पालिका प्रमुखको आड्मा बसेर,वडा सचिव,स्वास्थ्यकर्मी र ड्राइभरमाथि कुट्पिट्,राणाशासन चलाउदै प्रमुख

Milan Ghimire calendar_today २४ असार २०७७, 8:43 am

असार २४,

रामेछाप । रामेछापको उमाकुण्ड गाउँपालिका वडा १ गुम्देलका वडा सचिवसहित चार जना निर्घार कुटिएका छन् । मंगलबार राति करिब ९ ; १५ बजेको समयमा उमाकुण्ड गाउँपालिकाको कार्यालय प्रितीबाट गुम्देल तर्फ जादै गर्दा वडा नं १ कै ठाडोखोला भन्ने स्थानमा सोलुखुम्बु जिल्लाको लिखुपिके गाउँपालिका प्रमुख डम्बरबहादुर बस्नेतका छोरा मिलन बस्नेतसहित तीन जना जाँड्ले मातेर बसेकाहरुको समुहले उनीहरुलाई साङ्घातिक हमला गरेको हो । उनीहरुको कुटाइबाट वडा सचिव गणेश थापा, बा २० च ५३७८ नं को बोलेरोका चालक राजु बिक, गाडी धनि नरबहादुर बिक र स्वास्थ्य कार्यालय गुम्देलकी अनमी सिर्जना लामिछाने घाइते भएका हुन् ।

डम्बरबहादुर बस्नेत, लिखुपिके पालिका प्रमुख

उनीहरुलाई सामान्य विषयमा कुटिएको हो । हातपात गर्नेमा सोलुखुम्बु जिल्ला लिखुपिके गाउँपालिका वडा नं ३ स्थायी ठेगाना भएका सन्तोष बस्नतेका छोरा संजिव बस्नेत, ऐ.ऐ स्थायी ठेगाना भएका डम्बर बहादुर बस्नेत तथा पालिका प्रमुखका छोरा मिलन बस्नेत र ऐ.ऐ स्थायी ठेगाना भएका कृष्णध्वज बस्नेतका छोरा सुमोध बस्नेत रहेका छन् ।

उनीहरुले रामेछापको गुम्देल र सोलुखुम्बुको सिमानामा निर्माणाधिन लिखु २ जलविद्युत आयोजनाको पावर हाउससंगै जोडिएको सडक छेउमा बिना कारण कुट्पिट तथा आक्रमण गरेका थिए ।

यस्तो थियो घटनाको कारण

पालिकाको केन्द्र प्रितीबाट गुम्देल तर्फ हिडेको बोलेरोले जस्ता पनि बोकेको थियो । जस्ता ठाडो खोलाको सडकमा खसेको र चाकलले थाहापाएर सडक छेउमा बसिरहेका एक पुरुषलाई जस्ता खसेको देख्नुभयो गुरु भनेर चालकले सोद्धा उनले देखेको र आफूले त्यो जस्ता सडकबाट टिपेर राखिदिएको बताए । तर उनको छेउमा स्थानीय मिनबहादुर बस्नेतले सञ्चालन गरेको जाँड्को भट्टीमा रक्सिले मातेका तीन जना युवाहरुले त्यो गुरु नभै गाडीसाऊ हो किन गुरु भनिस्, कसलाइ गुरु भनेको तैले, भनेर एक्कासी चालक राजुलाई हातपात गरेका थिए । सँगै गाडी धनि पनि थिए ।

सचिव थापाले गाडीबाट ओर्लिएर असम्बन्धित व्यक्तिसंग अनावश्यक रुपमा झगडा नगर्नुस् भनेर अनुरोध गर्दा तथानाम गाली गलौज गर्दै उनलाई ढुंगामूढा प्रयोग गरि कुट्पिट गरेका थिए । उनीहरुमाथि हातपात हुन थालेपछि गाडी भित्र बसेकी गुम्देल स्वास्थ्य चौकीकि अ.न.मी. सिर्जना लामिछानेले घटनाको दृश्य खिच्न खोज्दा उनलाई समेत मोबाईल खोसेर गाडी बाहिर निकालेर आक्रमण गरेको र तथानाम गाली गरेका थिए ।

साथै सो घटनामा लिखु १ र २ ए जलविद्युत आयोजना क्षेत्र वरपर कामदारको पनि संलगनता रहेको पाइएको छ । उनीहरुको कुटाइबाट सचिव थापाको टाउको, आखाँ, चिउँडो, खुट्टामा गम्भिर असर परेको उनले बताए ।

  • गणेश थापा, सचिव घाइते
  • सिर्जना लामिछाने अ.न.मी घाइते

साथै चालक र गाडी धनि गम्भिर घाइते भएका छन् । उनीहरुले आफूहरुमाथि आक्रमण हुनु कम्युनिष्ट सरकारको ज्याजती छर्लङग भएको बताएका छन् । पीडितहरुले नेपालमा राणा शासन सुरुभएको बताए । दुईतिहाइको बहुमत देखाएर आफ्ना छोरालाई समेत राम्रोबाटो हिड्न नसिकायर नागिरकहरुमाथि हमला गर्ने  प्रवृती कम्युनिष्टको दम्ब मौलायएको पीडितहरुले गुनासो गरे । उनीहरुमाथि आक्रमण हुनु पदि दुरुपयोग् भएको उनीहरुले बताए । उनीहरुले सरकारी कर्मचारी, कामदार नै, यो मुलुकमा शान्तिको साथ काम गर्ने वातावरण नभएको अवस्था उल्लेख गर्दै घटनामा संलगनलाई हदै सम्मको कारबाही गरि नागरिकलाई लोकतन्त्रको अनुभिती दिलाउन माग गरेका छन् । सचिव थापाले भने हामीले पनि हात फर्काएको भए झगडामा मनविय क्षेती हुने पक्का थियो । ज्यान लिने नियतले नै हमला भएको थियो ।

घटनाको बारेमा सचिव थापाले आफ्नोसहित नागरिको ज्यूज्यानको सुरक्षाको माग गर्दै जिल्ला प्रशासनमा खबर गरेका छन् ।

रुद्रादेवी शर्मा, प्रमुख जिल्ला अधिकारी रामेछाप

जिल्ला प्रशासन रामेछाप र प्रहरी कार्यालयले घटनामा संलगन दोषीहरुको खोजिकार्य भैरहेको बताएको छ । प्रमुख जिल्ला अधिकारी रुद्रादेवी शर्माका अनुसार घटनामा संलगनहरुको खोजी भैरहेको छ । दोषीलाई पक्राउ गर्नेको लागि बाम्तिभण्डारबाट प्रहरी त्यसतर्फ गइरहेको उनले बताइन् । घटनाको बारेमा उनले उमाकुण्ड गाउँपालिकाका प्रमुख शेरबहादुर सुनुवारसंग जानकारी लिएको बताइन् ।file Photo

तपाईको प्रतिकृया दिनुहोस्

Milan Ghimire

लेखकबाट थप समाचार add