खुकुलो भयो लकडाउन, जिल्ला भित्र सवारी साधन चलाउन पाईने

रामेछाप,२५ भदौ ।

आज प्रमुख जिल्ला अधिकारी रुद्रादेवी शर्माको अध्यक्षतामा बसेको जिल्ला स्तरीय कोभिड-१९ संकट व्यवस्थापन केन्द्र (DCCMC) को बैठकबाट लकडाउनलाई केहि खुकुलो बनाइको छ । भदौ २५ गते देखि राती १२:०० बजे देखि स्वास्थ्य तथा सुरक्षाका मापदण्ड पूर्ण रुपमा पालना गर्ने गरी अर्को निर्णय नभएसम्म नयाँ नियमहरू लागु हुने बताईएको छ ।

सञ्चालन गर्न पाइने

-अत्यावश्यक सेवा अन्तर्गतका औषधी पसल र स्वास्थ्य सामग्री विक्री गर्ने पसलहरु नियमित सञ्चालन गर्ने।

-स्वास्थ्य तथा सुरक्षाका मापदण्ड पूरा गरेर खाद्य बस्तु, दुध, तरकारी, फलफूल, माछामासु, स्टेशनरी, इलोक्ट्रोनिक अन्य पसलहरु दिउँसो ४:00 बजे सम्म मात्र सञ्चालन गर्ने

– स्वास्थ्यको मापदण्ड पालना गरी टक अवे सेवा साथै अनलाइन डेलिभरी सेवा सञ्चालन गर्ने ।

– अत्यावश्यक सेवा र मालवाहक सवारी साधन बाहेकका जिल्ला भित्र सञ्चालन हुने पालिका देखि सदरमुकामसम्म मात्र यात्रु वहाक सवारी साधन सञ्चालन गर्ने । सार्वजनिक सवारी साधन सञ्चालन गर्दा सिट क्षमताको ५०प्रतिशत भन्दा बढी नहुने गरी यात्रु राख्ने यात्रु बिच भौतिक दूरी कायम गराउने, चालक र सह-चालकले अनिवार्य मास्कको प्रयोग गर्ने, ढोकामा स्यानीटाइजरको व्यवस्था गर्ने र दैनिक रुपमा साधनलाई निसंक्रमित गर्नु पर्नेछ । सवारी साधन विहान ५:00 बजे देखि साँझ ६ बजे सम्म मात्र सञ्चालन गर्ने, जिल्ला भित्र रहेका साधनलाई मात्र सञ्चालन गर्ने ।

– जनसम्पर्क बढी हुने कार्यालयले सकेसम्म Online, E-service, Token System र तोकिएको सेवाग्राहीको संख्याका आधारमा सेवाग्राहीको भिड नहुने गरी सेवा सञ्चालन गर्ने ।

– स्वास्थ्य तथा सुरक्षाका मापदण्ड पालना गरी/गराई उद्योग व्यवसाय सञ्चालन गर्न ।

– बैक वित्तीय संस्था/सहकारी कार्यालयहरुले नेपाल राष्ट्र बैंकले तोकेको वा न्यूनतम कर्मचारीबाट सेवा दिने व्यवस्था मिलाउने ।

– शिक्षा विज्ञान तथा प्रविधि मन्त्रालयले तोके अनुरुप Online कक्षा सञ्चालन गर्ने ।

2. सञ्चालन गर्न नपाइने कार्यहरु

-हाटबजारमा पसल/व्यापार सञ्चालन गर्न ।

– शैक्षिक संस्थाहरु तथा कक्षा सञ्चालन गर्न ।

– कुनै पनि प्रकारको मेला, महोत्सव, गोष्ठी, सेमिनार, सामूहिक जमघट, सभा, जुलुस, मनोरञ्जनस्थल, सैलुङ्न, पार्लर, होटल, हेल्थ क्लब, खेलकुद कार्यहरु गर्न ।

-अत्यावश्यक सेवा बाहेकका बैठक, तालिम सञ्चालन गर्न ।

-दैनिक रुपमा घर परिवार भित्र हुने नित्य पूजा बाहेकका सम्पूर्ण धार्मिक, सांस्कृतिक गतिविधिहरु सञ्चालन तथा जमघट गर्न ।

– यस जिल्लाको प्रवेश नाका सेलेघाट, खैरेनीघाट, लुभुघाट, नवलपुरघाट, खिम्ति, धारापानी, साँघुटार लगायत प्रवेश नाकाहरुबाट बेलुका ७:00 बजे देखि विहान ५:00 बजे सम्म पैदल आवात जावत गर्न ।

-. सहकारी, वित्तीय संघ/संस्थाहरुले समुदायमा गई बचत संकलन गर्न ।

-मापदण्ड विपरीत आयोजनामा कामगर्ने कामदार ओसार पसार गर्न ।

३. कोभिड-१९ संक्रमित व्यक्तिको व्यवस्थापन र स्वाव पठाउनको लागि एम्बुलेन्सको अभाव हुन नदिन यस पूर्व सबै पालिकामा तोकिएका कोभिड-१९ मैत्री एम्बुलेन्सलाई यथावत नै सञ्चालन गर्ने व्यवस्था सम्बन्धित पालिकाले गर्ने । 

४. कोभिड-१९ को संक्रमित विरामीको व्यवस्थापनको लागि एम्बुलेन्सलाई Stand by राख्न आवश्यक भएकोले गेलु प्राथमिक स्वास्थ्य केन्द्रको बा २ झ ४४६२ नम्बरको एम्बुलेन्सलाई कोभिड-१९ को समय भरी सम्पूर्ण खर्च व्यवस्थापन मन्थली नगरपालिकाले गर्ने गरी नगरपालिकाकै हाता भित्र Stand by राख्ने र त्यसै गरी रामेछाप नगरपालिकाको बा १२ च ५५५५ नम्बरको एम्बुलेन्सलाई रामेछाप नगरपालिकाले सम्पूर्ण खर्च व्यवस्थापन गर्ने गरी  Stand by राख्ने ।

५. कुनै पनि पेशा, व्यवसाय, सेवा सञ्चालन गर्दा जनस्वास्थ्य मापदण्ड र सुरक्षा मापदण्ड पालना गर्ने/गराउने], सम्बन्धित व्यक्ति, निकाय/संस्थाको कर्तव्य हुनेछ । निषेधित सेवा तथा कार्य सञ्चालन भएमा प्रचलित कानून बमोजिम कार्वाही हुनेछ ।