कुबुकास्थलीमा राप्रपा र एमालेद्वारा कांग्रेसका वडा अध्यक्ष माथि खुकुरी प्रहार

रामेछाप । रामेछापमा वडा अध्यक्षका उम्मेदवार माथि खुकुरी प्रहार भएको छ । रामेछापको उमाकुण्ड गाउँपालिका वडा नं ३ कुँबुकास्थलीमा राप्रपा नेपाल र नेकपा एमालेका कार्यकर्ताहरुले नेपाली कांग्रेसका वडा अध्यक्षका उम्मेद्वार रमेशकुमार सुनुवारलाई खुकुरी प्रहार गरेका छन् ।

वडा अध्यक्षका उम्मेदवार सुनुवार गम्भीर घाइते भएको नेपाल तरुण दल उमाकुण्ड गाउँपालिकाका अध्यक्ष सम्शेर कार्कीले बताए । उनका अनुसार वडाका वडा अध्यक्ष समेत रहेका सुनुवारलाई राप्रपा र एमालेका कार्यकर्ताले पछाडिबाट झुक्याएर खुकुरी प्रहार गरेका थिए । गम्भीर घाइते सुनुवारलाई वडा नं २ बाम्तीको बाम्ति अस्पतालमा लगिएको छ ।

खुकुरी प्रहार गर्ने पबित्र सुनुवार सहित केही कार्यकर्ता प्रहरीले नियन्त्रणमा लिएको छ । घटना बारे थप अनुसन्धान भैरहेको प्रहरीले बताएको छ ।

तपाईको प्रतिकृया दिनुहोस्