सुनकोशी–२ जलविद्युत आयोजना निर्माणको विरोधमा उत्रिए माझी समुदाय

साउन १७ रामेछाप ।
सुनकोशी –२ जलविद्युत आयोजना निर्माणको बिरोध गर्दै रामेछापका माझी समुदाय विरोधमा उत्रिएका छन् । जलविधुत आयोजना निर्माण हुँदा सुनकोशी र तामाकोशी नदिको किनार आसपास बसोबास गर्ने सबै माझी समुदाय विस्थापित हुने भन्दै आन्दोलनमा उत्रिएका हुन । आयोजना निमार्ण भए माझी समुदाय मात्र नभइ रामेछापको सदरमुकाम सहित २ वटा नगरपालिका र एक गाउँपालिका समेत डुवान हुने भएकोले उनिहरुले बिरोध गरेका हुन । नेपाल माझी उत्थान संघ जिल्ला कार्यसमिती रामेछापको आयोजनामा भएको बिरोध कार्यक्रममा सुनकोशी–२ जलविधुत आयोजना चाहिदैन,जातिय पहिचान मास्न पाइदैन भन्दै सयौंको संख्यामा माझी समुदाय जलबिद्युत आयोजनाको विरोध गर्दै सडकमा उत्रेका हुन् ।


आयोजना निर्माण हुदा आफ्नो धर्म संस्कार संस्कृतीको बिनास हुनका साथै समाज विभाजन तर्फ जाने भन्दै आफुहरु पुर्खाको थाक थलो नछोड्ने माझी नेपाल माझी उत्थान संघ रामेछापका अध्यक्ष इन्द्र बहादुर माझीको भनाई छ ।

जलविद्युत आयोजनाले केहि पैसा दिदैमा आफ्नो संस्कार र संस्कृती त्याग्न नसक्ने हुनाले आफुहरु कुनै हालतमा आयोजना सञ्चालन हुन नदिने भन्दै आन्दोलनमा एक जुट भएर लाग्नु पर्ने बागमती प्रदेश प्रदेश सभा सदस्य रिता माझी बताउँछिन् ।

जलविद्युत आयोजना निर्माण भएमा रामेछापको सदरमुकाम मन्थली लगाएत सिन्धुलीका विभिन्न बस्ती सहित ६ हजार भन्दा बढी घरधुरी डुबानमा पर्ने सुनकोशी–२ जलविधुत आयोजना जलविधुत आयोजना इन्जिनियर सुवास थपलिया बताउँछन् ।

योजना निमार्ण हुदा रामेछापको सदरमुकाम मन्थली सहित रामेछापको ३ वटा र सिन्धुलीको ३ वटा स्थानिय तहकोको अधिकांश भु–भाग डुबानमा पर्ने भएकोले योजना निर्माण गर्न भने सहज अवस्था छैन् ।