असार २३
काठमाडौं । धारिले हतियार प्रहार गरी घाइते बनाएको अभियोगमा काठमाडौं महानगरपालिका-२१ जैसिदेवलबाट प्रहरीले एक जनालाई नियन्त्रणमा लिएको छ । पक्राउ पर्नेमा काभ्रे खोपासी घर भएका ३५ वर्षीय सानु तामाङ रहेको प्रहरीले जनाएको छ । उनले जैसिदेवल बस्ने मकवानपुरका ३२ वर्षीय नाम नखुलाइएका एक पुरुषसंग आपसि वाद्विवाद तथा झै-झगडा हुँदा धारिलो हतियार प्रहार गरेको बताइएको छ ।
हतियारको प्रहारबाट घाइते भएकाको राष्ट्रिय ट्रमा सेन्टरमा उपचार भइरहेको प्रहरीले जनाएको छ ।
उनीमाथि थप अनुसन्धान भैरहेको प्रहरीले जानकारी दिएको छ ।file Photo
