सोलुको चोकर्मा हिमतालका कारण तटीय क्षेत्रमा जोखिम

साउन २६ । सोलुखुम्बु ।

पछिल्लो समयमा भारी वर्षका कारण सोलुखुम्बुको चोकर्मा हिमताल फुटेपछि सोलु खोलामा शुक्रबारदेखि ठूलो बाढी आएको सोलु दूधकुण्ड नगरपालिकाका प्रमुख नाम्गेल जाङबु शेर्पाले जानकारी दिएका छन् । जसको कारण केही दिनदेखि सोलु खोलामा लेदो सहितको बाढी आइरहेको छ । एउटा चौंरी गोठ पनि बाढीले बगाएको छ । तालको एक छेउ मात्र फुटेकाले पानी थोरै र बिस्तारै बग्दा अत्याधिक रुपमा धनजनको ठूलो क्षति हुन नपाएको तर त्रास भने बढेको उनले मेयर शेर्पाले बताए । पाँच हजारभन्दा बढीको उचाईमा रहेको चोकर्मा तालको सबै पानी बाहिरिए सोलु खोलामा ठूलो बाढी आउने र त्यसले धेरै जनधनको क्षति हुन सक्ने शेर्पाको भनाई छ । चोकर्मा ताल सोलु सदरमुकामबाट झण्डै ६० किलोमिटर टाढा पर्छ । सोलु खोलामा पानीको सतह बढेपछि स्थानीय प्रशासनले खोला किनारमा रहेका बस्तीमा सावधानी अपनाउन अपिल गरेको छ । \