रामेछाप । खानेपानी तथा सरसफाइ डिभिजन नं–४ का प्रमुख डिभिजन ईन्जिनियर हुपेन्द्र जोशी एक पम्प उत्पादन निजि कम्पनिको आमन्त्रणमा कार्यलयको काम भद्रगोल बनाएर भारत भ्रमणमा लागेका छन । उनि जुनियर कर्मचारीलाई निमित्तको जिम्मेवारी दिएर भ्रमण गएका हुन ।
भारत भ्रमणमा जानु अघि प्रमुख जोशिले कार्यालयका ईन्जिनियर र लेखा अधिकृत हुँदा हुँदै नियम विपरित आफना विश्वास पात्र मानिने कम्प्युटर अपरेटर खुम्ब बहादुर मगरलाई कार्यालयको निमित्त प्रमुख दिएर मोजमस्तीका लागि निस्केका हुन । पटक पटक अनेकानेक विवादमा आईरहने उनि कार्यलयमा कहिल्यै भेटिदैनन । उनले न योजनाका काम गरेका छन न कार्यलयमा आफ्नो जिम्मेवारी निर्वाह गर्न सकेका छन । उनको कार्यलय प्रतिको व्यवहारले ’दिन कटनी, मानो पचनी’ भन्ने उखानलाई सप्रसङ्ग ब्याख्या गरिरहेको छ ।
सरकारी नियम अनुसार कुनै पनि कार्यालय प्रमुखले कार्यालय छाडेर बाहिर जानु अघि प्राविधिक कार्यालयको हकमा दोस्रो बरियतामा रहेको ईन्जिनियर र ईन्जिनियर नभए सब ईन्जिनियर र सब ईन्जिनियर पनि नभए प्रशासन तर्फको सिनियर ब्यक्तिलाई निमित्त प्रमुखको जिम्मेवारी दिएर बाहिरिनु पर्ने प्रावधान रहेको छ । तर डिभिजन ईन्जिनियर जोशिले उक्त प्रावधानलाई लात हानेर कानुन विपरित काम गरेर कानुनको वर्खिलाप गरेका छन ।
रामेछाप सिन्धुली र दोलखा गरि तीन जिल्लाको मुख्य कार्यालय मन्थलीमा रहेको र उक्त कार्यालयको प्रमुखले झनै जिम्मेवारीपुर्ण काम गर्नु पर्नेमा गैर जिम्मेवार काम गरेर कार्यालय बाट हुने नागरिकको काममा समस्या आउँदा पनि नियमक कार्यालयले भने प्रमुख जोशिको कामका बारेमा कुनै वास्ता गरेको छैन् ।
कार्यालयमा स्थाई प्राविधिक कर्मचारी समेतको अभाब रहेको र अस्थाई तथा करारकका कर्मचारी हरुको काममा कार्यालय प्रमुखले विश्वास नगरेका कारण कतिपय नयाँ योजनाहरु पनि सम्झौता हुन सकेका छैन्न भने कतिपय चालु योजनाहरुको काम पनि अघि बढ्न सकेका छैनन् ।
रामेछापमा मात्र नभएर दोलखा र सिन्धुलि जिल्लामा पनि प्रमुख जोशिको गैर जिम्मेवारपूर्ण कामको बारेमा जनस्तरबाट गुनासोको भारी आएपछि उनलाई खानेपानी प्रदेश कार्यालयले धादिङमा सरुवा पनि गरेको थियो । तर प्रदेश सचिव स्तरको २०७९ पुस ७ मा बसेको बैठकको निर्णय भन्दै धादिङमा भएको सरुवा बदर गरी जोशीलाई मन्थलीमानै पदस्थापना गरेपछि उनको मनोबल बढेको देखिन्छ । पावर र पहुँचका आधारमा कामै नगरि तलब भत्ता पचाउने र भ्रमणमा जागिरको समयसिमा कटाउने उनको सोच प्रष्ट देखिन्छ ।
जोशिको विभेदपुर्ण र अब्यवहारिक निर्णयका कारण कार्यालयमा कार्यरत अधिकांश कर्मचारीहरुमा असन्तुष्टि चुलिदा कतिपय उपभोक्ता समिति हरुको काम तामेलिमानै समस्या उत्पन्न भएको छ । आर्थिक वर्ष०७९÷८० मा प्रदेशतर्फ रामेछापमा ४४, दोलखामा ६४ र सिन्धुलीमा ४९ गरी कुल जम्मा १ सय ५७ वटा योजना संचालनमा रहेका छन् । ति योजना मध्ये धेरै योजनाको कामले गति लिन सकेका छैनन् ।
ब्यवहार र स्वभाबमा अपरिपक्क अनि घमण्डी स्वभाव रहेका डिभिजन प्रमुख जोशिको काम नियम विपरित हुनु स्वभाविक रहेको गुनासो मन्थली नगरपालिका १ का उपभोक्ता प्रबल सुवेदी गर्छन । कार्यालयले गर्ने धेरै काम हरु भद्रगोल अबस्थामा रहेका छन् । फिल्डमा खटिने कर्मचारी, इन्जिनियर पनि गाउँ गएका छैनन् । यतिबेला उपभोक्ता समितिहरूले काम धमाधम गर्नु पर्ने बेला कार्यालय प्रमुखले बजेट छैन, भनेर काम रोक्नु पनि सर्व साधारणको लागि दुर्भाग्य पुर्ण कुरा रहेको सुवेदीले बताए । त्यस बाहेक प्रमुख जोशिले कमिसनका लागि नियम विपरित गएर सेटिङमा लाखौका योजना संचालन गर्ने अनुमति दिएको उदाहरण आफुले देखाउन सक्ने पनि सुवेदीको दावि रहेको छ ।
प्रमुख जिल्ला अधिकारी शोभाखर रेग्मी पनि खानेपानी डिभिजन–४ बाट प्रमुखको कामका बारेमा पटकपटक गुनासो आएको स्वीकार्छन । नियम विपरित गएर कम्प्युटर अपरेटरलाई निमित्त प्रमुख दिनु गलत भएको समेत प्रजिअ रेग्मी बताउछ । उनी भन्छन – ’प्राविधिक तर्फका कार्यालयको हकमा प्रमुखले निमित्त दिंदा आफु भन्दा मुनिको ईन्जिनियर र ईन्जिनियर नभए सब ईन्जिनियर र त्यो पनि नभएर प्रशासन तर्फको सिनियर ब्यक्तिलाई निमित्त दिएर जानु पर्ने हो । तर कार्यालय प्रमुखले यसो गरेर गलत काम गर्नु भएको छ । यस बारेमा उहाँ कार्यालयमा हाजिर हुना साथ कार्वाहिको लागि आवश्यक प्रकृया अघि बढाईने छ । ’

रामेछाप । नेपाल मगर संघ दोरम्बा शैलुङ्ग गाउँपालिकाको आयोजनामा भएको माघे संक्रान्तिको सार्वजनिक कार्यक्रममा उपाध्यक्ष भन्दा वडा सदस्यलाई पहिलो रोहमा आसनग्रहण गराइएको विषय चर्चाको विषय बनेको छ ।
टोकरपुरमा आयोजित माघी सक्रान्ति मेलामा अतिथि आसन ग्रहण कार्यक्रममा दोरम्बा शैलुङ्ग गाउँपालिका–३ का निर्वाचित वडा सदस्य समेत रहेका एमालेका नेता तुला प्रसद कँडेल भन्दा पछिल्लो रोहमा उपाध्यक्ष खमला थापामगरलाई आसन ग्रहण गराइएको थियो ।

आयोजकले गाउँपालिकाको उपाध्यक्ष भन्दा वडा सदस्यलाई पहिलो रोहमा राखेको विषय यति बेला सामाजिक सञ्जालमा बहसको विषय बन्न पुगेको छ ।

रामेछाप । सरकारले शोक बिदा दिएको दिन मन्थली नगरपालिकाका कार्यकारी अधिकृत भने सरकारी गाडीमा पारिवारिक घुमफिरमा मस्त भए । उनले सार्वजनिक बिदाको दिन परिवारसहित घुम्न निस्किँदा सरकारी गाडी लिएर गएको पाइएको हो ।

आईतबार पोखरामा भएको विमान दुर्घटनामा परी मृत्यु भएकाहरुको शोकमा सोमबार सरकारले सार्वजनिक बिदा दिएको मौका छोपेर मन्थली नगरपालिकाका कार्यकारी अधिकृत हरि प्रसाद चापागाई सरकारी गाडी लिएर घुम्न गएका हुन् । उनी आज सरकारी नम्बर प्लेटको गाडी लिएर परिवारसहित घुम्नका लागि भालुखोप डाँडामा पुगेका थिए ।

कार्यकारी अधिकृत चापागाई नगरपालिकाको बा २ झ १७७२ नम्बरको गाडी लिएर बिदा मनाउन गएका हुन् ।

उनको साथमा अर्को सरकारी नम्बर प्लेटको प्रदेश नम्बर ३–०१ ००२ झ ५२२८ नम्बरको गाडी पनि देखिएको छ । उक्त गाडी कुन कार्यालयको हो भन्ने यकिन भइसकेको छैन ।

रामेछाप । रामेछापको उमाकुण्ड गाउँपालिकाले चालु आर्थिक वर्षको पहिलो ६ महिनामा झण्डै ३० प्रतिशत बजेट खर्च गरेको छ । गाउँपालिकाको हिउँदे गाउँ सभामा गाउँ कार्यपालिका कार्यालयले सो कुराको जानकारी दिएको हो । सो अवधिमा २९.७१ प्रतिशत बजेट खर्च भएको गाउँपालिका जनाएको छ । गाउँपालिकाको कूल ५९ करोड ७९ लाख रुपैँया बजेट रहेकोमा १७ करोड ७६ लाख ८१ हजार रुपैँया खर्च भएको छ । चालु तर्फ ३९.१२ प्रतिशत र पुँजीगत तर्फ १५.७३ प्रतिशत बजेट खर्च भएको गाउँपालिकाले जनाएको छ । सबैभन्दा बढी कार्यालय सञ्चालन तर्फको बजेट ४४.९९ प्रतिशत अर्थात् १३ करोड २३ लाख ९२ हजार मध्ये ५ करोड ९५ लाख ६१ हजार रुपैँया खर्च भएको छ । सबैभन्दा कम आर्थिक विकास तर्फको ८.५८ प्रतिशत रकम मात्र खर्च भएको छ । आर्थिक विकास तर्फ ५ करोड १५ लाख ५० हजार रुपैँया मध्ये ४४ लाख २० हजार रुपैँया मात्र खर्च भएको छ ।
यसै गरी पूर्वाधार विकास तर्फ १८.९४ प्रतिशत रकम खर्च भएको छ । सो शीर्षकमा १७ करोड ६५ लाख रुपैँया बजेट विनियोजन भएकोमा ३ करोड ३४ लाख ३३ हजार रुपैँया खर्च भएको छ । सुशासन तथा अन्तर सम्बन्धित क्षेत्रमा २ करोड २३ लाख ७६ हजार रुपैँया विनियोजन भएकोमा ४८ लाख ६४ हजार रुपैँया खर्च भएको छ । जुन विनियोजित रकमको २०.८१ प्रतिशत हो । सामाजिक विकास तर्फ ३५.२२ प्रतिशत अर्थात् ७ करोड ५४ लाख रुपैँया खर्च भएको छ । सो शीर्षकमा २१ करोड ४० लाख ४६ हजार रुपैँया बजेट विनियोजन गरिएको थियो । पूर्व तयारी नगरी योजना बनाउँदा कतिपय काम गर्न समस्या भएको गाउँपालिका अध्यक्ष शेरबहादुर सुनुवारले बताउनुभयो । उहाँले गाउँपालिकाले गर्ने काममा व्यक्तिगत स्वार्थ भन्दा माथि उठेर हेरिदिन सबैलाई अनुरोध गर्नुभयो । त्यसो गरियो भने योजना अनुसारको काम गर्न सकिने उहाँको भनाइ छ । गाउँपालिका उपाध्यक्ष सावित्री सुनुवारले गाउँपालिकाका काम प्रति कतिपय नागरिकका गुनासो भएका बताउँदै त्यसलाई सम्बोधन गरेर गाउँपालिका अघि बढ्ने बताउनुभयो । राम्रो काम गर्नेलाई प्रोत्साहित गर्न गाउँपालिकाले सम्मान कार्यक्रम सुरु गरेको उहाँले बताउनुभयो ।

रामेछाप। रामेछापको खाँडादेवी गाउँपालिकाले १२ औँ हिउँदे अधिबेशन तथा सम्पन्न गरेको छ । शनिवार गाउँपालिकाको सभा हलमा चालु आर्थिक वर्षको १७ वटा प्रस्तावहरू माथि छलफल गरी बिभिन्न कार्यक्रमहरु पास समेत गरेको छ । गाउँ सभामा खाडाँदेवी गाउँपालिकाले भने खर्च बिबरण प्रस्तुत गरेको छैन ।

केहि कार्यपालिका सदस्य र कर्मचारीले भने खर्च न्युन भएको कारण सार्वजनिक नगरेको बताए । गाउँसभा तथा हिउदे अधिबेशनमा गाउँपालिकाले पत्रकारहरुलाई समेत जानकारी नगराई सम्पन्न गरेको छ ।

बजेट सार्वजनिक गर्न नसक्ने अवस्था आएको कारण पत्रकारहरुलाई जानकारी नदिएको कर्मचारीहरुले बताएका छन् । यस विषयमा गाउँपालिका अध्यक्ष प्रमुख प्रशासकिय अधिकृत र लेखापाललाई बारम्बर सम्पर्क गर्न खोज्दा उनीहरु सम्पर्कमा आउन चाहेनन् ।

जिल्लाको सदरमुकामसमेत रहेको मन्थली नगरपालिकाले अहिलेसम्म जम्मा २७ प्रतिशत मात्रै बजेट खर्च गरेको छ । नगरपालिकाले ६ महिनाको अवधिमा जम्मा एक अर्ब १३ करोड ५ लाख ४३ हजार ३४ रुपियाँ बजेटको २७ प्रतिशत अर्थात् ३० करोड ७१ लाख ६८ हजार ५ सय ४२ रुपियाँ बजेट खर्च गरेको छ । सोमबार नगरपालिकाको १२ औँ अधिवेशन तथा हिउदे अधिवेशन सम्पन्न गर्दै उक्त कुरा बताएका हुन् ।

नगर प्रमुख लब श्रेष्ठले पुस २२ गतेसम्म चालु तर्फ ७५ करोड ५५ खाल ६९ हजार बजेट रहेकोमा ३४ प्रतिशत अर्थात् २५ करोड ७९ लाख ५१ हजार २ सय ८६ रुपियाँ बजेट खर्च भएको बताउनुभयो । त्यसै गरी पुँजीगत तर्फ ३७ करोड ४९ लाख ७४ हजार ३४ रुपियाँ बजेट रहेकोमा १३ प्रतिशत अर्थात् ४ करोड ९३ लाख ९ हजार ८५ रुपियाँ बजेट खर्च भएको बताउनुभयो ।

नगरपालिकाले भुक्तानी प्रणालीलाई सहज बनाउन डिजिटल माध्यम ईटीएफ प्रणालीबाट भुक्तानी प्रणाली सुरु गरिएको उहाँले बताउनुभयो । ‘यस आर्थिक वर्षमा नगरपालिकाले ४ करोड ६३ लाख रुपियाँ आम्दानी हुने अनुमान गरेकोमा अहिलेसम्म एक करोड ६३ लाख ३२ हजार रुपियाँ आम्दानी भएको छ, यसलाई हेर्दा लक्ष्य अनुरूप आन्तरिक राजश्व संकलनमा विशेष ध्यान दिन आवश्यक छ’, नगर प्रमुख श्रेष्ठले भन्नुभयो ।

उहाँले पूर्वाधार विकासका लागि नगरपालिकाका १४ वटा वडामा यस वर्ष ३ सय ७६ वटा योजना छुट्टिएकामा १ सय ७५ वटा योजना मात्र हालसम्म सम्झौता भएको र ती मध्ये ३६ वटा योजनाको कार्य सम्पन्न भएको बताउनुभयो । उहाँले भन्नुभयो– ‘‘६ महिनाको अवधिमा ५० प्रतिशत बढी योजना सम्झौता नै नहुनु कार्यसम्पादनको हिसाबले सन्तोषजनक नरहेको नगरप्रमुख आफैले बताउनु भयो ।”

रामेछाप नगरपालिकाले चालु आर्थिक वर्षमा हालसम्म १८.७८ प्रतिशत मात्र बजेट खर्च गर्न सकेको छ । बुधवार रामेछाप नगरपालिकाको सुकाजोरमा सम्पन्न बाह्रौं अधिवेशनमा उक्त कुराको जानकारी गराइएको हो । अधिवेशनपछि आयोजित पत्रकार सम्मेलनमा चालु आर्थिक वर्षका लागि विनियोजित चालु तर्फको रु ४६ करोड ९८ लाख २३ हजार ४ सय ३४ रुपैया र पूँजीगत तर्फ ३१ करोड ७ लाख ६० हजार ५ सय ५६ रुपैया गरी कुल ७८ करोड ५ लाख ८४ हजार वजेट बिनियोजित भएपनि हालसम्म चालु तर्फ १२ करोड २४ लाख ४९ हजार ३ सय २० र पूँजीगत तर्फ २ करोड ४१ लाख ५५ हजार ३२ रुपैया गरी कुल १४ करोड ६६ लाख,४ हजार ३ सय ५२ रुपैया खर्च भएको जनाइएको हो । यसरी हेर्दा चालु तर्फ २० प्रतिशत र पूँजीगत तर्फ ७.७८ प्रतिशत खर्च भएको पाइएको कार्यक्रमका अबसरमा जानकारी गराइएको हो ।
नगर अधिवेशन पछि नगर प्रमुख लवश्री न्यौपानेको अध्यक्षतामा आयोजना गरिएको पत्रकार सम्मेलनका अवसरमा उहाँले आपूmहरु निर्वाचित भएदेखि नै कामलाई गति दिएको तर वीचमा दशै तिहार एवंं संघ र प्रदेशको निर्वाचनका कारण लागेको आचारसंहिताले सोचे अनुसारको उपलब्धि हासिल गर्न नसेको भएपनि अर्को वर्ष भने यस्तो नहुने वताउनुभयो । सो अवसरमा बोल्दै नगरपालिकाका प्रवक्ता समिर कार्कीले केही योजनाहरु निर्माण ब्यवसायीमार्फत भइरहेको हुनाले प्रगति कम देखिएका भन्दै अधिकांश वडाका योजनाहरु कार्यान्वयनका चरणमा रहेको, योजना सम्पन्न भइसकेपनि कति योजनाहरुको भुक्तानी माग नभएका कारणले वर्तमान अबस्थामा उपलब्धि नदेखिए पनि माघको पहिलो हप्ता भित्र धेरै उपलब्धि देखिने बताउनुभयो ।

रामेछाप । रामेछापको खाँडादेवी गाउँपालिकाले चिकित्सकसहितको स्वास्थ्य सेवा सुरु गरेको छ ।गाउँका बिरामीलाई गाउँमा नै स्वास्थ्य सेवा पु¥याउने उद्देश्यले चिकित्सकसहितको स्वास्थ्य सेवा सुरु गरेको गाउँपालिकाले जनाएको छ । गाउँपालिका अध्यक्षमा निर्वाचित भएर आए सँगै गाउँपालिका अध्यक्ष ज्ञानकुमार श्रेष्ठले घरघरमा स्वास्थ्य सेवा पु¥याउने उद्देश्य लिएको बताउदै आएका थिए ।
निर्वाचित भएको करिब नौ महिनापछिगाउँपालिकाले करार सेवामा मेडिकल अधिकृत नियुक्त गरी चिकित्सकसहितको सेवा सञ्चालनमा ल्याइएको गाउँपालिकाको स्वास्थ्य शाखा प्रमुख ओमप्रकाश श्रेष्ठले बताउनुभयो । ‘स्वास्थ्य क्षेत्रमा सुधार गरी नागरिकलाई छिटो छरितो ढङ्गले प्रभावकारी स्वास्थ्य सेवा प्रवाह गर्न चिकित्सक नियुक्त गरिएको हो ।” उहाँले भन्नुभयो ।
उहाँका अनुसार पालिका स्तरको अस्पतालको काम गर्ने गरी मेडिकल डाक्टरलाई स्वास्थ्य चौकी पकरबासमा काममा खटाइएको छ । गाउँका मानिसलाई उपचारको लागि ठूलो खर्च गरेर सहर जान नपरोस् भनी गाउँमा नै चिकित्सकसहितको सेवा सञ्चालन गरिएको गाउँपालिकाका अध्यक्ष ज्ञानकुमार श्रेष्ठले बताउनुभयो । ‘चिकित्सक नियुक्त भएसँगै पकरबास स्वास्थ्य चौकीबाट पालिका स्तरको अस्पतालबाट पाइने सेवा नागरिकले पाउँछन् ।” अध्यक्ष श्रेष्ठले भन्नुभयो ।
खाँडादेवी गाउँपालिकामा अहिले १५ वटा भन्दा बढी स्वास्थ्य संस्था मार्फत सेवा प्रवाह भइरहेको छ । गाउँपालिकामा आठ वटा स्वास्थ्य चौकी, चार वटा सामुदायिक स्वास्थ्य एकाइ, एउटा आधारभूत स्वास्थ्य सेवा केन्द्र, एउटा ग्रामीण आँखा केन्द्र र एउटा (आयुर्वेद) नागरिक आरोग्य केन्द्र गरी १५ वटा स्वास्थ्य संस्था सञ्चालनमा छन् । खाँडादेवी गाउँपालिकाले वडा नं ६ माकादुमको गोगन पानीमा पालिका स्तरको अस्पताल बनाउँदै छ। सो अस्पताल भवनको निर्माण कार्य भइरहेको छ । गाउँपालिकाले पालिकाभित्रका अन्य वडाका स्वास्थ्य संस्थामा टेलिमेडिसिन सेवा सञ्चालन गर्ने तयारी पनि गरेको छ ।

रामेछाप। खाँडादेवी गाउँपालिकामा सरकारी अनुदानमा ब्यापक अनियमितता भएको खुलासा भएको छ । गाउँपालिका भित्र बागमती प्रदेश सरकार र गाउँपालिकाले करोडौं रकम बिभिन्न शीषर्कमा अनुदान रकम बितरण गरेको थियो । अनुदान लिएका संस्था र फर्महरु यतिबेला अधिकांश बन्द भएको छ ।
अनुदान रकम दिदा आप्mना आफन्त र पार्टी कार्यकर्ता छनौट हुँदा समस्या आएको नागरिकहरुको भनाई छ । अनुदान रकम दिदा बिषेश गरी पार्टीको कार्यकता हो होइन भनेर हेर्ने र नाता भित्रको मान्छे हो कि होइन भन्ने सोचका कारण सरकारले लगानी गरेको करोडौं रकम दुरुपयोग भएको स्थानीय दिपेश खत्रीले बताए ।
उनले भने “बागमती प्रदेश सरकारको आर्थिक मामिला मन्त्री कैलाश ढुङ्गेल रहदा र गाउँपालिका अध्यक्ष प्रेम तामाङ रहदा अधिकांश फर्महरुमा अनुदान रकम बितरण गरियो । अनुदान बितरण गर्नका लागि आप्mना नेता र कार्यकर्ताहरुलाई उहाँहरुले फर्म दर्ता गर्न भने । उक्त फर्ममा एमालेका नेता कार्यकर्ता भन्दा अरु राखेनन् । बस्न खोज्दा पनि बस्न दिइएन । उनीहरुको उद्देश्य भनेको अनुदान रकम ल्याउने र खाने उद्देश्यले फर्म दर्ता भएको थियो, कृषि कार्य गर्ने होइन । अनि दिगो कसरी हुन्छ । जतिपनि फर्ममा अनुदान रकम दियो । ती सबै बन्द छन् । कुनै पनि फर्महरु सञ्चालनमा छैनन् । अनुदान रकम पूरा नआएसम्म बाख्रा राखे अनुदान पाए पछि बाख्रा बेच्ने काम गर्नेहरुले पैसा पनि पाएन । जसले माटोमा खेलेका छन् उनीहरुले पाएन । जो जनप्रतिनिधि छन् पार्टीको परिचित नेता कार्यकर्ता छन् । उनीहरुले अनुदान रकम पाए । त्यसरी बितरण गरिएको अनुदान सदुपयोग कसरी हुन्छ उनले भने ।”
त्यस्तै गरी स्थानीय बिनोद श्रेष्ठले भने– “अनुदान लिनका लागि फर्म खोले, जग्गा भाडामा लिए, अनुदान पाएपछि सबै छाडेर हिडे । मैले पनि जग्गा भाडामा दिएको थिए । पहिलो वर्षको भाडा दिए । त्यसपछि दिएन । कहिले बन्द गरे पत्तै छैन । हुने खानेहरुले पहूँचको भरमा पैसा खान फर्म खेले तर हामी जस्ता सर्वसाधरण भने झन् मर्कामा प¥यौ उनले भने ।”
गाउँपालिकाले अहिले अनुदानको दुरुपयोग भएको भन्दै नदिने बताएको छ । कृषि पेशामा रहेको कृषकहरुलाई अनुदान दिन पर्ने ठाउँमा कार्यकर्तालाई खल्तीमा अनुदान दिदा अहिले असली कृषकलाई भने समस्या परेको छ ।
बागमती प्रदेश सरकारको तत्कालीन आर्थिक मामिला मन्त्री कैलाश ढुङ्गेलले र कृषि मन्त्रालयबाट विभिन्न शीर्षकमा आनुदान ल्याएर फर्म सञ्चालन गरेकाहरूले केही समय अनुदान देखाउन फर्ममा बाख्रा, गाई र टनेलमा तरकारी खेती देखावटी गरेको भएपनि अहिले ती फर्म खाली भएका छन् भने टनेल बनमाराले भरिएका छन्।यसरी अनुदान प्राप्त गर्नेमा अधिकांश राजनीति दलका नेता तथा कार्यकर्ता रहेका छन् भने तत्कालीन जनप्रतिनिधिहरु पनि संलग्न रहेको खुलासा भएको छ । पालिकाको वडा नं ३ डफ्खामा बागमती प्रदेश सरकारको २५ लाख अनुदान र स्थानीयको लाखौं रुपैयाँ रहेको सित्खा कृषि विकास प्रा.लिले देखावटी बाख्रा पालन गरेर अनुदान रकमको दुरुपयोग गरेको हो।
एमाले नेता एवं वडाध्यक्ष पुष्कर कार्की, वडा सचिव तेजबहादुर श्रेष्ठ,एमाले केन्द्रीय प्रतिनिधि शम्भु श्रेष्ठ, एमाले रामेछाप जिल्ला कमिटी सदस्य राजेश कार्की,हालका वडा सदस्य दुर्गा माझी र स्थानीय नेता भिम श्रेष्ठलगायतको संलग्नतामा खोलिएको उक्त प्रा.लिले स्थानीय स्तरमै पाइने लोकल प्रजातीका बाख्रा राखेर फर्म सञ्चालन गरेका थिए ।केहि समय बाख्रा राखेको भएपनि हाल फर्ममा बाख्रा छैनन् ।
राज्यको अनुदान नलिइ व्यक्तिगत लगानीमा सञ्चालित कृषि फर्महरूले भने राम्रो व्यापार गरिरहेका छन् । अनुदान लिएका फर्महरु सित्खा पुल तरेपछि भिरपानी जाने बाटो वरपर मात्र दर्जनौं छन् तर सबै अनुदान पश्चात बन्द छ ।यस बारेमा पालिकासँग जानकारी लिंदा पालिकासँग अनुदान फिर्ता गराउने अधिकार नभएको र कानुनी प्रक्रियाको लागि जानकारी गराउने पालिका अध्यक्ष ज्ञानकुमार श्रेष्ठले बाताए ।
श्रेष्ठले भने– “अनुदान रकमको दुरुपयोग भएको छ । राम्रो भएको छ भन्न मिल्दैन । दुरुपयोग भएको छ भनेर हामीले कारवाही गर्ने अधिकार हामीसँग छैन । हामीले गाउँपालिकाबाट केहि गर्ने अवस्था छैन । अनुदान बितरण र अनुगमन फितलो हुँदा यस्तो समस्या देखा परेको हो । हामी उक्त रकम न फिर्ता गराउन सक्छौं न कारवाही गर्न सक्छौं । अनुदान दिने समयमा बिचार गर्दा यो समस्या आएको हो । यस भन्दा अघि अनुदानमा दिएको रकम दुरुपयोग भएको देखेर आपूmले यस वर्षदेखि अनुदान रकम नदिने निर्णय गरेको बताए ।”
अनुदान दिएर कहिले पनि कृषकले प्रगति नगर्ने र अनुदान खेर जाने हुनाले पालिकाले यो सेवा बन्द गरेको पनि अध्यक्ष श्रेष्ठले जानकारी दिए । अनुदानको नाममा राज्यले लगानी गरेर करोडौं रुपैयाँ बालुवामा पानी हालेझैं भएको श्रेष्ठको तर्क छ । राज्यले अनुदानको नाममा लगानी गरेको करोडौं रुपैयाँ अनुगमन र निगरानीका साथै अनुदान दुरुपयोग गर्नेमाथि कडाई नगर्ने हो भने बर्सेनी राज्यको लगानीको कुनै औचित्य देखिदैन ।

रामेछाप । पोखरामा भएको बिमान दुर्घटनामा ज्यान गुमाएका नेपाल पत्रकार महासंघका केन्द्रिय सदस्य त्रिभुबन पौडेल लगाएत अन्य यात्रुहरुको आत्माको चिरशान्तिको कामना गर्दै नेपाल पत्रकार महासंघ रामेछापले मन्थलीको देवकोटा चोकमा दिप प्रज्वलन गरेको छ ।

यती एयरलाइन्सको आइतबार भएको जहाज नेपालपत्रकार महासंघका केन्द्रिय सदस्य लगाएत ७२ जनाले ज्यान गुमाएका थिए । उक्त घट्नामा मृतक भएका पत्रकार पौडेल लगाएत अन्य यात्रुहरुको सम्झनामा आज सांझ पत्रकार महासंघ रामेछाप लगाएत देशै भरका पत्रकार महासंघले यात्रुहरुको आत्माको चिरशान्तिको कामना गर्दै दिप प्रज्वलन गरेका हुन् ।

पत्रकार महासंघ रामेछापले पत्रकार पौडेल सहित ७२ जना यात्रुको सम्झनामा आत्माको चिरशान्तिको कामना गर्दै ७२ वटै मैन बत्ती बालेका थिए । नेपाल पत्रकार महासङ्घ रामेछापमा आबद्ध र सक्रिय पत्रकारहरूले दुर्घटनामा दुःख व्यक्त गर्दै दीप प्रज्वलन गरेका हुन् ।

रामेछाप । मन्थली अस्पताल तोडफोड गरेको आरोपमा जिल्ला प्रहरी कार्यालय रामेछापले तिन जनालाई नियन्त्रणमा लिएको छ । मन्थली अस्पतालका अनुसार शुक्रबार रातको नौं दश बजेको समयमा लागुपदार्थ सेवन गरेको केहि ब्यक्ति आई अस्पतालमा भर्ना भएपछी अस्पतालका केहि कर्मचारीलाई दुर्व्यवहार गर्नका साथै उपचारका केहि सफन समेत तोडफोड गरेका थिए ।

उनिहरुले झण्डै दुईलाख पर्ने मेसिनको तार जवरजस्ती चुडाएर हिडेका थिए । उनिहरुलाई प्रहरीले अहिले प्रक्राउ गरी जिल्ला प्रहरी ल्याउदै गरेको जिल्ला प्रहरी कार्यालय रामेछापले जनाएको छ । प्रहरीले भने बेहोसी अवस्थामा मेसीनको तार चुडालेर हिडेको बताएका छन् । यर्थात केहो सोधपुछ पछी मात्र जानकारी गराउने प्रहरीले जनाएको छ ।

रामेछाप । लिखु तामाकोशी गाउँपालिकाले स्वास्थ्यको पहुँचमा पुग्न नसकेका ग्रामिण भेगमा नागरिकलाई गाउँमै विशेषज्ञ सहितको निःशुल्क स्वास्थ्य सेवा प्रदान गरेको छ ।

गाउँपालिका र नेपाल छारेरोग संघ र काठमाण्डौं मोडल अस्पतालको संयुक्त आयोजना र तामाकोशी अस्पतालको सहयोगमा नादहको झट्टेश्वर माध्यमिक विद्यालयमा शिविरको आयोजना गरेको हो । पालिकाभित्र हालसम्म सुविधा सम्पन्न एउटा पनि अस्पताल नहुँदा बिरामीले सहज तरिकाले उपचार पाउन सकेका थिएनन् । उक्त शिविरवाट ७ सय नागरिकले निःशुल्क स्वास्थ्य जाँच र औषधी पाएका छन् ।

सामान्य विरामी हुँदा त गाउँमै रहेको स्वास्थ्य चौकीमा उपचारको लागि जाने गर्दथे । गाउँमा उपचार सम्भव नभएका भित्री रोग भएका बिरामीहरु भने उपचार गर्न सदरमुकाम मन्थलीसम्म जानुु पर्ने वाध्यता थियो । यसपटक भने जनप्रतिनिधिहरुले गाउँका सबै नागरिकको स्वास्थ्यमा पहुँच पुगोेस् भन्ने उद्धेश्यले गाउँमै बिशेषज्ञ सहितको दुइदिने निःशुल्क स्वास्थ्य शिविर संचालन गरेका हुन ।

शिविरमा स्त्रीरोग, छारेरोग, हाडर्जोनी, नाक कान घाँटी, बालरोग र नसा च्यापिएका लगाएतका ८ प्रकारका रोगहरुको उपचार गरिएको छ । खर्चको अभावमा अस्पताल जान नसकेका लिखु गाउँपालिकाका नागरिकलाइ गाउँमै बिशेषज्ञ डाक्टर र औषधी सहितको सेवा पाएपछि उनीहरुमा खुशी छाएको छ । गाउँमा अस्पताल नहुँदा सामान्य विरामी भएपनि त्यतीकै वस्नु पर्ने वाध्यता थियो । अहिले गाउँमा डाक्टर सहित निःशुल्क सेवा पाउँदा आफुलाई ज्यादै खुशि लागेको लिखु तामाकोशी गाउँपालिका–४ की दिपा महतले बताइन ।

पैसाको अभावमा धेरै वर्षदेखी ढाड र कम्मरको दुखाई सँगै घुडा दुखेर हैरान खेप्दै आएकी फट्याङ्ग्री तामाङ पनि गाउँमा आएको निःशुल्क स्वास्थ्य शिविरले फुरुङ्ग परेकी छिन् । उनी भन्छिन्– पैसा नहुँदा वर्षौैदेखी रोग पालेर बसेको थिए । अहिले गाउँमै जाँच गराउन पाउँदा निकै खुशी छु । समयको पनि बचत भयो, पैसा पनि जोगियो । यस्तै गरि पालिकाले समयसमयमा स्वास्थ्य शिविर राख्न पनि जनप्रतिनिधिसँग आग्रह गर्ने बताइन ।

स्वास्थ्य शिविरमा उपचार लिन आउने गम्भिर प्रकृतीका विरामीलाई थप उपचारको लागि काठमाण्डौं मोडेल अस्पतालसँग सहकार्य गरेर राजधानी पठाउने व्यवस्था मिलाइएको लिखु तामाकोशी गाउँपालिकाका स्वास्थ्य शाखा प्रमुख किशोरी शाहले जानकारी दिए । उनले भने– गम्भिर प्रकृतीका विरामीको हामीले रेकर्ड राखेर उनीहरुको समयसमयमा जानकारी लिने व्यवस्था मिलाएका छौं । जतिसक्दो चाडो उनीहरुलाई थप उपचारको लागि सुविधासम्पन्न अस्पतामा पठाउने तयारीमा लागेका छौं ।

यसअघि पनि पालिकाले तामाकोशी अस्पतालसँग सहकार्य गरेर गाउँमै निःशुुल्क आँखाको परिक्षण गरेको थियो । परिक्षणको क्रममा ८ सय ९ जना विरामीले आँखा परिक्षण गराएका थिए । जसमा आँखाको मोतिया बिन्दु भएका ३६ जना विरामीको निःशुल्क आँखाको शल्यक्रिया समेत भएको थियो । गाउँमा सवै नागरिकहरुले स्वास्थ्य सेवा पुर्याउन पालिकाले आगामी वर्ष पनि स्वास्थ्य घुम्ती शिविर संचालन गर्ने लिखु तामाकोशी गाउँपालिकाका अध्यक्ष केशब महतले जानकारी दिए ।

गाउँबाट विरामी भएर उपचारको लागि शहरका अस्पतामा झर्ने अधिकासं विरामीहरुले डाक्टरलाई रोगको बिषयमा भन्न लजाउने गर्दछन् । डाक्टर गाउँमा नै गएर उपचार गर्दा उनीहरुले आफुलाई लागेको रोगको बिषयमा खुलेर भन्न सक्ने भएकाले पनि ग्रामिण भेगमा बेलाबेलामा स्वास्थ्य शिविर गर्नु जरुरी देखिएको तामाकोशी अस्पतालका डा.सुमन कर्माचार्यले बताए ।

रामेछाप । जिल्ला समन्वय समितिले सातौं जिल्ला परिषद सम्पन्न गरेको छ । समन्वयले बिहिबार र शुक्रबार दुई दिनमा जिल्ला परिषद सम्पन्न गरेको हो । जिल्ला परिषदमा जिल्लामा रहेका आठ वटै स्थानिय तह र सरकारी कार्यलयहरुले जिल्लामा सञ्चालीत योजनाका बारेमा जानकारी गराएका थिए । साथै आगामी योजनाका बारेमा छलफलसमेत गरेको थियो । बिहिबार सरकारी कार्यालयहरु र गाउँपालिका नगरपालिकाले आफ्नो प्रतिबेदन प्रस्तुत गरेको थियो भने शुक्रबार सो बिषयमा राजनितिक दल तथा जनप्रतिनिधिहरुले सुझाब राखेका थिए ।

कार्यक्रमका प्रमुख अतिथि समेत रहेका प्रतिनिधि सभाका सदस्य पूर्णबहादुर तामाङ (कान्छाराम) ले काम गर्दा कुनै पनि कार्यलय प्रमुखहरुले कसैको दबाब र प्रभाबमा परेर काम गर्न नहुने भन्दै नियम अनुसार काम गर्न आग्रह गरे । तामाङले कानून सम्मत रुपमा काम गर्दा कुनै कठिनाई परे आफु सहयोग गर्ने बताए । काम गर्ने क्रममा कुनै पनि राजनीतिक दल वा तिनका नेता तथा कार्यकर्ता कसैले अनावश्यक दबाब र प्रभाव पार्न खोजे आफूलाई सिधै जानकारी गराउन पनि तामाङले आग्रह गरे ।

जिल्लाका सबै आठ वटै स्थानीय तहका प्रमुख, तथा उपप्रमुख, प्रमुख जिल्ला अधिकारी शोभाखर रेग्मी, सुरक्षा प्रमुख र राजनितिक दलहरु समेतको रोहबरमा साँसद तामाङले परवर्तित समय संगै कार्यालय प्रमुख हरुले गर्ने सबैखालेकाम समय अनुकुल जनमैत्री र जनमुखि बनाउन आग्रह गरे ।

सोहि कार्यक्रलाई सम्बोधन गर्दै निर्वाचनमा नागरिकको घर दैलोमा जाँदा जनता सामु धेरै बाचा गरिएको स्मरण गर्दै ती बाचाहरू मध्ये ४० प्रतिशत पूरा गर्न सके नागरिकले समृद्धिको अनुभूति गर्ने बताएका छन् । तामाङले भने ‘ हामिले निर्वाचनको समयमा कति बोलेको छौँ जनतासामु ती सबै कुरा मध्ये ४० प्रतिशत काम गर्न सकेमा पनि त्यो आफुहरुको सन्तुष्टिको विषय बन्ने पनि बताए । पषिदका सहभागि स्थानिय निकायका प्रमुख तथा उप प्रमुखहरुलाई पनि प्रमुख अतिथि तामाडले जनताको काममा ईमन्दार भएर लाग्नु पर्नै र विकासको लागि थप बजेट ल्याउनका लागि आफु लगायत सबै माननियहरु संग समन्वय गरेर काम गर्ने बताए ।

जिल्ला समन्वय प्रमुख चिना कार्किको अध्यक्षतामा भएको उक्त कार्यक्रममा नेपाली काँग्रेसका उप सभापति लेख बहादुर कार्कि नेकपा एमालेका प्रचार विभाग प्रमुख प्रकाश कार्कि नेकपा माओवादीका उद्धब रम्तेल नेकपा समाजबादीका झम्क कडेल राप्रपका दिपक कार्की लगायतका बक्ताहरुले परिषदलाइै रामेछापको विकास मोडलको नमूना बनाउन सुझाब दिएका थिए ।

रामेछाप । अम्बरआदर्श बचत तथा ऋण सहकारीले यस आर्थिक बर्षमा ५ लाख ६५ हजार ४ सय २५ नाफा कमाएको छ । आज सम्पन्न साधारण सभामा सहकारी सो जनकारी गराएको हो । २१ बर्ष अघि सानो लगानिमा सिमित ब्यक्तिहरुले शुरुगरेको संस्था केहि बर्ष देखी सक्रिय रुपमा अघि बढेको छ ।

सहकारीले साबिक रामेछाप गाविस र सदरमुकाम आसपास कार्यक्षेत्र बनाएर काम गरेको छ । आफ्ना सेयर सदस्यहरुको सामाजिक र आर्थिक अवस्था सुधार गर्न सहकारीले बिभिन्न खाले योजनाहरु अघि सारेका छन् ।

सहकारीका अध्यक्ष कृष्ण थापाको अध्यक्षतामा भएको २१ औं साधारण सभाको उद्घाटन कार्यक्रमा सम्बोधन गर्दै कार्यक्रमका प्रमुख अतिथि समेत रहेका रामेछाप नगरपालिकाका नगरप्रमुख लबश्री न्यौपानेले सहकारीले उत्पादन क्षेत्रमा बिशेष ध्यान दिनुपर्ने बताए। सहकारीको काम पैसा संकलन गर्ने र ऋण दिने मात्र काम गरेको भन्दै अब उत्पादन संग जोडिएर काम गर्न पर्ने बताए ।
सहकारीले साना ब्यपारी र सर्वसाधरण नागरीकको जिवनस्तर उकास्न ठुलो सहयो पुर्याउन सक्ने भन्दै उदेश्य अनुरुप काम गर्न आग्रह पनि गर्नु भयो । नागरिक सग बचत संकलन गर्न संगै बचत गर्ने बानि गराउन पनि सहकारीले महत्वपुर्ण भुमिका खेलेको बताए।

रामेछाप । जिल्लाको गोकुलगंगा गाउँपालिकाको १२ औँ गाउँ सभा (हिउँदे अधिवेशन) सम्पन्न भएको छ ।  आर्थिक वर्ष २०७८/०७९ का लागि विनियोजित नीति तथा कार्यक्रमको समिक्षा, चालु आर्थिक वर्षका लागि विनियोजित नीति तथा कार्यक्रमको अर्धवार्षिक प्रगतिको समिक्षा, विभिन्न विधेक तथा ऐनहरु माथि छलफल, गत आर्थिक वर्षमा गाउँपालिकामा देखिएको बेरुजु रकमको अशुल उपर गर्नु पर्ने लगायतका विषयहरु माथि छलफल गर्दै गाउँपालिकाको केन्द्र रस्नालुमा १२ गाउँ सभा सम्पन्न भएको हो ।

सभाका अध्यक्ष एवं गोकुलगंगा गाउँपालिकाका अध्यक्ष काजी बहादुर खड्काले गत आर्थिक वर्षमा भएको चालु तथा पुँजीगत खर्चको विवरण प्रस्तुत गर्दै चालु र पँजीगत गरी ६० करोड ८७ लाख ६३ हजार २० रुपैयाँ खर्च भएको तथ्यांक सार्वजनिक गरेका छन् । त्यस्तै अध्यक्ष खड्काले चालु आर्थिक वर्षका लागि विनियोजित नीति तथा कार्यक्रम र ६ महिनाको अवधिमा भएको खर्च विवरण समेत प्रस्तुत गरेका छन् ।

अध्यक्षले खड्काले आफूहरु निर्वाचित भएर आएपछि दुई ठूला चाड पर्व, प्रतिनिधि सभा र प्रदेश सभाको निर्वाचन लगायतका कारण आर्थिक वर्ष २०७९/०८० को लागि विनियोजित नीति तथा कार्यक्रम कार्यान्वयनमा समस्या आएको बताए ।

गाउँ सभामा गाउँपालिका उपाध्यक्ष उषादेवी कार्कीले आर्थिक वर्ष २०७९/०८० को लागि विनियोजित नीति तथा कार्यक्रम सहित बजेटमा केही परिमार्जन सहित संशोधनको लागि सभामा पेश गरेकी थिइन् । संसोधनको लागि सभामा पेश गरिएको संशोधित बजेट सर्वसम्मत रुपमा पाश भएको छ ।

गाउँसभाका सचिव एवं गाउँपालिकाका प्रमुख प्रशासकीय अधिकृत होम बहादुर थापाले चालु आर्थिक वर्षको लागि विनियोजित नीति तथा कार्यक्रम र बजेट कार्यान्वयनको लागि अहिले द्रुत गतिमा काम भइरहेको बताएका छन् । उनले चालु आर्थिक वर्षका लागि विनियोजित विभिन्न योजनाहरुलाई चाँडै सम्पन्न गराउनको लागि वडा–वडामै पुगेर सम्झौता गरेर कार्यान्वयनलाई सहज बनाइएको पनि बताए ।

यस्तो छ चालु आर्थिक वर्षको अर्धवार्षिक प्रगति

गत आ.व. २०७८/०७९ को अन्तिममा स्थानिय तहको दोश्रो निर्वाचन सम्पन्न भई हामी निर्वाचित भई आएकोले गत वर्ष पुरानै पदाधीकारीहरुले छनौट र संचालन गरेको बाँकी योजाना तथा कार्यक्रमहरुको स्थलगत अनुगमन गरी भूक्तानी दिने कार्य भएको र गत वर्ष गोकुलगंगा गाउँपालिकाको दैनिक प्रशासन संचालन र विकास कार्यमा चालु खर्च तर्फ कुल रु. २७ करोड ३३ लाख १५ हजार १ सय बहत्तर र पुँजीगत खर्च तर्फ कुल रु. ३३ करोड ५४ लाख ४८ हजार ६ सय ४८ गरी जम्मा रु. ६० करोड ८७ लाख ६३ हजार ८ सय २० खर्च भएको देखिन्छ ।

उपस्थित महानुभावहरु,

अव म हामी निर्वाचित भई आए पश्चात भए गरेका मुख्य मुख्य कार्यहरु र चालु आ.व. २०७९/०८० को हालसम्मको आय व्ययको विवरण यस गरिमामय सभामा प्रस्तुत गर्दछु ।

१. वर्षादको कारण विग्रीएका सडक पूर्वाधारहरुको मर्मत सम्भार कार्य दशै तिहार अगाडीनै सम्पन्न गरी सडक सचारु गरिएको छ ।

२. यस वर्ष गोकुलगंगा गाउँपालिकाबाट ठेक्का प्रकृयाद्धरा कार्यन्वयन हुने ११ वटा आयोजनाहरु मध्ये कार्यालयको लागि लिफ्ट सहितको ५ तले सुविधा सम्पन्न प्रशासकीय भवन रु. ९ करोड चौवन्न लाखको लागतमा निर्माण सम्पन्न गर्ने गरी कार्य प्रारम्भ भइ २० प्रतिशत भौतिक तथा वित्तिय प्रगती भएको छ । खानेपानी व्यवस्थापनका लागि एक घर एक धारा कार्यक्रम अर्न्तगत पाइप तथा फिटिङका सामाग्री खरीद कार्य, तारजाली खरिद कार्य, ज्यामकिरी विद्यालय भवन निर्माण कार्य, श्री मा.वि. फर्पु पहिरो नियन्त्रण कार्य, भीम आ.वि. घेराबार निर्माण कार्य, बुर्के टगम देउराली सडक स्तरोन्नती, भिमसेनथान ललीबुक लुते फर्पु वडा भवन सडक स्तरोन्नती, भिमसेनथान क्षेत्रीगाउँ धारापानी सडक स्तरोन्नती र भित्तरी, सिस्नेरी लिसेखोला सडक स्तरोन्नती समेत १० वटा आयोजनाहरुको ठेक्का व्यवस्थापन र ठेकेदार संग सम्झौता गरी निर्माण कार्य प्रारम्भ भईसकेको छ । साथै धौले चाके, कोश्याङखर्क, जटापोखरी पाँचपोखरी पर्यटकीय सडकको ड्रईङ, डिजाइन र स्टीमेट गरी बातावरणीय प्रभाव मुल्याङ्कन कार्य अन्तिम चरणमा पुगी ठेक्का व्यवस्थापनको तयारीमा रहेको छ ।

३. वडास्तरका विभिन्न संघ सस्था र उपभोक्ता समिति मार्फत संचालन गरिने कुल ३११ मध्ये २२९ वटा योजना तथा कार्यक्रमहरुको घुम्ती सेवा मार्फत सम्बन्धीत वडाहरुमा गई २०७९ चैत्र मसान्त भित्र कार्य सम्पन्न गर्ने गरी सम्झौता भई कार्य प्रारम्भ भएको छ ।

४. शिक्षा, स्वास्थ्य, कृषि, पशुपंक्षी तथा मत्स्य विकास, महिला बालबालिका तथा समाज कल्याण लगायतका विषयगत शाखाहरुको कार्यक्रमहरु कार्ययोजना बमोजिम संचालन भई रहेको छ ।

५. कार्यालयको दैनिक सेवा प्रवाह सेवाग्राहीमैत्री हुने गरी मातहतका वडा कार्यालय र स्वास्थ्य चौकीहरु समेतबाट चुस्त, दुरुस्त र पारदर्शी रुपमा गर्ने व्यवस्था मिलाइएको छ

६. दोश्रो त्रैमासिक अवधीको सामाजिक सुरक्षा भत्ता बैकिङ प्रणाली मार्फत वितरणका लागि रकम निकासा भई सकेको छ ।

७. उपरोक्तानुसार गोकुलगंगा गाउँपालिकाको दैनिक प्रशासन संचालन र विकास कार्यमा यस आ.व. २०७९/०८० मा देहाय बमोजिमको आयव्यय भएको देखिन्छ ।

चालु तर्फ ३३,८७,८०,००० (प्रगति ३३.९८ प्रतिशत)

पुजिँगत फर्त ३१,२१,६६,००० (प्रगति ६.५९ प्रतिशत)

उपस्थित महानुभावहरु,

शिक्षा क्षेत्रको विकास विना अन्य क्षेत्रको विकास नहुने तथ्यलाई मनन गरी गुणस्तरीय शिक्षाका लागि सामुदायिक विद्यालयका व्यवस्थापन समितिका अध्यक्ष, प्रधानध्यापक लगायतका शिक्षक शिक्षिकाहरुको क्षमता अभिबृद्धीका लागि आश्यक तालिम र प्रशिक्षणको व्यवस्था, गाउँपालिका र प्र.अ. विच कार्य सम्पादन सम्झौता गरी न्युन शिक्षक दरबन्दी भएका विद्यालयहरुमा निजिश्रोतमा कार्यरत शिक्षकहरुको पारीश्रमिकको लागि कमश उचित बजेट व्यवस्थापन गर्न आवश्यक ठानेको छु ।

गाउँबासीहरुलाई सरल र सहज रुपमा स्वास्थ्य सुविधाका लागि गोकुलगंगा अस्पताललाई १५ सैयाको अस्पतालको रुपमा स्तरोन्नती गर्नका लागि स्वास्थ्य चौकी रस्नालुबाट हुदै आएको स्वास्थ्य सेवालाई निरन्तरता दिन वडा कार्यालय रस्नालुमा एक एक जना अहेव, अनमी र कार्यालय सहयोगीको व्यवस्था गरी स्वास्थ्य चौकी रस्नालुका अन्य स्वास्थ्यकर्मी, स्वास्थ्य सामाग्री लगायत सम्पुर्ण सामानहरु गोकुलगंगा अस्पतालमा मर्ज गरी सेवा प्रवाहको व्यवस्था मिलाउनका साथै सबै स्वास्थ्य चौकीहरुबाट गुणस्तरीय स्वास्थ्य सेवा र निशुल्क रुपमा वितरण हुने औषधीहरु वितरणको व्यवस्था मिलाएको छ । अति विपन्न विरामीहरुको उपचारको लागि आश्यक सिफारिश र आर्थिक सहायताका साथै सत्केरीहरुलाई निशुल्क एम्बुलेन्सको सेवा मिलाएको छु ।

गत विगतमा यस गाउँपालिकाबाट कृषि, पशु विकास र विभिन्न व्यवसाय संचालनका लागि अनुदान वितरण गरिएकोमा सोको प्रभावकारी रुपमा उपलब्धी हासिल भएको नपाईएकोले विगतमा अनुदान लिने संघ सस्था, समूह र व्यक्तीहरुको विवरण तयार गरी निजहरुले लगेको अनुदान उद्देश्य अनुरुप खर्च भए नभएको अवस्थाका साथै सोबाट भएको उपलब्धी समेतको स्थलगत अनुगमन प्रतिवेदन लिई सोही आधारमा निजहरुलाई पुरस्कार र दण्ड सजायको व्यवस्थाको साथै आगामी दिनमा अनुदानलाई प्रभावकारी रुपमा कार्यान्वयन गराउने तयारी गरेको छु ।

यस गाउँपालिका क्षेत्रका बैदेशिक रोजगारीबाट फर्केका युवा, अति विपन्न, दलित, सिमान्तकृत व्यक्तिहरुका साथै बेरोजगार युवा युवतीहरुको लगत संकलन गरी उनीहरुको भाषा धर्म, संस्कृति र पुख्यौली पेशाअनुसारको उद्यम व्यवसायको लागि सिप विकास तालिमको प्रबन्ध मिलाई गरीवी निवारण र आय आर्जनको लागि आगामी वर्षमा कार्यकम संचलन गर्ने व्यवस्था मिलाउने सोचमा छु ।

ठेक्का, उपभोक्ता समिति लगायत जुन सुकै विधिबाट गाउँपालिका मार्फत संचालन हुने आयोजना र कार्यक्रमहरुलाई कानुन सम्मत, विधि सम्मत रुपममा निश्पक्ष र पारदर्शी रुपमा संचालनको व्यवस्था मिलाउदै उक्त कार्यमा हुने सबै खाले अनियमितताको अन्त्य गर्ने प्रयत्न गरेको छु । यस्ता कार्यहरुमा यहाँहरुको साथ र सहयोगको अपेक्षा गर्दछु ।

धन्यबाद !
काजि बहादुर खड्का
अध्यक्ष, गोकुलगंगा गाउँपालिका

रामेछाप ।  जिल्लामा सञ्चालित मातृ शिशु स्वास्थ्य कार्यक्रम (वन हर्ट वल्ड वाइट) अपारदर्शी भएको भन्दै सरोवारवालाहरुले बहिस्कार गरेका छन् । सन् २०१८ देखी स्वास्थ्य कार्यालय रामेछापको मातहतमा रहेर आयोजना सञ्चालन भएको आयोजकले दावी गरेको भए पनि सरोकारवाला निकाय संग कुनै प्रकारको समन्वय नभएको सरोकारवाला निकायले दावी गरेको छ । मातृ शिशु स्वास्थ्य कार्यक्रमका प्रमुख राजेश लोहोनीले प्रस्तुत गरेको विवरण चित्त बुझ्दो नभएको भन्दै सरोकारवाला निकायहरुले कार्यक्रम बहिस्कार गरेको हो ।

जिल्ला समन्य समितिका सयोजक आयोजनाको अध्यक्ष रहने कानुनी ब्यवस्था रहेको छ । आयोजनाको अध्यक्षलाई समेत जानकारी नगराई कार्यक्रम शुरु गरेको भन्दै जिल्ला समन्वय समितिका प्रमुख चिना कार्की (खड्का)ले कार्यक्रम छाडेर हिडेपछी पत्रकार र सरोकारवाला निकायले गरेको प्रश्नको जवाफ नआएपछी कार्यक्रम स्थगित भएको हो ।

मातृ शिशु स्वास्थ्य कार्यक्रमका अध्यक्ष समेत रहेका जिल्ला समन्वय समिति रामेछापका सयोजक चिना कार्कीले आफुलाई सानो कार्यक्रम रहेकोले भन्दै सभाहलमा बोलाएपछी आफु उपस्थित हुन साथ कार्यक्रमको अध्यक्षता गराएको बताउनु भयो । कार्यक्रमको अध्यक्षता गराउन साथ कार्यक्रमको र आयोजनाको विषयमा आफुले बुझ्न खोज्दा सहि जवाफ आयोजना प्रमुखले नदिएपछी करडौं रकमको लगानीमा भएको कार्यक्रम सम्पन्न भएको भन्दै आफ्नो अध्यक्षतामा कार्यक्रम गर्न नसक्ने उहाँले बताउनु भयो ।

समन्वय समितिका प्रमुख कार्कीले भन्नु भयो ३ करोड १९ लाख ६३ हजार ३ सय ३९ रुपैंया बराबर रकम खर्च गरेको कार्यक्रम प्रमुखले विबरण पेश गरेपछी आफु विना जानकारी कार्यक्रममा बस्न उपयुक्त नभएको भन्दै कार्यक्रम छाडेर हिडेको बताउनु भयो । आयोजकले गाउँपालिका, नगरपालिका लगाएत संघ संस्था संग सहकार्य गरेर काम गरेको दावी गरेपछी गाउँपालिकाका जनप्रतिनिधि र सम्बन्धीत सहकार्य गरेको संस्थाका प्रतिनिधि नराखी कार्यक्रम समापन गर्न आफु नसक्ने भन्दै गाउँपालिका जनप्रतिनिधि लगाएत सम्बन्धीत संघ संस्थाका प्रमुखहरुलाई कार्यक्रममा समाबेश गर्न आफुले सुझाब दिएको समन्वय प्रमुख कार्कीले बताउनु भयो ।

गाउँपालिकाका लगाएत सम्बन्धीत संघ संस्थाकाप्रमुखहरु सहित बसेर कार्यक्रमको पारदर्शीताको विषयमा छलफल गरेर मात्र कार्यक्रम समापन गर्न सकिने समन्वय प्रमुख कार्कीले बताउनु भयो ।
समन्य प्रमुख संगै पत्रकार महासंघ लगाएत सरोकारवाला संघ संस्थाका प्रतिनिधिहरुले पनि कार्यक्रम पारदर्शी नभएको भन्दै कार्यक्रम छाडेर कार्यक्रम तत्काल स्थगित गर्न माग गर्दै कार्यक्रम बाट बाहिरिएका छन् । पत्रकार महासंघ रामेछापका अध्यक्ष बद्रि नयाँघरेले भने स्वास्थ्य सम्बन्धी सबै कार्यक्रम आफुले गरेको दावी गरे पनी आयोजना प्रमुखले त्यो औचित्य हिन दावि प्रस्तुत गर्नु भयो । पारदशीताको विषयमा कुरा गर्दा जवाफ आउदैन त्यसकारण विना छलफल कार्यक्रम सम्पन्न भएको आफुहरुले भन्न नसकिने हुदा कार्यक्रम स्थगित गर्न भन्दै आफुहरु कार्यक्रम छाडेर हिडेको बताउनु भयो ।

स्वास्थ्य कार्यलय मार्फत कार्यक्रम सञ्चालन भएको भए पनि आयोजनाकोे विषयमा आफुलाई खासै जानकारी नभएको स्वास्थ्य कार्यलय रामेछापका प्रमुख जितेन्द्र शाहले जानकारी दिनु भयो ।

रामेछाप । रामेछापका जीवन कार्की राष्ट्रिय कार्यकारिणी उपाध्यक्ष पदमा निर्वाचित भएका छन् । उनि नेपाल जेसीज वर्ष २०२३ का लागि राष्ट्रिय कार्यकारिणी उपाध्यक्ष पदमा निर्वाचित भएका हुन् ।

९ जना प्रतिस्पर्धी रहेको राष्ट्रिय कार्यकारिणी उपाध्यक्ष पदमा ४ जना निर्वाचितमा सबै भन्दा दोस्रो मतका साथ कार्की विजयी भएका हुन ।

कार्की यस अगाडि २०२१ मा जेसिज रामेछापको अध्यक्ष बनेका थिए । २०२२ मा राष्ट्रिय उपाध्यक्ष रहेका थिए ।

राष्ट्रिय कार्यकारिणी उपाध्यक्षमा रजनी थापा, जीवन बहादुर कार्की, कुमारसिंह सावा र रश्मि बस्नेत निर्वाचित भएका हुन् ।

जेसिज वर्ष २०२३ को लागि राष्ट्रिय अध्यक्षमा विकास मानन्धर निर्वाचित

जेसिज वर्ष २०२३ को लागि राष्ट्रिय अध्यक्षमा विकास मानन्धर निर्वाचित भएका छन् ।

राष्ट्रिय उपाध्यक्षमा राधिका भुसाल, राजाराम गौतम, अनुप सुनुवार, भीम कुनुवार, स्वस्तिका आचार्य (सिटौला), तेजप्रसाद उप्रेती, चिरञ्जीवी शर्मा, सोनी श्रेष्ठ, सरोज अधिकारी, गौरव पौडेल, चन्द्र मुनी भुसाल र वीर बहादुर मेगा निर्वाचित भएका छन् ।

युवाहरूको क्षमता विकास, सामाजिक सेवा राष्ट्रिय तथा अन्तर्राष्ट्रिय सम्मेलनहरू गर्ने जेसिज पछिल्लो समय युवाहरू रोजाइमा पर्दै आएको छ ।

रामेछाप ।रामेछापको उमाकुण्ड गाउँपालिका वडा नं. ७ भुजीमा शनिबार अपराह्न बोलेरो जिप दुर्घटना हुँदा ११ जना घाइते भएका छन् । घाइतेहरूमध्ये ३ जनाको अवस्था गम्भिर छ ।

जिल्ला प्रहरी कार्यालय रामेछापका अनुसार लिखु तामाकोसी गाउँपालिका १ दुरागाउँबाट उमाकुण्ड ७ भुजीतर्फ जाँदै गरेको बा ११ च ७५९२ नम्बरको उक्त बलेरो एकराते पहरा फास्तुमा दुर्घटनामा परेको थियो । कच्ची सडकमा अनियन्त्रित भई करिब ५० मिटर तल उक्त जिप खसेको बताइएको छ । बोलेरोमा यात्रा गर्ने सबै ११ यात्रु नै घाइते भएका हुन्।

प्रहरी निरीक्षक राजुप्रसाद ढकालका अनुसार घाइते हुनेमध्ये लिखु तामाकोसी १ का वडा सदस्य विमल सुनुवार, दुरागाउँकै विमला सुनुवार र राजकुमार थापालाई उपचारका लागि हेलिकप्टरबाट काठमाडौं पठाइएको छ । ४ जना घाइतेहरूलाई गाडी मार्फत् काठमाडौंतर्फ पठाइएको र अन्य ४ जनाको स्थानीय स्वास्थ्यचौकीमा उपचार भइरहेको छ ।

धादिङ । दुई ठूला पहाडको मुनि छ आहाले गाउँ । परबाट हेर्दा जम्माजम्मी छरसात घर देखिन्छ । एउटा घरबाट उभिएर हेर्दा अर्कोघर मुस्किलले देखिन्छ । यो गाउँ सोमबार बिहानदेखि शोकमय बनेको छ ।

वृद्ध दम्पतीको हत्यापछि धादिङको त्रिपुरासुन्दरी गाउँपालिका–३ को आहाले गाउँ नै शोकमय बनेको हो । ७४ वर्षीय विष्णुबहादुर आलेमगर र ६७ वर्षीया निरमाया आलेमगर सोमबार बिहान हत्या गरिएको अवस्थामा भेटिएका थिए । विष्णुबहादुरलाई घर बाहिर खाटमा सुतिरहेकै अवस्थामा निधारमा तिखो हतियार प्रहार गरेर एकै झड्कामा प्राण लिएको देखिन्छ भने निरमायालाई घरभित्रै लछारपछार पार्दै पिटीपिटी हत्या गरेको घटनास्थलको दृष्यले देखाउँछ ।

घटनास्थल पुगेर फर्किएका जिल्ला प्रहरी कार्यालय धादिङका प्रहरी नायब उपरीक्षक श्यामबहादुर खत्री भन्छन्, “हत्या नै भएको हो भन्ने आधार छन्, बोझिलो हतियार प्रयोग गरेर हत्या गरेको देखिन्छ । के कारण हत्या भयो भन्ने कुरा हामी अनुसन्धानमै छौँ ।” यी दम्पतीको एक छोरा एक छोरी छन् । छोरा बुहारी नै काठमाडौँमा डेण्टल क्लिनिक चलाएर बस्छन् । छोरी ज्वाईँको पनि आफ्नै व्यवसाय छ । शुक्रबार साँझ छोरा कुमारले फोन गरेर स्वास्थ्य चेकजाँचका लागि आमाबुबालाई काठमाडौँ बोलाएका रहेछन् । आमाले अहिले केही समस्या छैन, केही दिनमा काठमाडौँ आउँछु भनेका रहेछन् तर, त्यही शुक्रबार साँझको फोन वार्तालाप नै अन्तिम बन्यो । “शुक्रबार साँझ ७ः३० बजेतिर कुरा गरेको थिए । शनिबार विश्वकप हेर्न लागेकाले गर्दा कुरा गर्ने मेसो मिलेन । आइतबार साँझ फोन गर्दा फोन उठेन, केही बेरमा आमाको मोबाइल अफ भयो”, विष्णुबहादुर र निरमायाका छोरा कुमारले भने, “हत्यारा पत्ता लगाएर कानुनअनुसार कारबाही गरियोस् ।”

छोरा कुमारसँगको कुराकानीअनुसार सधैँजसो आमाबुबाको छोरासँग फोनमा कुराकानी हुन्थ्यो । सन्चो विसन्चोको कुरा हुन्थ्यो । पटकपटक काठमाडौँ आएर बस्नुस् भनेर छोरा कुमारले भनेका पनि रहेछन् । “तर, बूढाबूढी हामी गाउँमै बस्छौँ भन्थे र त्यही झुप्रो घर छोड्न मान्नुभएन”, कुमारले भने, “आज यस्तो भोग्नुपर्‍यो ।”

शुक्रबारको कुराकानी पछि शनिबार छोरा कुमारले फोन नै गर्नुभएन । आइतबार साँझ फोन गर्दा पहिलोपटक फोन उठेन । केहीबेरपछि फोनको स्विच अफ भन्यो । कुनै कारण फोन अफ भयो होला भन्ने सोचे र छोरा कुमारले त्यति खोजी गर्नुभएन । एक्कासि सोमबार बिहान टेलिफोनमार्फत घटना सुनेको कुमारले सुनाए । उनले भने, “हतारिएर घर आइपुग्दा प्रहरी र स्थानीयले घर छेकेर बसिरहेको रहेछ ।”

आइतबार यी दम्पतीलाई छिमेकीले पनि कसैले ख्याल राखेनन् । घरबाहिर पनि देखिएन । सधैँजसो गोठालो जाने, घाँस काट्न जानेसँग पनि आइतबार यी दम्पतीको भेट भएन । आइतबार पनि नभेटेका छिमेकीले सोमबार बिहान घाँस काट्न जाने बेला बोलाउन घर पुग्दा मात्रै दम्पतीलाई मृतावस्थामा फेला पारेको पहिलोपटक घटनास्थल पुग्ने बताउँछन् ।

प्रहरीको प्रारम्भिक अनुसन्धान, छोरासँग फोनमा भएको कुराकानी र छिमेकीसँगको कुराकानीअनुसार शव सोमबार बिहान भेटिए पनि घटना शनिबार राति नै भएको हुनसक्ने अनुमान लगाउन सकिन्छ । विष्णुबहादुर हुलाक कार्यालयको जागिरबाट पेन्सनवाला थिए । भूकम्पपछि जस्ता र काठको फल्याकले बारेको छाप्रो घरमा नै विष्णुबहादुरको दम्पतीको दैनिकी चलेको थियो । छिमेकीका अनुसार विष्णुबहादुर सधैँजसो घर बाहिर पिँढीमा रहेको खाटमा नै सुत्ने रहेछन् । घटना भएको रात पनि त्यही खाटमा मृत भेटिएको हो । गाउँकै सोझा र भलाद्मी मानिने विष्णुबहादुर दम्पतीको हत्याले अहिले गाउँ नै शोकमा परेको छ ।

मङ्गलबार परिवारले जिल्ला प्रहरी कार्यालयमा घटनाबारे जाहेरी दिएका छन् । घटनास्थलमा नेपाल प्रहरीको केन्द्रीय अनुसन्धानको टोलीले तालिमप्राप्त कुकुरको प्रयोग गरेर अनुसन्धान गरेको छ । घटना भएलगत्तै गाउँ पुगेको जिल्ला प्रहरी कार्यालय धादिङबाट खटिएको प्रहरी निरीक्षक रमेश थापासहितको प्रहरी टोली अहिले पनि घटनास्थलमै बसेर घटनाको सूक्ष्म अध्ययन गरिरहेको छ ।

सोमबार राति सदरमुकाम धादिङबेँसी ल्याइएको दम्पतीको शव मङ्गलबार दिउँसो परीक्षणको लागि काठमाडौँ लगिएको छ । वृद्ध दम्पती मात्रै बस्दै आएको घर यतिबेला सुनसान छ । उनीहरूले पालेको बाख्रा, खसीबोका र भैँसी गोठमै अलजिल्लामा छ । सधैँजसो घरमा काम गरिरहने, घर वरपर देखिइरहने दम्पती नदेख्दा छिमेकीको पनि हातमा काम आएको छैन ।

रामेछाप – नेपाल प्रहरिको सेवा प्रवाह जनअपेक्षा अनुरुपको हुने बागमति प्रदेश प्रहरी प्रमुख प्रहरी नायव महानिरिक्षक किरण बज्राचार्यले बताएकी छन् । सोमबार जिल्ला प्रहरी कार्यालय रामेछापमा नवनिर्मित कार्यालय प्रमुख तथा सिनियर अफिसरको आवास भवन उद्घाटन गर्दै बज्राचार्यले यस्तो बताएकी हुन ।

कार्यक्रममा प्रहरी नायव महानिरीक्षक बज्राचार्यले भौतिक पुर्वाधारको विकास भएसँगै प्रहरीको सेवा प्रवाहमा थप सहयोग पुग्ने बताएकि छिन् । बज्राचार्यले प्रहरीको सेवा नजअपेक्षा अनुरुप हुनेमा विस्वास समेत व्यक्त गरिन । भौतिक संरचनाकाे विकास सँगै आवश्यक फर्निचरको व्यवस्था समेत गर्नुपर्ने आवस्यकता अाैल्याइन् । त्यसैगरी नेपाल प्रहरीले लामो समयसम्म कार्यालय भवन विनानै सेवा प्रवाह गर्नुपर्ने अवस्था रहेकाे भन्दै बज्राचार्यले भनिन – द्धन्द्धको समय र भुकम्पका कारण प्रहरीका भवनहरु ध्यस्त हुन पुगेपछि ,विभिन्न ठाँउमा कतै टेण्ट, कतै पाल, कतै टिन मुनि बसेर समेत प्रहरीले सेवा प्रवाह गर्न बाध्य भएकाे बताइन् । भौतिक विकास भएसँगै , सेवा प्रवाहमा सहजता आएकोमा उनीले खुसि व्यक्त गरिन् । त्यसैगरि प्रहरीको काम समाजमा शान्ति सुरक्षा कायम गर्ने भएको र त्यसका लागि विभिन्न सामाजिक क्षेत्रमा क्रियाशिल व्यक्तिहरुलाइ साथ दिन उनीले अनुरोध गरेकी छन ।

कार्यक्रमा जिल्ला प्रहरी कार्यालय रामेछापका प्रमुख प्रहरी नायव उपरिक्षक राजकुमार थिङले भवन निर्माण सम्पन्न भएसँगै सेवा प्रवाहलाइ अझ परिस्कृत गर्देै शिघ्र सेवा प्रदान गर्ने प्रतिबद्धता व्यक्त गरे ।

कार्यक्रमा भवन निर्माण समयमै सम्पन्न गर्न सफल भएकोमा निर्माण कम्पनिका संचालक दिपक थापा लगाएत भवन निर्माणको कार्यलाइ विभिन्न क्षेत्रबाट सहयोग गर्ने प्राविधिकहरु समेतलाइ कार्यक्रमका प्रमुख अतिथि बागमति प्रदेशका प्रहरी प्रमुख किरण बज्राचार्यले प्रशंसापत्र प्रदान गरेकी थिइन् ।

कार्यक्रममा प्रमुख जिल्ला अधिकारी शोभाखर रेग्मी , रामेछाप उद्योग वाणिज्य संघका अध्यक्ष केशव प्रसाद घिमिरे, नेपाल पत्रकार महासंघ रामेछापका अध्यक्ष बद्री नयाँघरेले शुभकामना दिएका थिए ।

जिल्ला प्रहरी कार्यालय रामेछाप परिसरमा निर्मित भवन थापा निर्माण सेवा प्रा.ली रामेछापले संझौता गरेको १६ महिनामा ३ करोड,७ लाख, ५४ हजार लागतमा निर्माण सम्पन्न गरेको हो । नवनिर्मित भवनहरुमा कार्यालय प्रमुखको निवास २ तल्लाको रहेको छ जसमा ६ वटा कोठाहरु रहेका छन् भने सिनियर प्रहरी अधिकृतको निवास ३ तल्ला रहेको छ । जसमा महिलाको लागि छुट्टै एक कक्ष सहित ११ वटा कोठाहरु रहेकाे प्राविधिक प्रतिवेदनमा उल्लेख छ ।

काठमाडौं – महिला हिंसाविरुद्धको १६ दिने अभियान चलिरहेका बेला न्याय माग्न पुगेकी विनु यादव सर्वाेच्च अदालतकै गेटबाट प्रहरीको नियन्त्रणमा परेकी छन् ।

पतिबाट आफूमाथि हिंसा भएको र त्यसविरुद्ध न्याय माग्न जाँदा कतैबाट नपाएको गुनासोसहित मंगलबार उनी सर्वाेच्च अदालत पुगेकी थिइन् । तर, ट्याक्सीबाट ओलिर्नेवित्तिकै सुरक्षाकर्मीको घेरामा परेकी उनले आफू बोकेर गएको रातो रंग सर्वाेच्च अदालतको गेटमा फ्याँकिन् । घोलिइरहेको रातो रंग गेटमा पोखेकी उनलाई तत्कालै प्रहरीले नियन्त्रणमा लिएर गाडीमा राखेको थियो ।

आफूमाथि भएको हिंसा र न्याय नपाएको विरोधमा रातो रंग फ्याँकेकी उनले प्रहरीको गाडीभित्रबाट कराइन्, ‘सबै बिक्यो, अदालत बिक्यो, न्यायाधीश बिक्यो, मैले कहाँबाट न्याय पाउने ? १६ दिने अभियान चलाइराख्दा खै पीडितलाई न्याय ?’

उनले भनेजस्तै ३१औं अन्तर्राष्ट्रिय महिला हिंसाविरुद्धको १३ दिने अभियान संसारभर चलिरहेको छ । तर, दैनिकजसो महिला हिंसामा परेको, हत्या भएको, न्याय नपाएको घटना सार्वजनिक भइरहेका छन् ।

न्यायकै लागि सर्वाेच्च अदालत पुगेकी सिरहाकी विनु प्रहरी नियन्त्रणमा परेकी हुन् । प्रहरीले नियन्त्रणमा लिन थालेपछि उनले चिच्याउँदै भनिन्, ‘‘मलाई न्याय चाहियो ।’

उनको मुद्दा पाटन उच्च अदालतमा विचाराधीन छ । तर, न्यायका लागि भन्दै उनी सडक संघर्षम उत्रिन थालेकी छन् ।
केही महिनाअघि रामेछाप जिल्ला अदालतको इजलासमै विष सेवन गरेर आत्महत्या प्रयाससमेत गरेकी उनले आफूमाथि पतिसहित घरपरिवारबाट शारीरिक र मानसिक रुपमा हिंसा भएको बताउँदै आएकी छन् । काका ससूरा पवन कठायतले आफूमाथि बलात्कार प्रयास गरेको उनको आरोप छ ।

विनुसँगै ज्यास्मिन ओझालाई पनि प्रहरीले नियन्त्रणमा लिएकाे छ ।

रामेछाप । प्रतिनिधिसभा र प्रदेशसभामा प्रत्यक्षबाट निर्वाचित सदस्यहरुलाइ मुख्य निर्वाचन कार्यालय रामेछापले प्रमाणपत्र वितरण गरेको छ ।

मंसिर ४ गते सम्पन्न भएको निर्वाचनको प्रत्यक्ष तथा समानुपातिक मतगणना सम्पन्न भएपछि एक कार्यक्रम गरी निर्वाचितलाई प्रमाणपत्र वितरण गरेको हो ।

प्रतिनिधिसभा सदस्यमा निर्वाचित पुर्णबहादुर तामाङ ‘कान्छाराम’ प्रदेश सभामा निर्वाचित प्रदेश सभा (क) का प्रदेश सभा सदस्य तारा नारायण श्रेष्ठ र प्रदेश सभा (ख) का प्रदेश सभा सदस्य युवराज चौलागाईंलाई मुख्य निर्वाचन कार्यालयका प्रमाणपत्र वितरण गरेको मुख्य निर्वाचन अधिकृत इन्दिरा शर्माले बताइन।

रामेछाप । रामेछापको समग्र विकासमा एक ढिक्का भएर लाग्ने नवनिर्वाचित प्रतिनिधि सभाका सदस्य पुर्णबहादुर तामाङ कान्छारामले प्रतिबद्धता व्यक्त गरेका छन। नेपाल पत्रकार महासंघ जिल्ला शाखा रामेछापले आयोजना गरेको शुभकामना तथा मतदाताका लागि प्रतिबद्धता कार्यक्रमलाइ सम्बोधन गर्दै उनले सो बताएका हुन् ।

त्यस्तै रामेछाप प्रदेश सभा (क) का प्रदेश सभा सदस्य तारा नारायण श्रेष्ठ र प्रदेश सभा (ख) का प्रदेश सभा सदस्य युवराज चौलागाईंले पनि गठबन्धले निर्वाचन अघि गरेको सम्पुर्ण प्रतिबद्धता अक्षरंस पालना गर्ने प्रतिबद्धता व्यक्त गरेका छन।

केन्द्रमा गठबन्धनको अवस्था जे जस्तो भए पनि रामेछापको विकासका लागि रामेछाप बाट निर्वाचित प्रतिनिधिको गठबन्धन आफ्नो कार्यकाल भरी रहिरहने साझा उद्घोषण उनिहरुले गरेका छन।

त्यस्तै नागरिकको हितमा काम गरि मतदाताको मतको सम्मान गर्न निर्वाचित प्रतिनिधिहरुलाइ नेपाल पत्रकार महासंघ रामेछापका अध्यक्ष बद्री नयाघरेले आग्रह गरे। साथै विकास विरोधी र जनताको हित बिपरित काम गर्ने कोसिस मात्र गरे पनि रामेछापका पत्रकार एक ढिक्का भएर त्यसको विरुद्धमा कलम चलाउने नयाघरेले बताए।

रामेछाप । रामेछापको प्रदेश सभा ‘क’ मा सत्तागठबन्धनका साझा उम्मेरद्वार एव नेकपा माओवादी केन्द्रका जिल्ला सचिब तारानारायण श्रेष्ठ बिजय भएका छन् । सत्तागठबन्धनका साझा उम्मेरद्वार श्रेष्ठले नेकपा एमालेका उम्मेरद्वार शान्तिप्रसाद पौडेललाई १ हजार ९ सय ९१ मतले हराउदै विजय भएका हुन् ।
श्रेष्ठले १७ हजार १ सय ४८ मत प्राप्त गर्दा पौडेलले १५ हजार १ सय ५७ मत प्राप्त गरेका थिए ।

रामेछाप । गठबन्धनका उम्मेरद्वार एव. नेपाली कांग्रेसका सभापती पुर्णबहादुर तामाङ्ग (कान्छाराम) ले नेकपा एमालेका उम्मेरदवार कैलाश ढुङ्गेललाई ९ सय २९ मतले पछि पार्दै अग्रता लिएको छ ।
जम्मा ४ हजार ७ सय ८९ मत गणना गर्दा कान्छाराम तामाङ्गले ९ सय २९ मतले अग्रता लिएका छन । कांग्रेस उम्मेरदवार तामाङ्गले २ हजार ४ सय ४७ मत ल्याउदा एमाले उम्मेरदवार ढुङ्गेलले १ हजार ५ सय १८ मत प्राप्त गरेको मुख्य निर्वाचनको कार्यालय रामेछापले जनाएको छ ।

त्यस्तै प्रदेश सभा “क” मा गठबन्धनका तर्फबाट माओवादी केन्द्रका उम्मेद्वार तारा नारायण श्रेष्ठ ४ सय ६४ मतले अगाडी छन् ।

बिस्तृत जानकारीका लागि https://janatavoice.com हेर्नु होला ।

रामेछाप । गठबन्धनका उम्मेरद्वार एव. नेपाली कांग्रेसका सभापती पुर्णबहादुर तामाङ्ग (कान्छाराम) ले नेकपा एमालेका उम्मेरदवार कैलाश ढुङ्गेललाई ५ सय ३८ मतले पछि पार्दै अग्रता लिएको छ ।
जम्मा ३५ सय ३१ मत गणना गर्दा कान्छाराम तामाङ्गले ५ सय ३८ मतले अग्रता लिएको छ । कांग्रेस उम्मेरदवार तामाङ्गले १७ सय १९ मत ल्याउदा एमाले उम्मेरदवार ढुङ्गेलले ११ सय ८१ मत प्राप्त गरेको मुख्य निर्वाचनको कार्यालय रामेछापले जनाएको छ । यो मत उमाकुण्ड गाउँपालिका १,२,३ सम्मको हो ।

रामेछाप । रामेछाप जिल्लाको मतगणना आज बेलुकी ९ः३० बजे देखि मात्रै हुने मुख्य निर्वाचन अधिकृतको कार्यालयले बताएको छ ।

आज बिहान ६ बजे सम्म सबै मतपेटिका मतगणना स्थलमा आई पुगेको भए पनि मुख्य निर्वाचन अधिकृतको कार्यालयले मतगणना कार्यलाई ढिलासुस्ती गरिरहेको छ ।

रामेछाप । रामेछापको मन्थली नगरपालिका वडा नं ५ सुनारपानी स्थित भैरवी मा।वि‍। मतदान केन्द्रमा खटिएका सहायक मतदान अधिकृतलाई प्रहरीले नियन्त्रणमा लिएको छ ।

पकरबास प्रा।वि।का शिक्षक मुनबहादुर थापालाई नगरपालिकाको वडा नं ५ स्थित भैरवी मा।वि। को ‘ग’ मतदान केन्द्रमा खटिएको बेला जाँड खाएर होहल्ला गरेपछि शुक्रवार मतदान केन्द्रबाट नियन्त्रणमा लिएको जिल्ला प्रहरी कार्यालय रामेछापका सूचना अधिकारी राजु प्रसाद ढकालले जानकारी दिए ।

प्रहरी नियन्त्रणमा लिएका थापालाई पक्राउ गरी जिल्ला प्रहरी कार्यालयमा ल्याइएको छ ।

रामेछाप । एमालेको चुनावी प्रचार प्रसारमा सरकारी नम्बर प्लेटको सवारी प्रयोग गरे पछि प्रहरीले उक्त गाडी नियन्त्रणमा लिएको छ।

खाडाडेवि गाउपालिकाका अध्यक्ष ज्ञानकुमार श्रेष्ठले प्रयोग गर्दै आएको उक्त गाडी एमालेको प्रचारप्रसारका लागि प्रयोग गरिएको भेटिएपछी गाडी नियन्त्रणमा लिएको जिल्ला प्रहरी कार्यालय रामेछापका प्रमुख राजकुमार थिङले जानकारी दिए।

सरकारी नम्बर प्लेटको बा २ झ ३४१५ नम्बरको गाडी रामेछापको साँघुटारबाट प्रहरीले नियन्त्रणमा लिएको हो ।

रामेछाप । रामेछापबाट प्रतिनिधिसभा सदस्य पदका स्वतन्त्र उमेदवार चन्द्रवहादुर राउतले नेपाली काँग्रेसका उमेदवार पूर्णवहादुर तामाङ (कान्छाराम) लाई समर्थन गर्दै आफ्नो उमेदवारी फिर्ता लिएका छन् ।

बुधबार मन्थलीमा आयोजित पत्रकार भेटघाट कार्यक्रममा बोल्दै राउतले पाटीबाट उमेदवार चयन गर्ने विषयमा भएको निर्णय प्रति असहमति हुदाँ हुदै नेपाली काँग्रेस जिताउनु पर्ने महत्वपूर्ण अवस्थालाई मध्येनगर गर्दै मैले आजको मितिबाट आफ्नो चुनाव चिन्ह क्यामेरामा भोट नहाली गठवन्धनका उमेदवार पूर्णवहादुर तामाङ (कान्छाराम) लाई रुख चिन्हमा मतदान गरी विजय गराउन मतदातामा आग्रह गर्दछु । उनले क्यामेरा चिन्ह पाएका थिए । अव क्यामेरामा मत माग्ने नभै सवै गठवन्धनका उमेदवारलाइ सहयोग गर्नका लागि मत माग्ने उनले वताए ।

आफुले २०३६ साल देखि त्याग गरेको मात्र नभै नेपाली काँग्रेस बाहेक अन्य पार्टीले मुलुकको हित नगर्ने भएकाले पनि मैले आफ्ना असन्तुष्टिलाई थाति राखेर पुन काँग्रेसमै क्रियासिल हुने प्रण गरेको छु राउतले भने । राउत काँग्रेसका पूर्व जिल्ला सचिव हुन ।

कार्यक्रममा नेपाली काँग्रेसका पूर्व जिल्ला सभापति रामचन्द्र खड्का र जिल्ला सभापति तथा प्रतिनिधिसभा सदस्यका लागि गठवन्धनका उमेदवार पूर्णवहादुर तामाङ (कान्छाराम) ले राउतले निर्वाचनको सन्मुखमा पार्टी र उमेदवार प्रति गरेको सहयोगको उच्च कदर गर्दै भविश्यमा सवैको सल्लाहमा उच्च स्थान दिने वताए ।

रामेछापबाट प्रतिनिधिसभा सदस्यमा ४ जनाले स्वतन्त्र उमेदवारी दर्ता गराएका थिए । राउतको फिर्ता पछि अव स्वतन्त्र ३ जनाको उमेदवारी कायम रहेको छ ।

रामेछाप । जिल्ला निर्वाचन कार्यालय रामेछापले शिक्षकको पेशा र मर्यादाको अपमान गरेको भन्दै ध्यान नेपाल शिक्षक महासंघ रामेछापल त्यसको बिरोध गरेको छ । बिहिबार पत्रकार सम्मेलन गरी नेपाल शिक्षक महासंघ रामेछापले शिक्षकको पेशालाई निर्वाचन कार्यालयले अपमान गरेको भन्दै आफ्नो ध्यानआर्कषण पत्र जारी गरेको छ ।

नेपाल शिक्षक महासंघ रामेछापले निर्वाचन कार्यालयले गल्ती नसच्याए मंसिर ४ गते हुने निर्वाचनमा शिक्षकहरु निर्वाचन गराउन मतदान क्रेन्द्रमा समेत नजाने भन्दै ध्यानआर्कषण पत्र निकालेको छ । नेपाल शिक्षक महासंघ रामेछापले विहिवार जारी गरेको ध्यानाकर्षण पत्रमा निर्वाचनमा खटाइएका शिक्षकहरुको मान मर्यादा र क्रमलाई भुलेर बेवास्ता गरी मान मर्दन तथा अपमान जिल्ला निर्वाचन कार्यालय रामेछापले गरेको भन्दै त्यस प्रति गम्भीर ध्यानाकर्षण भएको पत्रकार सम्मेलनका क्रममा जनाएको हो ।

महासंघका अध्यक्ष राम बहादुर श्रेष्ठद्वारा हस्ताक्षरीत ध्यानाकर्षण पत्रमा शिक्षकको मर्यादा क्रमको बिषयमा पटक –पटक निर्वाचन आयोगलाई ध्यानाकर्षण गराउनका साथै ज्ञापन पत्र मार्फत जानकारी गराइसकिएको भएपनि सो को वेवास्था गरेको भन्दै निर्वाचन कार्यालयले मर्यादा क्रम नसच्याए निर्वाचनमा शिक्षकहरु निर्वाचन गराउन नजाने बताए ।

कर्मचारी खटाउने सूचिमा शिक्षको मर्यादा क्रमलाई ध्यानमा राखि परिमार्जन गर्नको लागि अनुरोध गरिएको तर उक्त अनुरोधलाई नमानि वर्तमान सूचिलाई नै कामय गरी पठाउन खोजेको खण्डमा शिक्षकहरु अपमानित भएर यस निर्वाचन कार्यमा सघाउन नसक्ने ध्यानआर्कषण पत्रमा उल्लेख गरेको छ ।

ध्यनाकर्षण पत्र पढ्दै शिक्षक महासंघ रामेछापका अध्यक्ष श्रेष्ठले भने – निमावि दोस्रो श्रेणी को शिक्षक जो उप सचिव सो सरह हुन्छ उसलाई सहायक मतदान अधिकृत र निजामति कर्मचारीको ना सु सो सरहको ब्यक्तिलाई मतदान अधिकृत वनाइएको, प्रावि प्रथम तहको शिक्षकलाई सहायक कर्मचारी वनाइएको (जसले मावि तृतिय श्रेष्णीको तलब खान्छ)
उहाले भन्नुभयो “मलाई पनि मतदानमा सहायक कर्मचारीका रुपमा खटाइएको छ तर म महासंघको अध्यक्ष भएका कारण मैले मेरो नाम हटाई पाँउ भनि निवेदन दिएको छु, म कुनै हालतमा पनि जान्न ।

सो अबसरा बोल्दै नेपाल शिक्षक संघ रामेछापका अध्यक्ष रामकृष्ण श्रेष्ठले ,मुख्य निर्वाचन अधिकृतको कार्यालयले शिक्षकहरुलाई अपहेलना गरेको भन्दै यो निर्णय नसच्याए शिक्षक संघका कुनै पनि शिक्षकहरु खटाएको ठाउमा नजाने बताएका छन् ।
रामेछापमा करिव ६ सय भन्दा बढि शिक्षकहरु निर्वाचनका लागि खटाइएको छ । जिल्लामा ९६ मतदान स्थलका २ सय २६ मतदान स्थलहरु रहेका छन् ।

रामेछाप । नेकपा एमाले रामेछापका प्रभावशाली नेता रामकृष्ण लामा सहित ४२ जना नेता कार्यक्रताहरु आईतबार नेकपा माओवादी केन्द्रमा प्रवेश गरेका छन् । लामा वागमति प्रदेश सचिवालय सदस्य हुन ।

लामो समय देखि एमालेमा सक्रिय राजनीति गर्दै आएका पश्चिमी रामेछापका प्रभावशाली नेता रामकृष्ण लामा २०५४ को स्थानीय तहको निर्वाचनमा खनियापानी गाविसमा अध्यक्ष निर्वाचित भएका थिए । एमालेको जिल्ला समितिमा धेरै बर्ष काम गरेका उनी हाल बागमती प्रदेशको सचिवालय समितिमा थिए ।

त्यसैगरी जिल्ला समिति सदस्य पासाङ डोल्मा लामा सहित पूर्व जिल्ला सदस्यहरु, पालिका स्तरका नेताहरु, विभिन्न भातृ संगठनका नेताहरु समेतले एमाले परित्याग गरेका छन् । लामा सहितका एमाले कार्यकर्ताहरुको परित्याग पछि सुनापति गाउँपालिका गठवन्धनको अझ सुदृढ बनेको छ । गएको स्थानीय निर्वाचनमा धेरै मतान्तरले अरु दल भन्दा पछि परेको एमालेलाइ लामा लगाएतबाट भएको पार्टी परित्यागले थप संकटमा परेको छ ।

एमाले परित्याग गरी माओवादी केन्द्रमा प्रदेश गर्ने नेता तथा कार्यकर्ताहरुलाई माओवादी केन्द्रका अध्यक्ष पुष्पकमल दाहाल प्रचण्डले स्वागत गरेका थिए ।

कार्यक्रममा नेता लामाले एमाले गुटको राजनीति भन्दा माथि उठन नसकेको , राजनीतिमा लामो अवधि काम गरेकालाई पाखा लगाएर पैसाको बलमा आसेपासेलाई टिकट दिएकोले उक्त पार्टीमा रहन नसकेको वताएका थिए ।

स्मरणीय छ, रामेछापको प्रदेश १ (ख ) मा एमालेले लामा लगाएतका अग्रज नेताहरुलाई पन्छाएर गैरसरकारी क्षेत्रमा काम गर्ने मिलन घिसिङलाई उमेदवार वनाएको छ । घिसिङको उमेदवारी पछि एमालेका जिल्ला स्तरका नेताहरु असन्तुष्ट छन् । लामा लगाएतले पार्टी परित्याग गर्ने तह सम्म पुगे भने केहि मौन रहेको वताइएको छ । यसअघी मन्थली नगरपालिका १० चनखुमा प्रभावशाली स्थानीय नेता भालु मगर सहितका नेता कार्यकर्ताहरु एमाले छोडेर नेपाली काँग्रेसमा प्रदेश गरेका थिए ।

निर्वाचन नजिकिदै गएको बेला एमालेमा देखिएको असन्तुष्टि र पार्टी परित्यागले गठवन्धनबाट प्रतिनिधिसभा सदस्यका उमेदवार काँग्रेसका पूर्णवहादुर तामाङ ( कान्छाराम ) र प्रदेश सभा सदस्यका उमेदवार माओवादी केन्द्रका युवराज चौलागाई अझ फराकिलो मतान्तरले विजय हुने आँकलन स्थानीयले गर्न थालेका छन् ।

रामेछाप – रामेछापको गर्जाङदेखि देवीटारसम्मको १३२ केभी प्रसारण लाइन सञ्चालनमा आएको छ। गोकुलगंगा गाउँपालिका-१ गर्जाङदेखि मन्थली नगरपालिका-१३ फलासीको न्यु खिम्ती सबस्टेसनसम्मको प्रसारण लाइन पूरा भएपछि खिम्ती खोलामा बनेको उपल्लो खिम्ती र माथिल्लो खिम्ती जलविद्युत् आयोजनाबाट उत्पादित १९ मेगावाट विद्युत् राष्ट्रिय प्रसारणमा जोडिएको छ ।

नेपाल विद्यत् प्राधिकरणले बनाएको ३१ किमि लामो प्रसारण लाइन ०७३ सालदेखि निर्माण थालिएको थियो । कोभिड महामारीले निर्माण सामग्री आयात गर्न भएको ढिलाइ र स्थानीय अवरोधका कारण निर्धारित समयमा आयोजना पूरा हुन सकेको थिएन । स्थानीय अवरोध सुल्झाएर आयोजना निर्माण गत महिनामा मात्र सकिएको थियो ।

गर्जाङ-खिम्ती १३२ केभी प्रसारण हुँदै लाइन समयमै पूरा नहुँदा माथिल्लो खिम्ती र अपर खिम्तीको १९ मेगावाट

बिजली करिब ७ महिनासम्म खेर गएको थियो । हिमालय ऊर्जा कम्पनीले उत्पादन गरेको उक्त बिजुलीलाई चार महिनाअघि जिरी सबस्टेसनबाट मकैबारी सिँगटीसम्मको ३३ केभी प्रसारण लाइनबाट राष्ट्रिय प्रसारणमा जोडिएको थियो । अब भने सिधै १३२ केभीबाट उक्त विद्युत् प्रवाह गरिएको हिमालय ऊर्जा कम्पनीका सञ्चालक सरोज उपाध्यायले बताए । १ सय ५ वटा टावर रहेको प्रसारण लाइनले रामेछाप र दोलखाका विभिन्न भाग छुन्छ । करिब २ करोड अमेरिकी डलर लागतमा निर्मित प्रसारण लाइनबाट २ सय मेगावाट विद्युत् प्रवाह हुने प्राधिकरणले जनाएको छ ।

खिम्ती खोलामा निर्माणाधीन पिपल्स हाइड्रोबाट उत्पादित विद्युत्समेत अबसोही प्रसारण लाइनबाट न्यु खिम्ती पुऱ्याउने लक्ष्य छ ।

काठमाडौं । चुनाव प्रचारका लागि गृहजिल्ला डडेल्धुरामा रहेका प्रधानमन्त्रीसमेत रहेका कांग्रेस सभापति शेरबहादुर देउवाले चुनाव जितेमा आफूले प्रधानमन्त्री बन्ने अवसर पाउने बताएका छन् ।

शुक्रबार गृहपालिका गन्यापधुरा गाउँपालिकामा आयोजित आमसभालाई सम्बोधन गर्दै देउवाले जनताले जिताएर पठाएमा मात्र आफू आगामी दिनमा प्रधानमन्त्री बन्न पाउने बताए ।

“तपाईंहरूको सहयोगले भोलिका दिनमा पनि प्रधानमन्त्री हुने मौका पाउनेछु,” देउवाले भने ।

उनले संविधानलाई जोगाउनुपर्ने अहिलेको आवश्यकता भएको पनि बताए । संविधान च्यात्न खोज्ने ओलीजीबाट सजक हुन आवश्यक छ,” उनले भने ।

स्वतन्त्र न्यायपालिकाका लागि गठबन्धन लागिपरेको उनको भनाइ छ ।

“न्यायपालिका स्वतन्त्र हुनुपर्छ । त्यसमा गठबन्धन लागेको छ । नेपालमा स्थायित्व र स्थिरताका लागि हामी लागेका छौँ,” देउवाले भने ।

रामेछाप । एमालेले जित्दा मात्र परिवर्तनकारी शक्तिको माग पूरा हुने नेकपा एमाले केन्द्रीय सदस्य कैलाशप्रसाद ढुङ्गेलले बताए। रामेछापको दोरम्बा शैलुङ गाउँपालिकाको टोकरपुरमा आयोजित चुनावी कार्यक्रममा बोल्दै नेता ढुङ्गेलले मुलुकको राष्ट्रियता, राष्ट्रिय अखण्डता, स्वाभिमान र विकासको लागि सूर्य चिन्हमा मतदान गर्न अनुरोध गरे । ‘एमालेलाई हराउन विदेशीको इसारामा मिल्दै नमिल्ने दल मिलेर आएका छन्’, रामेछापबाट प्रतिनिधि सभा सदस्य उम्मेदवार समेत रहेका ढुङ्गेलले भने ।

अहिलेको अप्राकृतिक गठबन्धन मङ्सिर ४ पछि नटिक्ने ढुङ्गेलले दाबी गरे । ‘ गठबन्धन मङ्सिर ४ पछि दन्त्य ओखर जस्तै कुटुक्क फुट्छ’, ढुङ्गेलले भने ।

बालबालिका, युवा, अपाङ्गता भएका नागरिक, दलित, एकल महिला सीमान्तकृत समुदाय, ज्येष्ठ नागरिक सबैको भरोसाको पार्टी एमाले भएको उनले दाबी गरे ।

रामेछाप । राष्ट्रिय परिचयपत्र वितरणको कार्य अब वडा तहबाटै हुने भएको छ । राष्ट्रिय परिचयपत्र तथा पञ्जीकरण विभागले मन्थलीमा अभिमुखीकरण कार्यक्रम गरी परिचयपत्र वितरण कार्यलाई वडा तहसम्म पु¥याउने जानकारी दिएको हो ।

अबको एक हप्तापछि जिल्लाको १२ देखि १५ वटा वडा मार्फत परिचयपत्रको काम सुरु गरिने राष्ट्रिय परिचयपत्र तथा पञ्जी करण विभागका महानिर्देशक तीर्थराज भट्टराईले बताए । ‘पहिलो चरणमा रामेछापमा रहेका ६४ मध्ये १२ देखि १५ वटा वडाबाट काम सुरु हुन्छ, अहिले एउटा वडामा दुई वटा स्टेसन मार्फत नागरिकको विवरण प्रविष्ट गर्ने तयारी छ’, उनले भने ।विभागले तीन महिनाभित्र सबै वडामा काम सक्ने लक्ष्य राखेकाले आवश्यकताका आधार फेरी १० वटा सम्म स्टेसन थपेर काम गरिने उनले बताए । उनका अनुसार एउटा स्टेसनबाट दैनिक कम्तीमा ४० जनाको विवरण प्रविष्ट हुन्छ, एउटा वडामा १० देखि १५ दिनमा विवरण प्रविष्ट गरिसक्नेगरी तयारी गरिएको छ ।

जिल्ला समन्वय समिति रामेछापकी प्रमुख चिना खड्काले अहिले स्मार्ट परिचयपत्र अत्यावश्यक रहेकाले यो परिचयपत्र बनाउने काममा सहयोग पु¥याउन सबै जिल्लाबासीलाई आग्रह गरिन् । नागरिकलाई सहज रूपमा राष्ट्रिय परिचयपत्र प्रदान गर्ने उद्देश्यले सम्बन्धित स्थानीय तहसँगको समन्वय र सहयोगमा वडा तहबाटै परिचयपत्रको काम गर्न लागिएको रामेछापका प्रमुख जिल्ला अधिकारी शोभाखर रेग्मीले बताए ।

रामेछाप । नेपाली काँग्रेस रामेछापका उपसभापति लेख बहादुर कार्कीले अहिले एमालेबाट प्रतिनिधि सभा सदस्यको उम्मेद्वार रहेका कैलाश ढुंगेलले पिच भएको कालो सडक देख्ने बित्तिक्कै सबै मैले बनाएको हो भन्दै जनतालाई ढाँट्दै हिडेको आरोप लगाएका छन् ।

शुक्रबार लोकतान्त्रिक बाम गठबन्धनले गेलुमा आयोजना गरेको चुनाबी सभामा आफ्नो भनाई राख्ने क्रममा उपसभापति कार्कीले अहिले भोट माग्न हिडेका कैलाश ढुंगेलले बर्षौ अघि देखि राज्यको लगानीमा पिच भएका पक्की सडक सबै आफूले बनाएको भनेर जनतालाई ढाँट्दै हिडेको आरोप लगाएका हुन् ।

एमालेबाट रामेछाप प्रदेश सभा (९) मा उम्मेद्वार रहेका मिलन कुमार घिसिङले एउटा एनजिओ मार्फत समाज विकास गर्छु भन्दै करोडौ रकम झ्वाम पारेर अहिले त्यहि रकम हेडक्वाटरमा बुझाएर टिकट ल्याएर चुनाब लडेको बताउँदै त्यस्ता व्यक्तिबाट रामेछाप प्रदेश सभा (ख) को विकास नहुने धारणा राखे । रामेछापमा लोकतान्त्रिक बाम गठबन्धनको जित निश्चित भइसकेको दाबी गर्दै अहिले नेकपा एमाले जिल्लामा आफ्नो पक्षमा रहेको मतलाई संरक्षण गर्न मात्रै हिडेको उनले बताए ।

उनले लोकतान्त्रिक बाम गठबन्धनका प्रतिनिधि सभा सदस्यका उम्मेद्वार पुर्ण बहादुर तामाङ कान्छाराम र रामेछाप प्रदेश ९ख० का उम्मेद्वार युवराज चौँलागाईलाई अत्याधिक मतले निर्वाचित गराउन अनुरोध गरेका छन् ।

रामेछाप । नेपाली काँगेस भित्र भालु मगरको प्रबेश गरेका छन ।मन्थली नगरपालिका वडा नं. १० चनखु नेकपा एमाले वडा कमिटीका अध्यक्ष समेत रहेका मगर चनखुका १ सय ३७ भन्दा बढि मानिसहरु लिएर काँग्रेस प्रवेश गरेको पार्टि उपसभापति लेख बहादुर कार्कीले जानरकारी दिए ।

गठबन्धनको चुनावी सभाका अबसरमा मगरलाई प्रतिनिधि सभा सदस्यका उमेद्वार एबं नेपाली काँग्रेस रामेछापका सभापति पूर्ण बहादुर तामाङ (कन्छाराम) ले पार्टि भित्र स्वागत गरेका छन । मगर यहि बैशाखमा भएको स्थानीय तहको निर्वाचनमा नेकपा एमालेको तर्फबाट वडा सदस्यमा काग्रेस सँग पराजित भएका थिए ।

रामेछाप । सत्ता गठवन्धनबाट आमागी मंसिर ४ मा हुने निर्वाचनका लागि घर दैलो गर्दै हिडेको नेपाली काँग्रेस र माओवादी केन्द्रका उमेदवारको पक्षमा जनलहर बढ्दै गएको छ । चुनावी प्रचारका लागि घर दैलो गर्दै मंगलबार रामेछाप नगरपालिका ३ देउरालीमा पुगेको गठवन्धनको टोलीलाई स्थानीय बासिन्दाले भव्य स्वागत गरेका छन् ।
देउरालीमा कार्यकर्ता भेलाका लागि पुगेका नेताहरुलाई समेत आश्चर्य हुने गरी उमेदवारको पक्षमा जनसागर उर्लिएको छ । गाउँको टाढा टाढाबाट आफ्ना उमेदवार संग साक्षात्कार गर्नका लागि देउरालीबासी वडा कार्यालय नजिक भेला भएका थिए ।
प्रतिसभा सदस्यका उमेदवार नेपाली काँग्रेसका जिल्ला सभापति पूर्णवहादुर तामांग (कान्छाराम) र प्रदेश सभा सदस्य १(१) का उमेदवार तारानारायण श्रेष्ठ सहितका नेताहरु घर दैलो र कार्यकर्ता भेटघाट गर्दै मंगलबार देउराली पुगेका थिए । उनिहरुले देउरालीका नागरिकका आवश्यकता पुरा गर्नका लागि पार्टीको घोषणा पत्र बमोजिमको काम गर्ने वताए । कार्यक्रममा उमेदवारहरुका अतिरीक्त माओवादी केन्द्र र नेपाली काँग्रेसका विभिन्न नेताहरुले धारणा राखेका थिए । उनीहरुले एमालेको सर्वसत्ताबाद चरित्रलाई जरै देखि फाल्न र संविधानको रक्षा गरी नागरिकलाई विकास र सुशासन दिनका लागि नेपाली काँग्रेस र माओवादी केन्द्रका उमेदवारलाई मतदान गर्न आग्रह गरेका थिए ।
यसैविच गठवन्धनका उमेदवारहरुले मंगलबारनै साँघुटार र गोठगाउँमा समेत घरदैलो कार्यक्रम गरेका थिए । सोमबार हिमगंगा पुगेका उमेदवारहरुलाई स्थानीयले त्यस क्षेत्रका समस्या सुनाउदै समस्या समाधानका लागि आमागी निर्वाचनमा गठवन्धनलाई सघाउने आश्वासन दिएका थिए ।
गठवन्धन संग प्रतिस्पर्धामा रहेको नेकपा एमालेले पनि मंगलबार लिखु तामाकोशी गाउंपालिकाको धोविमा चुनावी सभा गरेको छ । गाउंपालिका स्तरिय चुनावी सभामा एमालेका केन्द्रीय सदस्य कमलप्रसाद चौलागाई, प्रतिनिधिसभाका उमेदवार कैलाश प्रसाद ढुंगेल, केन्द्रीय सदस्य माधव ढुंगेल, जिल्ला अध्यक्ष आनन्द श्रेष्ठ र प्रदेश सभा १(१) का उमेदवार शान्तिप्रसाद पौडेलले आ आफ्ना धारणा राखेका थिए । एमालेले धोविमा गरेको चुनावी सभामा पनि कार्यकर्ताको उपस्थिति बाक्लो देखिएको थियो ।

रामेछाप । नेपाली काँग्रेसबाट प्रतिनिधि सभा सदस्यको उम्मेद्वार रहेका पुर्ण बहादुर तामाङ कान्छारामले रामेछापबाट सत्ता गठबन्धनलाई जिताएर पठाए विकासको उपहार लिएर गाउँ-गाउँ आउने बताएका छन् ।

शनिबार दिउँसो गोकुलगंगा गाउँपालिकाको वडा नं १ चुचुरेमा वडा स्तरीय चुनावी सभामा आफ्ना प्रतिबद्धता व्यक्त गर्ने क्रममा उनले प्रतिनिधि सभामा आफूलाई, रामेछाप प्रदेश सभा (क) मा तारानारायण श्रेष्ठ र रामेछाप प्रदेश सभा (ख) मा युवराज चौलागाईंलाई अत्याधिक मत दिएर जिताउन आग्रह गर्दै गाउँ(गाउँमा विकासको उपहार लिएर आउने प्रतिबद्धता जनाएका हुन् ।

बिगत एक दशक भन्द लामो समय देखि आफू जिल्लाका सबै भुभागमा पुग्दा त्यहाका समस्यासँग आफू जानकार रहेको बताउँदै समग्र जिल्लाको समस्यालाई निर्वाचित भएपछि समधान गर्ने योजना आफूसँग रहेको पनि उम्मेद्वार तामाङले बताए

मंसिर ४ को निर्वाचनमा आफूले एमालेका उम्मेद्वारलाई दोब्बर मतले पराजित गर्ने दाबी समेत उनले गरे । त्यस्तै रामेछाप प्रदेश सभा (क) का उम्मेद्वार तारानारायण श्रेष्ठले रामेछाप प्रदेश सभा (क) लाई बिकास गर्न प्रचुर मात्रामा रहेका प्राकृतिक स्रोतलाई‌ समुचित रुपमा‌ प्रयोग गरेर समृद्ध बनाउन सकिने योजना सहित आफू उम्मेद्वार भएको बताउँदै आम मतदाताई जिताउन आग्रह गरे ।

नेपाली काँग्रेस गोकुलगंगा- १ चुचुरेका वडा सभापति धनकुबेर श्रेष्ठको अध्यक्षतामा भएको कार्यक्रममा पुर्व गृह राज्य मन्त्री श्याम कुमार श्रेष्ठ, संविधान सभा सदस्य आङटावा शेर्पा, नेपाली काँग्रेस रामेछापका निबर्तमान पार्टी सभापति लवश्री न्यौपाने, प्रदेश सभा तर्फ नेपाली काँग्रेसबाट समानुपातिकका उम्मेद्वार उज्वलराम घिमिरे, नेपाली काँग्रेस महाधिवेशन प्रतिनिधि ध्रुबहरी ढुंगेल, नेकपा माओबादी केन्द्र बागमती प्रदेश सचिवालय सदस्य प्रेम कुमार कार्की (सेवक), नेपाल लोकतान्त्रिक खेलकुद संघ रामेछापका अध्यक्ष रमेश खड्का लगायतले धारणा राखेका थिए ।

त्यस्तै शनिबार बिहान उमाकुण्ड गाउँपालिका वडा नं १ गुम्देलका वडा सभापति ङापेम्बा शेर्पाको अध्यक्षतामा भएको कार्यक्रममा प्रतिनिधि सभा सदस्यको उम्मेद्वार रहेका पुर्ण बहादुर तामाङ कान्छाराम, रामेछाप प्रदेश सभा (क) का उम्मेद्वार तारानारायण श्रेष्ठ, नेपाली काँग्रेस बागमती प्रदेश सदस्य भिमसेन बस्नेत, नेकपा माओवादी केन्द्र उमाकुण्ड गाउँपालिका वडा नं १ वडा कमिटीका अध्यक्ष अमृत कार्की लगायतले धारणा राखेका थिए ।

आइतबार गोकुलगंगाको ठोसे र रस्नालुमस कार्यक्रम रहेको नेपाली काँग्रेस रामेछापका सचिब दिपक खड्काले बताए । कार्यक्रम सोमबार देखि सुरु भएको हो ।

रामेछाप । लोकतान्त्रिक बाम गठबन्धनको तर्फबाट प्रतिनिधिसभा सदस्य पदमा पूर्णबहादुर तामाङ (कान्छाराम) उमेदवार भएपछि जिल्लामा विकासको अधुरो कुरा पुरा हुनेमा आशावादी देखिएका छन् ।

राज्यले ध्यान दिन नसकेको विकास निर्माणको काम र समाजसेवा गर्दै १२ बर्ष विताएका कान्छारामलाई यो पटक मतदाताको चाहना संसद वनाउने रहेको छ ।

‘व्यक्तिगत खर्चमा त यति धेरै काम गर्दै आएको व्यक्ति पदमा पुगेपछि जिल्लाबासीको समस्यामा पक्कै पनि कानमा तेल हालेर वस्नेछैन भन्ने विश्वास मतदाताले राखेका छन् ।

पक्की सडक, कृषिमा आधुनिकीकरण, सहज शिक्षा र स्वास्थ्यको लागि जिल्लामा धेरै काम गर्न बांकी रहेकोले त्यसका लागि योग्य तिनै कान्छाराम देखिएको समुदायका अगुवाहरु बताउछन् ।

उम्मेद्वार कान्छारामको समाजसेवाको भावनाले उनलाई निकै उचो बनाएको छ । व्यक्तिगत कुनै लाभको आशा नगरी उनले जिल्लाका कयौं सडक निर्माण गरेका छन् भने खानेपानी , विद्यालय, मठमन्दिर र गुम्बा वनाउन, सहयोग गरेका छन् ।

स्वास्थ्य क्षेत्रमा कान्छारामले गरेको सहयोग जिल्लामा मात्र हैन, देशकै लागि उदाहरणीय छ । आफ्नो परिवारको सम्पत्तिबाट उनले जिल्लाका विभिन्न स्थानबाट गुड्ने गरी १३ वटा एम्बुलेन्स निशूल्क उपलव्ध गराएका छन् भने मृतकको शव वोक्नका लागि एउटा शव वहान उपलव्ध गराएका छन् ।

रामेछाप । राजनीतिक बिचौलियाको धन्दा गर्ने नेकपा एमाले बाट देशको विकाश सम्भब नभएको नेकपा माओवादीका केन्द्रिय सदस्य एव पुर्ब गृहराज्य मन्त्री श्यामकुमार श्रेष्ठ (कुशल)ले बताएका छन् ।

लोकतान्त्रीक गठबन्धनको चुनावी सभालाई गोकुलगंगा गाउँपालिका १ चुचुरेको शिवालयमा सम्बोधन गर्दै राजनीतीक बिचौलीयाको भन्दा गर्ने र राजतन्त्रको एजेन्डा बोकेर हिड्ने एमाले बाट देश बिकास सम्भब नभएको बताएका हुन ।

हिजो पनी कांग्रेस र माओवादीको एकता बाट संबिधान जारी सम्भब भएको र एमालेको नेतृत्वमा बनेको सरकारले संबिधान जलाउन खोज्दा पनी कांग्रेस र माओबादी मिलेर रक्षा गरेको भन्दै अब विकास पनी कांग्रेस माओवादी बाट मात्र सम्भब हुने माओवादी नेता श्रेष्ठले बताए ।

२०७४ सालको निर्वाचनमा एमाले उम्मेरदवार बोकेर आएको र मन्त्री समेत बनाएको भएपनी उनिहरुले रामेछापको समस्या नबुझेर बिचौलीयहरु खडा गर्ने र योजना हाल्ने मात्र काम गरेको आरोप लगाउर्दै अहिले रामेछापमा बिकास बिकास भनेर हिड्ने कान्छाराम र तारानारायण श्रेष्ठलाई लिएर आएको बताए ।

कांग्रेसले माओवादीलाई र माओबादीले कांग्रेसलाई भोट नदिने हो भने राजाबादी शक्ति शक्तिशाली बन्ने भन्दै पुराना सबै कुरा भुलेर लोकतान्त्रीक गठबन्धनलाई भोट हाल्न पर्ने बताए । सबै नागरिकले प्रतिनिधि सभा तर्फ रुख चिन्हमा र प्रदेश सभा तर्फ गोलाकार भित्र हस्याहतौडामा भोट हलेर लोकतान्त्रीक गठबन्धनका उम्मेरदवारलाई जिताएर पठाउन आग्रह गरे ।

रामेछाप- नेपाली काँग्रेसबाट प्रतिनिधि सभा सदस्यको उम्मेद्वार रहेका पुर्ण बहादुर तामाङ (कान्छाराम) ले लिखुकरिडोरमा निर्माणाधिन हाइड्रोपावरबाट पीडित रहेका स्थानीयको समस्या समधान गर्न पीडित जनतालाई लिएर आन्दोलन गर्ने बताएका छन् ।

शनिबार मतदाता भेटघाट अभियानमा उमाकुण्डको वडा नं १ गुम्देल पुगेका कान्छाराम सहितको टोली समक्ष‌ स्थानीयले बर्षौ देखि हाइड्रोपावरबाट आफुहरु पीडित भएको गुनासो राखेपछि स्थानीयको माग संबोधन गर्ने क्रममा कान्छारामले स्थानीयको समस्या समाधानको लागि आन्दोलन नै गर्नु पर्ने भएपनि आफू तयार रहेको बताएका हुन् ।

दुगड ग्रुपले संचालन गरेका हाइड्रोपावरले जनतालाई बेवास्ता गरेर सामाजिक उत्तरदायित्वको रकम समेत खर्च नगरी एकलौटी ढंगबाट अगाडि बढेको कुरा आफूलाई पुर्ण रुपमा जानकारी रहेको धारणा राख्दै नागरिकको सबै समस्याको समधान गर्ने जिम्मेवारी आफूले लिने बताए ।
गुम्देलका हरेक विकासलाई आफू निर्वाचित भएपछि पहिलो प्राथमिकतामा राखेर बहुबर्षे योजनामा समावेस गर्ने प्रतिबद्धता जनाए ।

रामेछाप । नेकपा माओबादी केन्द्रका केन्द्रीय सदस्य एवं पुर्व गृह राज्य मन्त्री श्याम कुमार श्रेष्ठ कुशलले एमालेले राजा फर्काउने एजेण्डा बोकेर हिडेको आरोप लगाएका छन् ।

बिहिबार रामेछापको उमाकुण्ड गाउँपालिका वडा नं ४ मा लोकतान्त्रिक बाम गठबन्धनको वडा स्तरीय चुनावी सभा तथा मतदाता भेटघाट कार्यक्रममा भनाई राख्ने क्रममा मंसिर ४ मा हुने निर्वाचनमा राजा आउ देश बचाउ भन्ने पार्टी सँग एमालेले गठबन्धन गरेर राजा फर्काउने एजेण्डा बोकेर हिडेको आरोप लगाएका हुन् ।

लामो संघर्षपछि बनेको संविधानलाई नै ध्वस्त पार्ने गरि दुई दुई पटक संसद भंग गरेर देशलाई जनप्रनिधि बिहिन बनाउन खोज्ने केपी ओलीले फेरि राजा फर्काउने एजेण्डा सहित चुनावी अभियानमा एमाले हिँडेकाले एमालेलाई देशबाटै हराउन मतदातालाई आग्रह गरे ।

नेपाली काँग्रेसको तर्फबाट प्रतिनिध सभा सदस्यको उम्मेद्वार रहेका पुर्ण बहादुर तामाङ कान्छाराम र नेकपा माओवादी केन्द्रबाट रामेछाप प्रदेश सभा क्षेत्र (क)का उम्मेद्वार रहेका तारानारायण श्रेष्ठ बिगुल सहितको टोलीलाई लिएर निवर्तमान सांसद समेत रहेका श्याम कुमार श्रेष्ठ कुशल चुनाबी आभियानमा हिडेका छन् ।

रामेछाप । नेकपा एमाले रामेछाप प्रतिनिधिसभा सदस्यका उम्मेदवार कैलाश प्रसाद ढुङ्गेलले गठबन्धन सत्ताको आडमा एमाले विरुद्ध लागेकोले यस तर्फ सचेत रहन कार्र्यकर्तालाई सचेत गराएका छन ।
।
निर्वाचनको मुखमा जनतालाई हरियो घाँस देखाउँदा पछि लाग्ने बाख्रा जस्तो ठानेर गठबन्धनका उम्मेदवारहरु पैसाको धोक्रो बोकेर हिँडिरहेको भन्दै नागरिक हरुलाई कम्जोर नठान्न पनि आग्रह गरे । उनले सहभागि कार्यकर्ताहरुलाई पार्टीमा कुनै गुनासा भए सबै खाले गुनासाहरुलाई थाति राखेर निर्वाचनमा लाग्न पनि आग्रह गरे ।
कसैसंग कुनै पनि कारणबस गुनासाहरु पनि हुन सक्छन् । तर ति सबै गुनासाहरुलाई मङ्सिर ४ पछि मात्र छलफल गर्न सकिने भन्दै पार्टि र राष्ट्रको प्रतिष्ठा संग जोडिएकोले सबै कुराहरूलाई छाडेर निर्वाचनको महासंग्राममा लाग्न पनि उनले आग्रह गरे ।
समृद्ध नेपाल, सुखी नेपाली बनाउने मिसन र भिजन एमाले सँग मात्रै भएकाले एमालेका उम्मेदवारलाई निर्वाचन जित्न कुनै समस्या नरहेको भन्दै उनले उक्त कुराहरुलाई नेता कार्यकर्ताहरुले गाउँमा गएर बुझाउन पनि निर्देशन दिए । विगतमा आफु जन प्रतिनिधि र मन्त्री हुँदाको अनुभबका आधारमा गाउँपालिकाको ६४ वटा वडाका नागरिकलाई सम्बोधन हुने गरि कार्य योजना आफूले बनाएको भन्दै उक्त योजनामा साथ दिन पनि कार्यकर्तालाई आग्रह गरे।

काठमाडौ । अख्तियार दुरुपयोग अनुसन्धान आयोगले २८ लाख रुपैयाँ घुससहित रामेछापस्थित खानेपानी तथा सरसफाइ डिभिजन कार्यालय नं ४ का इन्जिनियर नवराज सत्याल र प्लम्बर बखतबहादुर थापालाई पक्राउ गरेको छ ।

उनीहरुबाट १६ लाख रुपैयाँ नगद र १२ लाख रुपैयाँको चेक गरी २८ लाख रुपैयाँ बरामद गरिएको अख्तियार स्रोतले जानकारी दिएको छ । रामेछापको इन्छिनगाउँ खानेपानी तथा सरसफाइ उपभोक्ता समितिको कामको भुक्तानीवापत उनीहरुले रकम लिएको खुलेको अख्तियारको भनाइ छ ।
अख्तियारका प्रवक्ता श्यामप्रसाद भण्डारीले अख्तियारको केन्द्रीय कार्यालयको टोली रामेछापमा रहेको पुष्टि गरे ।
अख्तियारको टोलीले इन्जिनियर सत्याल र प्लम्बर थापालाई मन्थली नगरपालिका-१ स्थित खानेपानी कार्यालयको क्वार्टरबाट पक्राउ गरेको हो ।

रामेछाप । लोकतान्त्रिक बाम गठबन्धनबाट रामेछापले मंगलबार प्रतिबद्धता पत्र सार्वजनिक गरेको छ। नेकपा माओवादी र नेपाली कांग्रेस गठबन्धन रामेछापले कृषि तथा पशुपालन सिंचाइ, खानेपानी तथा वातावरण संरक्षण, पूर्वाधार विकास शिक्षा जस्ता विविध विषयलाई समेटिएर प्रतिबद्धता पत्र सार्वजनिक गरेको हो ।

प्रतिबद्धता पत्रमा ने.क.पा. एमालेका नेता केपी शर्मा ओलीले संविधानको मूल मर्म र भावनाबिपरित अनि जनताको अभिमतप्रतिकुल स्वेच्छाचारी, तानाशाही र प्रतिगामी हर्कत गर्दै पटक पटक संविधान बिपरित संसद विघटन गर्ने दुस्साहस गरेको आरोप लगाईएको छ । जसकारण संविधानले परिकल्पना गरेको लोकतान्त्रिक समाजवाद प्राप्तिको लक्ष्यमा पहिलो पाईलामै ठेस लागेको प्रतिबद्धता पत्रमा जनाईएको छ ।

प्रतिगमनको बिरुद्ध दृढताका साथ उभिने नेपाली कांग्रेस, नेकपा माओवादी (केन्द्र) लगाएतका गठबन्धनरत दलहरु जनतासमक्ष आफ्ना साझा प्रतिबद्धताका साथ अमूल्य मतको अपेक्षा गरिएको छ । आसन्न प्रतिनिधि सभा तथा प्रदेश सभा निर्वाचनमा रामेछाप जिल्लामा लोकतान्त्रिक बाम गठबन्धनको तर्फबाट साझा उमेदवारको रुपमा प्रतिनिधि सदस्यको लागि नेपाली कांग्रेसबाट पूर्णबहादुर तामाङ (कान्छाराम) र प्रदेश सभा ‘क’ बाट नेकपा माओवादी केन्द्रका तारानारायण श्रेष्ठ ‘विगुल’ र प्रदेश सभा ‘ख’ मा माओवादी केन्द्रबाट युवराज चौलागाई उम्मेदवार रहेका छन् ।

हेर्नुहोस् प्रतिबद्धता पत्र:

रामेछाप । आगामी मंसिर ४ गते हुन लागेको प्रतिनिधि र प्रदेशसभा निर्वाचनका लागि जिल्लाका राजनीतिक दल, तिनका उम्मेदवारका लागि चुनावी सरगर्मी शुरु भइसकेको छ । विषेश गरी नेका माओवादी गठबन्धन र नेकपा एमाले वीच नै प्रतिस्पर्धा हुने निश्चित जस्तै रहेको रामेछापमा नेका र गठबन्धनले सोमबारबाट र एमालेले आगामी मंगलबारबाट गाउँ अभियान सञ्चालन गर्ने भएको छ ।
सत्ता गठवन्धनका उम्मेदवारलाई आउँदो मंसिर ४ मा हुने प्रतिनिधिसभा र प्रदेशसभा सदस्य पदमा भारी मतान्तरले विजयी गराउन उसले संयुक्त प्रचारप्रसार अभियान चलाउने भएको हो । उक्त अभियान आश्विन ३१ गते सोमबारदेखि चिसापानीबाट शुरु हुन लागेको जानकारी प्राप्त भएको छ । उनका अनुसार सोमबार चिसापानीबाट शुरु हुने उक्त संयुक्त कार्यक्रममा प्रदेशसभा १ (ख) का उम्मेदवार माओवादी केन्द्रका नेता युवराज चौलागाईसहितको टोली सहभागी हुने कार्यक्रम रहेको छ । अभियानमा नेपाली काँग्रेस, माओवादी केन्द्र र एकीकृत समाजवादीका जिल्ला, प्रदेश र पालिका स्तरका नेताहरुको सहभागिता हुने जानकारी पनि श्रेष्ठले गराएका छन् ।
दुवै पक्षको संयुक्त बैंठक बसेर निर्माण गरेको कार्यतालिका सम्बन्धित गाउँ टोल घर दैलो, टोल भेला र ठाउँठाउँमा आमसभा गर्दै चुनावी अभियान तिहारका कारण कात्तिक ९ गते भटौलीमा आएर स्थगित हुने छ । कात्तिक १० र ११ गते दुई दिन भने दीपावली मान्नलाई सबै जना घर घरमा नै रहनु पर्ने भन्दै उसले दुई दिन मात्र विश्राम लिने अभियान सञ्चालन गर्न लागेको जानकारी पनि श्रेष्ठले गराए ।
उनका अनुसार चिसापानीको प्रदेशसभा १ (ख) बाट शुरु हुने अभियानमा नेपाली काँग्रेस, माओवादी केन्द्र र एकीकृत समाजवादीका जिल्ला, प्रदेश र पालिका स्तरका नेताहरुको सहभागिता हुनेछ । अभियान त्यसपछि खाँडादेवी र मन्थली नगरपालिकामा केन्द्रित हुनेछ । प्रतिनिधिसभा सदस्य पदका उम्मेदवार काँग्रेस नेता कान्छाराम तामाङसहितको माओवादी केन्द्रका प्रदेश सभा १ (क) का उम्मेदवार तारानारायण श्रेष्ठसहितका नेता कार्यकर्ताहरु सहभागी हुने जानकारी पनि श्रेष्ठले गराए । उक्त अभियान प्रदेश क तर्फको प्रचार अभियानमा हुनेछ । ख प्रदेशका लागि कान्छारामसहितको टोलीले फेरी दोहोरियाएर घर दैलो अभिानमा सामेल हुने छन् ।
जसमध्ये काँग्रेस गठबन्धनले दुवै पक्षले आप्mनो जिल्लामा अन्य राजनीतिक पार्टी र स्वतन्त्र उम्मेदवारहरु पनि निर्वाचन आचार सहितको सही कार्यान्वयनको पक्षमा जोड दिनु भएको थियो । निर्वाचनको चुनावी सभामा जुटेका नेपाली कांग्रेस र नेकपा माओवादी केन्द्रले रामेछाप प्रदेशसभा ‘ख’ ले संयुक्त रुपमा चुनावी सभा गर्ने भएको छ । सोमबार ३१ गतेदेखि मन्थली नगरपालिकाबाट सुरु भएर आउँदो कात्तिक १५ गते मन्थली नगरपालिकामै टुङ्ग्याउँदै सभा गर्न लागेको नेपाली कांग्रेस प्रदेशसभा ‘ख’ का सभापति राजेशकुमार श्रेष्ठले जानकारी दिए ।
कार्यक्रममा क–कसले सम्बोधन गर्ने र को को सामेल हुने भन्ने कुरामा अझै टुँगो भने नलाग्दामा अन्यौलता भएको हो । बाँकि रह्यो कार्यक्रम हुने स्थानमा भने सम्बन्धित पालिकाका सभापति, अध्यक्षहरूले सहभागिता जनाएर सभालाई सम्बोधन गर्ने कार्यक्रम रहेको उक्त पहिलो चरणको संयुक्त कार्यक्रम १५ गते मन्थली नगरपालिकामा कार्यक्रमको समीक्षासहित सम्पन्न हुने कार्यतालिका रहेको पनि श्रेष्ठले जानकारी गराए । विगतमा नेकाका उमेद्वार एक्लै चुनाव लड्दा पनि प्रतिस्पर्धामा आएको रामेछापका संघ र प्रदेश गरी ३ वटै सिटमा गठबन्धनका साझा उम्मेदवारले जित्ने दावी नेपाली काँग्रेस रामेछापका उप सभापति लेखबहादुर कार्कीले गरे । चुनावी सभा गर्न लागेको मन्थली नगरपालिका, दोरम्बा शैलुङ् र खाँडादेवी गाउँपालिकाका विभिन्न वडाहरूमा चुनावी सभा हुन लागेको हो ।

रामेछाप- रामेछाप नेपाली काँग्रेसबाट प्रतिनिधि सभा सदस्यको उम्मेद्वार रहेका पुर्ण बहादुर तामाङ कान्छारामले आफू सांसद भएपछि पाउने तलब भत्ता कमजोर आर्थिक अबस्था भई अफ्टेरोमा परेका परिवारलाई सहयोग गर्ने उदघोष गरेका छन् । लिखुतामाकोशी गाउँपालिका वडा नं ४ बिजुलीकोटमा मंगलबार आयोजित वडा सभामा आफ्नो भनाई राख्ने क्रममा उनले मंसिर ४ को निर्वाचनमा प्रतिनिधि सभा सदस्यमा निर्वाचित भएपछि आफूले संसदबाट पाउने तलब भत्ता कमजोर आर्थिक अबस्था भई अफ्टेरोमा परेका परिवारलाई सहयोग गर्ने उदघोष गरेका हुन् ।
२०७४ को निर्वाचनमा थोरै मतले पराजित भएपनि त्यतिबेला जनताको घरमा गएर गरिएका बाचा आफ्नै खर्चमा पुरा गरेको स्मरण गर्दै मंसिर ४ मा निर्वाचित भएपछि सरकारको कोषबाट करोडौ रकम ल्याएर रामेछापको विकास गर्ने प्रतिबद्धता जनाए ।
प्रतिनिधि सभाका उम्मेद्वार पुर्ण बहादुर तामाङ कान्छाराम र रामेछाप प्रदेश सभा (क) का उम्मेद्वार तारानारायण श्रेष्ठ सहितको टोली सोमबार देखि वडा तहको चुनाबी सभामा निस्केका छन् ।

काठमाडौं । नेपाली कांग्रेसका प्रवक्ता डा. प्रकाशशरण महतले संविधानको रक्षा र प्रतिगमनलाई रोक्न सत्ता गठबन्धन बनेको बताएका छन् ।

शनिवार काठमाडौंमा आगामी मंसिर ४ गते हुने प्रतिनिधि सभा र प्रदेश सभा निर्वाचन सक्वन्धमा नेपाली कांग्रेस रामेछाप(काठमाडौं सम्पर्क समिति र नेकपा (माओवादी केन्द्र) रामेछाप-काठमाडौं सम्पर्क समन्वय समितिले संयुक्त रूपमा आयोजना गरेको चुनावी सभामालाई सम्बोधन गर्दै प्रवक्ता महतले सो कुरा बताएका हन् ।

सम्बोधनकै क्रममा उनले रामेछापसहित देशैभरीका गठबन्धनका उम्मेदवारलाई जिताउन आग्रह समेत गरे । महतले गठबन्धन निर्वाचनपछि समेत निरन्तर अघि बढ्ने बताए । संविधानलाई संस्थागत रूपमा कार्यान्वयन गर्नका लागि गठबन्धन प्रतिबद्धत रहेको उनको भनाइ छ ।

त्यस्तै नेकपा (माओवादी केन्द्र)का उपाध्यक्ष कृष्णबहादुर महराले देशको आवश्यकता र संविधानको रक्षाका लागि गठबन्धन जन्मिएको भन्दै गठबन्धन आवश्यक रहेको बताए । नेपाली कांग्रेस र माओवादी नमिले फेरि मुलुकमा प्रतिगमनको खतरा हुने उनको भनाइ छ ।

सभालाई सम्बोधन गर्दै गठबन्धनका तर्फबाट उम्मेदवार बनेका नेपाली कांग्रेसका सभापति पुर्णबहादुर तामाङ (कान्छाराम) ले जिल्लाको विकास निर्माणदेखि संघ तथा प्रदेशमा नीति निर्माणका लागि गठबन्धनको उम्मेदवारहरूलाई जिताउन आग्रह गरे ।

यसअघिको निर्वाचनमासमेत उम्मेदवार रहेका तामाङले पराजित भएरपनि जनता सामु गरेका कयौँ बाचा व्यक्तिगत रूपमा पूरा गरेको बताउँदै अब निर्वाचित भए जिल्लामा पुल, सडक, जलविद्युत्, कृषि र सडकहरूको स्तररोन्नती तथा कालोपत्रे गर्ने प्रतिबद्धता व्यक्त गरे ।

सभालाई सम्बोधन गर्दै गठबन्धनबाटै उम्मेदवार रहेका माओवादी केन्द्रका प्रदेश सभा ‘क’ र ‘ख’ का उम्मेदवार द्वय युवराज चौलागाई र तारा नारायण श्रेष्ठले गठबन्धनका उम्मेदवारलाई जिताउन चुनावी अभियान सक्रिय रूपमा सहभागी हुन आग्रह गरे ।

राजधानी काठमाडौंबाट नजिकै रहेको जिल्ला भएपनि विकासको दृिष्टबाट निकै पछि रहेको उल्लेख गर्दै विजयीपश्चात विकास र समृद्धिका काममा सक्रिय भूमिका खेल्ने उम्मेदवार द्वयले संयुक्त रूपमा प्रतिबद्धता व्यक्त गरे ।

प्रदेख ‘ख’ का उम्मेदवार युवराज चौलागाईले जिल्लामा पूर्वाधार विकासको अवस्था सामान्य देखिए पनि समग्रमा पूर्वाधार, सामाजिक एवं मानव विकासको अवस्था कमजोर रहेकाले आमनागरिकको जीवनस्तर रूपान्तरणका लागि काम गर्ने प्रतिबद्धता व्यक्त गरे ।

सभामा उपस्थित दबै पार्टीका नेताहरूले निर्वाचनमा गठबन्धनका उम्मेदवारलाई जिताउने गरी चुनावी तयारीमा लाग्न आफ्ना कार्यकर्ताहरुलाई अपिल गरेका थिए ।

नेपाली कांग्रेस रामेछाप-काठमाडौं सम्पर्क समितिका सभापति राजनारायण श्रेष्ठको सभापतित्वमा सम्पन्न सभामा दुवै दलका तर्फका उमेदवार र प्रमुख नेताहरु तथा रामेछापबाट काठमाडौंमा विभिन्न पेशा व्यवसाय गरेर बसेका सयौँ कार्यकर्ताहरूको सहभागिता रहेको थियो ।

रामेछाप । सत्ता गठवन्धनका बलिया उमेदवार पूर्णवहादुर तामाङ (कान्छाराम) संग प्रतिस्पर्धा गर्न तम्सिएको रामेछाप एमालेका उमेदावार कैलाश प्रसाद ढुंगेललाई पहिलो गाँसमै ढुङ्गा परेको छ ।

एमालेले निर्वाचन परिचालन र प्रचार प्रचार प्रसारको क्रममा लिखु तामाकोशी गाउँपालिकाको धोविमा शुक्रबार आयोजना गरेको पहिलो कार्यक्रममानै स्थानीयले उपस्थिति नजनाएपछि ढुङ्गेल लगाएतका एमाले कार्यकर्ता तिल्मिलाएका छन् । धोविमा उमेदवार सगैं गएका एमाले जिल्ला र पालिका स्तरका नेताहरु बाहेक औंलामा गन्न सक्ने स्थानीय कार्यकर्ताहरुको मात्र उपस्थिति रहेको थियो ।

देशमा बहुदलिय व्यवस्था आएपछि २०४८ साल देखि लगातार संसदीय निर्वाचनमा उम्मेदवार वनेका कैलाश ढुङगेलले अरु योग्य नेताहरुलाई अवसर नदिएर आफै मात्र पद हत्याउन उद्धत रहेको भन्दै एमाले भित्र तिव्र असन्तुष्टि छ ।

एमालेका नेता माधव ढुंगेल, रत्न गौतम जस्ता नेताहरुले उनी बाँचुन्जेल सम्म अवसर नपाउने भन्दै एमालेका कार्यकर्ताहरु गुनासो गर्दै हिडेका छन् । प्रदेश निर्वाचनमा उमेदवार भएका शान्तिप्रसाद पौडेलले समेत गएको ५ बर्षमा सिन्को नभाँचेको भन्दै गुनासो गर्ने गरेका छन् ।

पहिलो दिनको कार्यक्रममानै आशा गरेको जस्तो जनसमूहको उपस्थिति नदेखेपछि एमाले नेताहरु न्याउरी मुख लगाएर शनिबार रस्नालु आईपुगेका छन् । एमालेको आधार इलाका भनेको रस्नालुमा गएको स्थानीय निर्वाचनमा एमालेलाई झड्का लागेको थियो । आउदो चुनावमा रस्नालुबाट एमालेले स्थानीय चुनावको भन्दा पनि थोरै मत ल्याउने आंकलन गरीदैछ ।

रामेछाप । आगामी मंसिर ४ मा हुने प्रतिनिधिसभा र प्रदेश सभा निर्वाचनमा गठवन्धनका उम्मेदवारहरुलाई विजयी गराउन बिहिबार काठमाण्डौंमा रणनीतिक भेला सम्पन्न भएको छ ।

नेपाली काँग्रेसका प्रदेश ख का सभापति राजेश श्रेष्ठ र माओवादी केन्द्रबाट प्रतिनिधि सभाकी समानुपातिक तर्फकी उम्मेदवार सुनिता गौतमको पहलमा काठमाण्डौंमा भएको भेलामा दुवै दलका तर्फका उम्मेदवार र प्रमुख नेताहरुको सहभागिता रहेकाे थियाे ।

भेलामा प्रतिनिधिसभा सदस्य उमेदवार पूर्णवहादुर तामाङ (कान्छाराम) र प्रदेश १(१) का तारानारायण श्रेष्ठ र १(२) का युवजार चौलागाईले विगतमा पार्टीले रामेछाप जिल्लामा विकास निर्माण र सामाजिक कार्यमा गरेको योगदानको आधार र दलिय घोषणा पत्रका आधारमा सहज जित हुने वताए । सवै साथिहरुले इमान्दारिताका साथ भूमिका निभाउने र मतदानका लागि मतदाताको घर दैलोमा पुग्दा मात्र गठवन्धनका उम्मेदवारको सहज जित हुने भएकाले उक्त कार्यमा एकजुट भएर लाग्न आग्रह गरेका थिए ।

टिकट वितरणमा असन्तुष्ट भई प्रदेश सभामा बागि उम्मेदवार हालेका माओवादी केन्द्रका नेता तथा संविधानसभा सदस्य डिल्लीमान तामाङले जसरी पनि गठवन्धनका उम्मेदवारलाई विजय गराउनु पर्ने अवस्था भएकाले दुवै दलले निष्टापूर्वक भूमिका खेल्न कसर बांकी राख्न नहुने वताए ।

रामेछाप । जिल्लाको खाँडादेवी गाउँपालिकाबाट काठमाडौं जादै गरेको बा ३ ख ४०४८ नम्बरको रिर्जभ बस खाँडादेवी गाउँपालिका–३ भिरपानीको गुन्डुखोला भन्ने ठाउँमा दुर्घटनामा परेको छ ।

दुर्घटनामा १३ जना घाइते भएका छन् । घाइते हुनेहरुमा जिल्ला रामेछाप खाँडादेवि ७ पात्ले बस्ने बर्ष ३४ को युबराज तामाङ, ऐ ऐ बस्ने बर्ष २९ को अजय तामाङ, बर्ष २७ को सुस्मिता तामाङ, बर्ष २३ को रस्मि तामाङ, बर्ष १८ की सपना तामाङ, बर्ष ३० को रमेश तामाङ, बर्ष २४ को बास्ना घिसिङ, बर्ष २४ को बिकाश तामाङ, बर्ष ३३ को श्याम लामा, बर्ष ४२ की रिता घिसिङ, खाँडादेवि ३ बस्ने बर्ष १५ की प्रेरणा श्रेष्ठ, खाँडादेवि ७ बस्ने बर्ष २८ की सुमित्रा कार्की, र २८ को धनराज तामाङ घाइते भएका छन् ।

घाइते मध्ये तीन जनाको अवस्था गम्भीर रहेको जिल्ला प्रहरी कार्यालय रामेछापका डिएसपी राजकुमार थिङले जानकारी दिए । उनका अनुसार रिजर्भ बस ओरालो मोडमा अनियन्त्रित भई सडक छेउमा पल्टिदा बसमा सवार १६ जना मध्ये १३ जना घाइते भएका हुन् । डिएसपी थिङका अनुसार घाइतेहरुको उद्दार गरी थप उपचारको लागि धुलिखेल अस्पताल पठाइएको छ ।

रामेछापको खाँडादेवी गाउँपालिका–३ भिरपानीस्थित सित्खामा करिब ५५ बर्षीय बिबी माझीको विभत्स हत्या गरेको आरोपमा प्रहरीले २३ जनालाई पक्राउ गरी अनुसन्धान प्रक्रिया अघि बढाएको छ । प्रहरीले घटनाको अनुसन्धान गर्नको लागि १६ जना पुरुष र ७ जना महिलालाई जिल्ला प्रहरी कार्यालयमा राखेर अनुसन्धान सुरु गरेको हो । पक्राउ परेकाहरुले प्रहरी समक्ष पितृ चढेको मानिसहरूले पितृ चढेपछि के के भयो, के के गर्‍यो, घटना के कसो भएको भन्ने केही कुरा थाहा नभएको बयान दिएको जिल्ला प्रहरी कार्यालयले जनाएको छ । प्रारम्भिव अनुसन्धानको क्रममाा अन्धविश्‍वासको कारण यस घटना घटेको देखिएको जिल्ला प्रहरी कार्यालय रामेछापका प्रमुख राजकुमार थिङले बताए ।

यी हुन पक्राउ पर्नेहरु

जिल्ला रामेछाप खाँडादेवी गा.पा.-३ सित्खा बस्ने वर्ष १९ को राजेश माझी
ऐ.ऐ.स्ने वर्ष १७ की सपना माझी
ऐ.ऐ.बस्ने वर्ष १७ की मनिषा माझी
ऐ.ऐ.बस्ने वर्ष १६ की सबिना माझी
ऐ.ऐ.बस्ने वर्ष २६ को धन बहादुर माझी
ऐ.ऐ.बस्ने वर्ष १६ को सिरिस भन्ने राम कुमार माझी
ऐ.ऐ.बस्ने वर्ष २३ की बिन्दा माझी
ऐ.ऐ.बस्ने वर्ष १९ को भरत माझी (सानो)
ऐ.ऐ.बस्ने वर्ष २० को सुरज माझी
ऐ.ऐ.बस्ने वर्ष ४० की राधिका माझी
ऐ.ऐ.बस्ने वर्ष ३७ को शिब बहादुर माझी
ऐ.ऐ.बस्ने वर्ष २२ की सिर्जना माझी
ऐ.ऐ.बस्ने वर्ष २४ को भरत माझी (ठुलो)
ऐ.ऐ.बस्ने वर्ष २४ को कुमार माझी
ऐ.ऐ.बस्ने वर्ष २४ को उदय बहादुर माझी
ऐ.ऐ.बस्ने वर्ष २४ को पुसमान माझी
ऐ.ऐ.बस्ने वर्ष ३२ को सुक्र बहादुर माझी
ऐ.ऐ.बस्ने वर्ष १९ को रामहरी माझी
ऐ.ऐ.बस्ने वर्ष ३० को विज्ञान माझी
ऐ.ऐ.बस्ने वर्ष ५४ को धर्म बहादुर माझी
ऐ.ऐ.बस्ने वर्ष २६ को सुक्रे माझी
ऐ.ऐ.बस्ने वर्ष २९ को राजु माझी
ऐ.ऐ.बस्ने वर्ष २० की संगिता माझी

रामेछाप । पितृ खुशी नभएको भन्दै भेला भएका माझी समुदायको कुटपिटबाट ५५ बर्षिय बिबि माझीको हत्या भएको छ । जिल्लाको खाँडादेवी गाउँपालिका–३ भिरपानीको सित्खामा रहेको माझी समुदायमा पितृ आइतवार भेला भएका माझी समुदायले कुटेर माझीको हत्या गरेका हुन् ।

माझीहरुको कुटाईवाट मृतककी ७० बर्षिय आमा सुनमाया माझीको अवस्था गम्भिर रहेको छ । उनलाई घटनास्थलबाट उद्धार गरि मन्थलीमा रहेको तामाकोशी अस्पतालमा उपचार गरिरहेको जिल्ला प्रहरी कार्यालय रामेछापका प्रहरी नायव उपरीक्षक राजकुमार थिङले बताए ।

डिएसपी थिङका अनुसार उक्त घटनामा संलग्न भएको आरोपमा ७ जना महिला सहित २३ जनालाई प्रक्राउ गरिएको छ । आफुले मृतकलाई कुटपिट नगरेको र पितृ खुशी नभएको कारण पितृले नै आएर कुटपिट गरि मारेको बयान प्रक्राउ परेका सबैजनाले दिएका छन् ।

सोह्रश्राद्ध माझि समुदायको पितृ तार्ने सबैभन्दा ठूलो पर्व हो । उनीहरुको संस्कार अनुसार सोह्रश्राद्धमा मरेका पितृहरुलाई (नदी) घाटमा गएर बोलाउने चलन छ । यसरी पितृलाई बोलाउँदा शरिमा पितृ आउने ,त्यो बेला काम छुट्ने र परिवारको कुनै एक सदस्यको शरिरमा पस्ने गर्छ भन्ने विश्वास माझी समुदायमा रहेको छ । जसको शरिरमा पितृ पस्ने वित्तिकै ऊ काम्ने गर्दछ् । घाटवाट काम्दै गरेको व्यक्तिलाई लिएर घर फर्कने र भोली पल्ट एकदिन सत्कार सहित घरमा पाल्ने गरिन्छ र पर्सिपल्ट बिहानै झिसमिसे (उज्यालो नहुँदै) घाटमा लगेर विधिपूर्वक पितृ बिर्सजन गर्ने (नदीमा) चलन छ ।

नदीमा बगाउने बेला पितृ पसेको व्यक्ति काम्न छाड्ने गर्दछन् । यसरी पितृ बगाउँदा उनीहरुको शरिरमा पितृ खुशी हुन्छन् भन्ने विश्वास माझी समुदायको रहेको छ । यो सँगै उनीहरुको विशेष चाड सोह्रश्राद्ध सकिन्छ । तर यसपटक भने बिगत वर्षको जस्तो भएन । पितृलाई बगाउँदा समेत काम्ने व्यक्तिलाई पितृले नछाड्दा कामी रहे । उनीहरुले पितृले गर्दा काम्न नछोड्नुमा दोषी गाउँकै बिबि माझीको रहेको निष्कर्ष माझी समुदायले निकाले ।

त्यस पश्चात उनीहरु बिबि माझी र उनकी आमा सुनमाया माझी बसिरहेको घरमा काम्दै पुगे । बिबिलाई चामलको अक्षताले हान्दै उनिहरूले कुटपिट गर्न थाले । त्यही समयमा घुम्दै एउटा बिरालो बिबिको घरमा आइपुग्यो । माझी युवायुवतीले उक्त विरालो समाते । उनिहरूले त्यो बिरालोलाई त्यही काटेर आँगो बालेर त्यही घटनास्थलमा नै पोले । त्यती बेलासम्म बिबिको मृत्यु भइसकेको थियो । उनीहरुले बिबि माझी बोक्सी भएको र उसको शरिरवाट बिरालो उत्रिएकाले बिरालो काटेपछि बिबि मरेकी माझी समुदायको निष्कर्ष थियो ।

छोरीको मृत्यु भएपछि उनकी आमा सुनमायालाई घरवाट आँगनमा निकालेर युवायुवतीले कुटपिट गर्न थाले । सो घटनाको बिषय स्थानियले जानकारी पाएसँगै उनीहरु घटनास्थल पुगे । घटनास्थल पुगेका स्थानियले उद्धार गर्न नसकेपछि उनीहरुले प्रहरीमा खबर गरेका थिए ।

घटनाको जानकारी पाएसँगै घटनास्थल पुगेको प्रहरीले पहिलो पटक उनीहरुलाई नियन्त्रण लिन सकेन । बल्लतल्ल प्रहरीको दोश्रो प्रयासमा सुनमायाको उद्धार गर्न सफल भयो । प्रहरीले नियन्त्रणमा लिएका सबैजनालाई प्रहरीले जिल्ला प्रहरी कार्यालय रामेछापको हिरासतमा राखेर थप अनुसन्धान अघि वढाएको छ ।

शरिरमा पितृ चढेको भन्दै काम्दै कुटपिट गर्ने युवायुवतीले सो घटनाको बारेमा आफुहरुलाई केही थाहा नै नभएको प्रहरी समक्ष बताएका छन् । उनीहरुले मृतक बिबिलाई पितृ नै आएर कुटपिट गरेर मारेको बताएका छन् । उनीहरुले पितृ आफ्नो शरिरमा चढेपछि आफुहरुलाई केही पनि थाहा नहुने भएकाले सो घटनाको बिषयमा आफुहरु अनविज्ञ रहेको प्रारम्भिक बयान प्रहरी समक्ष दिएका छन् ।

हेटौंडा । बागमती प्रदेश सभा सदस्य तथा राप्रपाका निर्वाचित केन्द्रीय सदस्य रिता माझी राप्रपा नेपाल प्रबेश गरेकी छन् ।

आज बागमती गाउँपालिका-३ मा आयोजित कार्यक्रममा माझिलाई स्वागत गर्दै राप्रपा नेपाल अध्यक्ष कमल थापाले अब कोहि पनि अलमलमा नपरी, भ्रमित नबनी राप्रपा नेपाललाई बलियो बनाउन कस्सिएर लाग्नुपर्नेमा जोड दिए ।

मुलुकलाई एउटा बलियो राष्ट्रवादी प्रजातान्त्रिक शक्तिको आवश्यकता भएको र त्यो शक्ति राप्रपा नेपाल बन्न सक्ने थापाको ठम्याई रहेको थियो । उनले मकवानपुरको विकासको अधुरो काम सम्पन्न गर्न आउने निर्वाचनमा उम्मेदवारी दिन लागेको समेत जानकारी दिए ।

हेटौंडा-काठमाडौं सुरुङ्ग मार्ग, चक्रपथ निर्माण, विश्वविद्यालय स्थापना, औद्योगिक क्षेत्रको विकास आफ्नो प्राथमिकतामा रहेको समेत थापाले बताए । कार्यक्रममा बोल्दै प्रदेश सांसद रिता माझिले इमानदारीता, निष्ठा र कर्तब्यबोधका कारण राप्रपा नेपाल रोजेको बताइन् ।

रामेछाप । संस्कृति , पर्यटन तथा नागरिक उडड्यन मन्त्री जिवनराम श्रेष्ठले मन्थली एअरपोर्ट संचालनमा वेवास्ता गरेका छन । मन्त्रालयका उच्च अधिकारीहरु सहित मन्थली आईपुगेका मन्त्री श्रेष्ठले काम मन्थली विमानस्थलको निरीक्षण गरेको भएपनि स्थानिय बासिन्दाले विमान स्थल संचालनका लागि गरेको मागको कुनै सम्बोधन गरेनन् ।

विभिन्न कम्पनीका प्रतिनिधि र नागरिक उडड्यन प्राधिकरणका अधिकारीले मन्त्री श्रेष्ठलाई विमानस्थलको समस्या र समाधानका बारेमा पनि जानकारी गराएका थिए । निजी क्षेत्रको समिट एयरको चार्टर जहाँज चढेर दिउँसो विमानस्थलमा उत्रिएको मन्त्री सहितको टोलीले विमानस्थलका पूर्वाधार र त्यहाँको अबस्थाका बारेमा जानकारी मात्रै लिए तर विमानस्थल सञ्चालानका लागि कुनै चासो देखाएनन् ।

स्थानिय हरुले मन्त्री श्रेष्ठलाई हप्तामा कम्तिमा पनि रामेछापबाट काठमाण्डौका लागि एउटा उडान राख्नका लागि अनुरोध गरेका थिए । तर उक्त अनुरोधलाई मन्त्री श्रेष्ठले खासै चासो देखाएनन् ।

यस अघीका पर्यटन मन्त्री प्रेम आलेले पनि करिब ५ महिना अघि रामेछापको गाल्वामा आयोजित पार्टिको कार्यक्रममा जहाज चलाउने बचन दिएको भए पनि उक्त बचन पनि पुरा भएन् । रामेछापका नागरिक आसै आसमा बसे ।

रामेछाप विमानस्थलबाट ब्यवसायीक उडान गर्दै आएका निजि विमान कम्पनीहरुले रामेछाप काठमाण्डौ उडानमा यात्रु नहुने भन्दै प्राधिकरणको आँखामा छारे हाल्दै आएका छन् । स्थानीयले केहि बर्ष देखिनै रामेछाप देखि काठमाण्डौका लागि यात्रु बाहक हवाई सेवा संचालनको माग गरेपनि विमान कम्पनी र सरकारले त्यसको कुनै वास्ता गरेका छैनन् ।

पंचायतकालमा निर्माण भएको विमानस्थललाई कालो पत्रे गरेर स्तरोन्नति गरीएको भएपनि लामो समय देखि यस एरपार्टमा कुनै पनि कम्पानिले जहाज अवतरण गरेका छैनन् । तर नेपाल नागरिक उडड्यन प्राधिकरणले भने सोलुजाने पर्यटकहरुका लागि असोज ९ देखि मन्थली एअरपोर्ट बाट लुक्लाका लागि जहाज उडाउने तयारी गरेको छ । त्यस बाहेक तारा, सिता र समिट एयरले पनि पर्यटक केन्द्रीत उडान भर्ने तयारी गरेका छन् ।

काठमाण्डौंको विमानस्थलमा हुने हवाई चापलाइ कम गर्न रामेछाप विमानस्थलबाट लुक्लाका लागि उडान हुन लागेको हो । लुक्लाको मौसम राम्रो हुदा रामेछापबाट अधिकतम उडान गर्ने योजना वायुयान संचालकको छ ।

काठमाण्डौंबाट लुक्ला जाने यात्रुहरुलाई गाडिमा राखेर विपी राजमार्ग हुदै रामेछाप विमानस्थल सम्म लैजाने र त्यहि बाटो काठमाण्डौ फर्काउने विगतको कार्य यस बर्ष समेत निरन्तरता दिईने भएको छ ।

काठमाण्डौंबाट रामेछाप विमानस्थल सम्मको सडक मार्ग यात्राका लागि करिव ४ घण्टाको समय लाग्ने भएकोले पनि ब्यवसायीहरुको रोजाईमा मन्थली विमानस्थल परेको हो ।

रामेछाप । रामेछापको उमाकुण्ड गाउँपालिकाले सञ्चालन गरेको एक हप्ते एकीकृत घुम्ती शिविर सेवामा ५ सय भन्दा बढीले सेवा लिएका छन् । भदौ ३० गते वडा नं ७ भुजी देखि सुरु भएको शिविर वडा नं १ गुम्देलमा सम्पन्न भएको हो ।

शिविर मा २४३ जनाले नेपाली नागरिकताको प्रमाणपत्र लिएका छन् । १४० जनाले ज्येष्ठ नागरिकको प्रमाणपत्र , ३८ जनाले अपाङ्गता परिचयपत्र लिएका छन् । जसमा ‘क’ वर्ग १ जनाले, ‘ख’ वर्गको १९ जनाले, ‘ग’ वर्ग १० जनाले र ‘घ’ वर्ग ६ जनाले लिएको प्रमुख प्रशासकीय दिलकृष्ण श्रेष्ठले जानकारी दिए ।

शिविर मा ७४ वटा योजना सम्झौता भएका छन् । त्यस्तै व्यावसायिक दर्तातर्फ १२६ वटा ,नवीकरण २७ वटा र इजाजत पत्र १०८ वटा वितरण गरिएको प्रशासकीय श्रेष्ठले जानकारी दिए ।

३०८ जना नागरिकको सामान्य स्वास्थ्य जाँच गरिएको जानकारी पालिका स्रोतले दिएको छ ।

पालिकाले सञ्चालन गरेको शिविरमा पालिका अध्यक्ष शेरबहादुर सुनुवार, उपाध्यक्ष सावित्री सुनुवार, प्रमुख प्रशासकीय अधिकृत दिल कृष्ण श्रेष्ठ र लाप्चाने सेवा केन्द्रका प्रशासकीय प्रमुख उदयराज गौतम सहितको टोलीले स्थानीयको आवश्यकतालाई ध्यानमा राख्दै गाउँघर केन्द्रित सेवा प्रदान गरेको पालिकाले जनाएको छ ।

रामेछाप ।नजिकिँदो चाडपर्वलाई लक्षित गरी रामेछापको रामेछाप नगरपालिकाले रामेछाप बजारमा अनुगन गरेको छ । नगरपालिकाले रामेछाप बजारमा रहेका किराना पसल,मासु पसल र होटलहरुको अनुगमन गरेको हो ।

चाडपर्वको मौका छोपेर दैनिक उपभोग्य वस्तुमा हुनसक्ने कालोबजारीलाई नियन्त्रण गर्न बजार अनुगमन गरिएको नगरपालिकाका राजश्व शाखा प्रमुख हरिभगत श्रेष्ठले बताए । चाडपर्वको बेला धेरै कारोबार हुने मासु, चिनी, दालचामल,पियपदार्थ सहितका खाद्यान्न,मसला लगायतका बस्तुलाई केन्द्रीत गरेर म्याद सकिएका समाग्रीहरु रहेनरहेको बारे बजार अनुगमन गरिएको उनले भने।

साथै व्यवसाय दर्ता,नविकरण,मुल्य सुची रहेनरहेको बारे पनि अनुगमन गरिएको थियो । रामेछाप बजार अनुगमन गर्दा अखाध्य सामाग्री खासै फेला नपरेको श्रेष्ठले बताए ।वडा नं ८ का वडाअध्यक्ष सन्तोष तामाङको संयोजकत्वमा प्रहरी,पत्रकार,रामेछाप नगर उद्योग वाणिज्य संघ र रामेछाप नगरपालिकाका कर्मचारीले बजार अनुगमन गरेका हुन ।रामेछाप नगरपालिकाले हरेक वर्ष चाडपर्वको बेला बजार अनुगमन गर्दै आएको छ ।

न्युयोर्क । शिकागोको एक आवासीय भवनमा विस्फोट हुँदा कम्तीमा आठ जना घाइते भएका स्थानीय अग्नि विभागका अधिकारीहरूले बताएका छन् । स्थानीय समयअनुसार मंगलबार विहान पौने दश बजे उक्त विस्फोट भएको अग्नि नियन्त्रण विभागका अधिकारीहरुले जनाएका छन् ।

वासिंटन बुलेभार्ड र सेन्ट्रल एभिन्यु नजिकै विस्फोट भएको हो । विस्फोटका घाइते तीन जनाको अवस्था गम्भीर रहेको छ । विस्फोट भएको स्थान नजिकै रहेको भवन खाली गर्ने काम भइरहेको दमकल अधिकारीहरुले बताएका छन् । विस्फोटबारे प्रहरीले अनुसन्धान गरिरहेको छ ।

काठमाडौं । परराष्ट्र सचिव भरतराज पौड्यालले ‘लोकतन्त्रले जनतालाई डेलिभर गर्छ’ भन्नेमा नेपालले विश्वास गर्ने बताएका छन् ।

संयुक्त राष्ट्रसंघको ७७ औँ महासभाको अवसरमा मंगलबार अमेरिकाको न्यूयोर्कमा आयोजित ‘डेमोक्रेसी डेलिभर्स’ विषयक उच्चस्तरीय कार्यक्रमलाई सम्बोधन गर्दै उनले उक्त कुरा बताएका हुन् ।

‘हामी लोकतन्त्रका ‘त्रिदिशात्मक’ नतिजा अर्थात शान्ति, मानवअधिकार र विकासमा केन्द्रित भएकाले ‘लोकतन्त्रले जनतालाई डेलिभर गर्छ’ भन्नेमा नेपाल विश्वास गर्छ,’ उनले भने ।

कार्यक्रममा बोल्दै परराष्ट्र सचिव पौड्यालले नेपालको संविधानले सर्वव्यापी रूपमा स्वीकार्य लोकतान्त्रिक सिद्धान्तलाई मान्यता दिएको, समानुपातिक प्रतिनिधित्व र राष्ट्रिय जीवनमा समाजका सबै वर्गको सहभागिताको प्रत्याभूति गरेको बताए ।

राजनीतिक मुद्दा टुंगिएपछि अहिले नेपाल गरिबी, अल्पविकसित र पछौटेपनविरुद्ध लडिरहेको उनले जनाए ।

यसको लागि नेपालको प्राथमिकतामा कृषिको आधुनिकीकरण, पूर्वाधार विकासको तीव्रता, जलविद्युतको विशाल सम्भावनाको उपयोग, पर्यटन र जनशक्ति विकास रहेको उनले जानकारी दिए ।

परराष्ट्र सचिव पौड्यालले कार्यक्रममा निजी क्षेत्रका लागि सिर्जना गरिएको सक्षम वातावरण र स्वदेशी तथा विदेशी लगानीलाई जोगाउन तयार गरिएको बलियो कानुनी तथा नीतिगत संरचनाबारे प्रकाश पारेका थिए ।

एजेन्सी । रुसी राष्ट्रपति भ्लादिमिर पुटिनले देशमा आंशिक सैन्य परिचालनको आदेश दिएका छन् । राष्ट्रपति पुटिनले युक्रेनमाथि आक्रमण जारी राख्दै अर्थतन्त्रलाई ‘युद्धकालीन चरणमा’ राख्नको लागि देशमा आंशिक सैन्य परिचालनको घोषणा गरेका हुन् ।

देश भरि टेलिभिजनमा प्रशारण गरिएको पूव रेकर्ड गरिएको भाषणमा पुटिनले यो निर्णय ‘मातृभूमि, यसको सार्वभौमसत्ता र क्षेत्रीयताको रक्षा गर्न’ लिएको बताए। यदि हाम्रो देशको क्षेत्रीय अखण्डता खतरामा छ भने, हामी हाम्रा जनताको रक्षा गर्न सबै उपलब्ध साधनहरू प्रयोग गर्छौं’, पुटिनले भने ।

रामेछाप । जिल्ला अस्पताल रामेछापले पहिलोपटक रक्तसञ्चार केन्द्र (ब्लड बैंक)को स्थापना गरेकोछ । संविधान दिवसको अवसर पारेर रामेछाप नगरपालिकाको सहयोगमा अस्पतालमै ब्लड बैँकको स्थापना गरिएको हो ।

रगत अभावमा कसैले पनि ज्यान गुमाउन नपरोस भनेर आफुहरुले जिल्ला अस्पतालमै ब्लड बैँकको स्थापना गरेको रामेछाप नगरपालिकाका नगरप्रमुख लवश्री न्यौपानेले बताए ।

अस्पतालमा आउने जटिल किसिमका बिरामीलाई आवश्यक पर्ने रगत अब सहज रुपमा जिल्ला अस्पतालमै उपलब्ध हुने भएकोले भैपरि आउने जोखिमबाट केहि हद सम्म राहत मिलेको जिल्ला अस्पताल रामेछापका निमिक्त मेडिकल सुपरिटेन्डेण्ट डाक्टर गगन अधिकारीले बताउछन् । यहि दशैँ तिहारपछि जिल्ला अस्पतालमै डाइलसिस सेवा सुरु गर्ने तयारी भैरहेको पनि अधिकारीले बताए ।

जिल्ला अस्पतालको हाल संचालनमा रहेको सेवाहरुलाई अझ सुदृढ गर्दै लैजाने क्रममा रहेको अस्पताल विकास समितिका अध्यक्ष यम पाख्रिनले बताए । जिल्ला अस्पतालमै ब्लड बैंकको स्थापना भएपछि प्रसुती गराउने आमाहरु, दुर्घटनामा परेका घाइते तथा अपरेशन गर्नुपर्ने बिरामीको लागि तत्काल आवश्यक रगत व्यवस्था गर्न समस्या नपर्ने उनले बताए ।

अस्पतालले अहिले विभिन्न रोगहरुको अपरेशन,आकस्मिक प्रसुतिजन्य शल्यक्रिया लगायत विभिन्न सेवा सुविधाहरु थप गरेसँगै उपचार गर्न आउने सेवाग्राहीको चाप पनि बढेको अध्यक्ष पाख्रिनले बताए ।

यसैगरी संविधान दिवसको अवसरमा जिल्ला अस्पतालमा आयोजित रक्तदान कार्यक्रममा ४० जनाले रक्तदान गरेका छन । ब्लड बैँकको उद्धघाटन रामेछाप नगरपालिकाका प्रमुख लबश्री न्यौपानेले गरेका थिए ।

काठमाडौं । काठमाडौं महानगरपालिकाले अनधिकृत संरचना हटाउने कार्यलाई तीव्रता दिएको छ ।

बुधबार बिहान महानगरको टोलीले काठमाडौंको वसुन्धारा क्षेत्रमा रहेका अनधिकृत संरचनालाई डोजर लगाएर हटाएको छ । सो क्षेत्रमा नक्सापासविपरीत बनाइएका घरटहरा र सडक मिचेर बनाइएका कम्पाउन्ड पनि भत्काइएको छ ।

महानगरले सडकछेउमा फुटपाथ अतिक्रमण गरेर व्यापार नगर्न चेतावनी दिएको छ । महानगरले नक्सापास नगरी निर्माण गरिएका र नक्सामा उल्लेखभन्दा फरक रूपमा प्रयोग गरिएका संरचना हटाउने कार्यलाई तीव्रता दिएको जनाइएको छ ।

रामेछाप । आफ्नै भतिजि बुहारीलाई जर्वजस्ती करणी उद्योग गरेको अभियोगमा रामेछाप उद्योग बाणिज्य संघका कोषाध्यक्ष एवं मन्थलीका व्यवसायी पबन कठायत जेल चलान भएका छन् ।

जिल्ला अदालत रामेछापमा मंगलवार भएको इजलाशले कठायतलाई जर्बजस्ती करणी उद्योगमा पुर्पपक्षको लागि जेल चलान गर्ने निर्णय गरेको हो ।

कठायतले आफ्नै भतिजी बुहारी बिनु यादबलाई मन्थली नगरपालिका–१ भैश्वेश्वरमा रहेको घरमा बुहारी याबद एक्लै बसिरहेको मौका छोपी जर्बजस्तीकरणी गर्न खोजेका थिए ।

उक्त घटनाको बिषयमा कान्छा ससुरा बिरुद्ध बुहारी बिनुुले जिल्ला प्रहरी कार्यालय रामेछापमा साउन महिनामा किटानी जाहेरी दर्ता गरेकी थिइन । सोही जाहेरीका आधारमा प्रहरीले भदौ १ गते कठायतलाई मन्थलीवाट पक्राउ गरी हिरासतमा राखेर अनुसन्धान अघि बढाएको थियो । प्रहरीले स्थगलत मुचुल्का सहित तयार पारेको राय सरकारी कार्यालयमा बुझाएको थियो ।

सोही रायका आधारमा जिल्ला सरकारी वकील कार्यालयले अभियोग पत्र तयार गरी जिल्ला अदालत रामेछापमा पेश गरेको अभियोग–पत्र उपर जिल्ला अदालत रामेछापका न्यायाधिश इन्दिरा शर्माको इजलासले आरोपित कठायतलाई पुर्पक्षको लागि जेल चलान गर्ने निर्णय गरेको हो । कठायतलाई मंलगलार साँझ नै कारागार कार्यालय रामेछाप पठाइएको जिल्ला प्रहरी कार्यालय रामेछापका प्रहरी नायव उपरीक्षक राजकुमार थिङले जानकारी दिए ।

जाहेरी दिने पिडीत बिनु यादवको तर्फवाट जिल्ला सरकारी वकील कार्यालयका जिल्ला न्यायाधिवक्ता बिना खड्का र वकील योगेन्द्र प्रसाद ढुुंगेलले बहस गरेका थिए । त्यस्तै आरोपित कठायतको तर्फवाट अधिवक्ता झम्क कडेल, सौजन्य प्रसाद सत्याल र यादव प्रसाद दाहालले बहस गरेका थिए ।

काठमाडौं । आगामी ४ मंसिरमा हुने निर्वाचनको लागि नेपाल कम्युनिष्ट पार्टी (माओवादी केन्द्र) रामेछाप जिल्ला समितिले उम्मेदवार सिफारिस गरेको छ । भदौ २० गते बसेको रामेछाप जिल्ला समितिको बैठकले संघ र प्रदेशको लागि उम्मेदवार सिफारिस गरेको हो ।

बैठकले प्रतिनिधिसभाको लागि प्रत्यक्षमा ६ जनाको नाम सिफारिस गरेको छ । जसमा बहालबाला सांसद श्याम कुमार श्रेष्ठ पोलिष्टव्यूरो सदस्य युवराज चौलागाईं, पूर्वसांसद डिल्लीमान तामाङ, पूर्वदोरम्बा सैलुङ गाउँपालिका अध्यक्ष कमान सिंह मोक्तान, पूर्वसांसद लक्ष्मी गुरुङ र विक्रम राना मगर रहेका छन् ।

समानुपातिक तर्फ ५ जनाको नाम सिफारिस भएका छन् । जसमा नरेशबाबु श्रेष्ठ, श्याम नारायण श्रेष्ठ, सुनिता गौतम, उद्धव रम्तेल र श्रीबहादुर माझी रहेका छन् ।

प्रदेशसभा तर्फ प्रत्यक्षमा ९ जनाको नाम सिफारिस भएको छ । जसमा प्रदेशसभा ‘क’ तर्फ पूर्वसांसद तारानारायण श्रेष्ठ, पूर्ण बहादुर कार्की, प्रदिप रावत, रविन्द्र पौडेल र शिशिर खड्गी रहेका छन् । त्यस्तै प्रदेशसभा ‘ख’ तर्फ अम्बिका प्रसाद गजुरेल, दिपक राज प्रसाईं, धावा लामा र मान बहादुर तामाङ रहेका छन् ।

समानुपातिक तर्फ प्रदेशसभामा १४ जनाको नाम सिफारिस भएको छ । जसमा प्रदेशसभा ‘क’ तर्फ इन्दिरा बख्रेरल, केशर कुमार कालिकोटे, नारायण नेपाली, बिष्णु कुमार कार्की, भक्तराज थापा, मदन कुमार कालिकोटे, सरिता कार्की (रसाइली) र सरोज कटुवाल रहेका छन् । भने प्रदेशसभा ‘ख’ तर्फ कर्णखर चौलागाईं, गंगा बुढाथोकी, टिकामालबुके, दिपक हेल्मु, धनमाया श्रेष्ठ र नेत्र मोक्तान रहेका छन् ।

यसअघि जिल्लाका ८ वटा स्थानीय तहका पार्टी समितिहरुले पनि उम्मेदवार सिफारिस गरेका थिए । जिल्लाका ८ स्थानीय तह सहित सम्पर्क समन्वय समिति समेत गरी ९ स्थानीय समितिले प्रतिनिधिसभामा चौंलागाईंको नाम सिफारिस गरेका थिए । प्रतिनिधिसभामा श्रेष्ठको पक्षमा ७ र गुरुङको पक्षमा ४ वटा स्थानीय समितिहरुले संस्थागत मत सहित सिफारिस पठाएका थिए। रामेछाप जिल्ला माओवादीको प्रभाव क्षेत्र मानिदै आएको छ।

महोत्तरी । बर्षासँगै बाँध भरिएर पानी कुलोमा सोझिँदा महोत्तरी एकडारा–६ कि सरस्वती यादव अहिले निक्कै चिन्तित् छन । रातु नदीबाट सोझै कुलोमा थेग्नै नसक्ने पानी खेतमा पसेपछि सरस्वतीको करिब एक बिघा खेत डुबानमा परेको छ । 

अव्यवस्थित कुलोमा आएको पानी खेत र बारीमा पसेपछि त्यहाँ लगाइएका तरकारी र खेतमा क्षति हुन पुगेपछि  सरस्वती चिन्तित् बनेकी हुन् । 
वाँध र कुलो व्यवस्थित हुन नसक्दा सरस्वती मात्र हैन रामवती मण्डलको पनि उस्तै अवस्था छ । बर्षात्को कारण बर्सेनि डुबानको समस्या झेल्दै आएकी मण्डलले अघिल्ला वर्षको तुलनामा यस वर्ष बढी क्षति व्यहोर्नुपरेको बताउँछिन् । 

थोरै खेतमा हुने उत्पादनबाट ५ जनाको परिवार धान्दै आएकी रामवतीलाई यसपालि कसो गर्ने होला भन्ने चिन्ता थपिदै गएको छ । ‘अब खै यसपालि त भोकमारी नै लाग्ला जस्तो छ,’ उनले भनिन् । सरस्वती र रामवतीको जस्तो खेतबारी डुवान मात्र हैन एकडारा –६ गनरापुरामा कयौँ घरसमेत बाढीको चपेटामा परेका छन ।

गनरापुराका कै  रविशंकर दासको परिवार यतिबेला घर न घाटको बनेका छन । कुलोसँगै जोडिएको उनको घर डुमानमा परेको छ । पानी पस्न नपाएको एउटा कोठामा परिवारका सबै सदस्य बसेर गुजरा गरिरहेको दासले बताए ।  

बाढीले खेत गेग्रानमा परिणत भएका छ । लगाइएको धानबाली नष्ट भएको छ भने खेल पोखरीजस्तै देखिएका छन् । बाढीले सडक सञ्जाल पनि नोक्सान गरेको छ । 

‘सानो वर्षापछि आएको बाढीले त बितन्डा मच्चाइरहेको छ भने ठूलो वर्षा भएमा के हुन्छ होला,’ ७० बर्षिय सुरदेव यादव चिन्ता व्यध्m गर्छन् । अघिल्लो बर्ष रातु नदीको २ सय घर परिवारलाई नोक्सान पुर्‍याएको थियो ।

हामीलाई यो कुलोले निक्कै समस्या बनाउदै आएको छ । बसेनि यही कुलाको  कारण धेरै घरबारविहीन बन्नुपरेको थियो,’ विगत सम्झिँदै जगदिश दास भन्छन् । 

कुलोमा आउने वाढीले एकडाराको गनरापुरा मात्र हैन पर्सा, बटुलिया, कन्कार, सखुवा, हलखोरी,  थरवाइ, सक्री, नेनी, बासुपट्टीलगायत स्थान डुबानमा पर्ने गरेका छन् । 

यस वर्ष आएको बाढीले करिब तीन सय बिघा खेत डुबानमा परेको छ भने ३० घरपरिवार  जोखिममा छन् । स्थानीय सरकारले आफूहरुको समस्यालाई बेवास्ता गरेको पीडितहरुको गुनासो छ । तर, उनीहरुको समस्याप्रति आफूहरुको ध्यानाकर्षण भएको एकडाराका गाउँपालिकाका अध्यक्ष दिपनारायण यादवले बताए । 

काठमाडौं । राष्ट्रिय स्वतन्त्र पार्टीका सभापति रवि लामिछानेले संस्कृति, पर्यटन तथा नागरिक उड्डयन मन्त्री जीवनराम श्रेष्ठमाथि कानुन नमानेको अभियोगमा अनुसन्धान गर्न माग गरेका छन् ।

सोमबार प्रहरी हिरासतमा रहेका शेरजंग कुँवरलाई भेटेपछि लामिछानेले उनलाई स(सम्मान रिहा गर्न माग गर्दै नियम मिचेर लाइन नबस्ने मन्त्री श्रेष्ठलाई कानुन नमानेको अभियोगमा अनुसन्धान गर्न माग गरेका हुन् ।

कुँवरले आफू निर्दोष रहेको भन्दै मन्त्रीलाई कुनै दुर्व्यवहार नगरेको लामिछानेले बताएका छन् ।

‘प्रहरी हिरासतमा रहेका शेरजंग गुरुङसँग भेटेर उहाँलाई धन्यवाद दिएर आएको छु। कानुन सबैलाई बराबर हुन्छ। शेरजंगजी भन्नु हुन्छ– ‘गुरुङको छोरो आवाज अलि ठूलो भयो होला, तर मैले कुनै दुर्व्यवहार गरेको छैन। मन्त्री भन्ने मलाई थाहा पनि भएन । थाहा भए पनि डिउटी त गर्नै पर्यो ।’ यदि उहाँको भनाइ सत्य हो भने उहाँलाई थुनामा राख्ने होइन ससम्मान रिहा गरियोस्। दण्डित होइन पुरस्कृत गरियोस्। नियम मिचेर लाइन नबस्ने मन्त्रीलाई चाहिँ कानुन नमानेको अभियोगमा अनुसन्धान गरियोस्,’ लामिछानेले सामाजिक सञ्जालमा लेखेका छन् ।

आइतबार क्यानडाको भिसा प्रोसेसका लागि छायाँ सेन्टर पुगेका मन्त्री श्रेष्ठ र उनका सुरक्षाकर्मीलाई सेक्युरिटी गार्ड कुँवरले लाइनमा बस्न भन्दै रोकेका थिए । तर, मन्त्री श्रेष्ठले शक्तिको दुरुपयोग गर्दै साँझ नै कुँवरलाई पक्राउ गर्न लगाई हिरासतमा राख्न लगाएका छन् ।

रामेछाप । नेपाली कांग्रेस रामेछापले मंसिर ४ मा हुने संघको निर्वाचनका लागि समानुपातिकतर्फ ९ जनाको नाम सिफारिस गरेको छ ।
आज बसेको कांग्रेस रामेछापको बैठकले ९ जनाको नाम सिफारिस गर्ने निर्णय गरेको कांग्रेस रामेछापका सचिव दीपक खड्काले जानकारी दिए ।खड्काले भने- समानुपातिक उम्मेदवारको लागि दावी गर्नेहरु सबैको नाम केन्द्रमा सिफारिस गरिएको हो।
उनका अनुसार समानुपातिकतर्फ सिफारिस हुनेहरुमा संविधानसभा सदस्य आङटावा शेर्पा, नेता ग्याज्जे लामा शेर्पा, पूर्व महाधिवेशन प्रतिनिधि, मुक्त बहादुर महते, पूर्व महाधिवेशन प्रतिनिधि डा. सुमन कर्माचार्य, पूर्व महाधिवेशन प्रतिनिधि विद्यासागर योञ्जन, नेता सुरेन्द्र कुमार घिसिङ,हिमाल दास र नेता सुशीला मिश्र र मञ्जु पुर्वे रहेका छन् ।

बागलुङ । आसन्न आमनिर्वाचनका लागि प्रधानमन्त्री शेरबहादुर देउवापत्नी तथा कांग्रेस केन्द्रीय सदस्य आरजु राणा देउवा बागलुङ क्षेत्र नम्बर २ बाट उम्मेदवार सिफारिस भएकी छन् ।

प्रत्यक्षतर्फ १० जना उम्मेदवार आकांक्षीको नामावली संकलन गरी सिफारिस पठाउने क्रममा देउवापत्नी पहिलो नम्बरमा परेकी हुन् ।

महाधिवेशन प्रतिनिधि तथा पूर्वक्षेत्रीय सभापति द्रोण कुँवर वारेस रहेर देउवाको नाम प्रस्ताव गरेका थिए । प्रस्तावपछि क्षेत्रीय समितिले देउवासहित १० जनाको नाम सिफारिस गरेको कांग्रेस क्षेत्रीय सभापति जोकलाल बुढाले बताए ।

अन्य आकांक्षीमा पार्टी सभापति जितबहादुर शेरचनसहित गणेश शेरचन, टेकराज पौडेल, देवीप्रकाश घट्टचन, द्रोण कुँवर, नरबहादुर पुन, रामप्रसाद आचार्य, शान्तराज आचार्य र सिंहबहादुर रानाको नाम सिफारिस भएको बुढाले जानकारी दिए।

काठमाडौं । राष्ट्रिय परीक्षा बोर्ड परीक्षा नियन्त्रण कार्यलय (कक्षा १२)ले कक्षा १२ को नतिजा सार्वजनिक गरेको छ ।

गत जेठ १६ गतेदेखि २५ गतेसम्म सञ्चालन गरेको परीक्षाको नतिजा बोर्ड शुक्रबार प्रकाशित गरेको हो ।

बोर्डका अनुसार यस वर्ष १ लाख ८८ हजार ४१० जना नन ग्रेडिङमा परेका छन् । नन ग्रेडिङमा परेका विद्यार्थीहरुले उच्‍च शिक्षामा भर्ना हुन नपाउने बोर्डले जनाएको छ ।

देशभरका १ हजार २ सय ९२ परीक्षा केन्द्रमा परीक्षा सञ्चालन भएको थियो ।

रामेछाप । मंसिर ४ गते हुने निर्वाचनमा रामेछापबाट आफ्नो दावी रहेको कांग्रेस नेत्री बिनिता खड्काले बताएकी छिन् । रामेछाप प्रदेश सभा ‘ख’ बाट आफ्नो दावी रहने खड्काले बताएकी हुन्  ।  खड्काले भनिन् – मैले बिद्यार्थी राजनितिक देखी आज सम्म समाज परिवर्तनमा बिभिन्न भुमिका निर्वाह गर्दै आएकोछु । जिल्लाको सबै नागरिक संग मेरो प्रत्यक्ष भेटघाट छ सबै नगरिकले विश्वास गरेका छन् युवा र महिलाहरुले आशा गरेका छन् त्यसकारण पनि मेरो उमेरदवारी पार्टीमा दावी रहनु स्वभाभिक हो ।

विद्यार्थी राजनीतिबाट राजनीतिमा होमिएकी खड्का अहिले रामेछापको राजनीतिमा सक्रिय महिला नेतृको रुपमा परिचित छिन् । सानै उमेरमा राजनीतिमा सक्रिय रुपमा देखिएकै परिणाम हुन सक्छ खड्काले कांग्रेसको १३ औँ महाधिवेशनमा सबै भन्दा सानो उमेरमा रामेछापबाट महाधिवेशन प्रतिनिधि बन्ने मौका पाइन् ।

१९ वर्षकै उमेरमा महाधिवेशन प्रतिनिधि जितेकी खड्कालाई २०७४ सालमा स्थानीय तहको निर्वाचनमा सुनापती गाउँपालिकाको उपाध्यक्षमा कांग्रेसबाट उम्मेद्वार बन्ने मौका त मिल्यो तर पनी संगठनको कारण पराजय भोग्नु पर्यो । कांग्रेस रामेछापका नेता पिता भुवन खड्का र काका बद्री खड्काको प्रेरणाबाट विद्यार्थी जीवनबाटै राजनीतिमा होमिएकी खड्काले १४ औँ जिल्ला अधिवेशनबाट महिला तर्फ सबै भन्दा बढी मत ल्याएर महाधिवेशन प्रतिनिधि बनिन् ।

अघिल्लै महाधिवेशनमा नेपाली कांग्रेसको केन्द्रीय सदस्य बन्न खोज्दा क्रियाशील सदस्यताको समयावधि नपुगेकाले उम्मेद्वार बन्नबाट खड्का बन्चित बनिन् । खड्का जिल्ला तथा जिल्ला बाहिर समाजसेवीको रुपमा समेत परिचित छिन् । खड्काले राजनीतिसँगै समाजिक तथा समाजसेवामा समेत राम्रो पहिचान बनाएकी छन् । नेतृ खड्काले गृहजिल्ला रामेछापका विभिन्न विद्यालयहरुमा विद्यार्थीहरुलाई शैक्षिक सामाग्री तथा पोषाक वितरण गरेर शैक्षिक गुणस्तर सुधारका लागि सहयोग गर्दै आएकी छन भने अन्य जिल्लाहरुमा समेत सामाजिक कार्यमा पहिचान बनाएकी छन् ।

राजनितिक संलग्नता

– २०६६ देखि नेविसंघमा आबद्ध खड्काको नेविसंघमा लामो समय काम गरेको अनुभव छ भने सानोठिमि क्याम्पसका नेविसघंको कार्यबाहक सभापति समेत रहेर काम गरेको अनुभव छ ।

– पार्टीको १२ औँ महाधिवेशनबाट सक्रिय क्रियाशील  सदस्य भई पार्टीमा निरन्तर काम गर्दै आईरहेकी छन् ।

– खड्का २०७४ सालको स्थानिय चुनावमा सुनापती गाउँपालिकाबाट उपाध्यक्षको उमेरद्धार समेत भैसकेकी छन् ।

– रामेछाप जिल्ला महिला समन्वय समितिको उपाध्यक्ष भइ काम गरेको अनुभव खड्का सँग छ ।

–  पार्टिको १३ औँ महाधिवेशनमा रामेछापबाट केन्द्रिय महाधिवेशन प्रतिनिधि बनि सकेकिछिन् ।

– १४ औ महाधिवेशनमा केन्द्रिय महाधिवेशन प्रतिनिधि भइई केन्द्रिय सदस्यको उमेरद्वारी दिईसकेकी छिन ।

काठमाडौं । नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ले धरान उपमहानरका मेयर हर्क सांम्पाङले सुरु गरेको विरुवारोपण कार्यक्रममा सहभागिता जनाएका छन् । उनले वरिष्ठ कलाकार जेबी टुहुरेको स्मृतिमा धरानमा विरुवा रोपेको बताए ।

विरुवारोपण कार्यक्रममा संक्षिप्त प्रतिक्रिया जनाउँदै प्रचण्डले कम्युनिष्टहरुले र अझ खासगरी माओवादीले गर्नु पर्ने काम हर्कले गरेको बताए। ‘सिंगै देशले उहाँको कामलाई बडो गम्भीरतापूर्वक हेरेको छ,’ प्रचण्डले भने, ‘हामी कम्युनिष्टहरुले र अझ खासगरि माओवादीले गर्नु पर्ने काम उहाँले गरिराख्नु भएको छ।’

उनले आफ्ना पार्टीका नेता, कार्यकर्तालाई हर्कको कामबाट प्रेरणा लिन समेत आग्रह गरे। ‘म पार्टीका साथीहरु र देशका सबै श्रमजीवी जनतालाई पनि हर्कको व्यवहारबाट, उहाँको आचरणबाट प्रेरणा लिन अनुरोध गर्न चाहान्छु,’ प्रचण्डले भने।

विरुवारोपण कार्यक्रममा धरानका मेयर हर्क, उपमेयर अइन्द्र बिक्रम बेघा लगायतको सहभागिता थियो । धरानका लागि खानेपानीका मुहान संरक्षण गर्ने भन्दै मेयर साम्पाङको नेतृत्वमा धरानमा वृक्षरोपण अभियान चलिरहेको छ ।

काठमाडौं । काठमाडौं महानगरपालिकाले भूमिगत पार्किङमा अवैध रुपमा चलिरहेका पसलहरुको अनुगमन गर्ने जिम्मा वडा कार्यालयहरुलाई दिएको छ । वडा कार्यालयहरुले अनुगमन गरेर रिपोर्ट दिने र हटाउनका लागि सूचित समेत गर्ने गरी महानरले योजना बनाएको हो ।

अहिले काठमाडौंको सीमित क्षेत्रमा मात्रै चलिरहेको यस्तो अभियानलाई ३२ वटै वडासम्म विस्तार गर्ने गरी अनुगमन थाल्न महानगरका मेयर बालेन साहले वडाध्यक्षहरुलाई भनेका छन् ।

महानगरका एक अधिकारीका अनुसार वडा कार्यालयले दिएको रिपोर्टअनुसार अवैध संरचना र भूमिगत पार्किङमा चलेका पसलहरु हटाउने महानगरको तयारी छ ।

‘काठमाडौंमा करिब २८६ वटा भूमिगत पार्किङका लागि नम्सा पास भएका भवनहरु छन्,’ ती महानगरका एक अधिकारीले भने,’ती भवनहरुबारे वडाले अवस्था हरेर विवरण संकलन गर्ने र त्यसअनुसार कारवाही गर्ने गरी निर्देशन भएको छ ।’

वडा कार्यालयहरुलाई पनि यसमा जिम्म्ेवार बनाउने गरी योजना बनेको हो । कतिपय वडाध्यक्षले आफूहरुलाई जानकारी नदिई डोजर चलाएको आपत्ति जनाएका थिए ।

काठमाडौं । तनहुँको घिरिङ गाउँपालिकाको कार्यालयमा तीन वर्षदेखि कार्यरत कर्मचारी सोमबहादुर थापा (नाम परिवर्तन) लाई कोभिड संक्रमण भएयता निरन्तर छातीमा समस्या आइरह्यो । पटकपटकको परीक्षणमा पनि समस्या पहिचान नभएपछि स्थानीय तनहुँ सेवा अस्पतालका चिकित्सकले काठमाडौं गएर छातीरोग विशेषज्ञबाट परामर्श लिन सुझाए ।

सोमबहादुरले सुनेका थिए, काठमाडौंमा सरकारी कर्मचारीलाई विशेष छुट दिएर उपचार छुट्टै अस्पताल छ । सोधीखोजी गर्दै मिनभवनस्थित सिभिल सर्भिस हस्पिटल पुगे । तर, उनले सुनेअनुसारको उपचार शुल्कमा छुट पाएनन् । बरु अन्य नागरिकसरह लामो लाइन बसेर घन्टौँ कुर्दै विशेषज्ञ भेट्नुपर्‍यो ।

उपचार शुल्कमा छुट हुने अपेक्षा बोकेर सोमबहादुरजस्ता धेरै बिरामी दिनहुँ सिभिल हस्पिटल आइपुग्छन् । तर, आफू सरकारी सेवामा भए पनि निजामती कर्मचारीसरह सुविधा नपाउँदा भारी मन लिएर फर्किन्छन् ।

निजामती सेवामा रहेका कर्मचारीको उपचारका लागि १३ वर्षदेखि सञ्चालनमा आएको सिभिल सर्भिस हस्पिटलमा निजामती कर्मचारी र तिनका परिवारलाई तहका आधारमा उपचार शुल्क छुट दिइँदै आएको छ । अधिकृत तह वा सोभन्दा माथिका कर्मचारीको हकमा ४० र सोबाहेकका कर्मचारीलाई ५० प्रतिशत छुटको व्यवस्था छ । जुन कर्मचारीले अवकाशपछि पनि पाइरहेका छन् ।

नयाँ सर्जिकल भवन बनेसँगै अस्पतालमा ४२० शय्या सञ्चालन गर्ने अस्पतालको योजना छ । अहिले ३०० शय्या सञ्चालनमा छन् । तीमध्ये ३० शय्या निजामती कर्मचारीका लागि छुट्याइएको छ । ओटीको ३० प्रतिशत शय्या र अनलाइन टिकेटिङमा ५० प्रतिशत टिकट निजामती कर्मचारीकै लागि छुट्याइएको छ ।

तर, मुलुक संघीय संरचनामा गएसँगै प्रदेश र स्थानीय तहले भर्ना गरेका कर्मचारीको हकमा यो सुविधा छैन । संघबाट समायोजन भएर गएका कर्मचारीले जुनसुकै जिल्ला वा स्थानीय तहबाट आएर पनि सुविधा लिइरहेका छन् । स्थानीय तहमा नयाँ भर्ना गरिएका झन्डै ३५ हजार कर्मचारीमाथि यो विभेद हुनुको मुख्य कारण संघीय निजामती सेवा ऐन नबन्नु नै रहेको अस्पतालको कर्मचारी संघका सचिव बिनोद पोख्रेल बताउँछन् ।

“हामीले पटकपटकको छलफलमा स्थानीयका कर्मचारीलाईसमेत यो सुविधामा समेटिनुपर्छ भनेर मुद्दा उठाएका छौँ, तर ऐन नै बाधक बनेको छ,” पोख्रेल भन्छन् ।

सरकारबाटै असहयोग !
स्थानीय तहका कर्मचारी सिभिल हस्पिटलको छुट तथा अन्य सेवाबाट वञ्चित हुनमा सरकारकै असहयोग मुख्य कारण भएको अस्पतालका कार्यकारी निर्देशक डा. विधाननिधी पौडेलको दाबी छ ।

“म कार्यकारी निर्देशकको जिम्मेवारी लिएर आएपछि सातै प्रदेशमा सिभिल हस्पिटलको सेवा विस्तार गर्न प्रस्ताव गरेको थिएँ । सो प्रस्तावअनुसार प्रदेश र जिल्लामा रहेका अस्पतालहरूमा सिभिल हस्पिटलले दिइरहेको छुट तथा सुविधा दिने र सेवा दिएबापत सिभिलले ती अस्पतालहरूलाई शोधभर्ना रकम पठाउने योजना थियो,” उनले भने “हामीले कर्णाली र सुदूरपश्चिमबाहेक सबै प्रदेशमा एक चरणमा छलफल पनि गरेका थियौँ । तर संघीय मामिला तथा सामान्य प्रशासन मन्त्रालयबाट यस विषयलाई महत्व दिइएन योजनामा नै राखिएन ।”

कर्मचारी सञ्चयकोषमा रहेको रकम मात्रै परिचालन गर्ने हो भने सातै प्रदेशमा यो सुविधा विस्तार गर्न सकिने डा. पौडेलको दाबी छ । “स्थानीयका कर्मचारीहरू हाम्रो सुविधाबाट वञ्चित भइरहँदा दु:ख हामीलाई पनि लागेको छ, सरकारको तलब लिने सबैलाई सेवा दिन सकिन्छ तर सरकारकै तर्फबाट पर्याप्त सहयोग भइरहेको छैन,” डा. पौडेल गुनासो गर्छन् ।

ऐन नबन्दा कर्मचारी समायोजन रोजेर स्थानीय तहमा गएका कर्मचारीहरूको निवृत्तिभरण, सेवा सुविधा, विभागीय सजाय, राजीनामा दिए स्वीकृत गर्ने जस्ता विषय अन्यौलमा परेका छन् ।

तीन वर्षदेखि प्रक्रियामै छ ऐन !
संघीय निजामती सेवाको गठन, सञ्चालन र सेवाका सर्त सम्बन्धमा व्यवस्था गर्न बनेको विधेयक २०७५ माघ २७ गते तत्कालीन सरकारले संसद् सचिवालयमा दर्ता गरेको थियो । विधेयकमाथि दफावार छलफलका लागि प्रतिनिधिसभाको राज्यव्यवस्था तथा सुशासन समितिमा दुई वर्षको छलफलपछि २०७७ असार १५ मा समितिले विधेयक पारित गरेर प्रतिनिधिसभामा पठायो ।

तर, दुई वर्ष पुग्न लाग्दासमेत विधेयक प्रतिनिधिसभामै छ । संसद्बाट ऐन जारी हुने सम्भावना न्यून देखेपछि गत वर्ष १९ असोजको मन्त्रिपरिषद् बैठकले प्रतिनिधिसभामा विचाराधीन विधेयक फिर्ता लिने निर्णय गरेको थियो । विधेयक फिर्ता लिएपछि अध्यादेश जारी गर्ने तयारीमा सरकार अघि बढेको थियो । पटकपटकको प्रयासमा पनि विधेयक पारित भई ऐनको रूपमा आउन सकेको छैन । यो समाचार बाह्रखरिबाट साभार गरिएको हो ।

काठमाडौं । काठमाडौं महानगरपालिकाले कोटेश्वर क्षेत्रमा बनाइएका अवैध संरचना भत्काउने भएको छ ।

व्यापारीलाई आफै अन्डरग्राउन्ड पार्किङ खाली गर्न भनिएको महानगरका नगर प्रहरी प्रमुख एसपी राजुनाथ पाण्डेले बताए ।

“नक्सा पास नगरी अन्डरग्राउन्ड पार्किङमा बनाइएका संरचना हटाउन भनेका छौँ । दिउँसोतिर अनुगमनमा जाँदैछौँ । व्यापारीले हटाउन अटेर गरेर आफै हटाउछौँ,” एसपी पाण्डेले भने ।

बुधबार महानगरले सुनधारा, न्युरोड क्षेत्रका अनाधिकृत संरचनामा डोजर चलाएको थियो । महानगरका मेयर बालेन्द्र शाह (बालेन)ले दरबारमार्गस्थिल लन्डन पबको अन्डरग्राउन्ड पार्किङ खाली गर्न निर्देशन दिएका छन् ।

त्यस्तै, महानगरले जिल्ला अदालत काठमाडौंसँग नक्सापासको प्रतिलिपि माग गरेको छ ।

रामेछाप ।जनताको सेवाको लागि आफू चुनाव लड्ने नेपाली कांग्रेसका नेता तथा समाजसेवी भरत प्रसाद चौलागाईले बताएका छन् । मंसिर ४ गते हुने निर्वाचनमा रामेछाप बाट आफु चुनाव लड्ने उनले बताएका हुन् । संघिय संसदको वा प्रदेश सांसद मध्य एकमा आफु चुनाव लड्ने तयारी गरिरहेको नेता चौलागाइले बताएका हुन् ।

नेता चौलागाई २०४८ साल देखि निरन्तर नेपाली कांग्रेसको राजनीतीमा रहेका छन् । लामो ३१ बर्षको राजनीतिमा लाभको पद नलिएका चौलागाईले यस बर्ष पटक भने संघ वा प्रदेश संसदको रुपमा आफ्नो उम्मेदवारी रहने बताएका छन् । नेता चौलागाईले भने संघ र प्रदेश मध्य एकमा मेरो उम्मेदवारी रहन्छ कुनमा रहन्छ भन्ने अहिले टुंगो लागेको छैन अब छिटै टुंगो लाग्छ । तर यस पटक आफ्नो उम्मेदवारी रहने र पार्टीले पनी साथ दिने चौलागाईले बताए ।

२०४८ सालदेखि लगातार जिल्लाको राजनीतिक संगै सामाजिक यात्राको सारथिको रुपमा आफ्नो पहिचान बनाएका नेता चौलागाई आफ्नो निरन्तर प्रयास र कर्मकै कारण आम जिल्लाबासिको आशा र भरोसाको केन्द्र बन्न सफल भएको कांग्रेसका नेता तथा कार्यकर्ताहरुलेनै बताउने गरेका छन् ।

चौलागाँईले भने “मेरो राजनितिक या सामाजिक यात्राका क्रममा कसैलाई सहयोग गर्नु पर्दा मैलै कैलै पनि तेरो र मेरो भनिन , नजिक र पराया भनिन । कांग्रेस र कम्युनिस्ट पनि भनिन । कसैलाई समस्या पर्दा हरेक नागरिकको सुख दु:खमा निस्वार्थ रुपमा साथ दिदै आएको छु । पार्टिगत रुपमा पनि दिएको जिम्मेवारी पुरा गर्नै कुरामा म कैले पनि चुकेको छैन ।

आफुले रोजेको समाज सेवा र राजनिति यात्रा संगै निति निर्माण गर्नै तहमा पुग्न सकियो भने मात्र त्यसले पुर्णता पाउँने र त्यो भनेको संसदनै हो । भन्ने बुझाईका साथ मैले यस पटकको निर्वाचनमा संघिय संसद वा रामेछापको प्रदेश ‘ख’को उम्मेदवारी दावि गर्ने निर्णय गरेको चौलागाईले बताए ।

कृयाशिलताका कारण सिङ्गो जिल्ला संगै मेरो क्षेत्रका अधिकाँश नागरिकहरु संग मेरो सिधा चिनजान भएकोले पनि आफ्ना लागि निर्वाचन सहज भएको चौलागाईको दावी रहेको छ ।

राजधानीबाट नजिक भएर पनि विकासमा पिछडिएको रामेछापको समृद्धिका लागि गर्नु पर्ने धेरै काम भएको र त्यसको समाधानका लागि संसदमानै पुग्नु पर्ने भएकोले आफुले यस पटक निर्वाचनमा संसदमा दावेदारी प्रस्तुत गर्न लागेको हुँ चौलागाईले भने ।

हुन त कांग्रेस पार्टि बाट निर्वाचनमा टिकट दावी गर्ने संघ र प्रदेशका आकांक्षीहरूमा कुनै कमी छैन । त्यस बारेमा पुर्ण रुपमा जानकार रहेका चौलागाई भन्छन् “पार्टीमा टिकटका आकांक्षी म मात्र होइन, दर्जनौ साथीहरु छन् । तर पार्टीले मेरो सक्रियताका आधारमा हाल सम्मको पार्टि भित्रको गतिबिधिहरुको मुल्याङ्कन गरेर मलाई टिकट दिन्छ भन्ने विश्वास लागेको छ ।

चौलागाँईले जिल्लामा गरेको नियमित योगदानका आधारमा उम्मेदवारी दावी गर्नु स्वभाविक रहेको कार्यकर्ताहरुको बुझाई रहेको छ । २०२६ साल भदौ ८ मा रामेछापको सुनापति गाउँपालिका वडा नं १ गुन्सीमा जन्मेका चौलागाई नेपाली कांग्रेसको बाह्रौं महाधिवेशनमा जिल्ला कार्यसमिति सदस्य हुदै तेह्रौं र चौधौं महाधिवेशनमा महाधिवेशन प्रतिनिधि बने उनले चौधौं महाधिवेशनमा भने सर्वाधिक दोस्रो मत ल्याएर महाधिवेशन प्रतिनिधि चुनिएका छन् ।

नेता चौलागाईले रामेछापका झण्डै १ सय २० भन्दा बढी बिद्यालयका २० हजार भन्दा बढी बिद्यार्थीहरुलाई कापीकलम र पोशाक बितरण गर्नका साथै जिल्लामा शब बहान समेत बितरण गरेका छन् । पार्टी नेता कार्यकर्ता तथा रामेछापका नागरिकलाई समस्या पर्दा नेता चौलागाई साथ र सहयोग गदै समाजसेवी नेताको रुपमा जिल्लामा आफ्नो पहिचान बनाउन सफल भएका छन् ।

रामेछाप । नेपाली कांग्रेसका नेता झपडराज भण्डारीले मंसिर ४ गते हुन लागेको निर्वाचनमा आफ्नो उम्मेदवारी रहने बताएका छन् । भण्डारीले मंसिर ४ गते हुने संघिय संसद वा प्रदेश संसदमा आफ्नु उम्मेदवारी रहने बताएका छन् ।

जिल्लाको राजनितिमा लामो योगदान रहेको भन्दै पार्टीको नेताले आफुलाई यस पटन न्याय दिनेमा आफु बिश्वस्त रहेको बताएका छन् । सरल र मिलनसा र त्यागी नेताको रुपमा जिल्लामा पहिचान बनाउन सफल नेता भण्डारी नेपाली कांग्रेस रामेछापका हाल महाधिबेसन प्रतिनिधी समेत रहेका छन् । बि.स २०११ सालमा साविक प्रिति गाउँविकास समिती ४ मा जन्मिएका भण्डारी २०३६ साल देखी निरन्तर नेपाली कांग्रेसको राजनीतिमा सक्रिय भएर काम गरिरहेका छन् ।

राजनीती बाहेक कुनै पेशा व्यवसायमा नलागी जिल्लाको राजनीतीमा ४३ वर्ष बिताएको भण्डारीले बताए । भण्डारी आफु २०३६ सालको जनमत संग्रह देखी सक्रिय राजनीतीमा लागेको बताउछन् । २०४६ सालको आन्दोलनमा ७ दिन २०६२/०६३ को आन्दोलनमा पहिलो पटक ९० दिन र दोस्रो पटक १९ दिन गरी १ सय १६ दिन प्रहरी हिरासतमा समेत रहेको बताए । कांग्रेसको राजनीतीमा लागेको भन्दै तत्कालीन नेकपा माओवादीले २०६२ साल असोज २६ गते घर जग्गा कब्जा गर्दा समेत निरन्तर राजनीतिमा लागेको भण्डारी बताउछन् ।

नेता भण्डारी २०४८ सालको गाउँ विकास समितीको अध्यक्ष हुदै रामेछाप क्षेत्र न १ को क्षेत्रिय सभापती जिल्ला कार्यसमिती सदस्य जिल्ला उपसभापती र कार्यबहाक सभापती हुदै महाधिबेशन प्रतिनिधी समेत भइ सकेका छन् । भण्डारी आफु पार्टीको राजनीतीमा लामो समय लागेको कारण जिल्लाको नेता तथा कार्यकर्ताको साथ र सर्मथन रहेको जिल्लाको समग्र विकास निमित आफ्नो उमेरद्वारी रहने बताएका छन् । भण्डारीले भने मेरो उम्मेदवारी संघमा वा प्रदेशमा कुनमा हुन्छ अहिले भन्न नसके पनी संघ र प्रदेश मध्य एकमा रहने बताएका छन् ।

काठमाडौं । काभ्रेपलाञ्चोक र रामछाप जिल्लाको सीमानामा पहिचान भएको ६ सय ८३ मेगावाटको सुनकोसी तेस्रो जलाशययुक्त जलविद्युत आयोजनामा लगानी गर्न बंगलादेश तयार देखिएको छ । 

बंगलादेशको विद्युत, ऊर्जा तथा खनिज स्रोत मन्त्रालयका सचिव मोहमद हबिबुर रहमान नेतृत्वको  टोली र नेपालको ऊर्जा जलस्रोत तथा सिंचाइ मन्त्रालय, विद्युत विकास विभाग तथा नेपाल विद्युत प्राधिकरणको संयुक्त टोलीले सोमबार आयोजनाको प्रस्तावित निर्माणस्थल र जलाशय क्षेत्रको स्थलगत अवलोकन भ्रमण गरेको छ । 

अवलोकन भ्रमणपछि रामेछापको खाँडादेवी गाउँपालिकाको लुभुघाटमा आयोजित कार्यक्रममा सचिव रहमानले नेपालसँगको सहकार्यमा सुनकोसी तेस्रोलगायतका जलविद्युत आयोजना निर्माण अघि बढाउन बंगलादेश इच्छुक र तयार रहेको बताए । आयोजनाको अनुमानित लागत एक अर्ब ४५ करोड ८० लाख अमेरिकी डलर छ । 

‘दुई देशको लगानीमा पाइलट परियोजनाको रुपमा सुनकोसीलाई अगाडि बढाउन बंगलादेश तयार छ, आयोजनामा लगानीका लागि बंगलादेश इमानदार र गम्भीर छ’, उनले भने, ‘सुनकोसी तेस्रो मात्र हैन, दोलखा र रामेछाप जिल्लामा पहिचान भएको १७२० मेगावाटको खिम्ती शिवालय जलाशययुक्त अर्को आयोजनामा समेत लगानी गर्न इच्छुक छौं, यसका अतिरिक्त बंगलादेशका निजी क्षेत्रले समेत नेपालका निजी क्षेत्रसँग सहकार्य गरी आयोजनाहरूमा लगानी गर्न सक्छन् ।’

ऊर्जा क्षेत्रमा आपसी सहयोगका लागि गठित सचिवस्तरीय संयुक्त निर्देशक समिति र सहसचिवस्तरीय संयुक्त कार्यदलको बैठकमा सुनकोसी आयोजनाका विषयमा विस्तृत छलफल गरेर ठोस निर्णय गरिने उनले बताए । संयुक्त कार्यदलको बुधबार र निर्देशक समितिको बैठक बिहीबार काठमाडौंमा हुने छ । 

नेपालले २५ साउन ०७५ मा भएको संयुक्त कार्यदल र  निर्देशक समितिको तेस्रो बैठकमा जलविद्युत क्षेत्रमा सहकार्यका लागि पाँचवटा जलविद्युत आयोजनाको प्रस्ताव बंगलादेशसमक्ष गरेको थियो ।  बैठकमा पहिलो चरणमा सुनकोसी तेस्रोलाई अगाडि बढाउन आयोजनाको संयुक्त रूपमा स्थलगत भ्रमण गर्ने सहमति भएको थियो । 

कार्यक्रममा रामेछापका संघीय सांसद श्याम श्रेष्ठ, सुनापति गाउँपालिका अध्यक्ष ठूलाकान्छा तामाङ, स्थानीय राजनीतिक दलका नेताहरूलगायतले प्रभावित क्षेत्रको मुहार फेरिने गरी दुई मुलुकका साझा आयोजनाको रूपमा निर्माण गरिनुपर्ने, निर्माण समय नबढ्ने गरी काम हुनुपर्ने र यसका लागि स्थानीय रूपमा आवश्यक सहयोग तथा सहकार्य गर्न तयार रहेको प्रतिबद्धता जनाए । 

ऊर्जा, जलस्रोत तथा सिंचाइ मन्त्रालयका सहसचिव मधुप्रसाद भेटुवालले ऊर्जा क्षेत्रमा सहकार्यका लागि गठित संयन्त्रका बैठकले बंगलादेशसँगको विद्युत व्यापार र सुनकोसी तेस्रो आयोजनामा लगानीको विषयलाई टुंगो लगाउने बताए । 
सुनकोसी आयोजना नेपाल र बंगलादेशको लगानीमा निर्माण गरिने विषय प्रारम्भिक चरणमै रहेको उल्लेख गर्दै नेपाल विद्युत प्राधिकरणका कार्यकारी निर्देशक कुलमान घिसिङले यस्ता आयोजना दुई मुलुकबीच सहकार्य गरी निर्माण गरिनुपर्नेमा जोड दिए । 

विद्युत विकास विभागका महानिर्देशक सन्दिव देव र उपमहानिर्देशक सञ्जय ढुंगेलले आयोजनाको हालसम्मको अध्ययन, विशेषता, प्रभावित क्षेत्रलगायतका विषयमा जानकारी गराएका थिए । विभागले आयोजनाको सम्भाव्यता अध्ययन सम्पन्न गरेको छ । आयोजनाको वातावरणीय प्रभाव मूल्यांकन (इआइए) गरी स्वीकृतिको प्रक्रियामा छ । 

जापान अन्तर्राष्ट्रिय सहयोग नियोग (जाइका)ले कोसी नदी जलस्रोत विकास अध्ययनका क्रममा सन् १९८५ मा आयोजनाको पहिचाहन गरेको थियो । जाइकाले गरेको अध्ययनलाई सन् २०१४ मा अध्यावधिक गरिएको थियो ।

बिपी राजमार्गको नेपालथोकबाट करिब एक किलोमिटर रामेछापको खाँडादेवी र काभ्रेको तेमाल गाउँपालिको सीमानामा पर्ने लुभुघाटमा १८० मिटर अग्लो बाँध निर्माण गरी नदीलाई थुनिने छ । आयोजनाको जलाशय ४५ किलोमिटर माथिसम्म फैलिन्छ । जसअनुसार, सिन्धुपाल्चोकस्थित सुनकोसी नदीतर्फ बलेफी बजारभन्दा माथि र इन्द्रावती नदीतर्फ सिपाघाटसम्म जलाशय फैलिने छ । 

इआइए प्रतिवेदनअनुसार, आयोजनाबाट सिन्धुली, काभ्रे, रामेछाप र सिन्धुपाल्चोकका १३ स्थानीय तहका ४५ वटा वडाहरू प्रभावित हुने छन् । आयोजनाबाट ३२ सय ३७ हेक्टर जग्गा डुवानमा पर्नेछ । यसका लागि ३३ सय हेक्टर निजी जग्गा अधिग्रहण गर्नुपर्ने छ भने ६ सय ५५ हेन्टर वन क्षेत्रको जग्गा पर्नेछ । आयोजनाबाट ११ हजार सात सय जनसंख्या विस्थापित हुने देखिएको छ । वार्षिक रूपमा दुई अर्ब ३५ करोड ६२ लाख युनिट उत्पादन हुने विद्युतमध्ये हिउँदयाममा ६२ करोड २३ लाख युनिट उत्पादन हुने छ । 

काठमाडौं । प्रमुख प्रतिपक्षी दल एमालेको स्थायी समिति बैठक सुरु भएको छ । मंगलबार बिहान साढे ११ बजेपछि पार्टी केन्द्रीय कार्यालय, च्यासलमा स्थायी समिति बैठक सुरु भएको हो ।

प्रतिनिधिसभाको जारी बैठक एक सातासम्म स्थगित गर्न आग्रह गरेर एमाले निर्वाचन केन्द्रित पार्टी गतिविधिमा जुटेको हो । आन्तरिक तयारी पूरा गरेर एमाले निर्वाचनमा होमिने योजनामा रहेको प्रचार विभाग उपप्रमुख विष्णु रिजालले जानकारी दिए ।

एमालेले १२ भदौसम्मको कार्यसूची सार्वजनिक गरेको छ । जसअनुसार मंगलबार स्थायी समिति बैठक, ९ भदौमा पोलिट्ब्युरो बैठक, १० र ११ गते केन्द्रीय कमिटी बैठक तथा १२ भदौमा केन्द्रीय निर्वाचन परिचालन कमिटी बैठक आयोजना गरिने रिजालले बताए । एमालेकै आग्रहमा सभामुख अग्निप्रसाद सापकोटाले आगामी १३ भदौमा बस्ने गरी मंगलबार प्रतिनिधिसभा बैठक स्थगित गरेका छन् ।

एमालेको जारी स्थायी समिति बैठकमा पार्टी अध्यक्ष केपी ओलीले चुनावी रणनीतिबारे आफ्ना धारणा राख्ने भएका छन् । एमालेले ओलीको नेतृत्वमा निर्वाचन परिचालन कमिटी गठन गरेको छ । 

काठमाडौँ । नेपाली नर्सलाई बेलायत पठाउन नेपाल सरकार र बेलायत सरकारबिच आज द्विपक्षीय श्रम सम्झौता हुँदै छ ।

सम्झौतामा नेपालका तर्फबाट श्रम सचिव एकनारायण अर्याल र बेलायत सरकारका तर्फबाट नेपालका लागि बेलायती राजदूत निकोला पोलिटले हस्ताक्षर गर्नेछन् । दिउँसो साढे १२ मन्त्रालयमा हुने एक कार्यक्रमका बिच सम्झौता गरिनेछ ।

बेलायतले नेपालबाट १० हजार नर्सिङ जनशक्ति लैजाने बताएको छ । तर, पहिलो चरणमा थोरै संख्यामा लैजाने गरी सम्झौता हुनेछ । पहिलो चरणमा पठाइएको जनशक्ति सफल भएमा बेलायतले त्यसपछि थप जनशक्ति लैजानेछ ।

बेलायतको नेशनल हेल्थ सर्भिसेस अन्तर्गत स्वास्थ्य संस्थाहरूमा काम गर्नका लागि नेपाली नर्स लैजाने श्रम रोजगार तथा सामाजिक सुरक्षा मन्त्रालयले जनाएको छ ।

नेपालबाट जी टु जी मार्फत नेपाली कामदार पहिलो पटक बेलायत जान लागेका हुन् । गत वर्षको माघमा भएको दुई देशका अधिकारीहरू बिचको छलफलमा १० हजार नेपाली नर्स बेलायत लैजाने सहमति भएको थियो ।

काठमाडौं । काठमाडौं महानगरपालिकाले महानगर क्षेत्रभित्रका अन्डर ग्राउण्ड पार्किङमा राखिएका पसल हटाउन थालेको छ। सोमबार पहिलोपटक नयाँ बानेश्वर क्षेत्रको पार्किङको संरचना हटाएको हो।

सोमबार बिहान काठमाडौं महानगरका प्रमुख बालेन साहको उपस्थितिमा सो पसल हटाइएको प्रमुख साहको स्वकीय सचिव भूपदेव साहले बताए। पार्किङमा अन्य संरचना राख्दा काठमाडौं उपत्यकामा सवारी पार्किङको समस्या भएको महानगरपालिकाले जनाएको छ।

अन्डरग्राउण्ड पार्किङको नक्सा पास गरेर व्‍यापारिक प्रयोजनका लागि प्रयोग भएको भन्दै महानगरले हटाउन आग्रह गरेको हो। यसअघि महानगरले पार्किङ खालि गर्न भन्दै ३५ दिने सूचना जारी गरेको थियो। ट्राफिक प्रहरी, नेपाल प्रहरी र नगर प्रहरी सहितको सहयोगमा सोमबारबाट सो काम सुरु भएको स्वकीय सचिव साहले बताए।

काठमाडौं । नेपाली कांग्रेसले भदौ १० गतेदेखि १४ दिनसम्म ‘जनताको साथमा कांग्रेस अभियान’ सुरु गर्ने भएको छ ।
कांग्रेस प्रवक्ता डा। प्रकाशशरण महतले पत्रकार सम्मेलन गर्दै शनिबार यस्तो जानकारी गराएका हुन् ।

अभियानको पहिलो चरण भदौ १० देखि २४ गतेसम्म रहनेछ भने दोस्रो चरण समानुपातिक उमेदवारी दर्तापछि रहनेछ र तेस्रो तथा निर्णायक चरण प्रत्यक्षतर्फ उमेदवारी दर्तापछि कायम रहनेछ ।

चारवटा उद्देश्य राखेर कांग्रेसले यो अभियान अघि सारेको महतले बताए ।

“मंसिर ४ मा हुने प्रतिनिधि सभा तथा प्रदेश सभा निर्वाचनमा मतदानमा सहभागी भई आफ्नो लोकतान्त्रिक अधिकार प्रयोग गर्न मतदातालाई अपील गर्ने,” उनले भने, “जनताको घर–आगनमा पुग्ने, कांग्रेसलाई जनता के सुनाउन चाहन्छन् सुन्ने, जनताको भावना बुझ्ने । जनताको भावना अनुरुपको रुपान्तरण र विकास परियोजनाहरु बारे जनतासँग विविध ढंगले अन्तरक्रिया गर्ने । कांग्रेसले लिएको नीति, कांग्रेस नेतृत्वमा विगतमा हासिल राजनैतिक र आर्थिक उपलब्धि एवं समसामयिक विषयमा कांग्रेसले लिएका अडानबारे जनतालाई सु–सूचित गर्ने र निर्वाचनमा नेपाली कांग्रेसलाई विजयी गराउने पक्षमा माहौल बनाउने । निर्वाचनमा तालमेल गरेर जानुपरेको बिषय र वस्तुस्थिति पार्टी पंक्ति र जनतासमक्ष राख्ने ।”

अभियानका क्रममा कांग्रेसलाई ‘जनता के सुनाउन चाहन्छन्, के अपेक्षा राख्दछन्’, नागरिक पंक्तिबाट सुझाव लिने कार्यक्रम तय भएको उनले जानकारी गराएका छन् ।
“कार्यक्रममा आफैँ बोल्ने भन्दा पनि अन्तरक्रिया गर्ने र जनताका कुरा सुन्ने हुनुपर्नेछ । सकेसम्म जनताकै आगनमा छलफल गर्ने प्रबन्ध मिलाउनु पर्नेछ,” उनले भनेका छन् ।

यस्तो छ पार्टीको केन्द्रीय कार्यालयमा आयोजित पत्रकार सम्मेलनमा वितरित प्रेस विज्ञप्ति

नेपाली कांग्रेस
‘जनताको साथमा कांग्रेस’ अभियान

अभियानको नाम
‘जनताको साथमा कांग्रेस’ अभियान

अभियानको समयावधि
–पहिलो चरण भाद्र १० देखि वीपी जन्मजयन्ती भाद्र २४ सम्म ।
–दोस्रो चरण समानुपातिक उम्मेदवारी दर्तापछि ।
–तेस्रो र निर्णायक चरण प्रत्यक्ष तर्फ उम्मेदवारी दर्तापछि ।

अभियानको चार उद्देश्य
१. मंसिर ४ मा हुने प्रतिनिधि सभा तथा प्रदेश सभा निर्वाचनमा मतदानमा सहभागी भई आफ्नो लोकतान्त्रिक अधिकार प्रयोग गर्न मतदातालाई अपील गर्ने ।
२. जनताको घर–आगनमा पुग्ने, कांग्रेसलाई जनता के सुनाउन चाहन्छन् सुन्ने, जनताको भावना बुझ्ने । जनताको भावना अनुरुपको रुपान्तरण र विकास परियोजनाहरु बारे जनतासँग विविध ढंगले अन्तरक्रिया गर्ने ।
३. कांग्रेसले लिएको नीति, कांग्रेस नेतृत्वमा विगतमा हासिल राजनैतिक र आर्थिक उपलब्धि एवं समसामयिक विषयमा कांग्रेसले लिएका अडानबारे जनतालाई सु–सूचित गर्ने र निर्वाचनमा नेपाली कांग्रेसलाई विजयी गराउने पक्षमा माहौल बनाउने ।
४० निर्वाचनमा तालमेल गरेर जानुपरेको बिषय र वस्तुस्थिति पार्टी पंक्ति र जनतासमक्ष राख्ने ।

अभियानका लागि केन्द्रीय एवं अन्य तहका प्रतिनिधिहरू
–अभियानका लागि ७७ जिल्लामा केन्द्रीय प्रतिनिधि खटिनेछन् ।
–७ प्रदेश कार्यसमिति, जिल्ला कार्यसमिति, प्रतिनिधि सभा क्षेत्रीय कार्यसमिति, प्रदेश सभा क्षेत्रीय कार्यसमिति एवं पालिका कार्यसमितिहरुले अभियानको प्रभावकारी सफलताका लागि आवश्यकता अनुरुप प्रतिनिधि खटाउने छन् ।

केन्द्रीय प्रतिनिधिको ७ जिम्मेवारी
अभियान शुरु हुनुभन्दा २ दिन अघि नै केन्द्रीय प्रतिनिधिहरू खटिएको जिल्लामा पुग्नु हुनेछ र जिल्ला कार्यसमितिको बैठकमा ‘जनताको साथमा कांग्रेस’ अभियान कार्यक्रम बारे छलफल गरी निम्न कार्यमा सरिक रहनु हुनेछ ।
१. पन्ध्र दिनसम्म चल्ने अभियानमा केन्द्रीय प्रतिनिधिहरु कम्तिमा पाँच दिन तोकिएको जिल्लामा विविध कार्यक्रममा सहभागी हुनु हुनेछ ।
२. जिल्लाको सबै निर्वाचन क्षेत्र ९एक मात्र प्रतिनिधि सभा क्षेत्र भएको जिल्लामा दुवै प्रदेश सभा क्षेत्र० को निश्चित कुनै कार्यक्रममा केन्द्रीय प्रतिनिधिको सहभागी रहनेछ ।
३. एक मात्र प्रतिनिधि सभा निर्वाचन क्षेत्र भएका जिल्लामा जिल्ला समिति र एक भन्दा बढी निर्वाचन क्षेत्र भएका जिल्लामा हरेक प्रतिनिधि सभा क्षेत्रीय कार्यसमिति सहित त्यस क्षेत्र भित्रका महाधिवेशन÷महासमिति÷प्रदेश अधिवेशन प्रतिनिधि, गाउँ–नगरपालिका कार्यसमितिका सभापति, स्थानीय तह निर्वाचनमा निर्वाचित र निर्वाचन लडेका पालिका प्रमुख÷उपप्रमुख र अध्यक्ष÷उपाध्यक्ष, जिल्ला समन्वय समितिका प्रमुख÷उपप्रमुख सहितको बैठक गरी पार्टी पंक्तिलाई सानातिना विवाद र मतभेदहरु भुलेर ऐक्यवद्ध भएर निर्वाचनमा होमिन प्रतिनिधिले प्रेरित र अपील गर्नु हुनेछ ।
४. गठबन्धनमा रहेका दलहरु बिच जिल्लामा समन्वय र सहकार्यको स्थिति मूल्याङ्कन गरि थप सहज बन्न ÷ बनाउन केन्द्रीय प्रतिनिधिले आवश्यक सहजीकरण गर्नु हुनेछ ।
५. निर्वाचनको आचारसंहिता लागू भएपछि इमानदारपुर्वक पालना गर्न पार्टी पंक्तिलाई प्रेरित र प्रतिस्पर्धी दलहरूलाई अपील गर्नुहुनेछ ।
६. अभियानका लागि स्थानीय स्थिति र आवश्यकताका आधारमा विविध थप कार्यक्रम तय गर्न र संगठित रुपले कार्यान्वयन गर्नरगराउन जिल्ला समिति एवं मातहतका समितिहरुलाई सहजीकरण गराउनु हुनेछ ।
७. पार्टीको स्थानीय तहको विजय अभियानलाई असर पुग्ने ढंगले कुनै पनि गतिविधि पार्टीभित्र कोहि कसैबाट भएको थियो, अथवा आगामी निर्वाचनमा असर पुग्ने नकारात्मक गतिविधि कोहि कसैबाट भइरहेकोे सूचना छन् भने त्यसलाई गम्भीरतापूर्वक लिएर त्यसको विवरण संकलन गर्ने ।

अभियान अवधिमा सम्पादन गरिने बिशेष ७ दायित्व
आगामी निर्वाचनमा पार्टीलाई विजयी गराउन यो अभियानको अवधिमा व्यवस्थित ढंगले सम्पादन गर्नुपर्ने ७ जरुरी कार्यहरूबारे पार्टीको आन्तरिक सर्कुलरमा उल्लेख गरिएको छ ।

अभियानमा ७ प्रदेश कार्यसमितिहरूको भूमिका
क. अभियान प्रभावकारी रुपले सफल बनाउन पार्टीको सातवटै प्रदेश कार्यसमितिले आफ्नो प्रदेशमा नेतृत्वदायी महत्त्वपूर्ण भूमिका निर्वाह गर्नेछन् ।
ख. प्रदेश कार्यसमितिले आफ्नो प्रदेश भित्रका सबै प्रदेश सभा क्षेत्रमा प्रतिनिधि खटाउने
छन् ।
ग. प्रदेशबाट खटिने प्रतिनिधिले केन्द्रीय प्रतिनिधि र जिल्ला सभापतिसँग समन्वय गरेर प्रदेशसभा भित्रका कार्यक्रमहरु प्रभावकारी र सफल बनाउन प्रदेश क्षेत्रीय सभापति र कार्यसमितिलाई सहजीकरण र सहयोग गर्नेछन् ।
घ. प्रदेश कार्यसमितिले आफ्नो प्रदेश भित्रको समग्र अभियानलाई सम्पूर्ण अनुगमन गर्नेछ ।
ङ. प्रदेश कार्यसमितिले आफ्नो प्रदेशको अनुकूलता र अपेक्षा अनुरुप अभियानका लागि थप कार्यक्रम तर्जुमा गर्न सक्नेछ ।

अभियानमा जिल्ला कार्यसमितिको भूमिका
१. आफ्नो जिल्लाभित्र अभियानको समग्र समन्वय, अनुगमन र नेतृत्व जिल्ला कार्यसमितिले गर्नेछ ।
२. केन्द्रबाट निर्धारित अभियानलाई ब्यापक सफल बनाउन जिल्ला कार्यसमितिले हरेक क्षेत्रका लागि अभियानको कार्ययोजना तय गर्न क्षेत्रीय कार्यसमिति, प्रदेश क्षेत्रीय समिती र पालिका समितीसंग आवश्यक समन्वय गर्नेछ ।
३. जिल्लाभरका सबै गाउँ–नगरपालिकामा जिल्लाको प्रतिनिधि खटाउनेछ । यसरी खटिएका प्रतिनिधिले केन्द्रीय प्रतिनिधि र प्रदेश प्रतिनिधिसंग समन्वय गर्नेछन् र अभियान भरी तत्–तत् गाउँ–नगरपालिकामा क्रियाशील रहनेछन्, विभिन्न वडा एवं टोलका कार्यक्रम र अभियानमा सहभागी हुनेछन् ।
४. जिल्ला कार्यसमितिले अभियानलाई सफल बनाउन आफु अन्तर्गतका सबै तह एवं भ्रातृ र शुभेच्छुक संस्थाहरू परिचालन गर्नेछ ।

अभियानमा प्रतिनिधि सभा क्षेत्रीय कार्यसमिति र प्रदेश सभा क्षेत्रीय कार्यसमितिको भूमिका
१. केन्द्रीय प्रतिनिधि र प्रदेश प्रतिनिधिको उपस्थितिमा जिल्ला कार्यसमितिसंग समन्वय र गाउँ–नगरसमितिसंगको सहकार्यमा क्षेत्रीय कार्यसमितिले अभियानको कार्ययोजना तयार गर्नेछ ।
२. आफ्नो समिति अन्तर्गतका पदाधिकारी र सदस्यहरूलाई सम्बन्धित वडाभन्दा फरक–फरक वडामा प्रतिनिधि खटाइ परिचालन गर्नेछ । यसरी खटिएका प्रतिनिधिले गाउँ–नगर कार्यसमितिसंग समन्वय गरी वडा कार्यसमितिसंगको सहकार्यमा टोल–टोलको कार्यक्रम तय गर्नेछन् र अभियानभर वडाका अभियानमा क्रियाशील रहनेछन् ।
३. प्रदेश क्षेत्रीय कार्यसमितिले प्रतिनिधि सभा क्षेत्रीय समितिसँगको समन्वय र आफ्नो नेतृत्वमा आफ्नो प्रदेश क्षेत्र भित्रको अभियानलाई प्रभावकारी बनाउन समुहमा बाँडिएर भुमिका निर्वाह गर्नेछन् ।

अभियानमा पालिका कार्यसमितिहरूको भूमिका
१. केन्द्रबाट निर्धारित अभियानलाई ब्यापक रुपले सफल बनाउन सम्पूर्ण एकता साथ परिचालित हुने ।
२. क्षेत्रीय कार्यसमितिले खटाएको प्रतिनिधिसंगको समन्वयमा टोलसम्म अभियान प्रभावकारी बनाउन वडा कार्यसमितिसंग समन्वय गरी हरेक टोलमा प्रतिनिधि खटाउने ।
३. अभियानकै क्रममा वडा टोलका कार्यक्रमका साथै पालिका कार्यसमितिले पालिका स्तरीय एउटा सार्वजनिक कार्यक्रमको संयोजन गर्ने ।
४. अभियानका हरेक गतिविधिको सामाजिक संजाल र स्थानीय संचार माध्यम मार्फत व्यापक प्रचार गर्ने । त्यसका लागि चुस्त प्रचार टिम निर्माण गर्ने ।

अभियान केन्द्रीकृत नभई विकेन्द्रीत गरिने
क. उद्घाटन कार्यक्रम
–भदौ १० गते अभियानको उद्घाटन भिन्न जिल्लामा भिन्न–भिन्न स्वरुपमा गरिने छन् । जिल्लाले स्थानीय स्थिति, समय र सम्भावित प्रभावको आंकलन गरेर कहिँ जिल्ला स्तरीय रुपमा, कहिँ जिल्लाको निर्देशन अनुरुप क्षेत्रीय, प्रदेश क्षेत्रीय, पालिका या जिल्लाभर एकसाथ वडा तहमा उद्घाटन समारोह गर्न सकिनेछ ।
–उद्घाटन समारोह मार्फत अभियानको उद्देश्य बारे सार्वजनिक प्रकाश गरिनेछ ।

ख. हरेक स्थानीय तह, हरेक वडा र हरेक टोलमा कार्यक्रम
–गाउँ–नगरपालिका कार्यसमितिको संयोजनमा अभियानकै बीचमा हरेक स्थानीय तहमा एउटा पालिका स्तरीय सार्वजनिक कार्यक्रम हुनेछ । तर मुलतः सम्पूर्ण अभियान टोल समितिलाई अग्रसर बनाएर टोलकै नेतृत्वमा सम्पन्न गरिनेछ ।

टोल केन्द्रित अभियानको प्रारुप
१. नेपाली कांग्रेसको विधानको धारा ९५० ले टोल कार्यसमितिमा सभापति, उपसभापति, सचिव, कोषाध्यक्ष र सहसचिव सहित वढीमा १५ जना रहने व्यवस्था गरेको छ । विधान बमोजिम गठन गर्नुपर्ने टोल कार्यसमितिले पूर्णता नपाएको भए अभियानको क्रममा टोल समितिलाई पूर्णता दिनुपर्नेछ ।
२. कतिपय टोलका संयोजक पद यो वा त्यो कारणले रिक्त रहेको वा कुनै पदाधिकारी वा सदस्य पद रिक्त भएको भए यो अभियानको यो अवधि पूर्णता दिनुपर्नेछ ।
३. टोल कार्यसमिति भित्र पनि फरक विभाग, जिम्मेवारी बाँडफाँड यस विचमा टुंगो गर्नु पर्नेछ ।
४. टोल कार्यसमितिको बैठक नियमित रुपले निश्चित समयमा बस्ने टुंगो गराई त्यसको शुरुवात गर्नुपर्नेछ । बैठकको निर्णय वडामा पठाउने व्यवस्था मिलाउनु पर्नेछ ।
५. टोल केन्द्रित अभियानका लागि वडा कार्यसमितिसंगको समन्वयमा गाउँ–नगर कार्यसमितिले टोल प्रतिनिधि खटाउनेछ ।
६. अभियानका क्रममा टोलभित्र टोल कार्यसमितिकै ब्यानरमा कम्तिमा एउटा राजनीतिक कार्यक्रम, कम्तिमा एउटा सामाजिक कार्यक्रम, कम्तिमा एउटा मतदाता संवाद ९जसमा विशेषगरी नयाँ मतदाताका कुरा सुन्ने कार्यक्रम०, एउटा विकास संवाद ९. विकास निर्माणका बारेमा छलफल गर्ने०, एउटा युवा संवाद ९युवा मुद्दाका विषयमा सुन्ने०, एउटा महिला संवाद ९महिला समुहहरूसंग महिलाका मुद्दाका वारेमा सुन्ने०, एउटा दलित समुदाय संवाद ९दलित समुदाय र सामाजिक मुद्दावारे छलफल गर्ने० र एउटा क्रियाशील सदस्यहरूसंग संवाद ९पार्टीको सांगठनिक अबस्था विष्लेषण गर्ने० लगायतका कार्यक्रम गर्नुपर्नेछ ।
७. कांग्रेसलाई ‘जनता के सुनाउन चाहन्छन्, के अपेक्षा राख्दछन्’, नागरिक पंक्तिबाट सुझाव लिने । कार्यक्रममा आफै बोल्ने भन्दा पनि अन्तरक्रिया गर्ने र जनताका कुरा सुन्ने हुनुपर्नेछ । सकेसम्म जनताकै आगनमा छलफल गर्ने प्रबन्ध मिलाउनु पर्नेछ ।
८. अभियानका क्रममा ‘ज्येष्ठ नागरिक सम्मान’ देखि ‘उत्कृष्ट कार्यको सम्मान कार्यक्रम’ सम्म । समाजका पुराना अग्रज, शहीद परिवार, द्वन्दकालका घाइते, अवकास प्राप्त शिक्षक, पुराना कृषक, नयाँ कृषि उद्यमी, साहित्यकार, पूर्व राष्ट्रसेवक कर्मचारी, खेलाडी, व्यवसायी आदिको सम्मान गर्ने ।
९. अभियानका दौरान टोलमा संचालन हुने विभिन्न सामाजिक काममा सक्रिय रहने । सामाजिक विकृतिका विरुद्ध अग्रसरता लिने ।
१०. टोलभित्रको घरधुरी संख्या, घर मुली र परिवारका सदस्य, पेसा व्यवसाय, नेपालभित्र विभिन्न जिल्ला र बाहिर रोजगारीको शिलशिलामा गएको भए सो को विवरण लगायत टोलको विस्तृत विवरण संकलन गर्ने । बाहिर रहेका मतदातासंग सम्पर्क र समन्वय गर्न कार्यसमितिको एक जना सदस्यलाई जिम्मेवारी प्रदान गर्ने र आवश्यकता अनुसार सम्पर्क समन्वय गर्ने ।
११. टोलभित्रका कांग्रेस सदस्यहरूको विवरण, मतदाताको विवरण, नयाँ मतदाताको अद्यावद्यिक विवरण राखी उनीहरूको घरदैलोमा पुग्ने, समस्या सुन्ने, संवाद गर्ने, पार्टीका गतिविधिबारे जानकारी दिने। मतदाता विश्लेषण गर्दै फरक टोलको फरक अभिलेख निर्माण गर्ने ।
१२. राष्ट्रिय राजनीतिमा पार्टीले लिएका अडान र एजेण्डाबारे टोलवासीलाई सु–सूचित गर्ने, भ्रम निवारण गर्ने ।
१३. टोल कार्यसमितिका सदस्यलाई निश्चित घर र मतदाता संख्या वाँडफाँड गरी ती मतदातासँग नियमित भेटघाट गर्ने, दुःख सुःखमा सामेल हुने लगायतको जिम्मेवारी दिने ।

अभियानमा भ्रातृ र शुभेच्छुक संस्थाहरूको भूमिका
१० केन्द्रीय समिति कृयाशिल रहेका भ्रातृ र शुभेच्छुक संस्थाहरूले अभियानका लागि आपसमा आवश्यक जिम्मेवारी बाँडफाँड गरेर आफ्नो देशभरको संरचना परिचालन गर्ने ।
२० कतिपय भ्रातृ संघको नयाँ केन्द्रीय समिति गठन हुने क्रममा रहेको हुँदा, गठन हुनु पूर्व ती संघ अन्तर्गतका विभिन्न तहले स्थानीय पार्टी समितिको समन्वयमा अभियानमा परिचालित हुने ।
३० भ्रातृ र शुभेच्छुक संस्थाले आफ्नो संगठनको प्रकृति अनुसारको संरचना, खासगरी स्थानीय तहको वडासम्मको संरचनालाई अभियानको अवधिमा पूर्णता दिने ।

अभियानमा संघीय र प्रदेश राजधानीमा रहेका जिल्ला सम्पर्क समितिहरूको भूमिका
१० सम्पर्क समितिको बैठक गर्ने, समितिको संरचनालाई पूर्णता दिने, समिति अन्तर्गत विभिन्न जिम्मेवारी बाँडफाँड गर्ने ।
२० पार्टीको जिल्ला समितिसँग समन्वय गरेर प्रतिनिधि सभा क्षेत्र, प्रदेश सभा क्षेत्र एवं पालिका तहसम्मको सम्पर्क समिति अभियान क्रममा विस्तार गर्ने ।
३० राजधानी आई अध्ययन, व्यवसाय आदिमा सरिक आफ्नो जिल्लाका नागरिक बीच सम्पर्कमा पुग्ने । विवरण संकलन गर्ने ।

अभियानमा विदेश स्थित नेपाली जनसम्पर्क समितिहरूको जिम्मेवारी
१० विदेश स्थित नेपाली जनसम्पर्क समितिले आफ्नो कर्म क्षेत्रमा रहेका सदस्य, समर्थक र शुभचिन्तकहरूलाई मातृभूमिमा हुन लागेको चुनावमा आ–आफ्नो क्षेत्रमा विविध ढंगले सम्पर्क, सुझाव र सहयोगका लागि सकृय बनाउने ।
२० सामाजिक सञ्जाल मार्फत अभियानलाई बल पु¥याउने ।

अभियानको अनुगमन
अभियान व्यवस्थित र प्रभावकारी बनाउन पार्टीको सबै तहमा अनुगमन समिति गठन गरिनेछन् र ती समितिले कार्यक्रमको कार्यान्वयन अनुगमन तथा कार्यान्वयन पश्चातको प्रभाव समेतको विश्लेषण गरेर पार्टीलाई सुझाव दिनेछन् ।

प्रथम चरणको समापन कार्यक्रम
भदौ २४ गते वीपी जयन्तीका दिन अभियानको पहिलो चरणको समापन कार्यक्रम जिल्लाले निर्धारित गरे बमोजिम केन्द्रीकृत रुपमा अथवा विभिन्न तहमा विकेन्द्रीत ढंगले विभिन्न कार्यक्रमका साथ हुनेछ ।

जय नेपाल

डा. प्रकाशशरण महत
प्रवक्ता

काठमाडौं । नेकपा एकीकृत समाजवादीका अध्यक्ष माधवकुमार नेपालले नेकपा एमालेका अध्यक्ष केपी शर्मा ओलीबारे सकारात्मक कुरा गर्दै नगर्न पार्टीका नेता–कार्यकर्तालाई कडा निर्देशन दिएका छन् ।

शनिबार काठमाडौंमा आयोजित पार्टीको उपत्यका विशेष युवा जिल्ला भेलामा उनले ओलीबारे सकारात्मक हुने खालको कुनै पनि प्रचार नगर्न पार्टीपंक्तिलाई सचेत गराएका हुन् । ओलीबारे ‘पोजिटिभ’ हुने गरी प्रचार गरिए सैह्य नहुने उनको चेतावनी थियो ।

अध्यक्ष नेपालले ‘हामीलाई अपराधी घोषणा गर्ने, देशद्रोही भन्ने, अस्तित्वलाई समेत स्वीकार नगर्ने ओलीलाई मुखभरिको जवाफ दिन’ पार्टीका नेता–कार्यकर्तालाई सक्रिय हुन निर्देशन समेत दिए । उनले एमालेसँग मिल्न जाने कल्पना समेत गर्न नसकिने पटक–पटक दोहोर्‍याए ।

विचार मिल्ने, कुरा मिल्ने वामपन्थी दलहरूसँग एकताबद्ध भएर जाने प्रस्ताव आफ्नो पार्टीले अगाडि बढाइरहेको भन्दै उनले एमालेसँग भने मिल्ने कुनै सम्भावना नभएको बताए ।

“।।।हामीसँग कुरा मिल्ने, विचार मिल्नेहरूसँग एकताबद्ध हुनका लागि हामीले हात अगाडि बढाएका छौँ । हामी अरूसँग विलीन हुने होइन । हाम्रो विरोधीहरूले कुप्रचार गरिरहेका छन्, एमालेमा विलीन हुने भनेर । त्यसमा कुनै सत्यता छैन । हाम्रो पार्टी विचारको आधारमा उभिएको छ । हाम्रो पार्टी आदर्शको आधारमा उभिएको छ,” उनले भने, “त्यसो हुनाले एमालेले जेसुकै बोलोस् । त्यसका नेताहरूले हामीलाई जथाभावी आरोप लगाऊन्, त्यसको हामीले जवाफ दिन सक्नुपर्दछ । झुटको पुलिन्दा बाँडिरहेका छन् । जनतामा भ्रम फैल्याउने कोसिस गरिरहेका छन् । त्यो भ्रमलाई चिर्नुपर्छ हामीले । उनीहरूले लेख्छन् भने पनि काउन्टर जवाफ दिनुपर्छ हामीले । उनीहरूको महिमा गर्ने होइन । केपी ओलीका खुट्टा टाँसीटाँसी हिँड्ने पनि होइन । हामीलाई समाप्त पार्ने कोसिस गरेसम्म हामीले पनि उनीहरूप्रति माया, दया गरेर बस्ने पनि होइन ।”

उनले थपे, “।।।एमालेसँग जाने कल्पना नै गर्न सकिँदैन । जुन पार्टीले हाम्रो अस्तित्व स्वीकार गर्दैन, जसले हामीलाई अपराधी घोषणा गरेको छ, जसले हामीलाई देशद्रोही भनेको छ, त्यस्ता नेताप्रति कुनै किसिमले पोजिटिभ कुराको प्रचारप्रसार कसैले पनि नगर्नू होला । गर्नुहुन्छ भने कुरा बिग्रन्छ, म क्लियर गर्न चाहन्छु, त्यस्ता कुराहरूमा लाग्न जरुरी पनि छैन । बरु, खण्डन गर्ने, सिधै मुखभरिको जवाफ दिने । मुखभरिको जवाफ दिनु भएन भने रक्षात्मक भइन्छ । त्यस्ता मान्छेले केही पनि गर्न सक्दैन ।”

अध्यक्ष नेपालले पार्टी विभाजन भएको बेला गएका ‘१० भाइ’हरूको एमालेमा बिजोग भइरहेको टिप्पणी पनि गरे । एमालेमा बिजोग हुने अवस्था आउने देखेरै आफूहरूले बाध्य भएर नयाँ पार्टी गठन गर्नुपरेको उनको भनाइ थियो ।

काठमाडौं । सत्तासाझेदार दल नेकपा माओवादी केन्द्रको पदाधिकारीले पूर्णता पाएको छ । शनिबार पार्टी केन्द्रीय कार्यालय कोटेश्वर, पेरिसडाँडामा बसेको स्थायी कमिटीको बैठकबाट पदाधिकारी चयन गरिएको हो ।

बैठकका निर्णय सुनाउँदै उपाध्यक्ष कृष्णबहादुर महराले महासचिवमा देव गुरुङलाई चयन गरिएको जानकारी दिए ।

उनका अनुसार उपमहासचिवमा वर्षमान पुन, पम्फा भुसाल, जनार्दन शर्मा, गिरिराजमणि पोखरेल, शक्ति बस्नेत, मात्रिका यादव र हरिबोल गजुरेल चयन भएका छन् ।

यस्तै, सचिवमा दिनानाथ शर्मा, चक्रपाणि खनाल, देवेन्द्र पौडेल, लीलामणि पोखरेल, गणेश साह, हितमान शाक्य, हितराज पाण्डे र डिलाराम आचार्य चयन भएका छन् । कोषाध्यक्षमा राम कार्की चयन भएका छन् ।

“हामीले विशेष महाधिवेशन गर्ने भनेका छौँ, विशेष महाधिवेशनसम्मका लागि पदाधिकारी चयन गरिएको हो,” उनले भने ।

पार्टीको विशेष महाधिवेशन गर्ने निर्णय गरिए पनि त्यसको मिति भने पछि तय गरिने महराले बताए ।

आजको बैठकमा अध्यक्ष पुष्पकमल दाहाल ‘प्रचण्ड’ले पदाधिकारीमा ती नेताका प्रस्ताव गरेका थिए । बैठकबाट नाम पारित गरिएको हो ।

माओवादी केन्द्रको पदाधिकारीमा यसअघि अध्यक्ष प्रचण्डसहित वरिष्ठ उपाध्यक्ष नारायणकाजी श्रेष्ठ र उपाध्यक्ष कृष्णबहादुर महरा मात्र थिए ।

काठमाडौं – दाङको घोराही उपमहानगरपालिका–१० नारायणपुरका सुनचाँदी पसल संचालकलाई ४ महिला र ३ जना पुरुष मिलेर योजनाबद्ध ‘हनी ट्रयाप’मा पारेका छन् । हनी ट्रयापमा पारेको आरोपमा प्रहरीले ४ महिला र एकजना पुरुष सहित ५ जनालाई पक्राउ गरेको छ । योजनामा संलग्न अरु २ जना फरार छन् ।

आरोपीहरुले ट्रयापमा पारेपछि ब्यापारीलाई घोराही उपमहागरपालिका–१३ स्थित बडहरामा लगेर १ लाख नगद र ११ लाख बराबरको चेक लिएर छाडेको दाङका एसपी सुरेश काफ्लेले जानकारी दिए ।

सो कसुरमा संलग्न आरोपमा प्रहरीले घोराही उपमहानगरपालिका–१० बस्ने ३२ वर्षीया पवित्रा डाँगी, ३२ वर्षीया विमला डाँगी, २९ वर्षीया शान्ता नेपाली, २२ वर्षीया शर्मिला नेपाली र रोल्पा घर भएका ४० वर्षीय दिलिप कुमार वलीलाई पक्राउ गरेको छ भने अजय बुढाथोकी र लोकेन्द्र मगर फरार छन् ।साउन २७ मा पक्राउ गरेर उनिहरुलाई अपराधी लाभ लिन नहुने कसुरमा म्याद लिएर प्रहरीले अनुसन्धान गरिरहेको छ ।

यसरी फसेका थिए सुन व्यापारी
दुई महिनाअघि दिलिप कुमार ओलीले नारायणपुर बजारमा बस्ने आफ्नो चिनजानका सुन चाँदी पसल सञ्चालकसँग धेरै पैसा भएको र सो पैसा कसरी तान्ने भनेर शान्ता नेपाली र पवित्रा डाँगीसँग बसेर योजना बनाए । दोस्रो चरणमा उनीहरुले बिमला डाँगीसँग त्यसबारे छलफल गरे ।

शान्ता नेपालीको घरमा छलफल गरेर उनीहरुले शान्ताको नन्द नाता पर्ने प्रमिला नेपाली ‘सर्मिला’लाई तिलहरी बेच्ने बहाना बनाएर सुन पसलमा गएर चिनजान गर्ने र नम्बर मागेर ल्याउने बारे छलफल गरेका थिए । शर्मिलाको घरबार बिग्रेको र पतिसँग पनि नराम्रो भएको हुनाले पैसा आउने आशामा शर्मिला त्यसमा राजी भइन् । त्यसपछि शर्मिला तिलहरी बेच्ने बहानामा सुन पसलमा गएर चिनजान गरिन्, नम्बर लिएर फर्किन् ।

नम्बर पाएपछि शर्मिलाले फोन गरेर ब्यापारीलाई प्रेम जाल फ्याँकिन् । प्रेमको कुरा हुन थाल्यो, बेला बेला होटलमा भेटेर खाजा खाने र गफ गर्ने सामान्य हुन थाल्यो ।

आरोपीहरु त्यसपछि पवित्रा डाँगीको घरमा जम्मा भएर शर्मिला र व्यापारी सँगै बसेको मौका पारेर रकम बार्गेनिङ गर्ने योजनामा पुगे । अनि, प्रमिला नेपालीलाई पवित्रा डाँगीको घरमा डेरा दिएर बस्ने व्यवस्था मिलाएर । पछिल्लो एक महिनादेखि शर्मिला नेपाली पवित्राको घरमा डेरा लिएर बस्न थालिन् ।

पवित्राले योजना सफल बनाउन मान्छे थोरै भएको भनेर अजय बुढाथोकी र लोकेन्द्र मगरलाई पनि टिममा समेटिन् । साउन २४ मा सवैजना बसेर शर्मिलाको कोठामा ब्यापारीलाई बोलाउने सल्लाह गरे । कोठामा आएपछि प्रमिला नेपालीले शान्तालाई कोठामा आएको कुरा जानकारी दिन फोन र म्यासेज गर्ने योजना बनाएको एसपी काफ्लेले जानकारी दिए ।

साउन २६ मा ११ बजे शर्मिलाको डेरामा ति व्यापारी आए । सवैजना गएर ढोका खोल्न लगाएर ‘हाम्रो छोरी चेलीको इज्जतमाथि हात हालिस् रु’ भन्दै मुक्का हान्न शुरु गरे । ३ जना पुरुषले अर्को कोठामा लगेर घोराहीमा रहेको घडेरी मागे । व्यापारी चकित भए । व्यापारीले ‘घडेरी तत्काल नाममा आउन सक्दैन्’ भनेपछि उनीहरुले भोलिपल्ट असार २७ मा ति व्यापारीलाई घोराही उपमहानगरपालिका–१३ बडहरा स्थित ईट्टा भट्टामा लगेर घरमा फोन गरेर पैसा माग्न लगाए । व्यापारीले भतिजलाई फोन गरेर १ लाख नगद र चेक ल्याउन भने । अनि, दुई लाख दरका दुई थान चेक, ७ लाख २० हजारको अर्को चेक र १ लाख नगद लिएर उनीहरुले व्यापारीलाई मुक्त गरेको प्रहरीको अनुसन्धानबाट थाहा भएको छ ।

नगद र चेक साटेर बाँडफाँड गर्नेगरी अजय बुढाथोकीले राखेका थिए । अजय र लोकेन्द्र फरार छन् ।

काठमाडौं । रामेछापको गोकुलगंगा गाउँपालिका–२ ठोसेमा अविरल वर्षासँगै आएको बाढी पहिरोले पाँच वटा घर बगाएको छ।

गएराति ठोसेको एकामफेदी बाहुनटोलस्थित नासिङ खोल्सामा माथिबाट पहिरोसँगै आएको बाढीको कारण पाँच घर बगाएको हो। बाढीले ठोसे एकामफेदी बाहुन टोलका सन्तोष सन्तोष रोक्का, ज्ञान बहादुर रोक्काको घर बगाएको छ।

यसैगरी रमेश रोक्का तथा हरि बहादुर खत्री र धनलल्क्षमी गुरागाईँको घर बगाएको जिल्ला प्रहरी कार्यालय रामेछापका डिएसपी राजकुमार थिङले जानकारी दिए। उनका अनुसार घर बगाए पनि मानविय क्षति भने भएको छैन्। क्षतिको विवरण आउन बाँकी रहेको डिएसपी थिङले बताए।

काठमाडौं । ट्राफिक प्रहरीले काठमाडौं उपत्यकामा एकैदिन २ हजार ९३० जना सवारी चालकलाई कारवाही गरेको छ । 

ट्राफिक नियम उल्लंघन गरेका कारण आइतबार उनीहरुलाई उपत्यकाको विभिन्न स्थानमा कारवाही गरिएको काठमाडौं उपत्यका ट्राफिक प्रहरी कार्यालयले जनाएको छ । 

कारवाहीमा पर्नेमा मादक पदार्थ सेवन गरी सवारी साधन चलाउने १४२, लेन अनुशासन पालना नगर्ने ७२, रेड लाइटमा सवारी साधन चलाउने ८४ र नम्वर प्लेट राम्रोसँग नराख्ने ३८ जना सवारी चालक रहेका छन् ।

यस्तै, २ हजार ५९४ जना सवारी चालकलाई अन्य कारवाही गरिएको कार्यालयले जनाएको छ ।

काठमाडौँ । नेकपा (माओवादी केन्द्र)को स्थायी कमिटी बैठक स्थगित भएको छ । आज दिउँसो एक बजे बस्नेगरी बोलाइएको बैठक भोलि बिहान ८ बजे बस्नेगरी स्थगित भएको अध्यक्ष पुष्पकमल दाहाल प्रचण्डको सचिवालयले जनाएको छ ।

अध्यक्षको कार्यव्यस्थताका कारण बैठक सरेको बताइएको छ । आसन्न मंसिर ४ को संघीय र प्रदेशसभा निर्वाचनको तयारीबारे छलफल, पदाधिकारी चयन, स्थायी कमिटीलाई पूर्णता दिनेबारे छलफल गर्न बैठक बोलाइएको थियो ।

भोलि बस्ने बैठकमा यससँगै राष्ट्रपति विद्यादेवी भण्डारीले नागरिकता विधेयक थप छलफलका लागि संघीय संसदमा फिर्ता पठाएको सन्दर्भमा र नेपाल समाजवादी पार्टीले माओवादी केन्द्रको निर्वाचन चिह्न प्रयोग गर्ने विषयमा पनि छलफल हुने बताइएको छ ।

काठमाडौं । साउनको अन्तिम सोमबार भएकाले आज बिहानैबाट गौशालास्थित पशुपतिनाथको दर्शन गर्नेको घुइँचो लागेको छ । पशुपतिनाथसहित देशभरका शिवालयमा बिहानैबाट दर्शनार्थीको घुइँचो लागेको छ । 

साउन महिनाको सोमबार भगवान शिवको बार भएकाले यस दिनमा भगवान शिवको पूजा आराधना एवम् दर्शन गर्नाले मनोकामना पूरा हुन्छ भन्ने धार्मिक विश्वास छ । साउनको सोमबार शिवलाई शुद्ध जल चढाएर खुसी बनाउन सकिन्छ भन्ने शास्त्रीय मान्यता छ ।

जस कारण साउनको सोमबार व्रत बस्ने र शिवको आराधना गर्ने गरिन्छ । यस पटक साउनमा पाँचवटा सोमबार परेका थियो । यस वर्षको साउनको आज अन्तिम सोमबार हो ।  

साउनको सोमबार व्रत बसेमा मनको इच्छा पूरा भई अटल सौभाग्य प्राप्त हुने धार्मिक विश्वास छ । यो विश्वासमा देशभरका शिवालयमा बिहानैदेखि भक्तजनको भीड लागेको छ ।

काठमाडौं । नेपाली कांग्रेसको निर्वाचन केन्द्रित राष्ट्रव्यापी अभियान छोट्याइएको छ । भदौ २ गतेदेखि २४ गतेसम्मका लागि तय भएको अभियान ८ दिन छोट्टाएर १० गतेदेखि २४ गतेसम्म हुने भएको हो ।

पार्टी केन्द्रीय कार्यालय सानेपामा शनिबार बिहान बसेको बैठकले अभियानलाई छोट्याएर केही दिन पछि सार्ने निर्णय गरेको हो ।

भदौ महिनामै पार्टीबाट निर्वाचित भएका जनप्रतिनिधिका लागि अभिमुखीकरण कार्यक्रम आयोजना गर्ने भएकाले निर्वाचन केन्द्रित कार्यक्रम छोट्याइएको कांग्रेसले जनाएको छ । कांग्रेसका जनप्रतिनिधिको अभिमुखीकरण कार्यक्रम ३० र ३१ गते हुँदैछ ।

काठमाडौं । गृह मन्त्रालयले मिटरब्याजी पीडितहरूलाई उजुरी दर्ता गर्न आग्रह गरेको छ ।

मन्त्रालयले मिटरब्याजीले गरेका अपराध र शोषणविरुद्ध आआफ्नो जिल्लास्थित जिल्ला प्रशासन कार्यालयमा भदौ ५ गतेभित्र बढी तथ्य प्रमाणसहित उजुरी दर्ता गर्न मिटर ब्याजपीडितहरूलाई आग्रह गरेको हो ।

मिटरब्याजी अपराध नियन्त्रणका लागि प्रधानमन्त्री शेरबहादुर देउवाको निर्देशनमा शुक्रबार गृहमन्त्रीस्तरीय निर्णयबाट मिटरब्याजी अपराध नियन्त्रणका उपायहरू सिफारिस गर्न कार्यदल गठन भएको थियो ।

कार्यदल गठन भएको एक घण्टाभित्रै नवलपरासी पश्चिमको प्रतापपुर र सुस्ता गाउँपालिकाबाट सङ्गठित भई काठमाडौं माइतीघर मण्डला क्षेत्रमा धर्ना दिँदै आएको ‘मिटर ब्याज तथा ठगी विरुद्ध किसान मजदुर सङ्घर्ष समिति’सँग जिल्ला प्रशासन कार्यालय, काठमाडौंका प्रमुख जिल्ला अधिकारी समेतको उपस्थितिमा कार्यदलले वार्ता गरेको थियो ।

तराईका अधिकांश जिल्लाहरूमा रहेको गुनासो प्राप्त भएको भएतापनि देशैभरी मिटरब्याजीको जालो फैलिएको हुन सक्ने अवस्थालाई मध्यनजर गरी मिटरब्याजीले गरेका अपराध र शोषणविरुद्ध आ-आफ्नो जिल्लास्थित जिल्ला प्रशासन कार्यालयमा भदौ ५ भित्र यथासम्भव बढी तथ्य प्रमाण सहित उजुरी दर्ता गर्न आग्रह गरिएको डा. भीष्मकुमार भूसालले बताए ।

भैरहवा – तीब्र गतिका कारण दुर्घटना बढ्न थालेपछि न्यूनिकरण गर्न रुपन्देहीमा राडर गनसहित ट्राफिक प्रहरी राजमार्गमा खटिएको छ ।

अत्याधिक गतिमा सवारी चलाउँदा हुन सक्ने दुर्घटना नियन्त्रण गर्न राडर गन ९स्पीड जाँच गर्ने लेजर गन मेसिन० प्रयोग गर्दै कारवार्ही थालिएको हो ।

रुपन्देहीमा भएको दुर्घटना मध्ये ९० प्रतिशत दुर्घटना तीब्र गतिका कारण हुने गरेको तथ्याङक देखिएको छ । उक्त दुर्घटनामध्ये अधिकांश बुटवल भैरहवा सडक खण्डमा तीब्र गतिका कारण हुन थालेपछि दुर्घटना न्यूनिकरण गर्न चेकजाँचमा नयाँ प्रविधि प्रयोग गरेको जिल्ला ट्राफिक प्रहरी कार्यालय रुपन्देहीका प्रमुख प्रहरी निरीक्षक केशव केसीले बताए ।

‘जिल्लाका राजमार्गहरुमा तीब्र गतिले सवारी दुर्घटना बढदै गईरहेकोमा त्यस प्रकारका सवारी दुर्घटना न्यूनिकरण गर्न यो अभियान सुरु गरेका छौ । पहलो दिन ३२ वटा, दोस्रो दिन ३८ वटा र तेस्रो दिन ४२ सवारीसाधन कारवाहीमा परेका छन । राजमार्गमा गुडेका ६० किलोमिटर प्रति घण्टाभन्दा बढी हाँक्ने सवारीलाई कारवाही गरिएको छु,’ प्रमुख केसीले भने ।

रसुवा । रसुवाको गोसाइँकुण्ड गाँउपालिका ५ स्थित गोसाइँकुण्डबाट घर फर्कने क्रममा लेक लागेर बेहोस भएका तीन जनाको सशस्त्र प्रहरीले सकुशल उद्धार गरेको छ ।

बेहोस हुनेहरुमा नुवाकोट जिल्लाको ककनी गाँउपालिका ८ बस्ने ४५ वर्षीय नारायण भण्डारी र सोही जिल्लाको विदुर नगरपालिका ११ बस्ने २० वर्षीय साधना प्याकुरेल र धादिङ जिल्लाको निलकण्ठ नगरपालिका ३ बस्ने १० वर्षीय निर्जीव दुवाडी छन् ।

सो बारे जानकारी प्राप्त भएपश्चात सशस्त्र प्रहरी बल नेपाल नम्बर २० गुल्म रसुवाबाट गएको सशस्त्र प्रहरीले उनीहरुलाई पिठ्युँमा बोकी धुन्चे अस्पताल ल्याउने क्रममा उनीहरुको बाटोमै स्वास्थ्यमा सुधार आएपछि आफन्तको जिम्मा लगाइएको थियो ।

रामेछाप । आदिवासी जनजाती पत्रकार महासंघ (फोनिज) को २३औँ स्थापना दिवसका अवसरमा रामेछापका दुइ पत्रकारलाई सम्मान गरेको छ । उत्कृष्ट आदिवासी जनजाती पत्रकारीता वर्ष पुरस्कार–२०७९ बाट पत्रकार नवराज श्रेष्ठलाई र ‘खोज पत्रकारिता वर्ष पुरस्कार-२०७९’ बाट पत्रकार टिकाप्रसाद भट्टलाई सम्मान गरेको फोनिज रामेछापले सम्मान गरेको हो ।

फोनिज रामेछापले विगत ४ वर्षदेखि उत्कृष्ट आदिवासी जनजाती पत्रकारीता वर्ष पुरस्कारबाट एक पत्रकारलाई सम्मानित गर्दै आएकोमा यो वर्ष बाट ‘खोज पत्रकारिता वर्ष पुरस्कार समेत प्रदान गरेको छ ।

फोनिज रामेछापले नगद रु. १० हजार, दोसल्ला र प्रमाणपत्र सहित उत्कृष्ट आदिवासी जनजाती पत्रकारीता पुरस्कार–२०७९ बाट श्रेष्ठलाई सम्मान गरेको हो । सम्मानित भएका श्रेष्ठ रेडियो इनर्जी १०६.२ मेघाहर्ज मन्थलीका समाचार प्रमुख हुन् भने प्रेस चौतारी नेपाल रामेछापको अध्यक्ष, ग्यालेक्सी फोरके टेलिभिजनका जिल्ला प्रतिनिधी एवं गोरखापत्र दैनिकका जिल्ला रिपोर्टर समेत हुन् ।

यसैगरी आदिवासी जनजातिको मुद्दालाई समाचार मार्फत उजागर गरेको भन्दै खोजपत्रकारीता पुरस्कार २०७९ बाट टिका प्रसाद भट्ट सम्मानित भएका छन् । फोनिज रामेछापले नेपाल रामेछाप जिल्लामा रहि पत्रकारिता गर्ने उत्कष्ट खोजपत्रकारलाई दिईने पुरस्कार २०७९ बाट भट्टलाई नगद ५ हजार सहित दोसल्ला र प्रमाणपत्रद्धारा सम्मान गरेको हो ।
फोनिज जिल्ला अध्यक्ष कुमार श्रेष्ठको अध्यक्षतामा शुक्रबार मन्थलीमा भएको पुरस्कार तथा सम्मान कार्यक्रममा फोनिजका बाग्मति प्रदेश अध्यक्ष युवराज श्रेष्ठ, रामेछाप नगरपालिकाकी उप प्रमुख बालकुमारी कार्की थापा र मन्थली नगरपालिकाकी उप प्रमुख ईश्वरी वस्नेतले उनीहरुलाई सम्मान तथा पुरस्कार प्रदान गरेका हुन ।
कार्यक्रममा आदिबासी जनजाति पत्रकार महासंघका बाग्मती प्रदेश अध्यक्ष युवराज श्रेष्ठ, नेकपा एमाले जिल्ला अध्यक्ष आनन्द श्रेष्ठ, रामेछाप नगरपालिकाकी उप प्रमुख बालकुमारी कार्की थापा, मन्थली नगरपालिकाकी उप प्रमुख ईश्वरी वस्नेत, नेपाल पत्रकार महासंघका बाग्मती प्रदेश कोषाध्यक्ष रमेश ढुंगेल, जिल्ला अध्यक्ष बद्री नयाँघरे, रामेछाप उद्योग वाणिज्य संघका अध्यक्ष केशवप्रसाद घिमिरे, जनजाति महासंघ जिल्ला सचिव श्रीवहादुर माझी, नेपाल प्रेस युनियनका जिल्ला अध्यक्ष अप्रिल अधिकारी, प्रेस चौतारी नेपालका रामेछाप इन्चार्ज युनिक विफा घिसिङ, सम्मानित पत्रकाहरु टीका प्रसाद भट्ट र नबराज श्रेष्ठले पत्रकारीताको क्षेत्रबाट जिल्लाको विकास निर्माण र सामाजिक मुद्धाहरुलाई निष्पक्ष ढंगले उठाउनु पर्नेमा जोड दिएका थिए । समाजका सकरात्मक र नकरात्मक कुरालाई पत्रकारहरुले समान आँखाले हेर्नुपर्नेमा सहभागिहरुले जोड दिएका थिए । कार्यक्रममा पत्रकार सुमित श्रेष्ठले आदिवासी जनजाति पत्रकारहरुको विविध पक्ष समेटेर कार्यपत्र प्रश्तुत गरेका थिए ।

काठमाडौँ । प्रधानमन्त्री शेरबहादुर देउवाले समुन्नत राष्ट्र निर्माणमा युवाहरूको महत्त्वपूर्ण भूमिका हुने बताएका छन् ।

शुक्रबार राष्ट्रिय युवा परिषद्ले अन्तर्राष्ट्रिय युवा दिवसका अवसरमा गरेको एक कार्यक्रमलाई सम्बोधन गर्दै प्रधानमन्त्री देउवाले सरकारले पनि युवा उद्यमशीलतालाई प्राथमिकता दिएको बताएका हुन् ।

प्रधानमन्त्री देउवाले पछिल्लो समय अन्तरपुस्ता सीप हस्तान्तरको चुनौती रहे पनि त्यसलाई अवसरका रूपमा लिँदै अघि बढ्नुपर्ने बताए । त्यस्तै उनले युवाहरूलाई जीवनोपयोगी सीप सिकाइ स्वदेशकै माटोमा जीविकोपार्जनको अवसर दिनुपर्ने उनले बताए ।

त्यस्तै अन्तर्राष्ट्रिय युवा दिवसजस्ता कार्यक्रमले समतामूलक शान्तिपूर्ण समाज निर्माणमा सहयोग पुग्ने पनि उनले बताए ।

तेह्रथुम । जनैपूर्णिमा तेह्रथुमको छथर गाउँपालिकाका धामीझाँक्रीहरूको लागि महान पर्व हो । उनीहरू नाग पञ्चमीदेखि धामी घरघरमा थान लगाएर १० दिनसम्म निरन्तर चिन्ता बस्ने गर्ने गरेका छन् । १० दिनको रात आध्यात्मिक ज्ञान आर्जनका लागि विभिन्न देवस्थलहरुमा गुफा बस्न जाने गरेका छन् । 

यहाँका धामीहरू विषेश गरी मार्गपोखरीमा गुफा बस्ने र ज्ञान लिन गरेको धामी कान्छाबहादुर लिम्बुले बताए । उनी भन्छन्, ‘हामी १० दिनसम्म घरघरमा चिन्ता बस्छौँ । १० दिनको रात गुफा बस्न जाने गुफा बस्न जान्छौँ, नजाने गुरुकोमा जाने गर्छाैँ र पूर्णिमाको दिन शुक्रबार बजारमा रहेको रत्नदेवी मन्दिरमा आएर पूजा गर्छाैँ ।’ 

उनले आफ्ना धेरै चेलाहरूलाई ज्ञान आर्जन गर्न गुफा बसाउन लैजाने गरेका छन् ।  खासगरी भर्खर उत्रिँदै गरेका धामीहरू ज्ञान आर्जनका लागि गुफा बस्ने गर्छन् । सबैले मान्ने गुरुले आफ्ना चेलाहरूलाई आध्यत्मिक ज्ञान आर्जनका लागि गुफा बसाउन लाने गर्छन् । पूर्णिमाको अघिल्लो दिन रात गाउँका सबै धामीहरू भेला भएर गुफा तथा गुरुकोमा पुग्ने गरेका छन् । गुफा बस्न छथरको मार्गपोखरी लगायत विभिन्न देवस्थलहरूमा पुग्ने गरेका छन् । 

 पूर्णिमाको दिन गुफाबाट फर्किएपछि बजारको वरिपरि नाँच्दै घर फर्किने गरेका स्थानीयहरूले बताउने गरेका छन् । तेह्रथुमको छथर शुक्रबारेमा भदौरे पूर्णिमा (जनैपूर्णिमा)को मुख्य आकर्षण नै धामीझाँक्रीको कला प्रर्दशन हो ।

धामीझाँक्रीहरूको मौलिक कलालाई संरक्षण,सम्वर्द्धन तथा प्रोत्साहन गर्न रत्नदेवी युवा सेवा समाज छथर शुक्रबारेले विगतका वर्षदेखि सम्मान कार्यक्रम गर्दै आएको छ । विभिन्न टाउँबाट आएका धामीहरूलाई बजारमा कार्यक्रमका साथ सम्मान रुपमा नगद प्रदान गर्दै आएको समाजका अध्यक्ष अनिल आंखेवाले बताए ।

‘हामीले मौलिक कला,संस्कृतिलाई प्रवर्द्धन, संरक्षण तथा प्रोत्साहन गर्ने उद्देश्यका साथ विगतका वर्षदेखि धामीहरूलाई सम्मान गर्दै आएका छौँ र यस वर्ष पनि गरेका हौँ । हाम्रो सानो सम्मानले धामीहरूलाई प्रोत्साहन पुग्छ भन्ने विश्वास छ,’  उनले भने ।

तेह्रथुम, धनकुटा र पाँचथर लगायतका जिल्लाका धामीहरू भदौरे पूर्णिमा आउने गर्छन । 

साउदीअरब । खाडी मुलुक साउदीअरब मा अवैधानिक रुपमा बसेका ९३ जना नेपालीले बहिर्गमन (एक्जिट) भिसा पाएका छन् ।

रियादस्थित नेपाली दूतावासका अनुसार ५ देखि ११ अगष्टसम्मको अवधिमा रियाद र दमामबाट एक्जिट भिषाका लागि प्रक्रिया थालिएकामध्ये ९३ जना नेपालीले सो भिषा प्रप्त गरेका हुन ।

साउदी अरेबियाका विभिन्न कम्पनी तथा प्रतिष्ठानहरुमा कार्यरत रहँदा साउदी आवासीय अनुमतिपत्र नबनाएका, नवीकरण नगरिएका वा हुरूब लगाइएका नेपालीहरुलाई स्वदेश फर्काउन आवश्यक भिसाका लागि दुतावासले साउदी अरब सबन्धित निकायमा अनुरोध गरेको थियो । जसअनुसार साउदी सरकारले ९३ जना नेपालीलाई सो भिषा उपलब्ध गराएर नेपाल फर्कने बातावरण तय गरिदिएको हो ।

एक्जिट भिसा लागेका नेपालीहरूले दूतावासबाट भिसा लिएर जान र ६० दिनभित्र अनिवार्य रूपमा साउदी अरब छोड्नसमेत रियादस्थित नेपाली दूतावासले निर्देशन दिएको छ ।
 

बैतडी । बैतडीको पुर्चौडी नगरपालिकाको केन्द्रसम्म जोड्ने ढोल्यामोड–हाट सडकखण्ड कालोपत्रेको काम दुई वर्षदेखि अलपत्र परेको छ । दुई वर्षअघि सुरु गरिएको सडक कालोपत्रे काम अहिलेसम्म सम्पन्न गर्न चासो दिइएको छ्र्रैन । समयमै सम्पन्न नहुँदा वर्षातको समयमा यात्रा गर्न असहज भएको छ । 

हिलाम्य सडकको ठाउँठाउँमा पहिरो गएकाले यातायात व्यवसायीले जोखिम मोलेर सवारीसाधन चलाउनुपर्ने बाध्यता रहेको जिप चालक तिलक धामीले बताए । उनले भने, ‘कालोपत्रे भए एक घण्टाभित्रै पुगिनेमा अहिले करिब चार घण्टा लाग्छ । एक दुईपटक आवतजावत गर्दा गाडीका पाटपुर्जाहरू खराब हुन्छन् । करिब दर्जन ठाउँमा पहिरो गइरहन्छ । सडक गुणस्तरीय नभएकाले भाडासमेत बढी लिनुपर्ने बाध्यता छ ।’

जय पृथ्वी राजमार्गको ढोल्यामोडदेखि पुर्चौडी हाटसम्म १९ किलोमिटर सडक कालोपत्रे गर्न कामको अधुरै रहेको हो । ‘तीन वर्षअघि काम सुरु गरेको ठेकेदारका मान्छे वर्षमा एक महिना मात्रै सडकमा देखिन्छन् । काम भएको छैन । स्थानीय मजदुरलाई काम गराएको पैसा दिएको छैन । हाम्रो ठाउँमा विकास हुने भन्दै सामुदायिक वनबाट गिट्टी बालुवा निःशुल्क प्रयोग गर्न दिने निर्णयसमेत गरेर ठेकेदारलाई सहयोग ग¥यौँ । तर, ठेकेदारको अत्तोपत्तो छैन,’ ढोल्यामोडका शैलेन्द्र धानुकले भने ।

यात्रुहरूले अहिले ढोल्यामोडदेखि पुर्चौडी हाटसम्म १९ किलोमिटरको भाडा ५०० रुपैयाँ तिर्नु परिरहेको छ । वर्षा नभएको समयमा बस सञ्चालन हुने यस सडकमा वर्षामा ४ ह्वील ड्राइभ जिप मात्रै चलिरहेकाछन् । पानी परेको दिन भने ठाउँठाउँमा पहिरो जाने भएकाले पहिरो पन्छाउन जिपसँगै डोजर दौडाउनुपर्ने अवस्था छ । 

वर्षातको समयमा पहिरो जाने ठाउँका लागि एउटा डोजर भाडामा लिएर सडकमै खडा राखेको पुर्चौडी नगरपालिकाका प्रमुख प्रशासकीय अधिकृत वीरबहादुर नेपालीले बताए । 

उनले भने, ‘ठेकेदारको लापरबाहीले सडकको हालत बिग्रिएको हो । ठेकेदार सम्पर्कमा समेत छैनन् । किन अलपत्र छाडेको हो केही बुझ्न सकिएको छैन । अहिले गाडीको पछिपछि डोजर दौडाउनुपर्ने बाध्यता छ ।’

कालोपत्रेको काम सुरु गरेर अधुरो छाडेको ठेकेदारले केही ठाउँमा नाली निर्माण र केही ठाउँमा पर्खाल लगाएर छाडेको छ । तर, ठाउँठाउँमा पहिरो खस्ने भएकाले पहिरोमा दैनिक गाडीहरू फस्ने गरेकाछन् । 

ढोल्यामोड–पुर्चौडी सडक कालोपत्रे गर्न ग्वाल्लेक निर्माण सेवाले ठेक्का पाएकोमा निर्माण व्यवसायी दानसिंह रावललाई पेटी ठेकेदार (सब कन्डक्टर)को रुपमा काम दिइएको हो । रावलले वर्षातका कारण काम अवरुद्ध भएको बताए । 

उनले भने, ‘अहिले वर्षातमा काम अवरुद्ध छ । बर्षापछि काम गर्नेछौँ । मेसिनहरू सम्बन्धित् ठाउँमै छन् । आगामी असार मसान्तसम्मको म्याद छ, समयामै काम सक्छौँ ।’ सब कन्डक्टरमार्फत काम गराइरहेका ग्वाल्लेक निर्माण सेवाका सञ्चालक सुरेश चन्दले काम केही दिनमै अघि बढ्ने बताए । 

यता पूर्वाधार विकास कार्यालयले भने उक्त सडकका ठेकेदारले अन्यत्र पनि काम गरिरहेकाले काम अवरुद्ध भएको जनाएको छ । कार्यालयका प्राविधिक नरेश भुलले भने, ‘त्यही ठेकेदारले हाम्रै कार्यालयको काम मेलौलीमा पनि गरिरहेकाले उताको काम सकेपछि पुर्चौडीमा काम गर्नुहुन्छ ।’ १७ करोडको लागतमा केही कामहरू सम्पन्न भइसकेको भुलले बताए । 

महोत्तरी । महोत्तरीको पिपरा गाउँपालिकामा कर्मचारी र जनप्रतिनिधिबाट चरम अनियमितता भएको खुलासा भएको छ । आर्थिक वर्ष २०७७/७८ मा कर्मचारी र जनप्रतिनिधिबाट नै विभिन्न शिर्षकमा चरम अनियमितता भएको खुलासा भएको हो ।

धेरैजसो दैनिक भ्रमण भत्ताका नाममा अनियमितता भएको पाइएको छ । पूर्वउपाध्यक्ष नुनुकुमारी दास आफैँले पिपराबाट बर्दिबास नगरपालिकामा आउन एक पटकमा १३ हजार २०० भत्ता बुझेको पाइएको छ । उनले बर्दिबासमा आउन मात्र २ पटक गरेर २६ हजार ४०० रुपैयाँ बुझेकी छन् ।

स्थानीय तहका पदाधिकारी तथा सदस्यले पाउने सुविधासम्बन्धी ऐन २०७७ को दफा ९, उपदफा ४ मा भएको व्यवस्थाअनुसार पदाधिकारी तथा सदस्यले आफ्नो जिल्ला बाहिर भ्रमण गर्दा मात्र भ्रमण भत्ता पाउने व्यवस्था छ । तर, दासले नियमविपरीत जिल्लाभित्र नै आवतजावत गर्दा भत्ता बुझेकी हुन् । 

अनुगमन भत्तामा समेत तत्कालीन अध्यक्ष र उपाध्यक्षले चरम दुरुपयोग गरेको पाइएको छ । अनुगमनका क्रममा नै पूर्वअध्यक्ष विक्रम चौधरी, पूर्वउपाध्यक्ष दासले मापदण्डविपरित २ लाख १० हजार भत्ताबापत भुक्तानी लिएको देखिन्छ ।  चौधरीले २०७७ पुसदेखि असार २०७८ सम्म १७६ दिन अनुगमन गरेको फर्जी प्रतिवेदन पेस गरेको पाइएको छ भने दासले समेत १७६ दिन नै पेस गरेकी छन् ।

नियमविपरीत पूर्वअध्यक्ष चौधरीले प्रतिपटक ३ हजार बुझेका छन् भने उपाध्यक्षले २५ सय बुझेकी छन् । स्थानीय तहका पदाधिकारी तथा सदस्यहरूले पाउने सुविधासम्बन्धी ऐन २०७७ को दफा ८, उपदफा १ र २ बमोेजिम आफ्नो क्षेत्रभित्र स्थानीय तहले संचालन गरेको आयोजना वा कार्यक्रमको अनुगमन गरेबापत प्रतिमहिना बढीमा ३ पटकको अनुगमन भत्ता पाउने व्यवस्था छ । जसअनुसार उनीहरूले मासिक ३ वटाका दरले ३६ वटाको मात्र अनुगमन भत्ता पाउन सक्छन् ।

अध्यक्ष, उपाध्यक्ष मात्र हैन वडा अध्यक्षहरूले समेत विभिन्न शिर्षकमा चरम अनियमितता गरेको माहालेखा परीक्षकको रिपोर्टमा उल्लेख छ । बिल भर्पाइ नै नगरी गाउँपालिकामा ४४ लाखभन्दा बढी बेरुजु छ ।

बिलबेगर मिलोमतोमा नै वडा अध्यक्ष, वडा सदस्य र कर्मचारीहरूले विभिन्न शिर्षकमा गरि ४४ लाख बेरुजु देखिएको हो । तर, २०७७÷७८ को कुल बेरुजु भने ८२ करोड ३० लाख रहेको छ ।

आर्थिक कार्यविधि तथा वित्तिय उत्तरदायित्व निमावली २०७७ को नियम ३९ मा जिम्मेवार व्यक्तीले सरकारी रकमको भुक्तानी दिनुअघि रित पुगे वा नपुगेको जाँच गर्नुपर्ने व्यवस्था छ । तर, मौखिकरुपमा विभिन्न शिर्षकमा ४४ करोडभन्दा बढी भुक्तानी दिएको माहालेखा परीक्षकको रिपोर्टमा उल्लेख छ ।

भ्रमण आदेश नै नगराई प्रमुख प्रशासकीय अधिकृत सावनकुमार चौधरीले ११ कात्तिक २०७७ मा १६ हजार लिएका छन् भने सु.प्र.अ राजिवकुमार झाले १२ हजार लिएको देखिएको छ । कर्मचारी लखिन्द्र यादवलाई कार्यालयले नै मोटरसाइकल दिएको छ तर लेखा प्रमुखले प्रयोग गरेको भनी गाडीको कागजात विना नै ३४ हजार भुक्तानी भएको छ ।

एउटै एफएम रेडियोलाई ४८ लाख

जनप्रतिनिधि र कर्मचारीको मिलोमतोमा गाउँपालिकाले १ वर्षमा नै ४८ लाख १२ हजार १०५ जलेश्वरनाथ एफ.एमलाई दिएको खुलासा भएको छ । माहालेखा परीक्षकको रिपोर्टअनुसार विभिन्न शिर्षकमा २३ पटक गरेर उक्त रकम भुक्तानी गरेको हो । एउटै बिल २ लाख ३७ हजार ३ सयको छ ।

सार्वजनिक सूचना प्रकाशन तथा प्रकाशन तथा प्रसारण गर्दा सार्वजनिक खरिद ऐन तथा निमावली बमोेजिम बोलपत्र माध्यमबाट सूचना निकाल्ने व्यवस्था छ । तर, विना प्रतिस्पर्धा एफएमलाई उक्त रकम भुक्तानी दिइएको हो । जलेश्वरनाथ एफएमले बिल पेस गर्दा कुनै पनि प्रकारको जिंगल या ब्रोडकास्टिङ्ग रिपोर्ट पेस गरेको छैन । एफएमका व्यवस्थापक बैभव चौधरीले पनि उक्त रकम लिएको  स्वीकार गरेका छन् । ‘प्रक्रियाअनुसार नै उक्त रकम लिएका हौँ,’ उनले भने । 

अनियमितताविरुद्ध कानुनी लडाइँ लड्छौँ : अध्यक्ष यादव

अध्यक्ष रामजानकी यादवले पूर्वजनप्रतिनिधि र कर्मचारीबाट भएका अनियमितताका विषयमा कानुनी उपचार खोजिएको जानकारी दिए । यसअघि नै अख्तियार दुरुपयोग अनुसन्धान आयोगमा रिट हालेको बताउँदै अध्यक्ष यादवले जसरी पनि अनियमितता भएको सम्पूर्ण रकम फिर्ता गराउन प्रयास प्रतिबद्धता जनाए ।

बारा । महागढीमाई नगरपालिका–३ र १० गंजभवानीपुर टोलस्थित विभिन्न घरबाट प्रहरीले करिब १० हजार लिटर अवैध घरेलु मदिरा नष्ट गरेको छ । 

ती घरबाट करिब ८० हजार लिटर मदिरा बनाउन प्रयोग हुने कच्चा पदार्थ समेत बुधबार नष्ट गरिएको प्रहरीले जनाएको छ ।  

जिल्ला प्रहरी कार्यालय बाराबाट खटिएको प्रहरीले स्थानिय प्रतिनिधिहरूको रोहवरमा अस्वस्थकर र न्यूनगुणस्तरको रक्सी उत्पादन गर्न प्रयोग गरिएका  अवैध भट्टीहरू, मदिरा र मदिरा बनाउन प्रयोग हुने कच्चा पदार्थ नष्ट गरेको हो । 

रक्सी उत्पादन गर्ने मेसिन, भाडाकुडा र ड्रमहरू नियन्त्रणमा लिई थप अनुसन्धान अगाडि बढाइएको जिल्ला प्रहरी कार्यालय ब�