स्वर्ण पदक बिजेतालाई केब्सले दियो मासिक शुल्कमा शत प्रतिशत छुट

फागुन १० रामेछाप

मन्थली नगर तेस्राे राष्ट्रपति रनिङ शिल्ड प्रतियाेगितामा स्वर्ण पदक प्राप्त गर्ने आफ्ना सबै खेलाडिहरूलाई केब्स स्कूलले मासिक शुल्कमा शत प्रतिशत छुट दिने घाेषणा गरेकाे छ ।

केब्सले आफूले प्राप्त गरेकाे सुखद परिणामलाई समग्र संस्थागत स्कूलहरूकै गाैरवकाे रूपमा लिँदै फागुन १० गते साेमबार विजेता खेलाडि र खेल प्रशिक्षकहरूलाई एक समाराेहबीच सम्मान गरेकाे छ ।

खेलकुद क्षेत्रमा संस्थागत विद्यालयले उत्कृष्ट खेल देखाउँदै मन्थली नगर तेस्राे राष्ट्रपति रनिङ शिल्ड प्रतियाेगितामा विभिन्न विधामा उत्कृष्टता हाँसिल गर्न सफल भएका छन् ।

प्रतियाेगितामा मार्चपासमा “सर्वाेत्कृष्ट” स्थान सहित ५ स्वर्ण, ८ रजत र ९ काँस्य पदक विजय गरी संस्थागत मावि केब्स बाेर्डिङ स्कूल प्रतियाेगिताकाे उपविजेता बन्दै समग्रमा दाेस्राे स्थान प्राप्त गर्न सफल भएकाे छ ।

छात्रा कबड्डिमा तामाकाेशी बाेर्डिङले जिल्लाकै सबैभन्दा ठूलाे सामुदायिक विद्यालय मन्थली माविलाई पराजित गरेकाे थियाे भने जिल्लाकाे जेठाे संस्थागत स्कूल लिट्टिल स्टारले समेत छात्र कराँते तर्फ स्वर्ण स्थान प्राप्त गरेकाे छ ।

प्रतियाेगितामा मन्थली मावि प्रथम, केब्स बाेर्डिङ स्कुल द्वितीय र सेतीदेवी मावि सालु तृतीय भएका थिए । मन्थली नगर तेस्राे राष्ट्रपति रनिङ शिल्ड प्रतियाेगिता सुरु हुने दिन सो खेलका लागि आउँदै गर्दा खेलाडी बोकेको बस दुर्घटनामा परेको थियो । त्यसको बाबजुद सेतिदेवी माविले भलिबलमा बर्चस्व जमाउँदै आएको मन्थली माविलाई पराजित गरेको थियो ।