रामेछाप – रामेछापको लिखु तामाकोशि गाउँपालिकाको अध्यक्ष पदमा नेपाली काँग्रेसका युवानेता भोजराज खड्का (सुन्दर) को उम्मेदवारी घोषणाले चर्चा बटुलेको छ । खड्काले लिखुतामाकोशी गाउँपालिकाको अध्यक्ष आफुले जित्ने दावि गर्दै आएका छन् ।
नेपाली काँग्रेस लिखुतामाकोशी गाउँपालिका सभापति समेत रहेका भोजराज खड्का (सुन्दर) सहित सो पालिकाबाट कृष्ण महत र केशव महत समेत सिफारिस भएर आएका छन् ।
‘२०७४ सालको स्थानिय निर्वाचनमा नेपाली कांग्रेसको लज्जास्पद हारलाई अब जीतमा बदल्ने बेला भएको छ । कम्युनिष्टले आफ्नो लालकिल्ला सम्झेको पालिकामा उसको किल्ला म भत्काउँछु । लिखुतामाकोशी गाउँपालिकामा पालिका अध्यक्ष जित्ने एक्लो उम्मेद्वार म नै हो । नेपाली कांग्रेसको नेतृत्वमा पालिका सरकार नहुँदा यहाँको जनताले पाएको दुख कष्ट चिर्नका लागि मैले उम्मेद्वारी घोषणा गरेको हुँ। यो पालिकामा नेपाली कांग्रेसको तर्फबाट उम्मेद्वार भएर जीत हाँसिल गर्ने आधार र जीत पछि पालिकाको विकास योजना म सँग छ ।’ खड्काले भने ।
बानेश्वर क्याम्पस नेपाल विद्यार्थी संघका उपाध्यक्ष, नेपाली कांग्रेस रामेछापका जिल्ला सदस्य भै भइसकेका काँग्रेसका लिखुतामाकोशी गाउँपालिका सभापति खड्का निर्वाचनमा माहौल वनाउन माहिर छन् । नियमित संगठन गर्ने र नागरीकको सुखदुखमा रमाउन जान्ने खड्कालाई नागरिकहरूले पनि रुचाएको देखिन्छ । काँग्रेसमा लिखुतामाकोशी गाउँपालिका हाक्ने अनुहारमा उनको नाम चर्चामा छ । खड्काले निर्वाचन जित्ने कुरामा कार्यकर्ताहरु बढीनै आशावादी रहेका छन् ।
