जिल्ला अदालतमा पुगेको मुद्दा समेत पालिकाले मिलाएको छ : उपाध्यक्ष नेवार

रामेछाप, कार्तिक २५ ।
गोकुलगंगा गाउँपालिकामा मुद्दा मिलाउन सहज भएको पालिका उपाध्यक्ष तथा न्यायिक समिति संयोजक राधिका नेवार बताउँछिन् ।


आफूसम्म आएका गुनासाहरू सुल्झाउन पालिका अध्यक्ष, वडा अध्यक्ष लगाय सम्पूर्ण जनप्रतिनिधिहरूले सहयोग गरेका कारण गोलुकगंगामा यस्तो समस्या नभएको उनी बताउँछिन् ।
गोकुलगंगामा मेलमिलाप केन्द्र समेत सक्रिय भएको र ३ सदस्यीय अर्को सञ्जाल समेत गठन गरिएकोले नागरिकलाई न्याय दिन गोकुलगंगा सफल भएको उनको भनाइ छ । आफू नभएको बेला ३ सदस्यीय सञ्जालले मुद्दा मिलाउने गर्छन् र उनीहरूलाई चिया खर्च भनेर ७ सय समेत दिने गरेको उपाधयक्ष श्रेष्ठ थप्छिन् ।


विशेष गरेर जनजातिको बसोबास बढी भएका कारण झगडा मिलाउन गाह्रो नभएको उनको ठम्याई छ । उनका अनुसार बेलुका रक्सी पिएर झगडा गर्छन्, बिहान मिलिहाल्छन् । जिल्ला अदालतमा पुगेको सम्बन्ध विच्छेदको मुद्दा समेत पालिकाले मिलाएको र आज ती दम्पती हाँसीखुसी जीवनयापन गरिरहेको देख्दा आफूले सही निर्णय गरेकोमा उनी खुशी छिन् ।


केही समय अगाडि घर बनाउँछु भनेर ठेक्काको पैसा लिएर भागेको ठेकेदारका कारण आएको पीडितको अनुहारको दुःखले भने धेरै दुखाएकोले प्रहरी प्रशासनले सो मुद्दाका लागि यथासक्य छिटो पहल गरिदिए पीडितले न्याय पाउने बताउँछिन् ।