सँधैको लोडश्रेणिङ

रामेछाप ।नेपाल विद्युत प्राधिकरण रामेछाप वितरण केन्द्रले लापरबाहि गरेको कारण समस्यामा परेको भन्दै स्थानियहरू विद्युत कार्यालयमा धर्ना बसेका छन् । रामेछाप वितरण केन्द्रले अनिन्त्रित रुपमा बत्ति काट्दा सेवाग्राहिहरूको भौतिक क्षति समेत भएको कारण धर्ना बस्न परेको हो ।
बिगत दुई महिना देखि अनियन्त्रित र अव्यवस्थित लोडश्रेङिङ भएको भन्दै स्थानियहरू आक्रोशित भएका छन् । एक दिनमा १७ पटक सम्म बत्ति जाँदा सर्वसाधरण सँगै व्यवसायिहरुलाई समेत समस्या भएको युवा व्यवसायी जयराम मानन्धर बताउँछन् । पटक पटक बत्ति जाँदा मोबाईल, कम्युटर, एक्सरे मेसिन सहित जलेको व्यवसायिहरूको गुनासो छ । साथै विद्युत प्राधिकरणका कर्मचारी मिटर रिडिङ गर्न नजाँदा समेत सेवाग्राहिहरू सँग जरिवाना असुलेको उनिहरूको गुनासो छ ।
धेरै जसो समय बिद्युत नहुँदा बैङ्किङ तथा सरकारी कार्यलयको काममा समेत ढिलाई हुने गरेको नागरिकको गुनासो छ । लोडश्रेणीङको समयमा पसलहरुमा चर्को मुल्य तिरेर काम गराउन परेको उनिहरू बताउँछन् ।
रामेछापको मन्थलीमा हुने गरेको अत्याधिक गर्मीका लागि पनि विद्युतको अत्यावश्यक छ । सरोकारवालाहरूले बारम्बार रामेछाप वितरण केन्द्रमा गुनासो गर्दा समेत लोडश्रेणिङ व्यस्थापन नभए पछि सरोकारवालाहरू धर्नामा उत्रेको देवकोटाचोक टोल सुधार समितिका अध्यक्ष सुरेश उदाश बताउँछन् । अब पनि यसको समाधान नभएमा विद्युत प्राधिकरण रामेछापको कार्यालय घेराबन्दि गर्ने तथा तालाबन्दि गर्ने उनिहरूको भनाई छ ।
समस्या समाधानमा लागि खबर गरेर आउँदा समेत नेपाल विद्युत प्राधिकरण रामेछाप वितरण केन्द्रका कार्यालय प्रमुख कार्यालयमा नबसेकोमा सेवाग्राहिले आपत्ति जनाएका छन् । सेवाग्राहिले तिरेको पैसाले तलब खाएर सेवाग्राहि कै कुरा नसुन्ने मान्छे सेवाग्राहिको हितमा नहुने नेपाली कांग्रेस, रामेछापका सचिव लेखबहादुर कार्कीको भनाई छ ।
यहि प्रकृतिको समस्या दोहोरिएर सेवाग्राहिमा नियमित विद्युत आपुर्ती नभए समयको माग अनुसार विरोधमा उत्रिने समेत रामेछाप उद्योग वाणिज्य संघका अध्यक्ष केशव घिमिरेले सांकेतिक चेतावनी दिएका छन् ।
लामो दुरिबाट बिद्युत ल्याएको कारण बारम्बार बत्ति जाने गरेको विधुत कार्यालय रामेछापका प्रमुख कृष्णहरि दहाल बताउँछन् । वर्षाको बेलामा रुख विरुवा लडेर तार चुडाउने र कहाँ बिग्रेको भनेर पत्ता लगाउनै समय लाग्ने भएकोले समस्या आई रहेको उनको भनाई छ ।
अघिल्लो वर्षाको बेलामा केहि समय लोडश्रेणिङ हुने गरेको भए पनि यति धेरै नहुने गरेको सेवाग्राहिको गुनासो छ । कार्यालय प्रमुखकै लापरबाहीका कारण सेवाग्राहिले सास्ती भोग्नु परेको स्थानिय बताउँछन् ।