कोरोनाका कारण मृत्यु हुनेमा एशियामा भारत पहिलो भने विश्वमा नै तेस्रो मुलुक बन्दै

साउन ३१ । जनता भ्वाइस ।
पछिल्लो २४ घण्टामा ६५ हजार ६ सय ९ जना संक्रमित भएसँगै भारतमा कोरोना संक्रमित हरुको कूल संख्या २५ लाख २५ हजार २ सय जना पुगेको हो ।

संक्रमितहरुको यो संख्या एसियाली देशमा सबैभन्दा धेरै हो भने विश्वमा सबैभन्दा बढी संक्रमित हुने देशहरु मध्येको सूचीमा तेस्रो नम्बरमा पर्दछ ।

संक्रमितहरु मध्ये अहिलेसम्म १८ लाख ७ हजार ५ सय ५६ जना संक्रमण मुक्त भई घर फर्किएका छन् ६ लाख ६८ हजार ५ सय ३२ जनाको उपचार भइरहेको छ ।

त्यस्तै भारतमा कोराना संक्रमणको ४९ हजार भन्दा बढीको मृत्यु भएको छ । पछिल्लो २४ घण्टामा ९ सय ९० जनाको मृत्यु भएपछि भारतमा शनिबार यो समचार तयार पार्दासम्म मृत्यु हुनेको संख्या ४९ हजार ९ सय ३४ पुगेको वल्र्डोमिटरले जनाएको छ