फाईबर नेटको पहुँचमा खाँडादेवी गाउँपालिका


रामेछाप । खाँडादेवी गाउँपालिकाले गाउँपालिका भित्र रहेका सामुदायिक विद्यालय र स्वास्थ्य संस्थाहरुमा जिल्ला मा नै पहिलो पटक निःशुल्क फाईबरनेट सेवा सञ्चालन गरेको छ । गाउँपालिकाले गाउँपालिका भित्र रहेका ७९ वटा सामुदायिक विद्यालय र ३४ वटा सामुदायिक संस्थाहरुमा निःशुल्क इन्टरनेट सेवा सुरु गरेको हो । गाउँपालिकाले नेपाल दुरसञ्चार प्राधिकरण र यरोनेट संग सम्झौता गरी निःशुल्क इन्टरनेट सेवा सुरु गरेको हो । अप्टीकल फाइबार मार्फत सवै विद्यालय र समुदायिक स्वास्थ्य संस्थामा ब्रोडब्याण्ड इन्टरनेट सेवा जडान गरिएको छ । शुक्रबार बागमती प्रदेश सभा सदस्य शान्तिप्रसाद पौडेल र गाउँपालिका अध्यक्ष प्रेमबहादुर तामाङले संयुक्तरुपमा निशुल्क इन्टरनेट सेवाको उद्घाटन गरेका हुन् ।


निःशुल्क इन्टरनेट सुवा सञ्चालन पछी सांसद पौडेलले प्रविधिको उचित प्रयोग गरी आफ्नो सेवालाई सुधार गरी प्रभावकारी बनाउन सामुदायिक विद्यालय तथा संस्थाहरुलाई आग्रह गरे । गाउँपालिकाका अध्यक्ष प्रेमबहादुर तामाङले निशुल्क गरिएको इन्टरनेट सेवाले सामुदायिक विद्यलय र संस्थाहरुको सेवा प्रवाहमा राम्रो सुधार हुने विश्वास व्यक्त गरेका छन् । कार्यक्रममा शिक्षक महासंघ रामेछापका अध्यक्ष रामबहादुर श्रेष्ठ, उपाध्यक्ष चक्रलाल श्रेष्ठ, सचिव रामकृष्ण श्रेष्ठ तथा विभिन्न राजनीतिक दलका प्रतिनिधिहरुले समेत आधुनिक प्रविधिको युगमा निशुल्क गरिएको इन्टरनेट सेवाले सहयोग पुग्ने बताएका छन् ।

तपाईको प्रतिकृया दिनुहोस्