मन्थलीमा १५ शैयाको अस्पताल शिलान्यास

रामेछाप सदरमुकाम मन्थलीमा १५ शैयाको अस्पताल निर्माण हुने भएको छ। आकाशेमा निर्माण हुन लागेको उक्त अस्पताल भवनको शिलान्यास मन्थली नगरपालिकाका प्रमुख रमेश कुमार बस्नेतले गरेका छन् । मन्थली प्राथमिक स्वास्थ्य केन्द्रलाई स्तरोन्नति गरि १५ शैयाको अस्पताल बनाउन लागिएको हो ।

९ करोड ३२ लाख ५० हजारको लागतमा सो अस्पताल राष्ट्रिय पुनर्निर्माण प्राधिकरण जिल्ला कार्यान्वयन इकाई (भवन) रामेछापमार्फत बन्न लागेको हो ।

२०७९ मंसिर ३० गते निर्माणका सम्पन्न गर्ने गरी गाल्वा/लाल शुभ मेन्द्रो जेभी काठमाडौँले निर्माणको जिम्मेवारी पाएको छ ।

शिलान्यासको कार्यक्रममा बोल्दै मन्थली नगरपालिकाका नगरप्रमुख रमेशकुमार बस्नेतले आजको दिन आफु जिन्दगिको सबै भन्दा खुसी भएको बताएका छन् । अब यो अस्पताल बनेपछि रामेछापवासीले उपचारका लागि राजधानी धाउन नपर्ने  उनको ठहर छ ।