुमाएको खबर सुनेपछि अब कुनै नागरिकहरुको अकालमा ज्यान नजाओस् भनि आइसियु वेड र उपकरणहरु खरिद गरेर अस्पतालाई हस्तान्तरण गरेको बताए ।
त्यस्तै कोरोना भाइरस महामारी अवधिभर आइसियुमा लाग्ने चिकित्सक र चाहिने जनशक्तिलाई आवश्यक तलव भत्ताको समेत स्वंय आफैले व्यवस्थापन गर्ने समाजसेवी कान्छाराम तामाङले बताए ।

मन्थली नगरपालिकाले १२ रोपनी जग्गा व्यवस्थापन गरिदिए आगामी तीन महिनाभित्र अक्सिजन प्लान्ट समेत निमार्ण गरिदिने उनले बताए । अक्सिजन प्लान्ट निमार्णको लागि आवश्यक सहयोग मन्थली र रामेछाप नगरपालिकाको सहयोग पाएमा तत्काल जिल्ला सदरमुकाममा अक्सिजन प्लान्ट निमार्ण गर्ने घोषणा समेत गरेका छन् ।

जिल्लामा आइसियु वेड नहुँदा धेरै समस्या थियो । पहिलो पटक तामाकोशी अस्पताललाई समाजसेवी कान्छाराम तामाङले आइसियु वेड प्रदान गर्नुभएको छ । यसलाई तत्काल संचालनमा ल्याएर गम्भिर भएका कोरोना संक्रमित बिरामीको ज्यान जोगाउन धेरै सहज हुने तामाकोशी अस्पतालका अध्यक्ष गोबिन्दप्रसाद घिमिरेले बताए ।

अस्पतालमा आइसियु वेड नहुँदा विरामीलाई रिफर गरेर पठाउनु पर्ने, कतिपय विरामीहरुको विच वाटोमा नै अकालमा ज्यान गुमाउनु पर्ने र राजधानी पुगेका बिरामीहरुले पनि विभिन्न अस्पताल चाहार्दा पनि वेड पाउन नसक्दा ज्यान गुमाउनु पर्ने वाध्यता अब अन्त्य भएको तामाकोशी अस्पतालका डा.सुमन कर्माचार्यले बताए ।

मन्थली नगरपालिकाका प्रमुख रमेशकुमार बस्नेतले अस्पताललाई अति आवश्यक आइसियु वेड र उपकरणहरु प्रदान गरेर सहयोग गरेको भन्दै समाजसेवी कान्छारामको प्रशंसा गरेका थिए । उनले– अस्तालालाई आवश्यक पर्ने जस्तो सुकै सहयोग पनि मन्थली नगरपालिकाले गर्ने बताए ।

त्यस्तै रामेछाप नगरपालिकाका प्रमुख नरवहादुर थापामगरले अक्सिजनको अभाव र आइसियु वेडको अभाव हुँदा जिल्लामा कोरोना संक्रमित दुईजनाले अकालमा ज्यान गुमाएकाले अब उप्रान्त कुनै यस्तो अप्रिय घटना नहोस् भन्दै अस्पतालाई आवश्यक उपकरण प्रदान गरेर ठूलो गुण लगाएको बताए ।

नेकपा एमालेका अध्यक्ष आनन्द श्रेष्ठले महामारीको समयमा जिल्लाका स्वास्थ्य संस्थाहरुमा आवश्यक जनशक्तिको अभाव, आवश्यक उपकरणहरुको अभाव खड्किएको बताए । उनले भने– ठूला ठूला महामारीहरु आउँदा त्यसलाई वेवास्थापन गर्ने किसिमको संरचना निमार्णमा हामीहरु चुकेको रहेछौं । यस्तो कोरोना महामारीको समयमा अस्पताललाई उपकरण हस्तान्तरण गरेर राम्रो काम गरेको भन्दै समाजसेवी कान्छारामलाई धन्यावाद व्यक्त गरेका छन् ।

यसैगरी नेपाली काँग्रेसका पार्टी सचिव लेखवहादुर कार्कीले गम्भिर प्रकृतीका कोरोना संक्रमितलाई बचाउने उद्धेश्यले दानबीर एवं समाजसेवी पूर्णवहादुर तामाङ (कान्छाराम)ले अस्पताललाई आइसियु वेड उपलव्ध गराएकोमा पार्टीको तर्फवाट र आम रामेछाप नागरिकहरुको तर्फवाट धन्यवाद व्यक्त गरेका छन् । उनले कोरोनाले कुनै पार्टीका नेता वा कार्यकर्ता कसैलाई पनि नचिन्ने भएकाले आम नागरिकहरुलाई कोरोना लागेको खण्डमा बचाउन अति आवश्यक रहेको आइसियु वेड उपलव्ध गराएर आम रामेछापले नागरिकहरुको मन जित्न सफल भएको भन्दै कान्छारामको खुलेर प्रशंसा गरे ।

सन्तोष ढुङ्गेल
रामेछाप– जिल्लाको उमाकुण्ड गाउँपालिकाको लिखु खोलामा निर्माणाधिन हाइड्रोपावरले सहमति अनुसारको पारिश्रमिक नदिएपछि मजदुरहरु अलपत्र परहेका छन् । दुगर ग्रुपले निर्माण गरिरहेको लिखु १ हाइड्रोपावरले दैनिक ८ घण्टा काम गर्नेगरि खान दिएर ७ सय रुपैयाँ पारिश्रमिक दिने शर्तमा बाँकेबाट ल्याएको ९ जना मजदुरलाई भनेअनुसार पारिश्रमिक नदिएपछि अलपत्र परेका हुन् ।

दैनिक ८ घण्टा काम गर्ने र ७ सय रुपैयाँ पारिश्रमिक दिने गरि आफूहरुलाई बोलाए पनि १२ घण्टा काम लगाएर भनेजति पारिश्रमिक नदिएको उनीहरुको भनाई छ । कतिपय दिनको त ४ घण्टाको मात्र पारिश्रमिक दिएको मजदुरहरुको गुनासो छ । सहमति अनुसारको काम र ज्याला नपाएपछि आफूहरु घर फर्किन बाध्य भएको नरबहादुर शाहीले बताए । निर्माण ब्यवसायिले आफ्नो मोबाइल समेत राखिदिएको शाहीले गुनासो गरे ।

मोबाइल भएको भए त्यही मोबाइल बेचर भए पनि बाटोखर्च गर्नुहुन्थ्यो, मोबाइल पनि दिएन उनले आँखाभरी आँसू पार्दै भने । शाहीले बाटोमा भोग लाग्दा खानको लागि भनेर पाइन्टको खल्तीमा एक मुठिजति केराउको दाना बोकेका थिए । उनले भने बाटोखर्च छैन हिड्दा भोक लाग्यो भने चनाको दाना र पानी खाएर भए पनि ज्यान बचाउन सकिन्छ भनेर काम गरेकै ठाउँबाट एक मुठि चना खल्तीमा लिएर आएको हुँ, मुठिमा चना देखाउँदै भने । निर्माण ब्यवसायि जयप्रकाश मल्लले ९ जनालाई बाटोखर्च स्वरुप ५ हजार रुपैयाँ दिएको त्यस मध्य २ हजार ५ सय रुपैयाँ खर्च भइसकेको अर्का मजदुर कर्ण राउतले बताए ।

हामीलाई बोलाउँदा जे भनेको थियो त्यसको ठीक उल्टो भयो हामी त यहाँ श्रमदान गर्न आएजस्तो भयो राउतले गुनासो गरे । हाइड्रोपावरबाट दुई दिन पैदल यात्रा गरेर सदरमुकाम मन्थली आइपुगेका मजदुरहरु बन्दा बन्दीको कारण अपलपत्र मात्र परेका छैनन् बेखर्ची समेत भएका छन् । अलपत्र परेका मजदुरहरु बाँके जिल्लाको बैजनाथ गाउँपालिकाका ४ जना र खजुरा गाउँपालिकाका ५ जना रहेका छन् ।

घर हिड्नु अघि स्वाव परीक्षणको लागि भन्दै प्रतिब्यक्ति २ हजार पाँच सय रुपैयाँको दरले पैसा कटाएको तर आपूmहरुलाई स्वाव रिपोर्ट समेत नदिई पठाएको मजदुरुले गुनासो गरेका छन् । हाइड्रोपावर निर्माण कम्पनीले लेबरको ज्याला भनेजति नदिनुका साथै हाइड्रोपावरमा नियमित काम गर्ने कर्मचारीको तलब भत्तामा समेत कटौती गरेको निर्माण ब्यवसायिले बताएका छन् ।

जेठ १ रामेछाप

रामेछापको लिखु तामाकोशी गाउपालिकाका ५३ वर्षको पुरुषको कोरोनाका कारण मृत्यु भएको छ।

रामेछाप जिल्ला अस्पतालको आइशोलेसनमा उपचाररत पुरुषको आज दिउँसो २:३० मा मृत्युु भएको अस्पतालले जनाएको छ।

यो सँगै रामेछापमा कोरोना संक्रमणका कारण मृत्यू हुनेको संख्या २ पुगेको छ ।

बैशाख ३१, रामेछाप ।

टिपरको ठक्करबाट गए राति दोलखाका एक युवकको मृत्यु भएको छ । इन्जिनियरिङ पल्टन पोखरा एयरपोर्टमा कार्यरत सुरज बुढाथोकी मोटरसाइकलमा काठमाण्डौ आँउदै गर्दा टिपरले तनहुँको आँबुखैरेनी गाउँपालिका-२ खानीखोलास्थित पृथ्वीराजमार्गमा ठक्कर दिएको थियो ।नेपाली सेनामा कार्यरत दोलखाको शैलुङ गाउँपालिका-७ फस्कु स्थायी घर भएका २७ वर्षीय बुढाथोकीको मृत्यु भएको हो ।

 तनहुको डुम्रेबाट आवुखैरनी तर्फ जादै गरेको बागमति प्रदेश २-०१८ प ७८९३ नं को मोटर साईकललाई विपरित दिशावाट आउदै गरेको ग १ क २८७७ नं को टिपरले आवुखैरेनी गाउँपालिका-२ खानीखोला स्थित लोकमार्गामा ठक्कर दिएको जिल्ला प्रहरी कार्यालय तनहुँका प्रहरी नायव उपरिक्षक युवराज तिमिल्सीनाले बताए ।

प्रहरी नायव उपरिक्षक युवराज तिमिल्सीनाका अनुसार  गम्भिर घाइते भएका बुढाथोकीको पुरानो मेडिकल अस्पताल भरतपुरमा उपचारको क्रममा मृत्यु भएको हो ।आमा बिरामी भएर उपचारका लगि काठमांडौ लगे पछि आमालाई भेट्न हिडेका उनको टिपर ठक्करबाट ज्यान गएको हो ।

सोही मोटरसाइकलमा सवार रामेछाप जिल्ला गोकुलगंगा-४ बस्ने २० वर्षीय अनिल खड्काको भने भरतपुर अस्पतालमा नै उपचार भइरहेको अस्पताले जनाएको छ । मोटरसाइकलाई ठक्कर दिई फरार रहेको टिपर चालकलाई प्रहरीले नियन्त्रणमा लिई अनुसन्धान थालिएको जिल्ला प्रहरी कार्यालय तनहुँले जनाएको छ ।

रामेछाप, बैशाख ३० ।

रामेछाप जिल्लाको लिखुतामाकोशी गाउँपालिका वडा नम्बर ६ खिम्तीमा रहेको प्राथमिक स्वास्थ्य केन्द्रमा नयाँ गोरख गणले अक्सिजन सहितको सात बेडको आइसोलेसन निर्माण गरेको छ ।

जिल्ला प्रशासन कार्यालय रामेछापको रोहबरमा नयाँ गोरख गण रामेछापका सह-सेनानी लिला बहादुर तामाङको नेतृत्वमा टोलीले आइसोलेसन बनाएको हो।

कोरोना भाईरसको यो महामारीमा नयाँ गोरख गणले बनाएको यो अक्सिजन सहितको आईशोलेसनले नागरिकहरूलाई ठुलो सहयोग पुगेको नेपाल पत्रकार महासंघ रामेछापका अध्यक्ष बद्री नयाँघरेले बताए ।

बैशाख २९ रामेछाप, सन्तोष ढुङ्गेल

रामेछाप। पुष्पलाल र गंगालाल पार्क निर्माण गर्ने भनेर सरकारले भंगेरीमा ५० रोपनी जग्गा अधिग्रहण गरेर स्थानीयलाई मुआब्जा पनि दिइसकेको छ तर पार्क निर्माणको काम भने अगाडि बढ्न सकेको छैन ।
कम्युनिष्ट पार्टीकोे सरकार हुँदा समेत शहीद गंगालाल जन्मिएको भूमिलाई बेवास्था गरिएको स्थानीय नरेशबाबु श्रेष्ठ को भनाई छ । राजनीतिक पार्टीले गंगालाल र पुष्पलाललाई वर्षमा एक पटक सम्झनु बाहेक केही नगरेको श्रेष्ठले बताए । गंगालालको सम्मान हुन नसकेको भनी स्थानीयबासीले पटक–पटक गुनासो गर्दै आएका छन् ा नेताहरुले भने सधैभरी एउटै जवाफ दिने गरेका उनको आरोप छ ।
पुष्पलाल, गंगालाल पार्क युद्धस्तरमा निर्माण गरिने पूर्व सांसद एमाले केन्द्यि सदस्य देवशंकर पौडेल बताउछन् । स्थानियको चिन्तालाई गम्भिर रुपमा लिएका छौ जती सक्दो चाडै पार्क निर्माणको काम गरिने पनि पौडेलले बाताए ।

गंगालालको जन्मभूमि भंगेरीलाई पर्यटकीय क्षेत्रको रुपमा विकास गर्न सके दैनिक हजारौं पर्यटकहरु भित्र्याउन सकिने स्थानीयको भनाई छ ।
राणा शासन अन्तयका लागि लडेका शहीद गंगालाल श्रेष्ठको सम्मान हुन सकेको छैन । शहीद गंगालाल जन्मिएको भूमि भंगेरीमा सिस्नु घारिले ढाकिनु उहाँप्रतिको अपमान भएको रामेछापबासीको भनाई छ । राणा शासन अन्त्यका लागि लडेका शहीद गंगालालले राजनीतिक ब्यवस्था परिवर्तनको लागि पु¥याएको योगदानको सम्मान रामेछाप र सिंगो राज्यले नै गर्न नसकेको रामेछापबासीको गुनासो छ ।
रामेछाप जिल्लाको भंगेरीस्थित तुल्सीदाश श्रेष्ठको घरमा वि.स. १९७५ साल चैत्र ३ गते गंगालाल श्रेष्ठको जन्म भएका थियो । शहीद गंगालाल जन्मनु भएको रामेछापको भंगेरी, जहाँ अहिले सिस्नु घारिले ढाकिएको छ । गंगालालको नाम लिएर कयौं ब्यक्तिहरु नेता मन्त्री भए तर गंगालालको सम्मान गर्न नसकेको रामेछापबासीको गुनासो छ ।