प्रवासका नेपालीहरु चार्डड विमानबाट नेपाल ल्याईदै, आज पनि उडान हुने

भदौ १८ । काठमाण्डु ।


कोरोन भाइरस कोभिड १९ का कारण लामो समयदेखि बन्द रहेको नेपालको अन्तर्राष्ट्रिय उडान अन्र्तगत आज पनि विभिन्न मुलुकबाट ४ अन्तर्राष्ट्रिय चार्टर्ड उडान हुने भएका छन् । विदेशमा रहेका नेपालीहरुलाई स्वदेश ल्याउन गरिएको उडान अन्तर्गत बिहीबार हिमालय एयरलायन्सले क्वालालम्पुर, दोहा र चोङकिङबाट चार्टर्ड उडान गर्दैछ । छिमेकी देश अफगानिस्तानबाट युके ४ एयर फोर्सको जहाजले काठमाडौं गन्तव्यमा चार्टर्ड उडान गर्ने त्रिभुवन अन्तर्राष्ट्रिय विमानस्थलले जनाएको छ । बुधबार आवागमन र प्रस्थान दुवै गरी ५ अन्तर्राष्ट्रिय चार्टर्ड उडान भएका थिए । ती उडानमार्फत ३ सय ४८ यात्रु नेपाल फर्किएका छन् ।


विमानस्थल कार्यालयका अनुसार नेपाल वायु सेवानिगम (नेपाल एयरलायन्स) को वाइड बडी ए ३३० जहाजले जापानको नारिताबाट २ सय १५ नेपाली काठमाडौं ल्याएको छ । निगमले नियमित उडानअन्तर्गत बुधबार काठमाडौंं(नारिता गन्तव्यमा पहिलो उडान गरेको हो । निगमको जहाज बुधबार राति काठमाडौं विमानस्थलमा अवतरण गरेको थियो । बुधबार नै मालिन्डो एयरले क्वालालम्पुरबाट १ सय ३३ यात्रु काठमाडौं ल्याएको छ ।


कार्गो ल्याउन हिमालय एयरलाइन्सको जहाज चीनको चोङकिङ उडेको छ । कतार एयरवेजले दोहाबाट ९ हजार ३ सय ४२ कार्गो नेपाल ल्याएको छ । आन्तरिकतर्फ बुधबार विभिन्न एयरलाइन्सका ५ चार्टर्ड उडान भएका छन् । तारा एयरले फाप्लु र रारा, सीता एयरले सिमीकोट, मनाङको हेलीले खोटाङ र एयरडाइनेष्टीले बिर्तामोडमा उडान भरेको विमानस्थल कार्यालयले जारी गरेको विज्ञप्तिमा उल्लेख छ ।

Photo from Google