गत तीन आर्थिक वर्षमा जिल्लाबाट करिब २ सय मानिस हराएकोमा अझै ५१ जना फेर्ला पर्न सकेनन्

साउन ७ । जनता भ्वाइस संवाददाता, रामेछाप
जिल्ला प्रहरी कार्यालय, रामेछापले रामेछाप जिल्लामा विगत ३ आर्थिक वर्षमा हराएका मानिसहरुको बारेमा जानकारी दिएको छ । गत आर्थिक वर्ष २०७४–७५ देखि अघिल्लो आर्थिक वर्ष २०७६–७७ सम्मको जानकारी सार्वजनिक गरेको हो । जसमा आर्थिक वर्ष २०७४–०७५ मा जम्मा १ सय जना मानिसहरु यस जिल्लाबाट हराएकोमा महिला ७२ जना, बालक ९ जना र बालिका १९ जना गरी कूल १ सय जना नागरिकहरु हराएका छन् । त्यस्तै २०७५–०७६ मा महिला ५९, बालक १० र बालिका ३० र आर्थिक वर्ष २०७६–०७७ महिला ५१, बालक १० र बालिका १४ रहेका छन् । त्रिवर्षिय तथ्याङ्कानुसार विगत ३ वर्षमा जेष्ठनागरिकहरु कोही पनि हराएको उजुरी प्राप्त नभएको जिल्ला प्रहरी प्रमुख डिएसपी वसन्त पाठकले जानकारी दिएका छन् ।


हराएका सँगसँगै फेला परेका मानिसहरुको समेत तथ्याङ्क समेत जिल्ला प्रहरी कार्यालय, रामेछापले सार्वजनिक गरेको छ । आर्थिक वर्ष २०७४–०७५ मा हराएका १ सय जना हराएका थिए भने महिलाहरु ७२ जना हराएकोमा ६२ जना फेला परेका छन् । त्यस्तै बालकहरु हराएका जति सबै फेला परेका थिए जुन संख्या ९ थियो । सोही वर्षमा हराएका १९ बालिका मध्ये ३ जना फेला पर्न सकेनन् ।


त्यस्तै आर्थिक वर्ष २०७५–७६ मा जिल्लाबाट हराएका ५९ महिला मध्ये ४४ जना फेला परेका छन् १५ जना फेला पर्न सकेनन् । बालकहरु सबै फेला परेका छन् भने बालिकाहरु ३० जना हराएकोमा २७ जना फेला परेका छन् ।


जिल्ला प्रहरी कार्यालय, रामेछापले सार्वजनिक गरेका हराएका व्यक्तिहरुको त्रिवर्षिय तथ्याङकानुसार आर्थिक वर्ष २०७६–०७७ मा हराएका ५१ जना महिलाहरुमध्ये ३६ जना फेला परेका छन् । हराएका १० बालकमध्ये ४ जना फेला पर्न सकेनन् र हराएका १४ बालिकाहरु मध्ये १ जना फेला पर्न नसकेको जिल्ला प्रहरी कार्यालयले जानकारी दिएको छ ।