चितवनमा डाक्टर नर्स नै कोरोना संक्रमित, अवस्था चोटिलो बन्दै


सउन ३२ । जनता भ्वाइस ।
चितवनमा डाक्टर र नर्ससहित एकैदिन २७ जनामा कोरोना भाइरस संक्रमण पुष्टि भएको छ ।

भरतपुर अस्पताल कोभिड १९ परीक्षण प्रयोगशालामा शनिबार राति अबेरसम्म गरिएको परीक्षणमा चितवनका २७ जनामा कोरोना संक्रमण पुष्टि भएको हो ।


साथै सर्लाहीका थप एक जना बिरामीमा पनि संक्रमण पाइएको छ ।

चितवनमा एकैदिन कोरोना संक्रमण हुनेहरुमा भरतपुर वडा नं. ३, ४, ६, ७, १०, १२, १५ र २१ का १० जना पुरुष र ११ जना महिलामा कोरोना संक्रमण पुष्टि भएको हो । पुरुषहरु २६ देखि ५३ वर्ष उमेर समूहका छन् ।


संक्रमण पुष्टि हुनेमा भरतपुर महानगरपालिकाका मात्रै २१ जना छन् ।

भरतपुर अस्पताल, भरतपुर सेन्ट्रल अस्पताल र बीपी कोइराला मेमोरियल क्यान्सर अस्पतालबाट स्वाब संकलन गरी गरिएको परीक्षणमा भरतपुर वडा नं. ३, ४, ६, ७, १०, १२, १५ र २१ का १० जना पुरुष र ११ जना महिलामा कोरोना संक्रमण पुष्टि भएको हो । पुरुषहरु २६ देखि ५३ वर्ष उमेर समूहका छन् ।

यस्तै महिलाहरु २२ देखि ३९ वर्ष उमेर समूहका छन् । क्यान्सर अस्पतालका पाँच जना नर्स पनि संक्रमित संक्रमित हुनेमा चिकित्सक र नर्सहरुसमेत छन् ।


संक्रमितमध्ये बीपी कोइराला मेमोरियल क्यान्सर अस्पतालका पाँच जना नर्सहरु छन् । होम क्वारेन्टाइनमा बस्न मिल्नेलाई घरमा र नमिल्नेलाई अस्पतालमै बनाइएको आइसोलेसनमा राखिने क्यान्सर अस्पतालका कार्यकारी निर्देशक डा . देजकुमार गौतमले जानकारी दिए ।


यस्तै , चितवनको रत्ननगरका चार जनामा कोरोना संक्रमण पुष्टि भएको छ । क्वारेन्टिनमा रहेका रत्ननगर नगरपालिका ५ र १२ का ३ पुरुष र एक महिलामा संक्रमण देखिएको छ । पुरुषहरु २५, ३२ र ३६ वर्ष उमेर समूहका हुन् भने महिला ३५ वर्षकी हुन् ।


त्यसैगरी, चितवनकै खैरहनी नगरपालिका ८ का ३९ र ४५ वर्षीय पुरुषमा पनि संक्रमण पुष्टि भएको छ । उनीहरू दुवै जना क्वारेन्टिनमा छन् ।

तस्वीर : साभार

तपाईको प्रतिकृया दिनुहोस्