कुलमानलाई मैले विद्युत प्राधिकरणको हाकिम बनाउन सिफारिस गरेको हो- कुशल

विद्युत प्राधिकरणका निवर्तमान प्रमुख कुलमान घिसिङलाई विद्युत प्राधिकरणको हाकिम बनाउन आफूले सिफारिस गरेको प्रतिनिधि सभा सदस्य श्यामकुमार श्रेष्ठ (कुशल) ले बताएका छन् । आफ्नो पार्टीका अधयक्ष पुष्पकमल दहाल(प्रचण्ड) प्रधानमन्त्री हुँदा यो काम भएको उनले बताए ।मन्थली नगरपालिका वडा नं. ११ गेलुमा विद्यालय उद्घाटन तथा हस्तान्तरण कार्यक्रममा बोल्दै उनले यसो भनेका हुन् ।

प्रधानमन्त्री ओली जनभावना विपरित चलेको र ३ वर्ष नबित्दै संसद विघटन गरेर जनताको भोटको अपमान गरेको समेत उनको आरोप छ । प्रधानमन्त्री ओलीलाई एकता, गणतन्त्र, संघियता र परिवर्तन नचाहिएकोले नै यो सबै भएको समेत उनको आरोप छ ।

कम्युनिष्टको नाममा नामधारी कम्युनिष्टको खोल ओढेर पाईजामा पहिरेर प्रधानमन्त्री ओलीले कम्युनिष्ट एकता सखाप पारेको उनको भनाई छ । आफ्नो वडामा नेपाल कम्युनिष्ट पार्टीको उमेद्वारलाई जिताउन नसक्नेले दुई तिहाई मत कसरी ल्याउन सक्ने हो भन्दै उनले प्रधानमन्त्री ओलीलाई चुनौती समेत दिए ।