देशमा धेरै राजाहरु हुँदा विकास भएन : कडेल

रामेछाप– हिजो देशमा एउटा मात्रै राजा हुँदा विकास भएको थियो, अहिले देशमा धेरै वटा राजाहरु हुँदा विकास नभएको राप्रपा रामेछापका अध्यक्ष रामचन्द्र कंडेलले बताए । अध्यक्ष कंडेलले नेपालमा शान्ति, समृद्धि र स्थायित्व कायम हुन राजा आउन अपरिहार्य रहेको बताए ।
पृथ्वी नारायण शाहको २९९ औं जन्म जयन्तीको अवसरमा राप्रपा रामेछापले आयोजना गरेको कार्यक्रममा कंडेलले यस्तो बताए ।


राप्रपा निकट महिला संघ रामेछापकी अध्यक्ष शान्ता भुजेलले हिन्दु राष्ट्र कायम हुनुपर्ने बताइन । हिन्दू राष्ट्र कायम गर्नको लागि राजा आउन आवश्यक रहेको उनको भनाई छ ।
पृथ्वी जन्म जयन्ती पारेर राप्रपा रामेछापले ¥याली निकाल्नुका साथै पृथ्वी नारायण शाहको तस्विरमा माल्र्यापण गरि देवकोटा चोकमा पृथ्वी जयन्ती मनाए ।
कटहरबोटबाट सुरु भएको ¥याली मन्थली बजार परिक्रमा गरि देवकोटा चोकमा आएर कोण सभामा परिणत भएको थियो । प्लेकार्ड सहित निस्किएको ¥यालीमा सहभागि राप्रपाका नेता कार्यकर्ताहरुले श्री ५ पृथ्वी नारायण शाह–अमर रहुन, राष्ट्रिय एकता– जिन्दावाद जस्ता नाराहरु लगाएका थिए ।