जेठ २३
काठमाडौं । आज विश्व वातावरण दिवस । प्रधानमन्त्री केपी शर्मा ओलीले प्रकृतिको नैसर्गिक व्यवस्था प्रतिकूल रहने मानवीय क्रियाकलापले उत्पन्न हुने रोग र महामारीबाट अहिले संसार प्रभावित बनेको बताएका छन् । शुभकामना सन्देश जारी गर्दै ओलीले प्रकृतिकको संरक्षणमा जोड्दिए । उनले यसको संरक्षणमा कञ्जुस्याइ गर्दा यसको दुष्परिणामस्वरुप पृथ्वीको वातावरण खल्बलिन पुगेको र अहिले विश्वभर कोभिड–१९ जस्तो महामारीले जनस्वास्थ्य र आर्थिक जीवनलाई खलल पुर्याएको बताए ।
उनले जैविक विविधताको संरक्षण र वातावरणको समुचित व्यवस्थापनका लागि ध्यान पुर्याउन सबै निकायसँग आग्रह आह्न गरे ।
शुभकामना सन्देशमा ओलीले वातावरणले जैविक विविधताको संरक्षणका साथै यससम्बन्धी अध्ययन, अनुसन्धान र व्यवस्थापनमा योगदान पुर्याउने सबै व्यक्तिलाई आआफ्नो जिम्मेवारी अझ सशक्त ढङ्गले अघि बढाउन प्रेरणा दिने विश्वास व्यक्त गरे ।
निरन्तर बढ्दो जनसङ्ख्याको चाप र विकासका क्रियाकलापको तीवृले असर पुर्याएकाले यसमा सबैको ध्यान जानुपर्ने उल्लेख गरे । file Photo
