रामेछाप । नेपाल आदिवासी जनजाती पत्रकार महासंघ (फोनिज) बागमती प्रदेशको दोस्रो महाधिबेशन मकवानपुरको हेटौडामा हुने भएको छ । रामेछापको सदरमुकाम मन्थलीमा भएको (फोनिज) बागमती प्रदेशको छैठौं पूर्ण बैठकले पौष २१ र २२ गते हेटौडामा दोस्रो अधिबेशन गर्ने निर्णय गरेको हो ।
सोमबार र मंगलबार बसेको प्रदेशको भेलाले अधिबेशन सम्पन्न गर्न बिभिन्न समिती उपसमिती बनाउदै दोस्रो अधिबेशन हेटौंडामा गर्ने तयारी गरेको हो । फोनिजका प्रदेश अध्यक्ष पेमा लामाको अध्यक्षतामा मन्थलीमा २ दिन सम्म चलेको पूर्ण बैठकमा फोनिजका संघिय कोषध्यक्ष अम्बरधोज लामा, प्रदेश इन्चार्ज समिर बलामी प्रदेश समितीका पदाधिकारी तथा सदस्यहरु,जिल्लाका बर्तमान अध्यक्ष र नि वर्तमान अध्यक्षतामा सम्पन्न भएको हो । बैठकमा जिल्ला अध्यक्ष तथा जिल्ला प्रतिनिधीहरुले जिल्लाको अवस्थाको बारेमा प्रदेशलाई जानकारी गराएको थियो । बैठकले सबै जिल्लालाई प्रदेश अधिबेशन सम्पन्न गर्न लागी पर्न आग्रह समेत गरेको छ ।
