संसद विघटन बिरुद्ध जुट्दै कांग्रेस

२३ पौष रामेछाप ।

उपप्रधान मन्त्री ईश्वर पोखरेलले संसद पुनर्स्थापन नहुने र तोकेको समयमा चुनाब हुने उद्घोष गरिरहेको बेला नेपाली कांग्रेसले भने संसद बिघटनको बिरोधमा सक्रियता देखाई रहेको छ । नेकपा रामेछाप ओली पक्षको बैठकमा संबोधन गर्न उपप्रधान मन्त्री पोखरेलले संसद पुनर्स्थापन नहुने र तोकेको समयमा चुनाब हुने बताएका थिए ।

यता नेपाली कांग्रेस रामेछापका सभापती लबश्री न्यौपाने भने नेपालको संविधान भन्दा माथी कोहि छैन र अदालतको फैसला नआई संसद पुनर्स्थापन हुने – नहुने, चुनाब हुने-नहुने कुरा बोली हाल्नु संवैधानिक नभएको बताउछन् ।

सभापती न्यौपानेका अनुसार संसद विघटनको विरुद्धमा नेपाली कांग्रेस लागि रहने बताउछन् ।

कांग्रेसले पौष २५ गते देश भर विरोध प्रदर्शन गर्ने तयारी गरि रहेको छ ।