सिन्धुलीमा एक वर्षमा ३५ वटा दुर्घटना ३६ को मृत्यु, ७७ जना घाइते

सम्झना श्रेष्ठ, भदौ ४ सिन्धुली । सिन्धुलीमा गत वर्ष सवारी दुर्घटनामा परि ३६ जनाले ज्यान गुमाएका छन् । गत आर्थिक वर्ष २०७६÷०७७ मा ३५ वटा सवारी दुर्घटना हुँदा ३६ जनाको ज्यान गएको छ भने ७७ जना घाइते भएको जिल्ला सिन्धुली प्रहरी कार्यालय सिन्धुलीका प्रहरी नायव उपरिक्षक श्याम बहादुर खत्रीले बताउनुभयो ।

जसमा २३ जना महिला, ४७ जना पुरुष, ३ वालिका र २ वालक गरि ७७ जना घाइते भएका हुन् । यस्तै ३६ जनाको मृत्यु भएकाहरुमा ९ जना महिला र २७ जना पुरुष छन् । यस्तै अघिल्लो आर्थिक वर्ष २०७५÷०७६ मा ३८ वटा दुर्घटनामा ८१ जना घाइते हुँदा ४६ जनाको ज्यान गएको थियो ।

यसैगरि अािर्थक वर्ष २०७४÷०७५ मा ४० वटा सवारी दुर्घटनामा परि ७९ जना घाइते भएका थिए भने ४२ जनाको मृत्यु भएको थियो । विगत तिन वर्षको तथ्यांकलाई हेर्ने हो भने आर्थिक वर्ष २०७६÷०७७ मा सवारी दुर्घटनामा केहि कमी आएको पाइएको छ ।

उसो आर्थिक वर्ष २०७६÷०७७ को चैत्र दोस्रो साताबाट देशभर झण्डै चार महिना लामो लकडाउन घोषणा गरिएको थियो । उक्त अवधिमा सवारी धेरै आवातजावत गर्न रोक लगाइएको थियो । लकडाउन पनि सवारी दुर्घटनामा कमि ल्याउने एउटा कारक बन्न सकेको बुझिएको छ । सिन्धुली जिल्ला अन्तर्गत वि पि राजमार्ग, मध्यपहाही तथा मदनभण्डारी राजमार्ग छन् ।

बनेपा बर्दिवास सडक खण्ड अन्तर्गत सिन्धुलीका धेरै स्थान दुर्घटना हुने क्षेत्र हुन् । खासगरि घुमाउरो बाटो को कारण पनि दुर्घटना हुने गरेको सवारी चालकहरु नै बताउँछन् ।