टेलिकमका हाकिम अझै माघेसंक्रान्तीको बिदामा

माघ ५ रामेछाप

रामेछाप टेलिकमका कार्यालय प्रमुख विष्णु भण्डारी अझै माघे संक्रान्तीको बिदामा बसेका छन् । टेलिकमको सेवा शुन्य हुँदा समेत उनि कार्यालय फर्केका छैनन् । रामेछापमा पौष २ गते देखि टेलकमको सबै सेवा ठप्प हुँदा समेत उनले वेवास्ता गरेका छन् ।

लामो समय देखि टेलिकमको सेवा अवरुद्ध भएपछि आज पत्रकार महासंघको अगुवाईमा नागरिक समाज तथा  सेवाग्राहीहरू टेलिकमको कार्यालय पुग्दा कार्यालय प्रमुख अझै विदामा रहेको कुरा खुलेको छ । भण्डारीले आफू विदामा बस्दा समेत लिखित निमित्त कार्यालयको अधिकार कसैलाई दिएका छैनन् ।

पहिले पहिले पनि टेलिकम रामेछापका प्रमुख भण्डारी कार्यालय समयमा नै मस्त निद्रामा भेटिने गर्थे । टेलिकम प्रति सेवाग्राहीको गुनासो बारबार आउन थालेपछि जनता भ्वाईस टिम सेवाग्राही बनेर जाँदा उनि आफ्नो क्वाटरमा सुतिरहेको र पछि आउनु भनेपछि यो भन्दा अगाडी पनि जनता भ्वाईसले टेलिकमको बारेमा समाचार लेखेको थियो ।

यता प्रमुख जिल्ला अधिकारी अर्जुनकुमार शर्मा भने आफूलाई टेलिकमको प्रमुख अझै विदामा रहेको जानकारी नभएको बताउछन् ।। उनि आए पछि यसको स्पष्टिकरण माग्ने उनि बताउछन् ।