असार १६,जनता भ्वाइस सम्वाददाता, रामेछाप
मंगलबार नेपालमा थप ३ सय १६ जनामा कोरोना पुष्टि भएको छ । जसमा ७१ जना महिला र ३ सय ४५ जना पुरुष रहेका छन् । देशभरी ३ सय १६ जनामा कोरोना पुष्टि भएको स्वास्थ्य तथा जनसंख्या मन्त्रालको नियमित मिडिया ब्रिफ्रिङमा मन्त्रालयका प्रवाक्ता डाक्टर जागेश्वर गौतमले जानकारी दिएका छन् । यससँगै संक्रमितको सख्ंया १३ हजार ५ सय ६४ पुगेको छ । जसमा १ हजार ६ सय ५७ जना महिला छन् भने बाँकी पुरुष छन् ।
त्यस्तै बितेको २४ घण्टामा देशका विभिन्न अस्पतालबाट ९ महिला र ५१ जना पुरुषसहित कुल ६० जना कोरोना संक्रमण बिरामी निको भएर घर फर्किएका छन् । यो संगै नेपालमा कोरोना जित्नेको संख्या ३ हजार १ सय ९४ जना पुगेको छ । जसमा २७७ महिला छन् बाँकी पुरुष छन् ।
मृत्कको संख्या २९ पुगेको छ । २४ घण्टामा कसैको मृत्यु भएको छैन ।
वितेको २४ घण्टामा ५३ हजार ७० जना क्वारेन्टिनमा रहेको बताइएको छ ।
