लकडाउनले जन्माएको “व्याड-जोडि”

भाद्र १९ सिन्धुलीमाढि ।

केहि आपत्तीहरु पनि परिवर्तनका सम्वाहक हुँदा रैछन् । आपत्ती विपतीलाई अवसरको रुपमा बदल्न सक्नु चाँँहि सच्चा शक्ति हो रहेछ । हो, यसैको दर्विलो उदाहरण हो, “व्याड जोडि” । झट्ट सुन्दा कस्तो कस्तो लाग्ने शव्द नाम, तर सुन्दा जे सुनिन्छ र जे कुरा मस्तिष्कमा पुग्छ त्यो भन्दा विल्कुल फरक काम गर्छन् यि जोडिले । गत वर्षको डिसेम्वर अन्तिम साता चिनको वुहानबाट कोरोना नामक एक भाइरस संसार सिध्याउने अठोट बोकेर निस्कियो । त्यसको असर नेपालमा पनि नराम्ररी परिरहेको छ । जुन सम्पुर्ण नेपालीले भोगिरहेका छन् ।

यहि भाइरसका कारण विश्व आतंकित भएको छ । प्रत्यक श्वास फेर्न कठिन छ, प्रत्यक पलहरु कष्ठकर छन्, मानिस मानिस विच भौतिक एवम् सामाजिक दुरी बढाएको छ । यसले एक खालको दुरी, खाडल मात्रै बढाएको छैन, संक्रमणकै कारण आफन्तसँग आफन्त नै त्रसित छन् । दैनिक जनजिवन कष्ठकर बनेको छ । मानिसमा सामाजिक, आर्थिक, भौतिक, मानसिक जस्ता यावत् कुरामा प्रत्यक्ष असर पुर्याएको छ । जुन हामी प्रत्यक्ष भोगिरहेका छौँ । संक्रमण कै कारण नेपाल सरकारले पनि २०७६ साल चैत्र ११ बाट देशव्यापि ´लकडाउन´ अर्थात् बन्दाबन्दि गर्ने घोषणा गर्यो ।

जसको असर भनेर साध्य छैन । मानिसहरु घरको चार देवाल भित्र सिमित भए । आफन्तकोमा जान बन्द, घर बाहिर बजार पसल, छरछिमेकिकोमा जान प्रतिवन्द यि सब प्रतिवन्दहरु क्ति कष्ठकर छन्, थिए नि । यसैविचमा सिन्धुलीको कमलामाई नगरपालिका ५ गैँयाटार बस्ने दुई युवा “व्याड जोडि” बने । सुरुसुरुमा त कसैले पनि पत्याएनन्, उनीहरुलाई । झट्ट विस्वास गर्न धेरै लाई अप्ठ्यारो भयो । व्याड अर्थात् अंग्रेजिमा Bad, जसको अर्थ नराम्रो वा खराव । हो, उनीहरु यस्तै जोडि बनेका हुन् । अंग्रेजिमा b को भनेको Bibek को b र Dipesh को d ।

यसरी विवेक गौतम र दिपेश फुयाँलको जोडि “व्याड जोडि” को नामले यहिले सर्वत्र चर्चामा छ । अमिन तीन वर्षको कोर्ष गर्दै गरेका विवेक १९ वर्षका छन् भने स्वास्थ्य विषयमा व्याचलर गर्दै गरेका दिपेश २३ वर्षका भए । अहिले उनीहरुको कलाले चर्चा पाएकोमा घर परिवार पनि निकै खुसी छ । लकडाउनको कारण घरमै बस्नुपर्ने वाध्यतामा गुज्रिएका यि दुई युवा जस्ले नाम भन्दा काम फरक गरेका छन्, गरिरहेका छन् । कोरोनाबाट बच्न अपनाउनुपर्ने पहिलो उपाय “सावुन पानीले मिचिमिचि हात धुनु” । यो उक्ति सरकारले मात्र होइन, चिकित्सकले मात्र होइन तपाई हामी सबै सबैको मुखमा झुन्डियो, अनिवार्य हात धुनुपर्ने कुरा । टिकटक बनाउने दिपेश र विवेकले एकाएक सोचे हात धुनुपर्छ भन्ने सन्देश दिने एउटा सानो भिडियो बनाउने ।

यसलाई उनीहरुले गितको माध्यमबाट भिडियो तयार गरे । जसलाई दिपेशले लेखे र गाए भने विवेकले त्यसमा beat boxing राखे । उनले मुखबाट धुन भरे । सुन्दा मिठास थपियो । गितको बोल थियो ः बाबुनानील,े मिच्दै हात धुनु है सावुन पानीले । यसमा स साना बालबालिकाहरु पनि बडो उत्सुकताका साथ साथ दिए र एउटा भिडियो तयार भयो । उक्त भिडियो युनिसेफ ले पनि सेयर गर्यो । त्यसपछि उनीहरुमा थप हौसला थपियो । “व्याड जोडि” ले बामरी, लकडाउन सकिन्छ बसेहै रामरी, जात मिलाइदेउ अन्यायमा परेछौँ धेरै नै न्याय दिलाइदेउ, कोरोनाले थन्कायो कोठामा, भैसि पालौँ जस्तो छ गोठमा, जस्ता दुई दर्जन गित बनाए, भिडियो बनाए ।

“व्याड जोडि” ले खासगरि समसामयिक घटना, परिवेशलाई समेट्ने गरेको छ र गित तथा रमाइलो भिडियो मार्फत् सकारात्मक सन्देश दिने अभियानमा छ । उनीहरुले देशमा व्याप्त रहेको बलात्कार, एसिड आक्रमण, जातिय विभेद, जस्ता विषय वस्तुलाई जस्ताको तस्तै प्रस्तुत गर्ने गरेका छन् । “व्याड जोडि”का दिपेश भन्छन् –हामीलाई समसामयिकता मन पर्छ, हामी तेसैमा रमाउछौँ । उनी थप्छन्ः खाली समयको सदुपयोग र कलालाई प्रस्तुत गरेका हाँै, हामीलाई यो लकडाउनको अवधिमा फुर्सद् बस्नु परेन ।

यस्तै यो जोडिमा अर्का अभिन्न अंग विवेक भन्छन्– बजार जान हुँदैन, भिडभाडमा जान हुँदैन भनेर कोरोनाको त्रास फैलियो, हामी चाँहि धेरै जसो जंगल जान्थ्यौँ । जंगलमा मानिसको भिडभाड नहुने, शान्त रमाइलो पनि । उनी अगाडि भन्छन्ः ख्यालख्यालमै बनाएको भिडियोले भाइरल पो बनाइदियो त । बजार, चोक जताततै चिन्न थालेछन् मानछेहरुले, बडो रमाइलो लागिरहेछ । उनीहरु भन्छन्ः यो कार्यलाई निरन्तरता दिन्छौँ । यो जोडिलाई यति छोटो समयमा यतिका धेरै चर्चा कमाउन संचारले सहयोग गरेको छ, इन्टरनेटले मानिसलाई विश्वभर जोडिदिएको यो एउटा सकारात्क र गतिलो उदाहरण पनि हो ।

“माल पाएर चाल पाएको ” भनेको चाँहि यहि नै हो, हाम्रो प्रयोगमा रहेको हरेक कुरालाई सहि सदुपयोग गरौँ । “व्याड जोडि” को गुड वर्क साँच्चै प्रशंसनिय छ । हामी सम्पुर्ण पाठक, स्रोता, दर्शकको तर्फबाट बधाई छ “व्याड जोडि” लाई, अझै उत्तरोत्तर प्रगतिको हार्दिक कामना गर्दछौँ ।