एमाले संग गठबन्धन  हुन सक्छ -कमल थापा

रामेछाप । आगामि निर्वाचनमा नेपालकम्युनिष्ट पार्टी एमाले संग सहकार्य हुन सक्ने राप्रपा नेपालका केन्द्रिय अध्यक्ष कमल थापाले बताएका छन् । मन्थलीमा आयोजित पार्टिका अगुवा कार्यकर्ताहरुको भेलालाई सम्बोधन गर्ने क्रममा थापाले भने-  अहिले परिस्थितिले राप्रपा नेपाल एक्लै निर्वाचनमा जाँदा सोचेजति परिणमा ल्याउन नसक्ने  भएकोले त्यसका लागि एमाले संग मिलेर जाने आन्तरिक तयारीपार्टीले गरिरहेको छ ।

मुलुक तहस नहस भएको नै क्रान्तिकारी भनाउँदा पार्टिहरुको अविबेकपूर्ण काम गराईका कारण भएको थापाको भनाई छ ।  विगत १५ बर्षको विचमा राप्रपा नेपालबाट पनि केहि गल्ति कम्जोरी भएको स्वीकार गर्दै त्यसका लागि राप्रपा नेपालको नेतृत्वमा आफु रहेको हैसियतले आफुलाई नेपाली जनता संग माफि दिन पनि आग्रह गरे  ।

आफनो पार्टि मुलुकको बैकल्पिक शक्तिका रुपमा उदाउँदै गर्दा काम गर्ने क्रममा केहि कम्जोरी भएकोले त्यसका लागि पनि आफुले नेपाली जनताका विचमा पुगेर माफि माग्नुनै  उचित हुने भन्दै उक्त सन्देस लिएर आफु मन्थली आएको पनि उनले बताए । परवर्तनलाई साकार पार्नका लागि  आफु पनि पछी राप्रपामा समाहित भएको र उक्त पार्टिमा पनि आएको सैद्धान्तिक विचलनका कारण आफुले राप्रपा नेपाललाई पुर्नगठन गर्नु परेको पनि थापाले वताए ।

राज संस्थाको गल्तिका कारण पछिल्लो पटक आफनो पार्टिले राजसंस्थाको एजेण्डालाई स्थगित  गरेको भन्दै नेपालको ईतिहासमा राजसंस्थले पुर्याएको योगदानको भने आफनो पार्टिले सदैब सम्मान गर्नै पनि थापाले बताए ।

राप्रपा नेपालका जिल्ला अध्यक्ष रामचन्द्र कडेलको अध्यक्षतमा भएको उक्त कार्यक्रममा पार्टिका केन्द्रिय उपाध्यक्ष लाक्पा तामांग,महामन्त्री राजाराम गर्ताेला लगायतका बक्ताहरुले पनि बोलेका थिए । भेलामा करिब ३० जना युवा युवतिले  विभिन्न पार्टिबाट विद्रोह गरि राप्रपा नेपालमा प्रबेश गरेका थिए ।

तपाईको प्रतिकृया दिनुहोस्