शनिबार डेढ महिना यताकै कम कोरोना संक्रमित भेटीए : विश्वभरमा ज्यान गुमाउनेको सङ्ख्या ६ लाख नाघ्यो

साउन ०४

काठमाडौं । नेपालमा दैनिक कोरोना संक्रमित हुनेको संख्या दैनिक न्युन हुदै गएको छ । शनिबार नेपालमा डेढ महिनायताकै न्यून संख्यामा कोरोना भाइरका संक्रमिहरु मात्रै ५७ जनमा कोरोना देखियो । यो संख्या डेढ महिना यताकै सबै भन्द कम हो ।

डेढ महिनामा दैनिक १०० जनाभन्दा धेरैमा कोरोना पोजेटिभ देखिएदै आएको थियो । तर शनिबार भने मात्रै ७५ जनामा कोरोना पुष्टि भएको मन्त्रालयका प्रवक्ता डा. जागेश्वर गौतमले बताए । हाल सम्ममा ४० जनाले नेपालमा कोरोनाका कारण ज्यान गुमाएका छन् । भने कुल संक्रमित १७ हजार ५ सय २ पुगेको छ ।

त्यस मध्येमा ५ हजार ८ सय २५ जना मात्रै सक्रिय संक्रमित रहेका छन् । बाँकी ११ हजार ६ सय ३७ जना डिस्चार्ज भएका छन् । हाल सम्ममा समुदाय स्तरमा पनि कोरोना नफैलिएको बताइएको छ ।

नेपालका ६ वटा जिल्ला कोरोना भाइरसकाे सङ्क्रमणबाट मुक्त भएका छन् । मन्त्रालयका अनुसार भोजपुर, पाँचथर, रसुवा, मनाङ, मुस्ताङ र हुम्लामा एक जना पनि सक्रिय सङ्क्रमित छैनन् । ती जिल्लामा एक पटक कोरोना सङ्क्रमित देखिए पनि सबैजना निको भएर घर फर्किएको मन्त्रालयले जनाएको छ ।

यस्तै रौतहट, कैलाली, र बाजुरामा पाँच सयभन्दा धेरैका दरले सङ्क्रमित रहेकाे मन्त्रालयले जानकारी दिएको छ ।

विश्वमा कोरोना भाइरस संक्रमणका कारण ६ लाख भन्दा बढी व्यक्तिको मृत्यु भएको विश्व स्वास्थ्य संगठन (डब्लुएचओ) ले शनिबार जानकारी दिएको छ । सो संगठनकाअनुसार शनिबार साँझसम्म विश्वभरीमा १ करोड ४२ लाख २८ हजार १ सय ८५ जना व्यक्ति कोरोना संक्रमित भएका छन् ।file Photo

संक्रमित मध्ये हालसम्म ८४ लाख ९५ हजार १२२ व्यक्ति कोरोना मुक्त भएका छन् । विश्वभरमा ५१ लाख ३२ हजार ८२५ व्यक्ति कोरोना भाइरस संक्रमित रहेका उनीहरुको उपचार भइरहेको छ । संक्रमितहरु मध्ये ५९ हजार ८०१ जनाको अवस्था गम्भीर रहेको जनाइएको छ ।